% Text title : Bhadracharipranidhana Stotram % File name : bhadracharIpraNidhAnastotram.itx % Category : misc, buddha, stotra % Location : doc\_z\_misc\_general % Transliterated by : DSBC staff % Proofread by : Miroj Shakya % Acknowledge-Permission: Prof. Miroj Shakya, Text Nagarjuna Institute of Exact Methods, Digital Sanskrit Buddhist Canon Project, University of the West https://www.dsbcproject.org/ % Latest update : March 8, 2025 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Bhadracharipranidhana Stotram ..}## \itxtitle{.. bhadracharIpraNidhAnastotram ..}##\endtitles ## atha khalu samantabhadro bodhisattvo mahAsattvaH evameva lokadhAtuparamparAnabhilApyAnabhilApya buddhakShetraparamANurajaHsamAn kalpAn kalpaprasarAnabhidyotyamAno bhUyasyA mAtrayA gAthAbhigItena praNidhAnamakArShIt \- yAvata kechi dashaddishi loke sarvatriyadhvagatA narasiMhAH | tAnahu vandami sarvi asheShAn kAyatu vAcha manena prasannaH || 1|| kShetrarajopamakAyapramANaiH sarvajinAna karomi praNAmam | sarvajinAbhimukhena manena bhadracharIpraNidhAnabalena || 2|| ekarajAgri rajopamabuddhA buddhasutAna niShaNNaku madhye | evamasheShata dharmatadhAtuM sarvadhimuchyami pUrNajinebhi || 3|| teShu cha akShayavarNasamudrAn sarvasvarA~NgasamudrarutebhiH | sarvajinAna guNAn bhaNamAnastAn sugatAn stavamI ahu sarvAn || 4|| puShpavarebhi cha mAlyavarebhirvAdyavilepanaChatravarebhiH | dIpavarebhi cha dhUpavarebhiH pUjana teSha jinAna karomi || 5|| vastravarebhi cha gandhavarebhishchUrNapuTebhi cha merusamebhiH | sarvavishiShTaviyUhavarebhiH pUjana teSha jinAna karomi || 6|| yA cha anuttarapUja udArA tAnadhimuchyami sarvajinAnAm | bhadracharI adhimuktibalena vandami pUjayamI jinasarvAn || 7|| yachcha kR^itaM mayi pApu bhaveyyA rAgatu dveShatu mohavashena | kAyatu vAcha manena tathaiva taM pratideshayamI ahu sarvam || 8|| yachcha dashaddishi puNya jagasya shaikSha ashaikShapratyekajinAnAm | buddhasutAnatha sarvajinAnAM tamanumodayamI ahu sarvam || 9|| ye cha dashaddishi lokapradIpA bodhivibuddha asa~NgataprAptAH | tAnahu sarvi adhyeShami nAthAn chakru anuttaru vartanatAyai || 10|| ye.api cha nirvR^iti darshitukAmAstAnabhiyAchami prA~njalibhUtaH | kShetrarajopamakalpa nihantu sarvajagasya hitAya sukhAya || 11|| vandanapUjanadeshanatAya modanadhyeShaNayAchanatAya | yachcha shubhaM mayi sa~nchitu ki~nchidbodhayi nAmayamI ahu sarvam || 12|| pUjita bhontu atItaka buddhA ye cha dhriyanti dashaddishi loke | ye cha anAgata te laghu bhontu pUrNamanoratha bodhivibuddhAH || 13|| yAvata kechi dashaddishi kShetrAste parishuddha bhavantu udArAH | bodhidrumendragatebhi jinebhirbuddhasutebhi cha bhontu prapUrNAH || 14|| yAvata kechi dashaddishi sattvAste sukhitA sada bhontu arogAH | sarvajagasya cha dharmiku artho bhontu pradakShiNu R^idhyatu AshAH || 15|| bodhichariM cha ahaM charamANo bhavi jAtismaru sarvagatIShu | sarvasu janmasu chyutyupapattI pravrajito ahu nityu bhaveyyA || 16|| sarvajinAnushikShayamANo bhadrachariM paripUrayamANaH | shIlachariM vimalAM parishuddhAM nityamakhaNDamaChidra chareyam || 