% Text title            : Chatuhshashtisamvara Stotram
% File name             : chatuHShaShTisaMvarastotram.itx
% Category              : misc, buddha, stotra
% Location              : doc\_z\_misc\_general
% Transliterated by     : DSBC staff
% Proofread by          : Miroj Shakya
% Acknowledge-Permission: Prof. Miroj Shakya, Text  Nagarjuna Institute of Exact Methods, Digital Sanskrit Buddhist Canon Project, University of the West https://www.dsbcproject.org/
% Latest update         : March 8, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Chatuhshashtisamvara Stotram ..}##
\itxtitle{.. chatuHShaShTisaMvarastotram ..}##\endtitles ##
shrIherukaM mahAvIraM vishuddhaM kulisheshvaram |
namAmi sarvabhAvena DAkinIgaNabhUShitam || 1||
saMvarAya namastubhyaM dvayAkArAya namo namaH |
chakrasthitAya devAya chakrasaMvara te namaH || 2||
meShavaktra namaste.astu shivashaktisvarUpiNe |
mahAkrodhasvarUpAya meShasaMvara te namaH || 3||
ashvAnanAya devAya ratikarmaratAya cha |
bhuktimuktipradAtre cha ashvasaMvara te namaH || 4||
vyAghrAsyAya namastubhyaM shaktiyuktAya vai namaH |
surAmAMsarato nityaM vyAghrasaMvara te namaH || 5||
kUrmAsyAya namastubhyaM surate saMratAya cha |
namo devAdhidevAya kUrmasaMvara te namaH || 6||
namAmi matsyavaktrAya mAnavAnAM hitAya vai |
namo namaste devesha matsyasaMvara te namaH || 7||
makarAkAravaktrAya mahAshaktidharAya cha |
manovA~nChApradAtre cha makarasaMvara te namaH || 8||
saMvarAyoShTravaktrAya shaktikAli~NgaNAya cha |
maithune tatparAyAtha uShTrasaMvara te namaH || 9||
namAmi gajavaktrAya yonau li~NgapradAya cha |
namo bhagavate tubhyaM gajasaMvara te namaH || 10||
maNDUkAnananAthAya trailokyeshAya te namaH |
namo devAdhidevAya maNDUkasaMvarAya cha || 11||
namAmi chAvivaktrAya nityaM ratiratAya cha |
namaste devadevesha ahisaMvara te namaH || 12||
shukAnanAya devAya dvayAkArAkArashobhine |
namo namaste bhImA~Nga shukasaMvara te namaH || 13||
saMvarAya namaste.astu shaktiyuktAya vai namaH |
siMhAnanAya vai nityaM siMhasaMvara te namaH || 14||
markaTAnanadevAya shaktichumbanaratAya cha |
namaste.astu namaste.astu harisaMvara te namaH || 15||
shvAnavaktra namaste.astu shaktichumbanakAriNe |
namaste bhagavan deva shvAnasaMvara te namaH || 16||
varAhAsyavarevAna bhagakrIDanakAraka |
namAmi shaktiyuktAya ghR^iShTisaMvara te namaH || 17||
jambukAsyAya devAya shaktikAli~NgaNAya cha |
sarvapApaharAyaiva shivAsaMvara te namaH || 18||
namAmi gR^idhravaktrAya duHkhanAshAya te namaH |
dvayAkArasiddhidevAya gR^idhrasaMvara te namaH || 19||
kAkAnanAya shuddhayakSha shR^i~NgArarUpadhAriNe |
namo bhagavate tubhyaM kAkasaMvara te namaH || 20||
ulUkavaktriNe tubhyaM mahAsaukhyapradAya cha |
yonimaithunakR^iddevolUkasaMvara te namaH || 21||
tArkShyAnanAya devAya tAriNe bhavasAgarAt |
