% Text title : Buddhagandi Stava % File name : buddhagaNDIstavaH.itx % Category : misc, buddha, stava % Location : doc\_z\_misc\_general % Transliterated by : DSBC staff % Proofread by : Miroj Shakya % Acknowledge-Permission: Prof. Miroj Shakya, Text Nagarjuna Institute of Exact Methods, Digital Sanskrit Buddhist Canon Project, University of the West https://www.dsbcproject.org/ % Latest update : March 8, 2025 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Buddhagandi Stava ..}## \itxtitle{.. buddhagaNDIstavaH ..}##\endtitles ## yaH pUrvaM bodhimUle ravigamanapathe mAragAnnR^ityagItAn ga~Ngau ga~Ngau gaga~Ngau ghaghanaghanamR^idudvandvamantrairajasraiH | yaH strIbhirdivyarUpairuparatarabhituM dUdubhirdurbhidUrbhiH kShobhaM naivAbhiyAtaH suranaranamitaH pAtu vaH shAkyasiMhaH || 1|| yaH kandarpA~NganAnAM kakahakahakahA hAhaheti prahAsai\- ryaH sphItADambarANAM taTiti taTataTA tAtaTIti pralApaiH | kutkud budbud kukUchit kukuhakuhakuhaiH ki~NkarANAM cha vAgbhi\- rno trasyaH so.astu saumyaH shrutasakalamalaH shAntaye vo munIndraH || 2|| bhrUkShepApA~Ngabha~NgaiH smarasharavilasatpakShmatArAkShipAtaiH prauDhAna~NgA~NganAnAM lalitabhujalatAlAsyalIlAyitA~NgaiH | savrIDaiH sasmitoktaiH kalamR^idumadhurAmodaramyairvachobhi\- rbhrAntiM cheto na chitraM smarabalajayino yasya tasmai namo.astu || 3|| urvIM sa~nchAlayantaH kharasharanikaraishChAdayantoHntarIkShaM jvAlAbhiH krodhaMvahnerjvalitadashadishaH kShobhayanto.amburAshim | helotkhAtAsichakrakrakachapaTuravArAviNo mAravIrAH maitrIshastreNa yena prasabhamabhijitAH pAtu vaH so munIndraH || 4|| visphUrjajjAtakopaprakaTitavikaTATopanirghoShaghoraM garjajjImUtajAlaprakaTagajaghaTATopabaddhAndhakAram | kandarpoddAmavahnisphuradasikiraNodbhAsitAsheShavishvaM puShpeShoH sainyamuchchairjhaTiti vighaTitaM yena buddhaH sa vo.avyAt || 5|| divyairAkaNampUraiH kamaladalanibhaiH pakShmalairlolatArair bhAvasnigdhairvidagdhaiH prachalitalalitaiH sasmitairbhrUvilAsaiH | netrairmArA~NganAnAM parigatavalayairlohitAntairashAntair nAkR^iShTaH sarvathA yastamahamR^iShivaraM vAntadoShaM namAmi || 6|| nodbhrAntaM yasya chittaM sphuTavikaTasaTAntotkaTairlolajihvair mAraiH shUlAgrahastairgajaturagamukhaiH siMhashArdUlavaktraiH | pradyumnaH kAmadevastR^iNavadagaNito yena saMrambhabhIruH sambuddhaH pAtu yuShmAn vyapagatakaluSho lokanAtho munIndraH || 7|| akShobhyA yasya buddhirdharaNinaganadIsAgarAmbhodharadbhir garjadbhirmAravIrairvividhamukhashatairghorarUpairanantaiH | yenAsau puShpaketustR^iNavadagaNitaH sarvavid vItarAgaH sa shrImAn buddhavIraH kaluShabhayaharaH pAtu vo vItarAgaH || 8|| mArAnIkairmahograirasiparashudhanuHshaktishUlAgrahastair ulkApAtairanekairgahanapaTuravairbhIShaNairbhImanAdaiH | na kShubdhaM yasya