% Text title            : Dhvajarohanavarnanam
% File name             : dhvajArohaNavarNanam.itx
% Category              : misc, bRRihannAradIyapurANa
% Location              : doc\_z\_misc\_general
% Proofread by          : PSA Easwaran
% Description/comments  : bRRihannAradIyapurANa | pUrvabhAga | adhyAya 19/22-38||
% Latest update         : October 26, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Dhvajarohanavarnanam ..}##
\itxtitle{.. dhvajArohaNavarNanam ..}##\endtitles ##
devasya dvAradeshe vA shikhare vA mudAnvitaH |
susthiraM sthApayedvipra dhvajaM sastambhasaMyutam || 19\-19||
gandhapuShpAkShatairddevaM dhUpadIpairmanoharaiH |
bhakShyabhojyAdisaMyuktairnaivedyaishcha hariM yajet || 19\-20||
evaM devAlaye sthApya shobhanaM dhvajamuttamam |
pradakShiNamanuvrajya stotrametadudIrayet || 19\-21||
namaste puNDarIkAkSha namaste vishvabhAvana |
namaste.astu hR^iShIkesha mahApuruSha pUrvaja || 19\-22||
yenedamakhilaM jAtaM yatra sarvaM pratiShThitam |
layameShyati yatraiva taM prapanno.asmi keshavam || 19\-23||
na jAnanti paraM bhAvaM yasya brahmAdayaH surAH |
yogino yaM na pashyanti taM vande j~nAnarUpiNam || 19\-24||
antarikShaM tu yannAbhirdyaurmUrddhA yasya chaiva hi |
pAdo.abhUdyasya pR^ithivI taM vande vishvarUpiNam || 19\-25||
yasya shrotre dishaH sarvA yachchakShurdinakR^ichChashI |
R^iksAmayajuShI yena taM vande brahmarUpiNam || 19\-26||
yanmukhAdbrAhmaNA jAtA yadbAhorabhavannR^ipAH |
vaishyA yasyoruto jAtAH padbhyAM shUdro vyajAyata || 19\-27||
mAyAsa~NgamamAtreNa vadanti puruShaM tvajam |
svabhAvavimalaM shuddhaM nirvikAraM nira~njanam || 19\-28||
kShIrabdhishAyinaM devamanantamaparAjitam |
sadbhaktavatsalaM viShNuM bhaktigamyaM namAmyaham || 19\-29||
pR^ithivyAdIni bhUtAni tanmAtrANInndriyANi cha |
sUkShmAsUkShmANi yenAsaMstaM vande sarvatomukham || 19\-30||
yadbrahma paramaM dhAma sarvalokottamottamam |
nirguNaM paramaM sUkShmaM praNato.asmi punaH punaH || 19\-31||
avikAramajaM shuddhaM sarvatobAhumIshvaram |
yamAmananti yogIndrAH sarvakAraNakAraNam || 19\-32||
yo devaH sarvabhUtAnAmantarAtmA jaganmayaH |
nirguNaH paramAtmA cha sa me viShNuH prasIdatu || 19\-33||
hR^idayastho.api dUrastho mAyayA mohitAtmanAm |
j~nAninAM sarvago yastu sa me viShNuH prasIdatu || 19\-34||
chaturbhishcha chaturbhishcha dvAbhyAM pa~nchabhireva cha |
hUyate cha punardvAbhyAM sa me viShNuH pratIdatu || 19\-35||
j~nAninAM karmiNAM chaiva tathA bhaktimatAM nR^iNAm |
gatidAtA vishvamR^igyaH sa me viShNuH prasIdatu || 19\-36||
jagaddhitArthaM ye dehAH dhriyante lIlayA hareH |
tAnarchayanti vibudhAH sa me viShNuH prasIdatu || 19\-37||
yamAmananti vai santaH sachchidAnandavigraham |
nirguNaM cha guNAdhAraM sa me viShNuH prasIdatu || 19\-38||
iti stutvA namedviShNuM brAhmaNAMshcha prapUjayet |
AchAryaM pUjayetpashchAddakShiNAchChAdanAdibhiH || 19\-39||
brAhmaNAnbhojayechChaktyA bhaktibhAvasamanvitaH |
putramitrakalatrAdyaiH svayaM cha saha bandhubhiH || 19\-40||
kurvIta pAraNaM vipra nArAyaNaparAyaNaH |
yastvetatkarma kurvIta dhvajAropaNamuttamam |
tasya puNyaphalaM vakShye shR^iNuShva susamAhitaH || 19\-41||
paTo dhvajasya viprendra yAvachchalati vAyunA |
tAvanti pApajAlAni nashyantyeva na saMshayaH || 19\-42||
mahApAtakayukto vA yukto vA sarvapAtakaiH |
dhvajaM viShNugR^ihe kR^itvA muchyate sarvapAtakaiH || 19\-43||
yAvaddinAni tiShTheta dhvajo viShNugR^ihe dvija |
tAvadyugasahastrANi harisArUpyamashnute || 19\-44||
AropitaM dhvajaM dR^iShTvA ye.abhinandanti dhArmikAH |
te.api sarve pramuchyante mahApAtakakoTibhiH || 19\-45||
Aropito dhvajo viShNugR^ihe dhunvanpaTaM svakam |
kartuH sarvANi pApAni dhunoti nimiShArddhataH || 19\-46||
yastvAropya gR^ihe viShNordhvajaM nityamupAcharet |
sa devayAnena divaM yAtIva sumatirnR^ipaH || 19\-47||

iti shrIbR^ihannAradIyapurANe pUrvabhAge prathamapAde
vratAkhyAne dhvajAropaNaM nAmaikonaviMsho.adhyAyaH |

bR^ihannAradIyapurANa | pUrvabhAga | adhyAya 19/22\-38||
##
bRRihannAradIyapurANa . pUrvabhAga . adhyAya 19/22-38..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}