% Text title            : Brahmavigyana Samhita
% File name             : brahmavigyAnasamhitA.itx
% Category              : misc, advice
% Location              : doc\_z\_misc\_general
% Proofread by          : Pranav Tendulkar, NA
% Latest update         : December 12, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Brahmavigyana Samhita ..}##
\itxtitle{.. brahmavij~nAnasaMhitA ..}##\endtitles ##
                  prAkkathanam
vivekAdi sAdhanavadbhireva saphalA brahmavidyA labhyate |

klesha pravAha pUrite mAyAvartAvR^ite kAmakrodhAdi hiMsaka jantu sa~Nkule
bhava vAridhau patitAnAM trayatApa tApitAnAM jIvAnAM brahmAtmatattva
vij~nAna potAdeva samuddhAraH | brahmavij~nAna pota lAbhastu vivekAdi
sAdhanairbhavati | yena mAnava sharIramA.nsAdyApi yadi sAdhana
sampatirna sampAditA tasya tu nirarthaka jIvanam | brahmavij~nAna prAptau
sAdhanachatuShTaya samprAptireva paramaM sAdhanam | sAdhana sampadaM vinA
tad vij~nAnaM saphalayituM yaH ichChati so.ati mUDhaH | uktaM cha \-

      mAtura~Nke samAsIno gR^ihItuM chandramichChati |
      bAlo yathA tathaivAj~no vij~nAnaM sAdhanairvinA || 1||
viShaye.asminnidamAkhyAnaM shrUyate | ekadA.ashvinIkumArau deva
bhiShajau brahmaj~nAnino maharSherdadhIchaH vedAdi shAstramadhItya
brahmavij~nAna shravaNasya cha jij~nAsAM kR^itavantau || maharShiNA sAdhana
shUnyatvAt tAbhyAM nopadiShTA brahmavidyA | uktaM cha \- yadA bhavantau
sAdhana sampannau bhaviShyataH tadA brahma\-vidyAmupadekShyAmIti, tau
vichAritavantau, vastutaH sa eva brahmavij~nAnasyAdhikArI yo vivekAdi
sAdhana sampannaH |

ataeva vivekAdi sAdhana sampatirevAvashyaM sampAdayitavyA,
ityavadhArya maharShisamIpAt nirjagmatuH |

atha kadAchit devarAja indroH maharShervItarAgasya dadhIchaH prashaMsAM
shrutvA tadAshramamAjagAma | maharShiNA tasyAtithyaM kR^itam |
svAgataM mahAbhAga ? kinte priyaM karavANi ititaM paprachCha, mahyaM
brahmavidyAmupadisha ityuktaM devarAjena | ki bhavAn tadadhikArI
jAtaH ? maharShiNA mandenoktam | anena kiM prayojanaM ? brahmavidyayA
svayamAdhikAritvaM prAdurbhaviShyati iti sagarvaH shakraH provAcha
| tattvadarshinA matimatA brahmarShiNAmanasIdaM samAlochitam, ayaM
kila devarAjo vivekAdi shUnyaH viShaya lolupaH durAgrahI cha nAsti
brahmavidyAdhikArIti | atha tAvadAdau vairAgyaM janayituM maharShiNoktam
| he devarAja !  jIvanaM te tuchCha shUkara tulyaM, atastvaM na
brahmavidyAdhikArI | tavAshuchi shUkarasya cha sukha duHkha~ncha
samAnameva | yathA yAvatI shUkarAya viShThA.asvAdyA priyAcha tathaiva
tAvatI bhavate sudhA svAdiShTA vallabhAchAsti yathA bhavatA shachI
rambhAdayapsarasa\-Ali~Ngya cha yAvatI mAtrAyAM sukhamanubhUyate | tathaiva
shUkareNA.api shUkarImAli~Ngya cha tAvatI mAtrAyAM sukhamanubhUyate
| devarAja ! tvaM yathA viShThAshUkarIM cha vilokya tatra ghR^iNAM
kR^itvAsamudvijate tathaiva shUkaropi sudhAM shachI cha vilokya tathaiva
karoti | evaM mR^ityutrAso.api samAnameva | rAgadveShAdhInatvamapi
tulyamevobhayoH | evaM tava jIvanaM tuchChaM shUkara\-jIvana tulyameva .
viveka sAdhanairvinA na bhavAn brahmavidyAdhikArI | \ldq{}payaH pAnaM
bhuja~NgAnAM kevalaM viShavardhanam.\rdq{} iva svasyaitAdR^ishIM
nindAM shrutvA devendro maharShi prati chukopa, \ldq{}nAyaM
brahmavidyAchAryaH\rdq{} apitu kashchichChatrupakShIyo guptacharaH |
iti vinishchitya paruShavAkyaiH R^iShinnirbhatsyoktam, bho kapaTamune
! adyArabhya kasmaichidapi brahmavidyA nopadeShTavyA | yadi madIya vachana
paripAlanaM na bhaviShyati tadA tava shiraH vajreNaiva pothayiShyAmi |
ityuktvA sa AshramAdapasasAra |

