% Text title            : Prasiddha Shalyachikitsakah Jivakakomarabhachchah
% File name             : jIvakakomArabhachchaH.itx
% Category              : misc, article, pradIptakumArananda
% Location              : doc\_z\_misc\_general
% Author                : (Copyright) Pradipta Kumar Nanda, Kendrapara, Orissa pknanda65 at gmail.com
% Transliterated by     : Pradipta Kumar Nanda pknanda65 at gmail.com
% Proofread by          : Pradipta Kumar Nanda
% Description/comments  : jIvanam, chikitsAvidyA, bauddhasAhitye yogadAnancha
% Acknowledge-Permission: (Copyright) Pradipta Kumar Nanda
% Latest update         : October 15, 2026
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Prasiddha Shalyachikitsakah Jivakakomarabhachchah ..}##
\itxtitle{.. prasiddhashalyachikitsakaH jIvakakomArabhachchaH ..}##\endtitles ##
\section{jIvanam, chikitsAvidyA, bauddhasAhitye yogadAna~ncha}
\section{1\. upakramaH}

prAchInabhAratIyachikitsAvidyAyAH itihAse bauddhasAhitye cha jIvakakomArabhachchasya nAma visheShatayA smaraNIyam | saH gautamabuddhasya samasAmayikaH prasiddhashcha chikitsakaH AsIditi bauddhaparamparAyAM varNitam | tasya jIvanacharitaM kevalaM chikitsakasya vyaktigatajIvanasya vivaraNaM na, apitu prAchInabhAratasya chikitsAshikShAyAH, auShadhaprayogasya, shalyachikitsAyAH, rAjachikitsAyAH tathA bauddhasa~Nghasya svAsthyasevAyAshcha adhyayanAya mahattvapUrNamupAdAnamasti |

jIvakasambandhinaH pramukhAH sAhityikasrotA.nsi pAlibhAShAyAM rachite vinayapiTake antarbhavanti | visheShataH mahAvaggasya bhesajjakkhandhake jIvakasya chikitsAsevAyAH, auShadhaprayogasya, buddhena saha tasya sambandhasya cha vivaraNAni prApyante | tathApi tasya jIvanavR^ittAnte varNitAni sarvANi vR^ittAntAni svatantraiH aitihAsikapramANaiH siddhAnIti vaktuM na shakyate | ataH sAhityikaparamparAyAH vivaraNAni aitihAsikatathyAni cha vivekapUrvakaM pR^ithakkR^itya adhyetavyAni |
\section{2\. jIvakasya janma tathA prArambhikajIvanam}

bauddhaparamparAnusAraM jIvakasya prArambhikajIvanaM karuNAjanakaparisthityA sambaddhamAsIt | tasya janma, parityaktashishurUpeNa prAptiH, abhayarAjakumArasya sa.nrakShaNe pAlanaM cha prAchInabauddhakathAsu varNitam | abhayarAjakumAraH taM svakIyasa.nrakShaNe gR^ihItvA poShitavAniti paramparAgataM vivaraNaM prApyate | asmAdeva kAraNAt tasya nAmni \ldq{}komArabhachcha\rdq{} iti padasya sambandhaH vyAkhyAyate |

tasya janmavR^ittAntasya vivaraNaM vibhinnAsu bauddhaparamparAsu ki~nchidbhinnatayA dR^ishyate | ataH etAni vivaraNAni nirvivAdetihAsarUpeNa na, apitu prAchInasAhitye sa.nrakShitaparamparAgatavR^ittAntatvena grAhyANi |

jIvakasya jIvanaM sUchayati yat manuShyasya mahattvaM kevalaM janmanA, kulaparamparayA vA na nirdhAritaM bhavati | vidyayA, parishrameNa, sadAchAreNa, sevAbhAvena cha manuShyaH samAje vishiShTaM sthAnaM prAptuM shaknoti |
\section{3\. takShashilAyAM chikitsAshikShA}

