% Text title            : Jagannathagitamritam Kavyikasamikshanam
% File name             : jagannAthagItAmRRitamkAvyikasamIkShaNam.itx
% Category              : misc, article, pradIptakumArananda, krishna
% Location              : doc\_z\_misc\_general
% Author                : (Copyright) Pradipta Kumar Nanda, Kendrapara, Orissa pknanda65 at gmail.com
% Transliterated by     : Pradipta Kumar Nanda pknanda65 at gmail.com
% Proofread by          : Pradipta Kumar Nanda
% Description/comments  : shrIjagannAthagItAmRite shrIjagannAthabhakteH antaraNgAnubhUteH\- ekaM kAvyikasamIkShaNam
% Acknowledge-Permission: (Copyright) Pradipta Kumar Nanda
% Latest update         : August 21, 2026
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Jagannathagitamrite AntaranganubhUteH - KavyikasamikshaNam ..}##
\itxtitle{.. shrIjagannAthagItAmR^ite antara~NgAnubhUteH\- kAvyikasamIkShaNam ..}##\endtitles ##
shrIjagannAthagItAmR^ite shrIjagannAthabhakteH antara~NgAnubhUteH\- ekaM kAvyikasamIkShaNam |
\section{mUlapadyam}
dInabAndhava he, jaya jagannAtha hare 2
bhAvaM dehi prabho bhAvanAgrAhaka 2
pratIkShA te sukhatIre
jaya jagannAtha hare
dInabAndhava he\-\- 0
bhramAmi sapadi bhAvavihvalitaH sukhakomalitakole
vA~nChAmi gachChAmi vA~nChAvaTamUlaM
bhaktajanakolAhale
shrIra.ngavadane vishatu me manaH2
dehaH sadaiva shrIpure
jaya jagannAtha hare
dInabAndhava he \-1
shrIkShetrapAvane svakIyamandire
niravadhi vAsa AshA
vaitaraNIsamA agre pradhAvati
bebhIyate me nirAshA
vAsudeve ratiH vishvAso nitarAM 2
sthAsyatu mUralIdhare
jaya jagannAthahare
dInabAndhava he \-2
bahudinAtparaM tavedaM darshanamalaukikaM mohanIyaM
dR^iShTaM mahAbAho brahmANDanAyaka vandanIyaM lobhanIyaM
shR^iNu me bhAratI madhumayagItiM 2
gAyAmi te nijapure
jaya jagannAtha hare
dInabAndhava he \-3
\section{samIkShaNam}

etat padyaM kevalaM bhaktigItaM nAsti, apitu shrIjagannAthabhakteH antara~NgAnubhUteH kAvyamayI abhivyaktiH | atra bhaktasya hR^idayasthitiH, sharaNAgatiH, virahaH, darshanalAlasA, shrIkShetranivAsAbhilAShaH, bhagavadanugrahaprArthanA cha samanvitarUpeNa prakAshate |
visheShatayA nimnalikhitAni tattvAni asmin gIte dR^ishyante\-
1\. sharaNAgatibhAvaH
prArambhe eva\-
\ldq{}dInabAndhava he, jaya jagannAtha hare |
bhAvaM dehi prabho bhAvanAgrAhaka || \rdq{}

atra bhaktaH na dhana.n, na siddhi.n, na mokSham api yAchate; kevalaM \ldq{}bhAvam\rdq{} eva prArthayati | ayaM nAradabhaktisUtrasya\-\rdq{} sA tvasmin paramapremarUpA\rdq{} \-iti siddhAntasya kAvyamayI vya~njanA |
2\. bhAvabhakteH utkarShaH
\ldq{}bhramAmi sapadi bhAvavihvalitaH...\rdq{}

bhaktasya manaH jagannAthapremNA Akulam | \ldq{}bhAvavihvalitaH\rdq{} iti padena bhaktiyogasya parAkAShThA vyaktA | ayaM kevalaM yAtrAvarNanaM na, kintu antaHkaraNasya AdhyAtmikaparivartanam |
3\. shrIkShetrasya mokShabhUmitvam
\ldq{}shrIkShetrapAvane svakIyamandire niravadhi vAsa AshA | \rdq{}

atra shrIkShetre nityavAsasya abhilAShaH kevalaM bhautikanivAsaH na, apitu bhagavannikaTavartitvasya pratIkaH | jagannAthasampradAye shrIkShetraM mokShakShetratvena prasiddham; tasya bhAvaH asmin padye sundaratayA prakaTitaH |
4\. vaitaraNI\-pratIkaH
\ldq{}vaitaraNIsamA agre pradhAvati...\rdq{}

ayaM sa.nsAraduHkhasya, mR^ityoH, bhavabandhasya cha rUpakaH | tasmAt uddhArasya upAyaH\-
\ldq{}vAsudeve ratiH vishvAso nitarAm | \rdq{}

