% Text title            : anAditvapariShkAraH
% File name             : anAditvapariShkAraH.itx
% Category              : misc, sachchidAnanda-shivAbhinava-nRisiMhabhAratI
% Location              : doc\_z\_misc\_general
% Author                : Sachchidananda Shivabhinava Nrisimha Bharati Swamigal
% Proofread by          : PSA Easwaran psawaswaran at gmail.com
% Latest update         : November 9, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Anaditvaparishkarah ..}##
\itxtitle{.. anAditvapariShkAraH ..}##\endtitles ##
anAdyavidyAsachivaH karoti ya idaM jagat |
sa pAyAdanukampArdrachetAMshchandrArdhashekharaH || 1||

nanu kimidamanAditvamavidyAyAH? na tAva\-
tprAgabhAvApratiyogitvaM\, prAgabhAve.ativyApteH |
kiM cha\, siddhAnte mUlAvidyAyAM lakShaNasamanvaye.api
tUlAvidyAnAM sAditvAttAsvavyAptishcha | na
cha \ldq{}mAyAM tu prakR^itiM vidyAt\rdq{} ityAdishrutyA
mAyaikatvapratipAdanAt\, mAyAvidyayoshchaikyAt\,
mUlAvidyAyA eva lakShyatvamiti tUlAvidyAsu
lakShaNAsattvamiShTameveti vAchyam; \ldq{}indro
mAyAbhiH pururUpa Iyate\rdq{} ityAdishrutyaikavAkyatA\-
sampattaye \ldq{}mAyAM tu\rdq{} ityAdishrutyantargataikavachanasya
jAtyekaparatayaiva neyatvAt | na cha vinigamanA\-
viraheNa \ldq{}mAyAM tu\rdq{} ityAdishrutyaikavAkyatAsampattaye
\ldq{}indro mAyAbhiH\rdq{} ityAdishrutyantargatabahuvachanasya
mAyAvR^ittigatabahutvaparatvamevochitamiti vAchyam;
evaM \ldq{}ayamanAdirananto naisargiko.adhyAsaH\rdq{} ityAdi\-
bhAShyavirodhApatteH | tatratyAdhyAsapadasyAvidyAparatvAt |
na cha bhAShyasthAnantapadaM nAnekatvavishiShTaparaM\, api tu
nAsharahitaparamiti vAchyam; tathA sati \ldq{}asyAnarthahetoH
prahANAya\rdq{} ityadhyAsanAshapratipAdakabhAShyavirodhApatteH |
tasmAt \ldq{}indro mAyAbhiH\rdq{} ityAdishrutisthabahuvachanaM
na mAyAvR^ittigatabahutvaparaM\, kintu mAyAbahutvaparameveti
tUlAvidyAnAmapi lakShyatvasyA~NgIkR^itatayA tAsu cha
prAgabhAvApratiyogitvarUpAnAditvasyAbhAvAdavyApte\-
rduraddharatayA na prAgabhAvApratiyogitvamanAditvam |
na cha tAsAM pravAhato.anAditvamiti sha~NkyaM; pratyekamavidyA\-
vyaktInAM sAditvAt\, pravAhasya chAvastutvAditi chet |
atra kechit\- \ldq{}kAlatvavyApakatAvachChedakAvidyAkatvameva
pravAhato.anAditvaM\, kAlatvaM chAvidyAchitsambandhaH |
itthaM cha yatrAvidyAchitsambandharUpakAlatbaM tatrAvidyAtvA\-
vachChinnA kAchidvyaktistiShThatyeva | sambandhasattvasya
sambandhisattvavyApyatvAt\rdq{} ityAhuH | tanna; avidyAtve
kAlatvavyApakatAvachChedakatvaM hi kAlatvAdhikaraNa\-
vR^ityatyantAbhAvapratiyogitAnavachChedakatvameva | tathA
chAvidyAchitsambandharUpakAlatvavigame.api brahmaNi
tadadhikaraNatvaM nApaiti | yathA ghaTa utpattikShaNA\-
vachChedena gandhAbhAve.api gandhAdhikaraNatbaM na hIyate |
itthaM cha niruktakAlatvAdhikaraNe brahmaNi muktatAdashAyAM
kasyAshchidapyavidyAtvAvaChinnavyakterabhAvAt avidyAtvasya
niruktakAlatvavyApakatAvachChedakatvAsambhavAt ||

gurucharaNAstu\-\-pravAhato anAditvaM nAma\-\-
svaprAgabhAvAdhikaraNakAlatvavyApakasvasajAtIyakatvam |
yadrUpAvachChinne lakShaNaM sa~NgamanIyaM tadrUpAvachChinnameva
svapadArthaH | svapadetAvidyAvyakteH parigrahe
svaprAgabhAvAdhikaraNakAlatvaM svapUrvakAle tatra
chAvidyAtvena svasajAtIyavyakterniyamena sattvAllakShaNa\-
samanvayaH | svaprAgabhAvAdhikaraNakAlatvamityasya
sAmAnAdhikaraNyasambandhena svaprAgabhAvavishiShTa\-
kAlatvamityarthaH | tathA cha muktadashAyAM brahmaNi
kAlatvAdhikaraNatvasattve.api svaprAgabhAvAbhAvAnna
pUrvoktadoShAvakAshaH ||
yadi kashchidbrUyAt\-\- \ldq{}siddhAnte prAgabhAvAna~NgIkAreNa
prAgabhAvaghaTito.ayaM pariShkAro na sAdhIyAn\rdq{} iti\,
taM pratibrUyAt\-\- siddhAnte.apyasatkAryavAdApattibhiyA
kAryANAM prAgabhAvasthAnApannAyAH prAgavasthAyAH
svIkAryatvAt | anyathA\, mR^idyeva ghaTaH\, kShIra eva
dadhItyAdiniyamabha~Ngaprasa~NgAt | tadetat \ldq{}yukteH
shabdAntarAchcha\rdq{} iti sUtravyAkhyAnAvasare bhagavatpAdai\-
rabhyadhAyi | tathA cha pUrvoktapariShkAre prAgabhAvasthAne
prAgavasthAyA eva niveshanIyatvena uktapariShkArasya
nirduShTatvAt | adhikamanyatrAnusandheyamiti prAhuH ||

anAditvapariShkArAdavidyAyA yathAmati |
tuShyantu sudhiyastvanyaguNaikakR^itadR^iShTayaH || 1||

aivaM vA vinyAsaH\-
prIyatAM girijAchittasaroruhadivAkaraH || 2||

iti shR^i~Ngeri shrIjagadguru shrIsachchidAnandashivAbhinavanR^isiMha\-
bhAratIsvAmibhiH virachitaH anAditvapariShkAraH samAptaH |

##
Proofread by PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}