jIvakasya jIvanacharite takShashilAyAM chikitsAshikShAgrahaNasya vR^ittAntaH prasiddhaH | bauddhajIvanacharitaparamparAnusAraM saH yuvAvasthAyAM takShashilAM gatvA prasiddhasyAchAryasya samIpe chikitsAvidyAmadhItavAn | tatra saH rogalakShaNaparIkShaNam, auShadhanirNayaH, rogiNaH shArIrikAvasthAyAH nirIkShaNam tathA chikitsApaddhatInAM prayogashcha adhItavAniti paramparAgatakathAsu varNitam |

prAchInabhArate takShashilA vidyAnAmadhyayanasya prasiddhaM kendramAsIt | vividhavidyAdhyayanArthaM dUradUrapradeshebhyaH ChAtrAH tatra AgachChanti smeti aitihAsikaparamparAyAM prasiddham | jIvakasya takShashilAgamanavR^ittAntaH chikitsAvidyAyAH arjane guroH mArgadarshanasya, niyamitAbhyAsasya, anubhavasya cha mahattvaM prakAshayati |

tathApi jIvakasya adhyayanakAlaH, pAThyakramaH tathA tasyAchAryasya parichayaH ityAdiviShayeShu sarvANi vivaraNAni samakAlInasvatantrapramANaiH siddhAni na santi | ataH teShAM vivechanaM srotassamIkShayA karaNIyam |
\section{4\. jIvakasya chikitsAnaipuNyam}

bauddhasAhitye jIvakaH kushalaH, nipuNaH, vivekashIlashcha chikitsakaH iti chitritaH | rogiNaH lakShaNAnAM nirIkShaNam, tadanusAram auShadhasya chayanam, chikitsAyAH prabhAvasya parIkShaNaM cha tasya chikitsAkAryasya pramukhavisheShatArUpeNa varNitam |

vinayapiTakasya mahAvagge jIvakavatthu iti prakaraNe dhanikasya bhAryAyAH chikitsAsambaddhaH prasa~NgaH varNitaH | paramparAgatavarNanAnusAraM jIvakaH tasyAH lakShaNAni parIkShya auShadhayuktaM sarpiH nAsikAmArgeNa prayuktavAn | ayaM vR^ittAntaH prAchInabhAratIyachikitsAparamparAyAM nAsAmArgeNa auShadhaprayogasya sAhityikamudAharaNaM bhavati |

atra visheShatayA j~nAtavyaM yat prAchInagrantheShu varNitAH chikitsApaddhatayaH AdhunikachikitsAyAH pratyakShanirdeshAH na bhavanti | tAsAM vaij~nAnikaprAmANyaM pR^ithak parIkShaNena eva nirNetuM shakyate |

jIvakasya chikitsAvR^ittAntAH sUchayanti yat prAchInabhAratIyachikitsAyAM rogalakShaNAnAM sUkShmanirIkShaNam, auShadhachayanam, rogiNaH sthityanusAraM chikitsAyAH vyavasthA cha mahattvapUrNAni a~NgAni Asan |
\section{5\. rAjachikitsakarUpeNa jIvakaH}

bauddhaparamparAyAM jIvakaH magadharAjaparivArasya chikitsakarUpeNa prasiddhaH | saH bimbisArarAjasya chikitsakaH AsIditi paramparAgatavR^ittAnteShu varNitam | rAjaparivArasya chikitsakatvaM tasya chikitsAnaipuNyasya sAmAjikapratiShThAyAshcha parichAyakamiti mantuM shakyate |

tasya jIvanacharite avantirAjasya chaNDapradyotasya chikitsAyAH prasa~Ngo.api prApyate | anena vR^ittAntena jIvakasya kIrtiH magadharAjyasya sImAmatikramya anyapradesheShvapi prasR^itA AsIditi bauddhaparamparAyAM chitritam | tathApi asya prasa~Ngasya sarvANi vivaraNAni svatantraiH aitihAsikasAkShyaiH pramANitAni na santi |

jIvakasya rAjachikitsakarUpaM prAchInabhArate chikitsakAnAM sAmAjikapratiShThA.n, rAjakIyasa.nrakShaNaM tathA chikitsAvidyAyAH vyAvahArikamahattvaM cha avagantuM sAhAyyaM karoti |
\section{6\. gautamabuddhasya chikitsakarUpeNa jIvakaH}

