% Text title            : Bharata Gitam 1
% File name             : bhAratagItam.itx
% Category              : misc, sanskritgeet
% Location              : doc\_z\_misc\_general
% Proofread by          : Hardika Chaba
% Description/comments  : Sahrudaya Volume 1 Sri Vani Vilas Press
% Latest update         : February 15, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Bharatagitam ..}##
\itxtitle{.. bhAratagItam ..}##\endtitles ##
shrImatsamastasampatsamR^iddhisampUrNaramyatotkarSham |
hR^idyAnavadyavidyAvidyoti vibhAti bhArataM varSham || 1||
sahakAranAlikerAgarupATIrAdimataruvararuchiram |
phalavinatakalamashAlikShetravyAkhyAtasArasarvasvam || 2||
nAnAkalAkalApaprachAravistArikIrtikamanIyam |
deshAntarAnukAryapraguNapariShkArasAraramaNIyam || 3||
pratidinamadhIyamAnashrutiparipUtAgrahAramahanIyam |
ShaDdarshanIpaTiShThadvijagoShThIchintyamAnashAstrArtham || 4||
vaidikakarmaThavidvatpariShadanuShThIyamAnabahuyAgam |
anavaratamuditanirjarabhAvitasasyAdisampadabhirAmam || 5||
atra virAjati gaurIgururachyutamUrtirAshrayo jagatAm |
vyomAvagAhipAdaH surasaridavatArakAraNaM himavAn || 6||
yaM kila yaj~nA~NgakhaniM dharaNIdharaNakShamasvasArADhyam |
parikalitayaj~nabhAgaM shailAdhipatiM prajApatirvyadhita || 7||
yatra mahAmahimAno viShayavidUrA mahAtmAnaH |
bhagavad.hdhyAnaikaparAstapyante tepire cha tapsyante || 8||
shrIkhaNDakhaNDajanibhUragastyavAsAtipAvanoddeshaH |
dakShiNasamIrasUtirlasatitarAM malayashailo.atra || 9||
yA kApilakopAnalashalabhAyitasagaranR^ipatitanayAnAm |
tridivAdhirohalIlAkalpitadR^iDhapuNyarajjunishreNiH || 10||
yAM kila haricharaNAruNasarasijaniShyandimadhuramadhudhArAM
Asevya sukR^itilokastApaM vijahAti sarvataH prasR^itam || 11||
bahutIrthashobhamAnA sa~NgatayamunA sarasvatIruchirA |
prathamA mahAnadInAM pravahati sApyatra pAvanI ga~NgA || 12||
mAteva poShayantI payasA cholAnabAdhama~NkagatAn |
shrIra~Ngasa~Ngasa~Ngatama~Ngalatu~NgAtra vahati kAverI || 13||
muktAkalitaM tIrthe dadhatI virajeva yAvagAhijanAn |
muktAmayAnvitanute pravahati saridatra tAmraparNI sA || 14||
yasminvinyasya padaM suralokAdbhAratIdevI |
svayamavatatAra bhUmAvatrAbhUtkaviguruH sa vAlmIkiH || 15||
sUktisudhArasadAnAdakhilAnAmodayanvibudhAn |
rUpAntaragataviShNuH kR^iShNadvaipAyano.atra sa~njaj~ne || 16||
sUryAchandramasAviva santamasaM yau vidhUnuto jagataH |
tAbhyAM pUtaM bhAratavarShe varNayatu kaH katha~NkAram || 17|
dehasya vA~Nmanasayorapi malamunmUlitaM yena |
tena pata~njalinedaM varShamabhUShyAtmano januShA || 18|
AsthiShata karmaNaiva hi saMsiddhiM brahmavAdino ye te |
janakAdayo mahAnto varShamidaM j~nAnapUrNamataniShata || 19||
shrIsha~NkararAmAnujamadhvAchAryA avAtarannatra |
ye kila sopAnatatiM niramAsata muktisaudhamadhiroDhum || 20||
yadgathitasUktimAlA sudR^ishAM pratideshamullasati kaNThe |
kavilokasArvabhaumaH kIrtyA reje sa kAlidAso.atra || 21||
vAchAM vihArabhavanaM prasannagambhIrasarasamadhurANAm |
bANakaviratra jaj~ne yaH kila sArasvataM pauMssnam || 22||
duShkarasa~NgaradhIro nItividAM j~nAninAM cha dhaureyaH |
svachChandamR^ityurAsIdatra mahAtmA sa gA~NgeyaH || 23||
satyaparipAlanAya vyakrINAdyaH kalatraputrau svau |
chaNDAlaki~Nkaro.abhUtsvayamiha so.abhUnmahAnharishchandraH || 24||
pitR^ivAkyapAlanarato yo vanamadhyAsta dhanvinAM dhuryaH |
niyataikadAracharyo dharmAtmA so.ajanIha raghuvaryaH || 25||
medhAvihArivAchA nanditavijayaH surendrashivadAtA |
gokulalAlanapAlo mohanatilako.anujagR^iha iha kR^iShNaH || 26||
karmaj~nAnaprapadanayogairaudAryavIryashIlaguNaiH
vidyAvivekashilpairvarShamidaM prAgadidyutanbahavaH || 27||

iti kR^iShNammAchAryarachitaM bhAratagItaM sampUrNam |


atra padye upalakShaNatayA mahAmahimnAM bahUnAM svadeshAbhimAninAM
nAmAnyapi prakR^itAnuguNyAvirodhena ghaTitAni santi | ## verse 26 ##
\- medhA pi\. em\. medhAmahAshayaH
\- vihArI DAkTara rAShbihArighoShaH
\- vAchA Di\. i\. vAchChA
\- nandi e\. nandi
\- vijayaH si\. vijayaraghavAchAryaH
\- surendraH surendranAthabAnarjI
\- shivaH pi\. es\. shivasvAmyAryaH
\- dAtA suprasiddhaH dAtAbAy naurojI mahAshayaH
\- TATAmahAshayaH
\- Ara\. si\. DaTprabhR^itayashcha
\- gokulaH gopAlakR^iShNagokhale mahodayaH
\- lAla lAlpadaghaTitAH lAlA lajapatirAy lAlmohanaghoSh prabhR^itayaH
\- pAlaH vipinachandrapAlaH
\- mohanaH mohanapadaghaTitAH paNDita madanamohana mAlaviyA Anandamohana bosa prabhR^itayaH
\- tilakaH bAlaga~NgAdharatilakaH
\- kR^iShNaH vi\. kR^iShNasvAmyAryaH

##
Proofread by Hardika Chaba

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}