chittaM girisamamachalaM gADhaparya~NkabandhaM taM vande vandanIyaM tribhavabhayaharaM buddhavIraM pravIram || 9|| uchchairaTTATTahAsaiH prakaTapaTubhaTAbaddhaghaNTai raNadbhiH sATopAsphoTaTa~NkasphuTajaTilajaTaiH ki~NkaraiH koTarAkShaiH | bhagnaM kartu na shaktAH paTupaTahapaTasphAlanairyasya bodhau dR^iptAnAM gR^idhrakUTe paTupaTahapaTuH so.astu vo buddhavIraH || 10|| kokaNDaM rAmakaNDaM pratibhayakuharaM darpadarpaM raNANDaM DimbaM DimbaM DaDimbaM Duha Duhaka DuhaM tR^i~NkhalastR^i~NkhalastR^im | jhimbaM jhimbaM jhajhimbaM khamu khamu khamukhaM ma~Nkhu ma~NkhuH khuma~Nkhur ebhirdhvAnairna bhItaH suravaranamitaH pAtu vaH shAkyasiMhaH || 11|| yaM mArA~NgAradhArAdharasamayasamArambhasaMrambhayuktaM naktaM mArA~NganAnAM mukhakamalavanashrIvipakShaikapakShA | samyaksambodhilakShmIH shashinamiva sharatkaumudI sa.nprapede tasyeyaM dharmadUtI dhvanati bhagavato dharmarAjasya gaNDI || 12|| nighnannaprAptadR^iShTiH kShaNamapi cha chirAdantako yad durantaM tasminnikShiptachittAH kuruta suchariteShvAdaraM sarvakAle | itthaM ratnatrayAj~nAmiva vadati muhuH prANinAM yasya saiShAM eShA shabdAyamAnA prathitamukharadi~NmaNDalA dharmagaNDI || 13|| mArtaNDamaNDalamivoDugaNaM vijitya bhAtIha tIrthikajanaM jinashAsanaM cha | raMramyate dharaNimaNDalamaNDanasya gaNDI yamasya jayaDiNDimavatprachaNDA || 14|| yasyAtyantaM dR^iDhatvaM jami jami DuDubhaM ra~njitenAlinAliM DimbaM DimbaM DiDimbaM DubhaDubhaDuDubhaM nADivannADibhaNDam | ruNDaM ruNDaM ruruNDaM yaralava khakhumaM ma~Nkhuma~NkhuH khuma~NkhuH pashya tvaM jIvaloke dashabalabalinaH pIDyate mArasainyam || 15|| bhUkampotkampajAtA prachalitavasudhA kampate merurAja uttrastA devasa~NghA grahagaNasahitA nAgarAjAH samastAH | shrutvA gaNDIM prachaNDAM vividhabhayakarIM trAsanIM tairthikAnAM bauddhAnAM shAntihetoH pratiraNati mahIM rAvayantIva sadyaH || 16|| eShA vihArashikhare pravirauti gaNDI meghasvanena kurute cha manoj~naghoShAn | mAteva vatsalatayA subahirgatAMshcha putrAn samAhvayati bhojanakAlagaNDI || 17|| saMsArachakraparivartanatatparasya buddhasya sarvaguNaratnavibhUShitasya | nAdaM karoti suradundubhitulyaghoShA gaNDI samastaduritAni nivArayantI || 18|| eShA hi gaNDI raNate narANAM sambodhinI devanarAsurANAm | bhadrAH shR^iNudhvaM sugatasya gaNDImApUritAM bhikShugaNaiH samagraiH || 19|| nAgaiH saMvartakAlakShubhitajaladharAkAravad vyomni kIrNaiH kvAsmin vighvaMsasha~NkA bhayachakitajanaistatpratIkArahetoH | kurvantyadyApi yasyA dhvanimupashamitAsheShatIrthyAvalepaM sA gaNDI pAtu yuShmAn sakalamunivaraiH sthApitA dharmavR^id.hdhyai || 20|| eShA surAsuramahoragasatkR^itasya shAntiM parAmupagatasya tathAgatasya | gaNDI raNatyamaradundubhitulyaghoShAn kR^itvAnyatIrthyahR^idayAni vidArayantI || 21|| puNye