jIvakasya sarvAdhikaprasiddhaH parichayaH gautamabuddhasya chikitsakarUpeNa asti | pAlivinayapiTakasya mahAvagge jIvakasya buddhena saha sambandhaH tathA bauddhasa~Nghasya prati tasya sevAbhAvaH varNitaH |

bauddhaparamparAnusAraM buddhasya svAsthyasambaddhAsu AvashyakatAsu jIvakaH chikitsAsahAyyaM pradattavAn | auShadhaprayogaH, rogiNaH avasthAyAH nirIkShaNam tathA AvashyakachikitsAyAH vyavasthA tasya sevAyAH a~NgAni Asan iti vR^ittAnteShu prApyate |

jIvakasya buddhena saha sambandhaH kevalaM chikitsakasya rogiNA saha sambandhaH nAsIt iti bauddhaparamparA pratipAdayati | saH buddhasya upadeshAn shR^iNoti sma, bauddhadharme shraddhAM dhArayati sma, sa~Nghasya kalyANAya cha vividhasevAH akarot iti varNanaM prApyate |

ataH jIvakaH bauddhasAhitye kushalachikitsakatvena, dharmaniShThagR^ihasthopAsakatvena, samAjasevakatvena cha smaraNIyaH |
\section{7\. jIvakasya AmravanadAnam}

jIvakasya dAnashIlatAyAH pramukhamudAharaNaM tasya AmravanadAnam | bauddhaparamparAnusAraM rAjagR^ihasya samIpe sthitam AmravanaM saH buddhAya bauddhasa~NghAya cha samarpitavAn | tadAmravanaM buddhasya sa~Nghasya cha nivAsAya, dharmacharchAyai tathA vishrAmAya upayogi abhavat iti paramparAgatavarNanaM prApyate |

etaddAnaM kevalaM bhUmeH athavA udyAnasya dAnaM nAsIt; apitu dhArmikasamudAyasya AvashyakatAnAM pUrtaye kR^itaH samAjopayogI prayAsaH AsIt | anena jIvakasya dAnashIlatA, dharmashraddhA, sAmAjikadAyitvabodhashcha prakAshante |

bauddhaparamparAyAM dAna.n, karuNA, sevAbhAvashcha mahattvapUrNAni naitikamUlyAni santi | jIvakasya AmravanadAnavR^ittAntaH eteShAM mUlyanAm AcharaNAtmakaM svarUpaM darshayati |
\section{8\. bauddhasa~Nghasya svAsthyasevAyAM yogadAnam}

jIvakasya yogadAnasya anyaH mahattvapUrNaH pakShaH bauddhabhikShUNAM svAsthyasevayA sambaddhaH asti | vinayapiTakasya mahAvagge bhesajjakkhandhake rogiNAM bhikShUNAM chikitsAyai auShadhaprayogAya cha sambandhinaH niyamAH varNitAH santi | etasmin prakaraNe jIvakasya nAma tathA tasya chikitsAsevAyAH prasa~NgAH prApyante |

bauddhasa~Nghe rogiNAM bhikShUNAM paricharyA, auShadhAnAM vyavasthA, rogiNaH upekShAM vinA tasya sevAkaraNaM cha mahattvapUrNAni viShayANi Asan | eteShAM prasa~NgAnAM adhyayanAt j~nAyate yat bauddhavinayasAhitye svAsthyarakShaNasya tathA rogiNaH prati karuNApUrNavyavahArasya mahattvaM svIkR^itam AsIt |

etat prAchInabhArate dhArmikasamudAyasya antaH svAsthyasevAyAH vyavasthAyAH sAhityikasAkShyarUpeNa adhyetuM shakyate | kintu etAM vyavasthAM AdhunikachikitsAlayavyavasthayA saha pUrNatayA samAnAM vaktuM na yuktam |
\section{9\. jIvakasya vyaktitvam AdarshAshcha}

jIvakasya paramparAgatacharite trayaH pramukhAH guNAH visheShatayA dR^ishyante\-vidyAnurAgaH, sevAbhAvaH, dAnashIlatA cha |

