% Text title            : Importance of Dharma Conveyed by Vyasa Maharshi
% File name             : dharmamahimA.itx
% Category              : misc, advice, vyAsa, bRihaddharmapurANam
% Location              : doc\_z\_misc\_general
% Author                : Vyasa
% Proofread by          : NA
% Description/comments  : Brihaddharmapuranam | pUrvakhaNDaH | adhyAyaH 1| 30\-47 || 2| 1\-12 ||
% Latest update         : March 27, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Importance of Dharma ..}##
\itxtitle{.. dharmamahimA ..}##\endtitles ##
jAbAliruvAcha |
maharShe ke kalau dharmAH kimAchArAshcha kIdR^ishAH |
varNAnAmAshramANA~ncha kiM kR^itvA muchyate bhayAt || 1||
vaktA j~nAtA bhavAneva kartA chAsi pravartakaH |
pR^ichChAmi tvAM mahAbAho vada me shR^iNvataH prabho || 2||
vyAsa uvAcha |
dharme matirbhavatuH vaH satatotthitAnAM
       sahyeka eva paralokagatasya bandhuH |
arthAH striyashcha nipuNerapi sevyamAnA
       naivAptabhAvamupayAnti na cha sthiratvam || 3||
dharmaH sanAtanaH sarvaiH sevanIyaH sadA mune |
dharma eva paro bandhuH pitA mAtA pitAmahaH || 4||
dharmo guruH satya eko dharma eva parA gatiH |
dharma AtmA kriyA dharmastIrthAni dharma eva hi || 5||
dharmo dhanaM sarvadevo dharma eva na saMshayaH |
dharmaH sampad vipad dharmarAhityaM vyarthajIvanam || 6||
sadasatkarmaNAM draShTA dharma eva sanAtanaH |
dharme matiH paro lAbhastasya hyapachayo.anyathA || 7||
sA chAturI chAturI yA dharmarakShAkarI bhavet |
sahasropadravairyukto yo na dharmaM jahAti hi |
sa dhIra uchyate sadbhirdharmahAtvAtmahA mataH || 8||
dharmArthe kriyate bhAryA dharmArthe kriyate sutaH |
dharmArthe kriyate gehaM dharmArthe kriyate dhanam |
dharmArthe kriyate deho dharmArthe susthirA mahI || 9||
dharmArthe varShatIndro.api dharmArthe tapate raviH |
dharmArthe vahate vAyurdharmArthe.agnirjvalatyasau || 10||
dharmArthAni purANAni dhArmikaH pUjyate.amaraiH || 11||
adhArmikamukhaM dR^iShTvA pashyet sUryaM sadA naraH || 12||
dhArmiko yacha tattIrthaM sa desho nirupadravaH |
nAdharme ramatAM buddhiryato dharmastato jayaH || 13||
dharmashchatuShpAt sampUrNo vR^iSharUpadharashcharan |
pAti lokAnimAn mUrttastasmai dharmAya vai namaH || 14||
\ldq{}satyaM dayA tathA shAntirahiMsA\rdq{} cheti kIrtitAH |
dharmasyAvayavAstAta chatvAraH pUrNatAM gatAH || 15||
sarvaprabhedaiH sampUrNA ete satyayuge matAH |
eteShAM hrasate pAdastretAyAM dvApare punaH || 16||
dvau pAdau pAda ekashcha kalau so.ante vina~NkShyati |
tasmAddharme matiH kAryA surAsuranarAdibhiH || 17||
svalpamapyasya dharmasya trAyate mahato bhayAt |
yathA svalpamadharmaM hi janayettu mahAbhayam || 18||

|| iti bR^ihaddharmapurANe vyAsajAbAlisaMvAde prathamo.adhyAyAntargatA
        dharmamahimA sampUrNA ||

(dharmasyAvayavAH \- satyaM dayAM shAntiH ahiMsA)

sUta uvAcha |
evaM shrutvA sa jAbAliH prAha vyAsaM munIshvaram |
satyAdervada me bhedAn dharmAvayavarUpiNaH || 1||
vyAsa uvAcha |
(satyaM)
amithyAvachanaM satyaM svIkArapratipAlanam |
priyavAkyaM guroH sevA dR^iDha~nchaiva vrataM kR^itam || 2||
AstikyaM sAdhusa~Ngashcha piturmAtuH priya~NkaraH |
shuchitvaM trividha~nchaiva hrIrasa~nchaya eva cha || 3|| (trividha shaucha \- kAyika vAchika mAnasika)

evaM dvAdashadhA satyaM dayAM me vadataH shR^iNu |
(dayAM)
paropakAro dAna~ncha sarvadA smitabhAShaNam || 4||
vinayo nyUnatAbhAvasvIkAraH samatAmatiH |
ShaDvidheyaM dayA proktA shR^iNu shAntimatha mune || 5||
(shAntiH)
anasUyAlpasantoSha indriyANA~ncha saMyamaH |
asa~Ngamo maunamevaM devapUjAvidhau matiH || 6||
akutashchidbhayatva~ncha gAmbhIryaM sthirachittatA |
arukShabhAvaH sarvatra nispR^ihatvaM dR^iDhA matiH || 7||
vivarjanaM hyakAryANAM samaH pUjApamAnayoH |
shlAghA paraguNe.asteyaM brahmacharyaM dhR^itiH kShamA || 8||
Atithya~ncha japo homastIrthasevAryasevanam |
amatsaro bandhamokShaj~nAnaM sa.nnyAsabhAvanA || 9||
sahiShNutA suduHkheShu akArpaNyamamUrkhatA |
evamAdiguNA vipra shAntitvena prakIrtitAH || 10||
(ahiMsA)
ahiMsAtvAsanajayaH parapIDAvivarjanam |
shraddhAchAtithisevA cha shAntarUpapradarshanam || 11||
AtmIyatA cha sarvatra AtmabuddhiH parAtmasu |
iti nAnAvidhAH proktA ahiMseti mahAmune || 12||

|| iti bR^ihaddharmapurANe vyAsajAbAlisaMvAde dvitIyo.adhyAyAntargatA dharmAvayavamahimA sampUrNA ||

|| bR^ihaddharmapurANam | pUrvakhaNDaH | adhyAyaH 1| 30\-47 || 2| 1\-12 ||

##

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}