% Text title            : Brahmavidya
% File name             : brahmavidyA.itx
% Category              : misc, sahitya, article, pradIptakumArananda
% Location              : doc\_z\_misc\_general
% Author                : (Copyright) Pradipta Kumar Nanda, Kendrapara, Orissa pknanda65 at gmail.com
% Transliterated by     : Pradipta Kumar Nanda
% Proofread by          : Pradipta Kumar Nanda
% Acknowledge-Permission: (Copyright) Pradipta Kumar Nanda
% Latest update         : May 13, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Brahmavidya ..}##
\itxtitle{.. brahmavidyA ..}##\endtitles ##
lekhakaH \- nandapradIptakumAraH
      nirastamAyAkR^itasarvabhedaM nityaM vibhuM niShkalamaprameyam |
      arUpamavyaktamanAkhyamavyayaM jyotiH svayaM ki~nchididaM chakAsti ||
iti vivekachUDAmaNikAreNa sha.nkarabhagavadpAdena brahmalakShaNaM samIkShitam | shArIrake bhAShye.api \-yasmAdAdau buddhA AdibuddhAH prakR^ityeva svabhAvata eva tathA nityaprakAshasvarUpaH savitaiva nityabodhasvarUpA iti AtmanaH sUryavat nityaprakAshasvarUpatvaM nityabodharUpatvaM cha uktam | mA.nsamedosthiyuktasharIrarahitatvAdasau akAyam | aj~nAnAdidoShashUnyatvAt vishuddham | kleshakarmavipAkAshayairaparAmR^iShTatvAdasau apApaviddhamityuchyate | tathA hi IshAvAsyesShTame mantre\- sa paryagAt shukramakAyamabraNamasnAviraM shuddhamapApaviddhamiti |

tatra bR^iddhyarthakAd bR^ihi dhAtoH brahmashabdo niShpannaH | bR^i.nhati barddhate niratishayamahattvalakShaNabuddhimAn bhavatItyarthaH iti koshavachanaM shrUyate | ChAndogye\- sadeva somyedamagra AsIt ekamevAdvitIyam taitarIye \-satyaM j~nAnamanantaM brahma (2/1/1) tatra AnandaM brahmeti vyajAnAt (3/6/1) bR^ihadAraNyake \-satyaM brahmeti satyaM hyeva brahma(5/4/9) tatra \-satyasya satyam(2/3/6) punastatra annamayAdipa~nchakoshavyatirikto shuddhabuddhamuktasvabhAvashchAtmA vij~nAnamAnandaM brahma(3/9/28) iti | shrutismR^itiShvapi sat chit evam AnandasvarUpaM brahma iti sayauktikaM svarUpalakShaNaM pramANitam | brahmaNo j~nAnarUpaM tu svata eva pramANam | atra AnandaM brahmavAchakam | svagata\-sajAtIya\-vijAtIyabhedarAhityaM trikAlAvAdhitam  akhaNDaM brahma | tallakShaNaM sachchidAnandamayamiti arthAt sarvadA vartamAnaM svaprakAshachaitanyam AnandasvarUpamiti vedAntaDiNDimaH | atra sachchidAnandamiti prayojanam,  akhaNDamiti viShayaH, shAstraviShayayoH pratipAdyapratipAdakabhAvaH sambandhaH, tatkAmo.adhikArIti anubandhachatuShTayamuktam | satyaj~nAnAnandAdi padairvishiShTaM brahma anyebhyo jAgatikaviShayebhyo bhinnam | etAni satyaj~nAnAdIni visheShaNAni brahmaNaH svarUpalakShaNArthaM mantavyam |  j~nAnameva brahmaNaH svarUpamAtraM  na dharmo veti  | advaitapratipAditaM  vishuddhaM  brahma ekamevAdvitIyamiti vedAntavidbhiH sthirIkR^itam | brahmaNaH taTasthalakShaNaM tu janmAdyasya yataH iti  | atha vA taitarIye\- yato vA imAni bhUtAni jAyante, yena jAtAni jIvanti yatprayattyabhisa.nvishanti (3/1) tad brahma iti | anena sR^iShTisthitilayAtmakAdIni kAryANi brahmaNaH taTasthalakShaNe.abhipretAni  | akhilAdhAratvAt | atra jagadantarbhUtAmanAdibhAvabhUtAM mAyAM prati  akAraNatvepi  na brahmaNo jagajjanmAdi kAraNatvahAniH  | tadeva shuddhachaitanyaM jIvabrahmaikyaM prameyaM tatraiva vedAntAnAM tAtparyAt | aj~nAnanivR^ittiH svarUpAnandAvAptishchAsya brahmaNo mukhyaprayojanamuktam | tathAhi ChAndogye\-tarati shokamAtmavit (3/1/3) muNDake.api\- brahmavid brahmaiva bhavati(3/2/9) ityAdishruteshcha |

eva.nbhUta AtmA svAdhInaH | yadadhInaM samastaM vivartabhUtaM jagat | ko.ayaM hetuH ? sarveShAM chidachidrUpANAM bhUtajantUnAmantargatatvAt, sarvabhUtAntarAtmeti prasiddhatvAchcha | yachchoktaM bR^ihadAraNyake\-yaH sarvANi bhUtAnyAntaro yamayati (3/7/15) yasya sarvANi bhUtAni sharIram (tatra 3/7/16) iti nira~njanasya nirliptasya niHsa.ngasya  lakShaNaviveko di~NmAtraM pradarshitam | ityalaM pallavitena |

                                       \-\-\- lekhakaH \- nandapradIptakumAraH
##
Written by Dr. Pradipta Kumar Nanda, Kendrapara, Orissa pknanda65 at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}