tatparamAnasA bhavata bhoH svargApavargaprade pApaM durgatidAyakaM kuruta mA lokAshchalaM jIvitam | itthaM madhyavilInabhR^i~NgavirutaM yatnAnnivAryaM mayA mArAreshcharaNAbjayorvinihitaH puShpA~njaliH pAtu vaH || 22|| mu~njadbhiH kusumAni tUryaraNitairApUrayadbhirdisho jojokArapuraHsaraiH suragaNaiH shakrAdibhiH sAdaraiH | svargAd yasya bhuvaM kilAvatarato dattAnuyAtrA chiraM tasyAvyAt karuNAnidherbhagavato gaNDI prachaNDA jagat || 23|| gatvA sapta padAni mAturudarAnniShkrAntamAtraH svayaM saMsArashravasaM mameti vachanaM provAcha yo.ananyadhIH | yasminnAtmabhuve punastribhuvanaM bhrAjiShNvabhivyAhR^itaM kuryAdvaH sugatasya tasya jayino gaNDI tamaHkhaNDinI || 24|| jitvA mArabalaM mahAbhayakaraM kR^itvA cha doShakShayaM sarvaj~naM padamApa yat suruchiraM tatraiva rAtrau bahiH | tasyAsheShaguNAkarasya sudhiyo buddhasya shuddhAtmano gaNDI khaNDitachaNDakilviShaharA bhUyAd vibhUtyai nR^iNAm || 25|| brahmA jihma ivAbhavat suragururgarvaM jahau sarvathA sharvaH kharvamatirbabhUva bhagavAn viShNushcha tUShNIM sthitaH | itthaM yadguNakIrtaneShu vibudhA yAtA hriyA mUkatAM gaNDI tasya muneriyaM jayati vaH pAyAdapAyAjjagat || 26|| brahmAdityashashA~Nkasha~NkarashatAkShopendrayakShAdayo gandharvoragakinnarAsurasamIrapretapIDAmbarAH | ye tiShThantyamarA narA kShititale pAtAlalokeShu cha shrotuM dharmamimaM tathAgataguroH sarve samAyAntu te || 27|| yasyA janmani dInahInamatayaH prApuH shuchaM tIrthikAH harShotkarShavisheShavardhitadhiyo bauddhA dhR^itiM lebhire | yAmAsAdya guNAH prayAnti vitatiM doShA vrajanti kShayaM sA gaNDI kalikAlakalmaShaharA bhUyAd bhavadbhUtaye || 28|| yAM natvA vidhivad vishuddhamatayo gachChanti tu~NgAM gatiM yasyAH kShiprataraM prayAnti vivashAH sarve vipakShAH kShayam | dhvastavyastasamastamohapaTalA sA dharmagaNDI muneH sambhUyAd bhavabhAvisAdhvasabhide yuShmAkamAyuShmatAm || 29|| shrutvA yAM patitA mahItalamalaM brahmAdayaH svarbhuvaH kampante dharaNIdharAH kShitirapi kShipraM gatA kShmAtalam | tIrthyAnAM bhayakAriNI parahitAyArambhashuddhAtmanAM bauddhAnAmupashAntaye sapadi sA santADyatAM gaNDikA || 30|| prauDhAlIDhAbhiruDho gurutaracharaNakrAntagaurIstanAgraM sarvaj~nasyottarA~NgaM sphuTavikaTashatA garjayan vajramukhyA | jvAlAmAlojjvalA~NgaM tribhuvanavivaravyAptahu~NkArabhImo baddhavyAbaddhamaulirjayati suranarAdityachandrAsurendraH || 31|| pInottu~NgastanInAM hariNadR^ishadR^ishAM haMsalIlAgatInAM daM daM daM daM da daM daM tani tani tanitastAlikA kAminInAm | tuM tuM tuM tuM tatuM tuM nakaTinamabhito gItito gItavAdyaiH TuM TuM TuM TuM TuTuM TuM Tumiti mitanatA hanyate gaNDikeyam || 32|| buddhagaNDI samAptA | iti kR^itiriyamAchAryashrI\-ashvaghoShapAdAnAm sampUrNam || ## \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}