atha kiyat kAlAnantaraM ashvinIkumArau sAdhanasampadaM sampAdya
pratinivR^itau, maharShi mukhAt vidita vR^itAntau tAvUchatuH atha cha kiM
bhaviShyati kila? bhavatA tu pratij~nAtaM yadA sAdhana sampannau bhavantau
bhaviShyataH tadA brahmavidyAmupadekShyAmIti | satyavAdinobhavataH
pratij~nA mithyA bhavituM nArhati | jIvanAdapi satyapAlanaM gariShTham
| maharShiNoktaM brahmavidyAmupadekShyAmi, parantu na jAne sA pUrNA
bhaviShyati na vA ?  madhya eva devendro yadi shirashChetsyati tadA
kiM bhaviShyati | ashvinIkumArAvupAyaM vichintyochatuH, yathA bhavataH
satyavachanasya shirasashcharakShaNaM syAt tadeva kartavyaM, atha tAvat
idAnIM tava shirachChitvA anyatra nidhAya ashvashirastvayi saMyojyate |
Avayosa~njIvanI vidyA prabhAveNa jIvanaM labdhvA tenAshvashirasA, AvAbhyAM
brahmavidyopadeShTavyA | yadA cha devarAjasya vajreNa tava shirashchChedaH
bhaviShyati tadA bhavataH svAbhAvikaM shiraH saMyojayiShyAvaH |
tathaivAstu ityevamanuj~nAte sati ashvibhyAM tathaiva kR^itam | maharShiNA
tAbhyAmashvashirasA madhu brahmavidyAM samupadeShTu prArebhe | tadj~nAtvA
indro vajraNa tadashvoyaM shiraH achChinat | ashvibhyAM mAnuShIyaM shiraH
samadhattAm | tadanantaraM svashirasA sheShAM brahmavidyAmupadidesha |

ityAkhyAnena sidhyati brahmavidyAnopalabhyate sAdhanavinA | sAdhanahIno
devarAjo mauDhyAnmaharShi dveShaM kR^itvA puruShArtha bhraShTo.abhUt |

atha cha prAk mAnava sharIreNa vivekAdi sAdhanAni sampAditavyAni,
tadanantaraM brahmavij~nAnasya j~nAnaM bhaviShyati |
                                 \-\- svAmI svayambhU tIrtha