prathama.n, chikitsAvidyAyAH prAptaye tasya prayatnaH adhyayanasya, abhyAsasya, guroH mArgadarshanasya cha mahattvaM prakAshayati | dvitIya.n, rAjaparivArasya tathA anyeShAM rogiNAM chikitsAyAH vR^ittAntAH tasya sevAbhAvaM sUchayanti | tR^itIya.n, buddhasya bauddhasa~Nghasya cha prati tasya dAnaM dharmashraddhAM sAmAjikadAyitvabodhaM cha prakAshayati |

jIvakasya charitaM chikitsAvidyAM kevalaM jIvikopArjanasya sAdhanarUpeNa na, apitu mAnavasevAyAH mahattvapUrNamAdhyamarUpeNa avagantuM prerayati | rogiNaH duHkhasya nivAraNam, svAsthyasya sa.nrakShaNam, karuNayA saha sevApradAnaM cha chikitsakasya naitikadAyitvasya a~NgAni bhavanti |

tathApi jIvakasya vyaktitvasya adhyayanaM kurvatA asmAbhiH smartavyaM yat tasya charitaM mukhyataH bauddhasAhitye sa.nrakShitam asti | ataH sAhityikavarNanasya dhArmikAdarshasya aitihAsikatathyasya cha samyak pR^ithakkaraNam Avashyakam |
\section{10\. upasa.nhAraH}

jIvakakomArabhachchaH prAchInabhAratIyachikitsAparamparAyAH tathA bauddhadharmetihAsasya smaraNIyaH vyaktiH asti | bauddhagrantheShu tasya chikitsAnaipuNya.n, buddhasya prati sevAbhAvaH, bhikShusa~Nghasya svAsthyasevAyAM yogadAnam, AmravanadAnaM cha visheShatayA varNitam |

tasya jIvanavR^ittAntaH shikShate yat vidyAyAH vAstavikaM prayojanaM kevalaM vyaktigatapratiShThAprAptiH na, apitu samAjasya kalyANa.n, duHkhitAnAM sevA.n, mAnavajIvanasya sa.nrakShaNaM cha bhavati | jIvakasya charite chikitsAvidyA, karuNA, dAnashIlatA, sAmAjikadAyitvabodhashcha parasparaM sambaddhAH dR^ishyante |

yadyapi tasya jIvanasambaddhAni sarvANi vR^ittAntAni svatantraiH aitihAsikapramANaiH siddhAni na santi, tathApi bauddhasAhityasya, prAchInachikitsAparamparAyAH, dhArmikasamAjasya cha adhyayanAya jIvakasya nAma atyantam upAdeyam | ataH saH prAchInabhAratIyachikitsAyAH itihAse kevalaM buddhasya chikitsakatvena na, apitu mAnavasevAyAH Adarshasya sAhityikapratinidhitvenApi mahattvaM dhArayati |

\section{sahAyakagranthasUchI}
1\. vinayapiTaka.n, mahAvaggaH, aShTamo vibhAgaH, jIvakavatthu \- jIvakasya jIvana.n, chikitsAkArya.n, buddhena saha sambandhashcha |
2\. vinayapiTaka.n, mahAvaggaH, ShaShTho vibhAgaH, bhesajjakkhandhakaH \- auShadhaprayogaH, bhikShUNAM chikitsAvidhAnAni, svAsthyasevAsambaddhaviShayAshcha |
3\. ##Great Chronicles, ``Jīvaka the Physician''## \- jIvakasya pAramparikajIvanacharitaM tathA chikitsAsambaddhAH kathAH |
4\. ##Journal of Research in Medical Sciences## \- prAchInabhAratIyachikitsakAnAM chikitsAparamparAyAshcha aitihAsikAdhyayanam |

\-\- pro\. pradIptakumAranandaH (sevAnivR^ita)
shrIjagannAthasaMskR^itavishvavidyAlayaH, purI


##
Written by Dr. Pradipta Kumar Nanda, Kendrapara, Orisa pknanda65 at gmail.com
Retd.Head, Dept.of Sarvadarshan
SJSV,Puri

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}