% Text title            : Jivayatra
% File name             : jIvayAtrA.itx
% Category              : misc, vedAnta
% Location              : doc\_z\_misc\_general
% Author                : Jnananda Bharati
% Transliterated by     : NA
% Proofread by          : NA
% Latest update         : August 5, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Jivayatra ..}##
\itxtitle{.. jIvayAtrA ..}##\endtitles ##
OM shrIgurubhyo namaH
nityAnandasukhaM padaM suvimalaM prAptuM samIhAyutAH
sarve janmabhR^itaH sadA vyasaninastatsthAnasammArgaNe |
evaM satyapi sAdhyasAdhanayugaM samya~Nna jAnanti te
na prAptA adhunApi saukhyapadavIM svAbhIShTarUpAM yataH || 1||
tatprAptyai prabhusammitApi kR^ipayA trayyantasArAnvitA
vallI kAThakamadhyagA kavisamaM protsAhayantI narAn |
evaM sAdhanakalpanAM rachayate sanmArgagAnAM satAM
tadviShNoH paramaM padaM cha sahasA gantuM manIShAvatAm || 2||
AtmAnaM rathinaM bravIti nigamo buddhiM cha tatsArathiM
dehaM syandanamindriyANi turagAn shabdAdi tadgocharam |
chetaH pragrahamAdareNa ya imAn vashyAMstanotyAtmavAn
tasyaivApyamidaM padaM sukhaghanaM pAraM paraM hyadhvanaH || 3||
prApyaM tatparamaM sukhaM hi munayo mokShaM samAchakShate
jIveshAnajagadvisheSharahitaM j~nAnaikasAdhyaM dhruvam |
yenAtmanyatirohitaH svamahimAnandAtmako bhAsate
mithyAdhyAsamatishcha yena galati j~nAnaM tadevAmalam || 4||
AstikyaM dR^iDhamUlameva manujaH sampAdayatvAditaH
karmAchArayutastatashcha bhavatu svargAdibhogechChayA |
svargAdAvapi cha krameNa gamito nairAshyamevAsthire
nityAnityavichAraNe svadhikR^itastattvaM samanvichChatu || 5||
j~nAnApteH paripanthinau kila malo vikShepadoShastathA
chetoniShThamahAripU prathamatashchonmUlanIyau yataH |
kAmaM dUramapAsya karmanirato mAlinyariktastataH
chittaikAgryasusiddhaye cha bhajatAM niShkAmanopAsanam || 6||
karmopAsanato vishuddhahR^idayastattvArthasaMsiddhaye
svAchAryaM paricharya shAstravidhinA tasmAchcha vidyAM parAm |
shrutvA saMshayanuttaye cha mananaM sthAmne nididhyAsanaM
abhyasya kramashaH samAdhinilayaH prApnotu shAntiM dhruvAm || 7||
brahmaj~no.api sa vAsanAkShayamanonAshau vidhAya kramAt
svAtmArAmaparo.anishaM sukhaghano muktaH sa jIvannapi |
prArabdhe kShapite cha dehavilaye muktiM videhA~NgataH
sachchitsaukhyamaye hyupAdhirahite majjatvapAre pare || 8||
itthaM vedavachobhireva niyate mArge vayaM yAtrikAH
dharmAkhye cha sanAtane kR^itapadA varNAshramAchAriNaH |
gachChAmaH kramashashcha mokShapadavImAnandarUpAM yathA
shraddhAbhaktimatastathA dhR^itiyutAnasmAn vidadhyAd guruH || 9||

iti j~nAnAnandabhAratIvirachitA jIvayAtrA sampUrNA |
##


\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}