j~nAnAdvihIno.api, guruprasAdAt
labhAmahe nUnamidaM mahatvam |
pa~Nkasya kITopi supuShpa sa~NgAt
Apnoti bhAlaM vR^iShavAhanasya || ka||
vidyA viyuktastrayatApayuktaH
mArge munInAM mana AdadhAmi |
kR^ita~ncha yattat parakIyameva
satyaM kalerjIva\-svabhAva eShaH || kha||
vedAntasindhuM bhramabhUripUrNam
sachChidrayA kShudratarI dhiyA.aham |
pAraM chikIrShurmama moha eShaH
khadyota\-dIptirna nishAtamo yathA || ga||
svAntaH sukhAya likhitAM shuchibrahmavidyAm
shraddhA\-viveka\-balinaH puruShA adhItya |
nUnaM vihAya kali ku~njara bhUri bhItim
tejasvino mR^igapateH padatAM labhante || gha||
vedAnta\-sindhuM pariloDya yatnaiH
yo brahmavij~nAna\-sudhA\-sukumbham |
nItvAgataH lokahitAya bhUmau
tIrthottaraH svAmivaraH \ldq{}svayambhU\rdq{} || ~Na||
prathamo.adhyAyaH (brahmavij~nAna kA mUlasrota)
sarveShu duHkheShu jagadgateShu
kartavya taivAsti vishAla\-duHkham |
tasyAM sthitAyAM na sukhAtirekam
tasmAchcha tannAsha\-vidhi\-rvidheyA || 1||
dvitIyo.adhyAyaH (vichAra kA mahatva)
vichAra evAsti paraM nidhAnaM
bIjaM vishuddhaM sukha pAdapasya |
tasyaiva shaktirhi navA~Nkurashcha
vichAravAnbhAti naro dharAyAm || 2||
tR^itIyo.adhyAyaH (AtmasamarpaNa)
Anandasindhostava vArivindoH
puraH kimAste vidhi\-loka\-saukhyam |
pAdAravindeShu ratiM prayachCha
shrutvA balergAM harirAlili~Nga || 3||
chaturtho.adhyAyaH (R^iShidattakalA)
saMsAra bhogAn viShamanyamAnAm
audAsya bhAvaM satataM vahantIm |
paprachCha rAjA mahiShIM svakIyAm
kimasti chitte tava padmanetre || 4||
pa~nchamo.adhyAyaH (bhogoM kI asAratA)
kimasti tattvaM priyakAri vastutaH
kimIritaM vipriyakAri me vada |
aniShTamiShTaM na cha vedmi mandadhIH
tvameva tat bodhayituM pravartase || 5||
ShaShTho.adhyAyaH (rahasyamayI nArI)
purA dadau me janako madartham
sakhIM satIM saumyasvabhAvashIlAm |
parantu sA.anyAmasatIM svabhAva
duShTAM sakhIM prApya vidUShitA.abhUt || 6||
saptamo.adhyAyaH (AstikatA)
jahAti shraddhArahitaM naraM yashaH
sukha~ncha lakShmIshcha vivekinI matiH |
latAM sushraddhAM paramArtha\-ma~njula\-
phala\-pradAM prApya sukhI naraH syAt || 7||
aShTamo.adhyAyaH (Ishvarasiddhi)
sadyuktibhiH veda\-purANa\-shAstraiH
saMsAra\-nirmANa\-vidhi~ncha dR^iShTvA |
saMsiddhameveshvarakartR^ikatvam
parantu kartA sa vilakShaNo.asti || 8||
navamo.adhyAyaH (rahasyodghATana)
pitA madIyaH paratattvamuchyate
sakhIM satI buddhimavehi bhUpate |
asatsvabhAvA hyasatI vichAryatAm
yasyAstu sa~Ngena matirvidUShitA || 9||
dashamo.adhyAyaH (Atmadarshana)
asu\-tanu\-mati\-muktaM pa~nchakoshAdatItam
parama\-sukha\-nidhAnaM shuddha chaitanyarUpam |
iti manasi nijaM svaM svAtmanA saMvichArya
sapadi viShamachakShurlakShya siddhi~nchakAra || 10||
ekAdasho.adhyAyaH (vidyAnagara)
mahIpa putrasya vadhU prabhAvataH
narAdhipo mantrigaNAH sabhAsadaH |
narAshcha nAryashcha tathA viTA naTAH