iti kavinA pratipAditam | ayaM bhagavadgItAyAH tathA bhAgavatasya bhaktimArgasya sArameva |
5\. darshanasya AdhyAtmikAnubhavaH
\ldq{}bahudinAtparaM tavedaM darshanamalaukikaM mohanIya.n | \rdq{}

atra darshanaM kevalaM chakShuShoH viShayaH na, apitu AdhyAtmikAnubhavaH | \ldq{}alaukikam\rdq{}, \ldq{}mohanIyam\rdq{}, \ldq{}brahmANDanAyaka\rdq{} ityAdipadaiH shrIjagannAthasya vishvarUpatvaM cha vyaktam |
6\. gItasamarpaNam
antime\-
\ldq{}shR^iNu me bhAratI madhumayagIti.n, gAyAmi te nijapure | \rdq{}

idaM kaveH kAvyasamarpaNam | asyAM pa~Nktau kaviH svakAvyaM bhagavataH charaNayoH arpayati | ayaM bhaktikAvyaparamparAyAH shreShThaH AdarshaH |
dArshanikadR^iShTyA

etasmin gIte bhaktiH eva sAdhanam, bhaktiH eva sAdhyam, bhaktiH eva AnandaH iti bhAvaH prabalaH | atra mokShasya pratyakShochchAraH nAsti, kintu shrIjagannAthacharaNeShu ananyasamarpaNameva paramAnandasvarUpA muktiH iti dhvanyate | ataH asya gItasya dArshanikAdhAraH bhAgavata\-vaiShNavabhaktidarshanam, visheShataH premabhakti, sharaNAgati, bhagavadanubhavaH, kShetramahimA, nAma\-rUpa\-darshanasya AdhyAtmikamahattvam ityetaiH tattvaiH nirmitaH |

mama mate, etat gItaM kevalaM geyapadyam na, apitu \ldq{}jagannAthabhakteH AdhyAtmikasvAnubhavasya kAvyamayI gItA\rdq{} iti kathayituM shakyate |
ala~NkAracharchA\-
dhruvapadam

dInabAndhava he, jaya jagannAtha hare | bhAvaM dehi prabho bhAvanAgrAhaka | pratIkShA te sukhatIre ||
ala~NkArAH
anuprAsaH bhAva.n\-bhAvanAgrAhaka ityatra \ldq{}bha\rdq{} varNasya punarAvR^ittiH |
dInabAndhava\-dehi ityatra \ldq{}da\rdq{} varNasya madhurA punaruktiH |

sambodhanAla~NkAraH dInabAndhava, prabho, jagannAtha, bhAvanAgrAhaka\-eteShAM pratyakShasambodhanam |
rUpakadhvaniH sukhatIram iti mokShasya athavA bhagavatprApteH tIrarUpakalpanA |
bhaktirasavya~njanA atra sthAyibhAvaH paramabhaktiH |
prathamaH shlokaH

bhramAmi sapadi bhAvavihvalitaH sukhakomalitakole | vA~nChAmi gachChAmi vA~nChAvaTamUlaM bhaktajanakolAhale || shrIra.ngavadane vishatu me manaH | dehaH sadaiva shrIpure ||
ala~NkArAH
(1) anuprAsaH
bhramAmi\-bhAvavihvalitaH
vA~nChAmi\-vA~nChAvaTa
shrI\-shrI
(2) rUpakam
vA~nChAvaTaH
vaTavR^ikShaH kevalaM vR^ikShaH na; AshrayasvarUpo bhagavAniva kalpitaH |
(3) utprekShA
vishatu me manaH
manasaH shrIra~Ngavadane praveshaH\-kalpanAmayI kAvyavya~njanA |
(4) atishayokti
dehaH sadaiva shrIpure
nityaM shrIkShetravAsAbhilAShasya bhAvo.atishayena vyaktaH |
dvitIyaH shlokaH

shrIkShetrapAvane svakIyamandire niravadhi vAsa AshA | vaitaraNIsamA agre pradhAvati bebhIyate me nirAshA | vAsudeve ratiH vishvAso nitarAm | sthAsyatu mUralIdhare ||
ala~NkArAH
(1) upamA
vaitaraNIsamA
sa.nsAraduHkhasya vaitaraNyA upamA |
(2) rUpakam
vaitaraNI ##=## sa.nsArabandhaH |
(3) virodhAbhAsaH
bhayam ##=## vishvAsaH
ekasmin shloke dvayoH virodhinorbhAvayoH sundarasamanvayaH |
(4) anuprAsaH
vAsudeve\-vishvAsaH
tR^itIyaH shlokaH

