% Text title            : jAtisambandha brahmavaivartapurANe
% File name             : jAtisambandhaBVP.itx
% Category              : purana
% Location              : doc\_z\_misc\_general
% Transliterated by     : pranav.tendulkar at gmail dotcom
% Proofread by          : vrushaliagarkar at gmail dotcom
% Description-comments  : brahmakhaNDe adhyAya 10
% Latest update         : January 28, 2013
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Relations brahmavaivartapurANa ..}## 
\itxtitle{.. jAtisambandhaM brahmavaivartapurANAntargatam ..}##\endtitles ##

pitA tAtastu janako janmadAtA prakIrtitaH |
ambA mAtA cha jananI janayitrI prasUrapi || 139|| 
pitAmahaH pitR^ipitA tatpitA prapitAmahaH |
ata urdhva j~nAtayashcha sagotrAH parikIrtitAH || 140 ||
mAtAmahaH pitA mAtuH pramAtAmah eva cha |
mAtAmahasya janakastatpitA vR^iddhapUrvakaH || 141 ||
pitAmahI piturmAtA tachChvashrUH prapitAmahI |
tachChvashrUshcha parij~neyA sA vR^iddhaprapitAmahI || 142 ||
mAtAmahI mAtR^imAtA mAtR^itulyA cha pUjitA |
pramAtAmahIti j~neyA pramAtAmahakAminI|| 143 ||
vR^iddhamAtAmahI j~neyA tatpituH kAmini tathA | 
pitR^ibhrAtA pitR^ivyashcha mAtR^ibhrAtA cha mAtulaH || 144 ||
pitR^iShvasA piturmAtR^iShvasA mAtuH svasA smR^itA |
sUnushcha tanayaH putro dAyAdashchA.atmajastathA|| 145 ||
dhanabhAgvIryajashchaiva puMsi janye cha vartate |
janyAyAM duhitA kanyA chA.a.atmajA parikIrtitA || 146 ||
putrapatnI vadhUrj~neyA jAmAtA duhituH patiH |
patiH priyashcha bhartA cha svAmI kAnte cha vartate || 147 ||
devaraH svAmino bhrAtA nanAndA svAminaH svasA |
shvashuraH svAminastAtaH shvashrUshcha svAminaH prasUH || 148 ||
bhAryA jAyA priyA kAntA strI cha patnI prakIrtitA |
patnibhrAtA shyAlakashcha svasA patnyAshcha shyAlikA || 149 ||
patnImAtA tathA shvashrUstatpitA shvashuraH smR^itaH |
sagarbhaH sodaro bhrAtA sagarbhA bhaginI smR^itA || 150 ||
bhaginIjo bhAgineyo bhrAtR^ijo bhrAtR^iputrakaH |
Avutto bhaginIkAnto bhaginIpatireva cha || 151 ||
shyAlIpatistu bhrAtA cha shvashuraikatvahetunA |
shvashurastu pitA j~neyo janmadAtuH samo mune || 152 ||
annadAtA bhayatrAtA patnItAtastathaiva cha |
vidyAdAtA janmadAtA pa~nchaite pitaro nR^iNAm.h || 153 ||
annadAtushcha yA patnI bhaginI gurukAminI |
mAtA cha tatsapatnI cha kanyA putrapriyA tathA || 154  ||
mAturmAtA piturmAtA shvashrUHpitroH svasA tathA |
pitR^ivyastrI mAtulAnI mAtarashcha chaturdasha || 155  ||
pautrastu putraputre cha prapautrastatsute.api cha |
tatputrAdyAshcha ye vaMshyAH kulajAshcha prakIrtitAH || 156  ||
kanyAputrashcha dauhitrastatputrAdyAshcha bAndhavAH |
bhAgineyasutAdyAshcha puruShA bAndhavAH smR^itAH || 157  ||
bhrAtR^iputrasya putrAdyAste punarj~nAtayaH smR^itAH |
guruputrastathA bhrAtA poShyaH paramabAndhavaH || 158  ||
gurukanyA cha bhaginI poShyA mAtR^isamA mune |
putrasya cha gururbhrAtA poShyaH susnigdhabAndhavaH || 159  ||
putrasya shvashuro bhrAtA bandhurvaivAhikaH smR^itaH |
kanyAyAH shvashure chaiva tatsaMbandhaH prakIrtitaH || 160  ||
gurushcha kanyakAyAshcha bhrAtA susnigdhabAndhavAH |
gurushvashurabhrAtR^iNAM gurutulyaH prakIrtitaH || 161  ||
bandhutA yena sArdhaM cha tanmitraM parikIrtitam.h |
mitraM sukhapradaM j~neyaM duHkhado ripuruchyate || 162  ||
bAndhavo duHkhado daivAnniHsaMbandho.asukhapradaH |
saMbandhAstrividhAH puMsAM viprendra jagatItale || 163  ||
vidyAjo yonijashchaiva prItijashcha prakIrtitaH |
mitraM tu prItijaM j~neyaM sa saMbandhaH sudurlabhaH || 164  ||
mitramAtA mitrabhAryA mAtR^itulyA na saMshayaH |
mitrabhrAtA mitrapitA bhrAtR^itAtasamau nR^iNAm.h || 165  ||
chaturthaM nAmasaMbandhamityAha kamalodbhavaH |
jArashchopapatirbandhurduShTasaMbhogakartari || 166  ||
upapatnyAM navaj~nA cha preyasi chittahAriNI |
svAmitulyashcha jArashcha navaj~nA gR^ihiNIsamA || 167  ||
saMbandho deshabhede cha sarvadeshe vigarhitaH |
avaidiko nindatastu vishvamitreNa nirmitaH || 168 || 
dustyajashcha mahadbhistu deshabhede vidhIyate |
akIrtijanakaH puMsAM yoShitAM cha visheShataH || 169  ||
tejIyasAM na doShAya vidyamAne yuge yuge || 170  ||
iti shrIbrahmavaivarte mahApurANe sautishaunakasaMvAde brahmakhaNDe
jAtisaMbandhanirNayo nAm dashamo.adhyAyaH || 10||
##
Encoded and proofread by 
Pranav and Vrushali Tendulkar pranav.tendulkar at gmail.com

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}