% Text title            : Anubhava Trimshat Shloki
% File name             : anubhavatriMshachChlokI.itx
% Category              : misc
% Location              : doc\_z\_misc\_general
% Author                : Krishnananda Saraswati
% Proofread by          : Rajesh Thyagarajan
% Description/comments  : Minor works of Shri Krishnananda Saraswati
% Latest update         : November 6, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Anubhava Trimshat Shloki ..}##
\itxtitle{.. anubhavatriMshachChlokI ..}##\endtitles ##
AdhAyendriyavahnipa~nchakamabhiprajvAlya rAgendhanai\-
shshabdAdInviShayAn havIMShi manasA sa~Nkalpya kAmasruchA |
yasyai juhvadapArabhoga paramAnandena sanmuchyate
tasyaite parasaMvide bhagavati prANeshvarAyai namaH || 1||
na kartavyaM yeShAM kimapi hR^idaye limpati rasaM
vidhAnavyAsedhavyatigamanaja~NghAlamanasAm |
jayantyete dhanyAH paramavahitAsheShakaraNAH
parAnandAsvAdasvarasaguNavij~nAnamadhurAH || 2||
upAvR^ittairakShairidamanidamAmarshavikalaM
kalAsheShendvAbhaM galitakaraNIyetaramalam |
asa~NkalpaspandAdalasa parivAha paravidA\-
manAlambaM chetaH paramapi paraM chumbati na vA || 3||
vidyAvidyutiteva vidyudachirAdAlInamandhaM tama\-
sApi svodayanissahAtmabharaNA dUre chirasthAyikA |
nAkAshaM na disho.athavA na taraNirnApInduvaishvAnarau
pArevA~NmanasAspadaM tu paramavyomaikamojAyate || 4||
guNatAvartatrinayanamahAbhIShaNamukhI
mamatvAhammAnadvayakuTiladaMShTrAgravikaTA |
karAlA kApyeShA kavalayati hA kAlarajanI
pramatto loko.ayaM bhramati viShayAshAparavasham || 5||
sukhAshIradhyastAmapi bata na pashyAmi viShayai \-
ranusyUtodIteravadhimasukhollolavitateH |
amIShAmakShANAmanupashamashikShAvidhijupA\-
mabhadraikodarkA vinayamanumanyeta ka iva || 6||
ArujyavyavahAragocharacharANyakShANya vikShepataH
pratyAsajya yathopapAdaviShayeShva~NgasthitiM karmasu |
kAryAkAryavichAradurgatidashA muttIrya cheto.achirA\-
daudAsInyarasAyanasya suhitaM nirvANamAsIdati || 7||
saMyamyAkShANyasubhirabahirbhAvanAgandhamanta\-
ssatve shAntipraNayini samAsajya nirleshalInam |
AtmaikAntAvasitamahimajyotirAnandasAndraM
dagdhaidhAgnipratimamayate chetano brahmabhUyam || 8||
akShANi prasarantu nAma viShayeShvakShAmakAmodbaNaM
chetashchAnuvidhIyatAmanukalaM tAneva sa~Nkalpayat |
bhu~NktAmarpitabhogamebhirapi tairyasyopakAraH paraM
pratyagjyotirahaM tadasmi yadidaM dedIpyate kevalam || 9||
pratyAsIdati yAvadindriyapadaM prAchIna saMskArata\-
shchetashchetitumAchitAM suvividhAmArabdhabhogakriyAm |
lohaM jAmbanadAvasheShamiva chidviddhaM sabAhyAntaraM
pratyakchityavabhAsasheShamakhilaM tattAvadAlIyate || 10||
jakShakrIDanratimanubhavanvA vadhUbhirvayasyai\-
rantarjyotistanumupajanaM prasmarannAtakAmaH |
pratyagjyotirgalitakaraNasvakriyAkAryabhedo
na vyAsedhanna vidhimathavA bud.hdhyate siddhayogI || 11||
virama virama kAryAkAryasa~NkalpashilpAdayi hR^idaya durAyAsadAyAvasAyAt |
parichinu parishAntiM pratyavekShasva kAlaM niyamitanijayatnaM nityamArabdhabhogAt || 12||
anusyUtaM yattadvyatibhiduranAmArtharachane
jagatyekAkAraM sadidamiti sadbhAvaviditam |
paraM dhAmAsmIti pratipadayamAnaH pratipadaM
padaM bhUmAnandaM vipadapadamAsIdati pumAn || 13||
vimR^ishatu padamantarvidyayA tatpadaM vA guNayatu guNabhoge vaiguNImudbaNAM vA |
samupanamati sAkShAdakShanirveshapadyAM viShayaviShakR^ishAnau viplavante vivekAH || 14||