same janA jIvanamuktitAM yayuH || 11||
dvAdasho.adhyAyaH (saMsAra hai hI nahIM)
prabhAsate vishvamidaM jaDAtmakam
chidAtma\-bhittau pratibimbarUpakam |
svato na sattA jagatashcha vidyate
yathA pratIti\-rnagarasya darpaNe || 12||
trayodasho.adhyAyaH (brahmarAkShasa se shAstrArtha)
tataH payaH pUrapravAhitasya 
hR^idasya kUle vaTapAdapasthaH |
khAdan vivAde vijitAn manuShyAn
sa rAkShasaH lochana\-gocharo.abhUt || 13||
chaturdasho.adhyAyaH (guhA meM brahmANDa darshana)
vilokitaM tatra vichitra lokam
pravishya rAj~nA tu girerguhAyAm |
punastadA.agatya vilokya sR^iShTim
paprachCha marmANi muni mahIpaH || 14||
pa~nchadasho.adhyAyaH (mana kA saMsAra)
yathaiva chittena suchintitena
prabudhyate chetasi svapnajAlam |
tathaiva vishvaM chiti bhAsamAnam
svapnaM hi vishvaM vibudhAH vadanti || 15||
ShoDasho.adhyAyaH (sa~Nkalpasiddhi)
pratIyate kAla padArtha vastu
vibhAvitaM bhAvanayaiva sarvam |
bhAvena siddhirjagatashcha jAtA
kA kutra bhAvena vinA pratItiH || 16||
saptadasho.adhyAyaH (varuNa kA yaj~na)
vitaNDayA vipra kulAnsa vAruNiH
vijitya tAn nIranidhaunyamajjayat |
kahola\-putreNa parAjitaH sa vai
munistu gAryA bahu khinnatAM gataH || 17||
aShTAdasho.adhyAyaH (suShupto se samAdhi kA antara)
avidyayA prAvR^ita\-chitta\-vR^ittiH
bhavetsuShuptirna chidAtma bhAsaH |
prakAsha\-chaitanya\-yutaH samAdhiH
kathaM suShuptirhi samAdhitulyA || 18||
ekonaviMshatiradhyAyaH (j~nAna kI parAkAShThA)
chaitanyapUrNo.asmi svabhAvato.aham
tasmAnnirodhe manasaH kva lAbhaH |
sarvatra shuddho.asmi vinishchayo me
kArye samAdhAvapi tulyarUpaH || 16||
viMshatiradhyAyaH (gUDhatattva)
guhyAti guhyaM bhavatA yaduktam
chaitanya\-rUpeNa vibhAsamAnam |
dR^ishyaM prapa~ncha~ncha tadekarUpam
sarva na tadbuddhi padaM gataM me || 20||
ekaviMshatiradhyAyaH (j~nAniyoM kI vibhinna sthitiyA.N)
buddhervibhedaiH sthitayo vibhinnAH
vivekinAM j~nAnavatAM lasanti |
saMsArakArye.api samAdhi\-magnA
ke.apyAtma\-sandhAna\-visheSha\-lagnAH || 21||
dvAviMshatiradhyAyaH (brahma kA sAkShAtkAra)
brahmAdidevairupagIyamAnam
sAkShAtparabrahma tadAvirAsIt |
yadveda\-tattvaM nihitaM guhAyAm
AkAshavANyA tu tadeva muktam || 22||
trayoviMshatiradhyAyaH (chetana hI sAra)
siddhAntasAraH pratipAdito.ayam
brahmaiva satyaM jagadasti mithyA |
jIveshayoH ko.api na kutra bhedaH
saMsAratattvantu chidAtmakatvam || 23||
puNyapradaH pApaharo manoj~naH
guhyAti guhyo muni\-j~nAna\-gamyaH |
saMsAra\-jIvesha\-rahasya\-pUrNaH
grantho mayoktaH bhavapota rUpaH || 24||
granthasya doShAH sakalAH madIyAH
guNAH gurUNA~ncha vichAraNIyAH |
shuktau cha muktAH garalaM bhuja~Nge
svAterjalaM kintu samAnameva || 25||

iti svAmI svayambhUtIrthavirachitA shrIvedavyAsasUtasaMvAdarUpA
brahmavij~nAnasaMhitA samAptA |
##
Proofread by Pranav Tendulkar, NA

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}