namastubhyaM namastubhyaM namo garuDasaMvara || 22||
govaktrAya namastubhyaM gohatyApApahAriNe |
gotravR^iddhipradAtre cha dhenusaMvara te namaH || 23||
gardabhAkAravaktrAya gatAgatakShayAya te |
gaNeshvarAya devAya kharasaMvara te namaH || 24||
mahiShAsyAya devAya mahApralayakAriNe |
shaktiyuktAya devAya namao mahiShasaMvara || 25||
viDAlAsya namastubhyaM mUtrakUNDaprakrIDine |
shreShThAya parameshAya namo mArjArasaMvara || 26||
namAmi shAlvavaktrAya dvaya~Ngamekeva shobhitam |
namAmi devadevesha namaH sharabhasaMvara || 27||
siddhAya siddharUpAya guNAya guNavartine |
krau~nchAsyAya namastubhyaM krau~nchasaMvara te namaH || 28||
ulkAnanAya shuddhAya uttamAya namo namaH |
ugrAya bhImarUpAya ulkasaMvara te namaH || 29||
haMsavaktra namaste.astu haMsasvarasvarUpiNe |
haMsaHso.ahaMsvarUpAya haMsasaMvara te namaH || 30||
mR^igavaktrAya devAya namAmi parameshvara |
R^iddhisiddhipradAtre cha mR^igasaMvara te namaH || 31||
shaktiyukta namaste.astu chakravAkAnanAya cha |
namaste chakavAkAkhyasaMvarAya namo namaH || 32||
ajAnanAya vIrAya avidyAnAshine namaH |
apavargaphalAptyarthamajasaMvara te namaH || 33||
kukkuTAsyAya devAya kulavR^iddhikarAya cha |
namaste kauTukeshAya tubhyaM kukkuTasaMvara || 34||
kR^iShNasArasavaktrAya namaste karmasambhava |
kAlanAshAya devAya eNasaMvara te namaH || 35||
mUShAnanAya pUrNAya j~nAnadAya namo namaH |
sarvadaityavinAshaya mUShasaMvara te namaH || 36||
sAlUkAsya namaste.astu mAnAdivaradAya cha |
siddhibuddhipradAtre cha namaH sAlUkasaMvara || 37||
namaH kapolavaktrAya praj~nopAyAtmarUpiNe |
namaste.astu mahAvIra kapotasaMvarAya cha || 38||
namAmi grAhavaktrAya bhuktimuktipradAya cha |
namo.astu sarvabhUtesha grAhasaMvara te namaH || 39||
namaste chihlavaktrAya namaste maithune rata |
namaste bhagavan deva chihlasaMvara te namaH || 40||
chaTakAsyAya devAya namaste.astu jagadguro |
namaste.astu guNAdhIsha chaTakasaMvara te namaH || 41||
sArasAsya namastubhyaM namaste guNasAgara |
namo bhagavate tubhyaM sArasasaMvarAya cha || 42||
kha~njanAsyAya devAya mahAdevAya te namaH |
nirvANapadadAtre kha~njarITasaMvarAya cha || 43||
namaste kShemakaryAsya bhuktimuktipradAya cha |
namo bhagavate deva kShemakarisaMvarAya te || 44||
shashakAsya namastubhyaM namaste bhuvaneshvara |
karmapradAya te nityaM namaH shashakasaMvara || 45||
namo bhallUkavaktrAya ratikrIDAparAya cha |
kAryasiddhipradAtre cha namo bhallUkasaMvara || 46||
pikAsyAya namastubhyaM mantrasiddhikarAya cha |
trilokeshAya sarvAya pikasaMvara te namaH || 47||
namAmi vakavaktrAya shaktiyuktagaNAdhipa |
namAmi devadevesha vakasaMvara te namaH || 48||
kha~NgivaktrAya devAya sarvadA shirasA namaH |
namo.astu parameshAya kha~NgisaMvara te namaH || 49||
karkaTAsya namastubhyaM namaH saMsArahetave |