17|| devarutebhi cha nAgarutebhiryakShakumbhANDamanuShyarutebhiH | yAni cha sarvarutAni jagasya sarvaruteShvahu deshayi dharmam || 18|| ye khalu pAramitAsvabhiyukto bodhiyi chittu na jAtu vimuhyet | ye.api cha pApaka AvaraNAyAsteShu parikShayu bhotu asheSham || 19|| karmatu kleshatu mArapathAto lokagatIShu vimuktu chareyam | padma yathA salilena aliptaH sUryashashI gaganeva asaktaH || 20|| sarvi apAyadukhAM prashamanto sarvajagat sukhi sthApayamAnaH | sarvajagasya hitAya chareyaM yAvata kShetrapathA dishatAsu || 21|| sattvacharimanuvartayamAnoi bodhichariM paripUrayamANaH | bhadrachariM cha prabhAvayamAnaH sarvi anAgatakalpa chareyam || 22|| ye cha sabhAgata mama charyAye tebhi samAgamu nityu bhaveyyA | kAyatu vAchatu chetanato chA ekachari praNidhAna chareyam || 23|| ye.api cha mitrA mama hitakAmA bhadracharIya nidarshayitAraH | tebhi samAgamu nityu bhaveyyA tAMshcha ahaM na virAgayi jAtu || 24|| sammukha nityamahaM jina pashye buddhasutebhi parIvR^itu nAthAn | teShu cha pUja kareyu udArAM sarvi anAgatakalpamakhinnaH || 25|| dhArayamANu jinAna saddharmaM bodhichariM paridIpayamAnaH | bhadrachariM cha vishodhayamAnaH sarvi anAgatakalpa chareyam || 26|| sarvabhaveShu cha sa~ncharamANaH puNyatu j~nAnatu akShayaprAptaH | praj~naupAyasamAdhivimokShaiH sarvaguNairbhavi akShayakoshaH || 27|| ekarajAgri rajopamakShetrA tatra cha kShetri achintiyabuddhAn | buddhasutAna niShaNNaku madhye pashyiya bodhichariM charamANaH || 28|| evamasheShata sarvadishAsu bAlapatheShu triyadhvapramANAn | buddhasamudra tha kShetrasamudrAnotari chArikakalpasamudrAn || 29|| ekasvarA~NgasamudrarutebhiH sarvajinAna svarA~Ngavishuddhim | sarvajinAna yathAshayaghoShAn buddhasarasvatimotari nityam || 30|| teShu cha akShayaghoSharuteShu sarvatriyadhvagatAna jinAnAm | chakranayaM parivartayamAno buddhibalena ahaM pravisheyam || 31|| ekakShaNena anAgatasarvAn kalpapravesha ahaM pravisheyam | ye.api cha kalpa triyadhvapramANAstAn kShaNakoTipraviShTa chareyam || 32|| ye cha triyadhvagatA narasiMhAstAnahu pashyiya ekakShaNena | teShu cha gocharimotari nityaM mAyagatena vimokShabalena || 33|| ye cha triyadhvasukShetraviyUhAstAnabhinirhari ekarajAgre | evamasheShata sarvadishAsu otari kShetraviyUha jinAnAm || 34|| ye cha anAgata lokapradIpAsteShu vibudhyana chakrapravR^ittim | nirvR^itidarshananiShTha prashAntiM sarvi ahamupasa~Nkrami nAthAn || 35|| R^iddhibalena samantajavena j~nAnabalena samantamukhena | charyabalena samantaguNena maitrabalena samantagatena || 36|| puNyabalena samantashubhena j~nAnabalena asa~Ngagatena | praj~naupAyasamAdhibalena bodhibalaM samudAnayamAnaH || 37|| karmabalaM parishodhayamAnaH kleshabalaM parimardayamAnaH | mArabalamabalaM karamANaH pUrayi bhadracharIbala sarvAn || 38|| kShetrasamudra vishodhayamAnaH sattvasamudra vimochayamAnaH | dharmasamudra vipashyayamAno j~nAnasamudra vigAhayamAnaH || 39|| charyasamudra vishodhayamAnaH praNidhisamudra prapUrayamANaH | buddhasamudra prapUjayamAnaH kalpasamudra chareyamakhinnaH || 40|| ye cha triyadhvagatAna jinAnAM bodhicharipraNidhAnavisheShAH | tAnahu pUrayi sarvi asheShAt bhadracharIya bibudhyiya bodhim || 41|| jyeShThaku yaH sutu sarvajinAnAM yasya cha nAma samantatabhadraH | tasya vidusya sabhAgacharIye nAmayamI kushalaM imu sarvam || 42|| kAyatu vAcha manasya vishuddhishcharyavishud.hdhyatha kShetravishuddhiH | yAdR^ishanAmana bhadravidusya tAdR^isha bhotu samaM mama tena || 43|| bhadracharIya samantashubhAye ma~njushiripraNidhAna chareyam | sarvi anAgata kalpamakhinnaH pUrayi tAM kriya sarvi asheShAm || 44|| no cha pramANu bhaveyya charIye no cha pramANu bhaveyya guNAnAm | apramANu chariyAya sthihitvA jAnami sarvi vikurvitu teShAm || 45|| yAvata niShTha nabhasya bhaveyyA sattva asheShata niShTha tathaiva | karmatu kleshatu yAvata niShThA tAvata niShTha mama praNidhAnam || 46|| ye cha dashaddishi kShetra anantA ratnaala~NkR^itu dadyu jinAnAm | divya cha mAnuSha saukhyavishiShTAM kShetrarajopama kalpa dadeyam || 47|| yashcha imaM pariNAmanarAjaM shrutva sakR^ijjanayedadhimuktim | bodhivarAmanuprArthayamAno agru vishiShTa bhavedimu puNyam || 48|| varjita tena bhavanti apAyA varjita tena bhavanti kumitrAH | kShipru sa pashyati taM amitAbhaM yasyimu bhadrachari praNidhAnam || 49|| lAbha sulabdha sajIvitu teShAM svAgata te imu mAnuShajanma | yAdR^ishu so hi samantatabhadraste.api tathA nachireNa bhavanti || 50|| pApaka pa~ncha anantariyANi yena aj~nAnavashena kR^itAni | so imu bhadrachariM bhaNamAnaH kShipru parikShayu neti asheSham || 51|| j~nAnatu rUpatu lakShaNatashcha varNatu gotratu bhotirUpetaH | tIrthikamAragaNebhiradhR^iShyaH pUjitu bhoti sa sarvatriloke || 52|| kShipru sa gachChati bodhidrumendraM gatva niShIdati sattvahitAya | bud.hdhyati bodhi pravartayi chakraM dharShati mAru sasainyaku sarvam || 53|| yo imu bhadracharipraNidhAnaM dhArayi vAchayi deshayito vA | buddhavijAnati yo.atra vipAko bodhi vishiShTa ma kA~NkSha janetha || 54|| ma~njushirI yatha jAnati shUraH so cha samantatabhadra tathaiva | teShu ahaM anushikShayamANo nAmayamI kushalaM imu sarvam || 55|| sarvatriyadhvagatebhi jinebhiryA pariNAmana varNita agrA | tAya ahaM kushalaM imu sarvaM nAmayamI vara bhadracharIye || 56|| kAlakriyAM cha ahaM karamANo AvaraNAn vinivartiya sarvAn | sammukha pashyiya taM amitAbhaM taM cha sukhAvatikShetra vrajeyam || 57|| tatra gatasya imi praNidhAnA Amukhi sarvi bhaveyyu samagrA | tAMshcha ahaM paripUrya asheShAn sattvahitaM kariyAvata loke || 58|| tahi jinamaNDali shobhaniramye padmavare rUchire upapannaH | vyAkaraNaM ahu tatra labheyyA sammukhato amitAbhajinasya || 59|| vyAkaraNaM pratilabhya cha tasmin nirmita koTishatebhiranekaiH | sattvahitAni bahUnyahu kuryAM dikShu dashasvapi buddhibalena || 60|| bhadracharipraNidhAna paThitvA yatkushalaM mayi sa~nchitu ki~nchit | ekakShaNena samR^idhyatu sarvaM tena jagasya shubhaM praNidhAnam || 61|| bhadrachariM pariNAmya yadAptaM puNyamanantamatIva vishiShTam | tena jagadvayasanaughanimagnaM yAtvamitAbhapuriM varameva || 62|| iti shrI bhadracharIprANidhAnastotraM sampUrNam || ## \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}