ArabdhabhogaphalamArChati yadyavidyA vidyodaye.api na punarbhavabhAvahetuH |
nirbIjanIrasaphalA nikuchatprasUnA paryAptapallavadashA jaratI lateva || 15||
karabadaravadvishvaM pashyanvinashvaramAvidherakaraNavasha~nchetaH kurvankutUhalakuNThitam |
vigalitabahirvyApAreNa dhruveNa samAdhinA nijasukhapade nistraiguNye sukhaM viharAmyaham ||
yaH smarturna punastameti hR^idayaM bhogAvasAnakShaNe\-
.apyakShispandalavAyureva sakalo bhogakShaNo yasya cha |
AstAM pUrvadashA parA cha sahajAyAsastadAtve.api yaH
tasmai kaH spR^ihayAlurastu viShayAnandAya mandAdR^ite || 17||
pashyAmo bhuvanaM bhavArNavamahAvarteShvidaM bambhrama\-
dbindushchAsukhaviplavodadhitarIM vidyAM parabrahmaNaH |
shAntinnassukarAmushanti nigamA vidyA nidAnaM vayaM
vA~nChAmaH kathamAdimadhyanidhaneShvAyAsamAtraM sukham || 18||
AyAsairadhikairmanastanugirAmAptavyamalpaM phalaM
shAntyA kevalayA paraM sukhamanAyAsena labdhuM kShamam |
aMho pashyata sannirasya rasanAmR^ile sudhAsyandikAM
prAptuM vA~nChati bhasmamodakamayaH prAkArabha~NgashramaiH || 19||
nAyaM loko mama bhogyaH pradiShTo bhaktA bha~NktA bhu~njate yatra lokaH |
so.asau loko mama bhogyaH pradiShTo yasmin lokA nihitA lokinashcha || 20||
jIrNashshIrNA~Ngasandhirna vichalati rathaH sArathiH sArahInaH
sannA eva pratunnA api cha na harayo gochareShu kramante |
gADhAdhI ratyadhIrastadapi cha viShayAnbhoktumAyoktukAmo
yastasmai sUrjitAya praNatiriyamasau mohavisphUrjitAya || 21||
lulitollalitavilAsaM kalivotkalikAtmasambodham |
Akalayan jagadakhilaM shAntAhantAdhirAcharAmi mahIm || 22||
sAdhusamIrasadharmA shubhamashubhaM vA spR^ishannasa~NgagatiH |
nihnutanikhilavisheSho vicharAmi mahIM vidhUtavidhimohaH || 23||
bhArAkAntA dharaNirudadhau lolakallolajAle
dR^iShTAdR^iShTaM viluThati yathA majjanonmajjanAbhyAm |
AnandAbdhau jagadapi tathA tatvabodhAbhibhUtaM
dvaitAdvaitavyapagatatanau dR^ishyate chitsvabhAve || 24||
nidrAmudrAshlayanasamaye bhAti kumbhAdi yadvat
tadvanmAyAvilasitamamuM lokamAlokamAnaH |
antashshAntAkhilaviShayadhIra~njitAnandabodhaH
prAptaM prAptaM samamanubhavan gUDhadharmashvarAmi || 25||
chitte bhittau chitrakarmeva dR^ishyaM dR^ishyAdR^ishyaM bodhataH kAlabhedAt |
pashyannAtmakrIDanaH paryaTAmi prAptaM prAptaM bhogamAsevamAnaH || 26||
paracharitamanindyaM pApakaM nAbhinandyaM
parahitamanuvarNyaM pAralaukyaM vidheyam |
suhR^idupacharaNIyaM sUnR^itaM tveva vAchyaM
vratamidamupadiShTaM kena vA sajjanAnAm || 27||
sarvAtmanA vayasi nirgalite nisargajIrNe jarAvalibhirAvalite sharIre |
yadbheShajAcharaNamasya vimUDhabuddherurvArukasya paramAyasapaTTabandhaH || 28||
itaretarayogaparadvandvaM netAha bhoginAmatanuH |
prAchorjAyApatyoH kathamekatayA na yatsamAhAraH || 29||
aha~NkArottIrNA vigataviShayAshleShakaluShA
dR^ishissattAmAtrasphuraNaparisheShAtmamahimA |
girAM dUre tatvaM kimapi paramAtmeti tamasaH
parastAdAtmA me jagadapagirantI vijayate || 30||
nirmaryAdasukha~ncha dharmamamarAshAsya~ncha sammAnanaM
viShvakkIrtimamIbadaraviShayaM vIrya~ncha pAre girAm |
yanmUlaM sakalaM vadanti yatayastadbrahmacharyavrataM
mohena shlathayanti mUDhamatayo nirvANanishreNikAm || 31||
shrIrAmabhadrayogIndracharaNAmbujareNunA |
anubhavatriMshachChlokI kR^iShNAnandena nirmitA || 32||

iti kR^iShNAnandakR^itiShu anubhava triMshachChlokI sampUrNA ||
##

Proofread by Rajesh Thyagarajan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}