pApapu~njavinAshAya namaH karkaTasaMvara || 50||
namaH shallakivaktrAya sarvadoShanivAriNe |
saMsArapAshanAshAya namaH shallakisaMvara || 51||
vR^ishchikAsya namastubhyaM balakalyANadAya cha |
namo namaste devAya namo vR^ishchikasaMvara || 52||
alivaktrAya devAya alimodAya te namaH |
alilokavinAshAya alisaMvara te namaH || 53||
jAhakAsya namaste.astu janamohakR^itAya vai |
jayakalyANadAtre cha namo jAhakasaMvara || 54||
chamarIvaktra te nityaM chAturyaphaladAyine |
chaturvargapradAtre cha namashchamarisaMvara || 55||
sImnivaktranamastubhyaM siddhitvaphaladAyine |
namo bhagavate nityaM sImnisaMvara te namaH || 56||
namAmi godhavaktrAya namaste bhImavikrama |
namaste divyanetrAya godhAsaMvara te namaH || 57||
chakorAsya namastubhyaM chA~nchalyadoShanAshaka |
namo bhagavate tubhyaM chakorasaMvarAya cha || 58||
godhikAsyAya satataM sR^iShTisaMhArakariNe |
namaste paramAnanda godhikAsaMvarAya cha || 59||
madhumAkShikavaktrAya namaste mAnadAyaka |
sarvaj~nAya pareshAya namo mAkShikasaMvara || 60||
pata~Ngavaktra te nityaM paramesha namaH sadA |
divyAya divaseshAya namaH pata~NgasaMvara || 61||
naravaktrAya devAya narakaghnAya te namaH |
nAnArUpadadhAnAya narasaMvara te namaH || 62||
sR^iShTirUpa jagaddhAma sR^ijate sarvabhUtakam |
namo namaste satataM sR^iShTisaMvara te namaH || 63||
sthitirUpAya devAya guNAya guNavartine |
namaH sAravinAshAya sthitisaMvara te namaH || 64||
sarvalokasya saMhArakartre te parameshvara |
tasmAdahaM namasyAmi namaH pralayasaMvara || 65||
jyotirvaktra paraM dhAma namaste jagadIshvara |
parAtparataraM sUkShma jyotiHsaMvara te namaH || 66||
itIdaM saMvarastotraM triShu lokeShu durlabham |
parAtparataraM stotraM chatuHShaShTipramANakam || 67||
chatuHShaShTipramANeShu AdyamAdyaM tu vaktritam |
bhUyo granthamayAchchAtra AdyamAtraM prachoditam || 68||
kanyArthI labhate kanyAM dhanArthI labhate dhanam |
vidyArthI labhate vidyAM mokShArthI mokShamApnuyAt || 69||
vashIkaraNamuchchATaM mAramohanastambhanam |
AkarShaNaM cha vidveShaM dhAtuvAdaM rasAyanam || 70||
guTikAM pAdukAsiddhiM kha~NgasiddhiM tathaiva cha |
khecharIsiddhi vaidyA~NgaM mantrasiddhiM cha vAkpaTuH || 71||
parakAyapraveshaM cha dravyAkarShaNameva cha |
labhate stotrarAjena satyaM satyaM mayoditam || 72||
durbhikShaM chApadi pAThaM kurute shubhamApnuyAt |
ativR^iShTAvanAvR^iShTau mahAmArIsamudbhave || 73||
rAjyabhraMshe j~nAnabhraMshe strIbhraMshe cha dhanakShaye |
kalahe cha vivAde cha paThate stotramuttamam || 74||
bhikShukebhyaH sahasrebhyaH tulyaM dAnakR^itaM phalam |
bahunAtra kimuktena brahmANDadAnajaM phalam || 75||
iti shrIsaMvarAgame mahAtantre amitAbhavairochanasaMvAde
shrIchakrasaMvarAdichatuHShaShTisaMvarastotraM sampUrNam ||
##

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}