% Text title : Gandi Stava % File name : gaNDIstavaH.itx % Category : misc, buddha, stava % Location : doc\_z\_misc\_general % Transliterated by : DSBC staff % Proofread by : Miroj Shakya % Acknowledge-Permission: Prof. Miroj Shakya, Text Nagarjuna Institute of Exact Methods, Digital Sanskrit Buddhist Canon Project, University of the West https://www.dsbcproject.org/ % Latest update : March 8, 2025 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Gandi Stava ..}## \itxtitle{.. gaNDIstavaH ..}##\endtitles ## ApAtAlAntadevAH suranaragarUDA daityagandharvayakShAH siddhA vidyAdharAdyA jaladhitaTagatA nAgasattvAH samagrAH | gaNDIshabdaM samantAd rabhasitamanasaH svAsane.asmin prasannAH shrotuM(sAdho)radhIrA vimalaguNagaNasyAsya trailokyabandhoH || 1|| lIlAvAsitachAmaraishchaladaho kA~nchIprapa~nchAlasat prA~nchatkA~nchanaki~NkiNIbhiraraNat svAsIvahaMsasvanAH | tAruNyAmalanIlanIrajadala shyAmA~NkamArA~NganA\- shchakrUryasya na mAnasasya vikR^itiM buddhAya tasmai namaH || 2|| yeShAmasti prasAdo bhagavati sugate mArabhidyogayukte ye vA sadyaH prasannAH sugatasutakR^ite svasti yeShAM cha bhaktiH | gaNDImAhatya chAsmin jagati shubhakarAM shAkyasiMhasya shAstuH kR^itvA shuddhAntasaMsthAM suvihitamanasaH shrotumAyAnti sarve || 3|| buddhaM trailokyanAthaM suranaranamitaM pArasaMsAratIraM dhIraM gambhIravantaM sakalaguNanidhiM dharmarAjyAbhiShiktam | tR^iShNAmArAntakAraM kalikaluShaharaM kAmalobhAntavantaM taM vande shAkyasiMhaM praNamitashirasA sarvakAlaM namAmi || 4|| R^impaM R^impaM R^iR^impaM Tama Tama TaTamaM tundatundaM tutundaM saM saM saM saM saM saM saM samasamamasamaM durma durma drudurmam | nAgirnAgirnanAgistakhitakhitakhitastatyajurye raNe vai kaiH kaiH kaiH kaishcha kaiH kairjagati bhayaharA kIrtyate dharmagaNDI || 5|| kuruta kuruta shrIpaM dhyAnasannAhamagnaM grasati na khalu yAvad durnivAraH kR^itAntaH | iti vadati janaughe bodhitA bhikShusa~NghAH kShapitaduritapakShAkIrNaniHsheShadoShAH || 6|| yasminnabhyudite.akhilaM tribhuvanaM yAtyastamasta~Ngate yena j~nAnagabhastihastavisarairhastaM yatastanyate | saddharmAmalamaNDalo dashabalaH saMsArarAtryantakaH pAyAdvai munibhAskaraH suragaNAn buddhaH prajAbAndhavaH || 7|| chittaM yena jitaM gajendrachapalaM j~nAnAkSharairnA~Nkushai\- rnaShTaM rAgatamo.andhakArapaTalaM j~nAnAgninA nAgninA | dhvastaM mArabalaM prashAntamatinA kShAntyAyudhairnAyudhai\- staM vande praNatArtinAshanapaTuM buddhaM prabuddhaM munim || 8|| tIrthyAnAmAshu sainyaM jhaTiti vighaTayan nAkaniShThapratiShThaM bhUyiShThAbhiH prabhAbhirbhuvanamavataraMstrAsayan bhAsurAbhiH | lakShmIH pAtAlamUle sthitakanakamahAgarbhasiMhAsanasthA gItajyotiH svayaM vo dishatu dashabalo darshitaprAtihAryaH || 9|| pAdA~NguShThe niviShTAM kShipati pR^ithushilAdyaiH sa rAjAtigurvI chograM grIShmapratApaprashamamupagato valgunA mantrapUtAm | tAmeva trAsyamAno vighaTayati sukhaM shvAsaniHshvAsavAtAn lokaM siddhAH praNemuH sa dishatu bhagavAn sampadaM sarvadarshI || 10|| bhagnA mArAdirUpAH pralayabhayakarA baddhasannaddhakakShA nAnA tIkShNAgrahastAH karituragamukhAH siMhanAdaM nadantaH | buddhatvaM yena nItAH kuvalayadaladR^ishA(prekShitA) bhikShusa~NghAH dharmaM kAntaM(nitAnta)maghadalanapaTuM tIrthikANAM shR^iNudhvam || 11|| chittaM yasyA~NganAyA ratitaraladR^ishA.apA~Ngabha~NgaiH subha~NgaiH kShobhaM naivAshu nItaM kuchakalashabharairhAralIDhaiH sulIDhaiH | tasyaiShA dharmagaNDI madhurakalaravaM rAvate bhikShusa~NghaM dharmaM kAntaM tadIyaM paramabhayakaraM tIrthikANAM shR^iNudhvam || 12|| yaH shrImAn dharmachakre pramuditamanasA dharmaratnaikamauli\- rbhUyAMsaM pUrNadehaM vikasitavadanaM dharmaratnodagirantam | siMhAkrAntAsanasthaH kanakagirinibho dharmanAdaM nadantaM tasyeyaM dharmagaNDI praNadati satataM saMshR^iNudhvaM jinasya || 13|| mA mA mA mIyakaNThairDimaDimagagatA gAgagAgairgalantaiH nA nA nA nopanItaM nanu nanu nanu mA dhuryamAdhuryakAntaiH | gItaiH kAmA~NganAnAM prachalitamabhavad yasya cheto na sharmi tasyaiShA dharmaketoH paTupaTaharavA rAraTItyugragaNDI || 14|| kiM saMvartapradattaprasavavanacharA dIrghasaMrambhanAdAH kiM vA nirvATaghAtaH kimuta bhagavatI hukR^itirvajrapANeH | tatsarvaM vai janAnAM pravachanamatayo draShTumantaHpravR^ittA buddhasyodAramUrtestridashabhayakaro gaNDivAdaH sa eShaH || 15|| UrjAsa~NghAtimArA vikR^itanakhamukhA raudrasiMha(sva)rUpAH pAtAle ratnadIpe prakaTamaNigaNAH shabditAH parvatendrAH | devendrairmauliratnaiH praNamitacharaNasyAsya vishvaikabandho rautyeShA hanyamAnA yatiShu shubhavidaH shAkyasiMhasya gaNDI || 16|| kIrtirnAtha pramathakamana~Ngo.astu vA tattvadIyA dInAnAthoddharaNa purato gIyate mArashatroH | khindaM khindaM khikhindaM khuda khuda sukhadaM dattake dattutundaM tundaM tundaM tutundaM dhvanipaTupaTahaiH siddhagandharvanAgaiH || 17|| mArairnAnAprakArairvikR^itashatamukhairbhUrivaktrairjvaladbhi\- rbhImairaTTATTahAsaiH palalakavalitaiH siMhanAdaM nadadbhiH | kAlAkArairanekairgahanabhayakaraiH sarvato bhIShayadbhi\- rvyAptaM cheto na yasya kShaNamapi niyataM mArabha~NgaH sa vo.avyAt || 18|| rAjA niShkaNTarAjyo bhavatu vasumatI sarvasasyAbhipurNA kAle varShantu meghA vyapagatavipadaH santu lokAH samastAH | vIhAre karmapUrNaM yadakhilanR^iNAM sarvavighnopashAnti\- ranyonyaprItibhAvAd bhavatu sukhamayo vItarAgAryasa~NghaH || 19|| shAstuH saddharmaratnaM sugatavarasutAn prerayantI vishuddhayed rAgadveShairvimUDhAn viShamapathagatAn rAvayantI jayantI | sattvAnuttArayantI prashamasharashatairvidyamAnArthavantaM shAstuH sa.nprItihAryaM vividhavararutaiH shAntikArI janasya || 20|| spheTantaM vAranAryA vikaTagaNaghaTATTATTahAsaM nadantaM khelantaM visphurantaM jvaladanalashikhAkAntalIlAM dadantam | bhantaM premaprakAmaM sphuTaduruvachasaM kAmadhAtvIshvaratvaM taM vande vandanIyaM sakalabhayaharaM buddhavIraM suvIram || 21|| sampanne.a~NguShThapadme jhaTiti hR^idi tathA kaNTha evopakaNThe DhakkAsa~NkAshatAlaiHkalapaTupaTahaiH sha~NkhanirghoShighoShaiH | hA hA huM hUM kR^itA ye jhaTiti kaTakaTairbhImanAdAnumodaiH kShudraM cheto na chaitat suravarajayino yasya tasmai namo.astu || 22|| garjantaM vAgvisheShaM prakaTapaTuravairdivyagAndharvashabdai\- rnAnAnAgendrayakShaiH stutichaTulashataiH pUjyamAnA mahadbhiH | sA~Nkhye mAheshvarIyAnasuragurutam \-\-\-\-\-\-\-\-\-\-\-\-\- \-\-\-\-\-\-\-\-\-\-\-\-\- mArabhantI karakamalagatA shAntimArAraTIti || 23|| dattvA sarvasvadAnI kratukanakamayaM vArANAnAM shataM vA rAjyaM putraM kalatraM svatanumapi shirashchakShuShAM vA sahasram | yenA \-\-\-\-\-\-\-\-\-\-\-\-\- bhirapi shatairvatsarANAM vyayatvAt samyaksambodhiragrA sa jayati sugataH shAntaye sajjanAnAm || 24|| nAnArUpavirUpadR^ishyavikR^iterbhUyo grased bhUtibhi\- rbodhairyoShiti rodhanaprajanitajyotirjvala(dbandha)naiH | mArasyAnucharairna yasya sudhiyaH ki~nchinmanaH kampitaM nR^ityairvA sugatasya mArajayino gaNDI raNatyadbhUtam || 25|| yasyA nAdaM nishamya shravaNasukhakaraM yAnti tR^iptiM samantAt pretA bhUmImukhAdyAH pR^ithutaravapuShaH kShutpipAsAbhibhUtAH | samyagabhaktyA prasannaiH suranaravapuShaiH shrUyate chAturairyA sA gaNDI pAtu vishvaM dashabalabalinastasya mAnA manoj~nA || 26|| nAnAvAdyakarIndravAjimahiShavyAghrAdishabdairyutaM cha~nchatkuntasubANatomaragadAchakrAdishastrodyatam | bhagnaM sainyamanena yodhasahitaM mArasya yena kShaNAt tasyeyaM karuNAnidherbhagavataH pAyAjjagad gaNDikA || 27|| dharme saMrambhachittAH prabhavahatavidhiH pApataH sarvadaiva dAne shIle kShamAyAM paThati sakaruNe sajjanAH saMyatAH syuH | ityevaM sarvasattvAn sumadhuraraNitairbodhayantI vishuddhA tannaH puNyairvachobhistrijagati sakalaM buddhavIrasya gaNDI || 28|| shR^iNvantI sAvadhAnA prashamatatasharAbhyAsanairnaiva shabdaM sendrAdAnandavajrI svabhuvananR^ipatestu~Ngaveleva devAn | vandIbhUtAn munIndrAn pravachanapaTutAkArasaMrambhashabdai\- ryA gaNDI daNDaghAtakramamanuraNanAd dundubhIvad dhunoti || 29|| hu~NkArI padmayonistripuravijayino vallabhaH shUlapANi\- rviShNuryad vajrapANiH surapatirasuradhvaMsanashchakrapANiH | ye vA chAnye stuvanti pramatanijarave kShobhabhAve kimAste sarve tasyA~NaghrimUle vinayamupagatA geyamantraM stuvAmi || 30|| aj~nAn sarvaj~nanAthAn munipadasahitAn bhrAmayantI trilokaM mArAMshchAnyaprakArairvividhabhayakarAn trAsayantI samastAn | pApAn protsArayantI viShayaratidhiyaH paNDitAn bodhayantI prochchaiH saMruddhabodhyAn pravadati bhuvane shAkyasiMhasya gaNDI || 31|| vyAghrayai dattvA svadehaM guNashatanivahaM puNyasambhAralabdhaM buddhatvaM yaH prayAtaH pratihatadurito manmathonmAdanArthI | shAstA yashchAdvitIyo bhavabhayabhiduro bhinnapApAbhisandhi\- stasyeyaM vai vichitrA stanati bhagavataH shAkyasiMhasya gaNDI || 32|| mAyAdevyAshcha kukShau janitajinavaraH shAkyasiMho munIndro bhUmni prAyAttu madhye pravarasumuninA lokavR^ikShasya mUle | devendrabrahmarudrAsuranaravibudhaiH snApito yaH sa deva\- staM vande bhaktiratnaiH shashadharakiraNAkShodidehaM munIndram || 33|| mArairnAnAprakArairasiparashudhanurbANahastairjvaladbhi\- rbhImAsyairduShTadaMShTrairgajabhujagamukhaiH siMhavaktraiH shvavaktraiH | pratya~nchenonamasya kShaNamapi shamitastasya buddhasya pAdau gantuM loko.api sarvo dhruvamiti gatabhIshchaiShu gaNDI ninAdyA || 34|| iti shrI gaNDIstavaH samAptaH | iti kR^itiriyamAchArya\-AryadevapAdAnAM sampUrNam || ## \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}