bahudinAtparaM tavedaM darshanam alaukikaM mohanIya.n | dR^iShTaM mahAbAho brahmANDanAyaka vandanIyaM lobhanIya.n | shR^iNu me bhAratI madhumayagIti.n | gAyAmi te nijapure ||
ala~NkArAvichAraH\-
(1) anuprAsaH
mohanIyam\-madhumayam
(2) paryAyokti
alaukikam vandanIyam lobhanIyam
etena bhagavataH mahimA kramashaH vikasitaH |
(3) atishayokti
brahmANDanAyaka
samagravishvasya nAyakatvasya kAvyamayI abhivyaktiH |
(4) samuchchayAla~NkAraH
mahAbAho brahmANDanAyaka vandanIya lobhanIya
anekavisheShaNAnAM samAhAraH |
(5) madhurAnuprAsaH
madhumayagItim
samagragItasya pramukhAla~NkArAH
anuprAsaH (pradhAnaH)
sambodhanAla~NkAraH
rUpakam
upamA
utprekShA
atishayokti
samuchchayaH
paryAyokti
virodhAbhAsaH
bhAvavya~njanA (dhvani)
rasaH
pradhAnarasaH \- bhaktirasaH
gauNarasAH
shAntarasaH
karuNarasaH (dInabAndhava, vaitaraNI, nirAshA)
adbhutarasaH (alaukikadarshanam)
guNAH
mAdhuryaguNaH
prasAdaguNaH
ojoguNasya sUkShmaprakAshaH
rItiH

vaidarbhI rItiH pradhAnatayA dR^ishyate\-madhurapadaprayogaH, saralatA, bhAvaprAdhAnyaM cha |
samAlochanAtmakaM matam

etat gItaM na kevalaM bhaktigeyam; apitu bhAvavya~njanA, madhurashabdayojanA, svAbhAvikala~NkAraprayogaH, tathA jagannAthabhakteH antaHkaraNAnubhUtiH\-eteShAM samanvayena nirmitaM utkR^iShTaM bhaktikAvyam asti | ala~NkArAH atra kR^itrimatayA na AropitAH, kintu bhAvAnuguNatayA svayameva vikasitAH; eSha eva asya gItasya kAvyavaishiShTyam |

etat gItaM paramparAgatavR^itteShu na nibaddham, apitu geyapada (gItikAvya)\-shailIyA rachitam | ataH asya layaH, yatiH, geyatA cha pramukhAH, na tu pratyekapAde samAkSharagaNanA |

tathApi ChandaHshAstradR^iShTyA pratyekasya shlokasya vichAraH nimnaprakAreNa prastUyate\-
ChandovichAraH
dhruvapadam

dInabAndhava he, jaya jagannAtha hare | bhAvaM dehi prabho bhAvanAgrAhaka | pratIkShA te sukhatIre | jaya jagannAtha hare ||
ChandovichAraH
ayaM dhruvapadAtmakaH gItiChandaH |
pratyekapa~NktiH samAnAkSharayuktA nAsti |
\ldq{}jaya jagannAtha hare\rdq{} iti AvartanaM dhruvapadatvaM dadAti |
layaH bhajanaparamparAyAH anukUlaH |
kIrtanagAyanAya atIva upayuktaH |
prathamaH shlokaH

bhramAmi sapadi bhAvavihvalitaH sukhakomalitakole | vA~nChAmi gachChAmi vA~nChAvaTamUlaM bhaktajanakolAhale | shrIra.ngavadane vishatu me manaH | dehaH sadaiva shrIpure ||
ChandaH
gItikAvyAtmakaH
mAtrikapravR^ittiH
svachChandalayaH
visheShatA
prathamadve pa~NktI dIrghe staH |
antime dve laghvI |
evaM sa.ngItalayaH svayameva jAyate |
dvitIyaH shlokaH

shrIkShetrapAvane svakIyamandire | niravadhi vAsa AshA | vaitaraNIsamA agre pradhAvati | bebhIyate me nirAshA | vAsudeve ratiH vishvAso nitarAm | sthAsyatu mUralIdhare ||
ChandaH
geyagItiH
viShamamAtrikarachanA
layapradhAnaH
visheShatA
\ldq{}niravadhi vAsa AshA\rdq{}
\ldq{}bebhIyate me nirAshA\rdq{}
ityanayoH samAnalayaH |
tR^itIyaH shlokaH

bahudinAtparaM tavedaM darshanam | alaukikaM mohanIya.n | dR^iShTaM mahAbAho brahmANDanAyaka | vandanIyaM lobhanIya.n | shR^iNu me bhAratI madhumayagIti.n | gAyAmi te nijapure ||
ChandaH
gItikAvyaChandaH
layAtmakapadavinyAsaH
gAnayogyarachanA
visheShatA
\ldq{}alaukikaM mohanIya.n\rdq{}
\ldq{}vandanIyaM lobhanIya.n\rdq{}
ityatra samalayatvaM gItasya mAdhuryaM vardhayati |
samagragItasya ChandaH

etat gItaM lokabhajanaparamparAnuguNaM geyapadam iti vaktuM yuktam | etat na shAstrIyavarNavR^ittam, na cha nishchitamAtrAvR^ittam; apitu bhAvAnuguNalayapradhAnaM gItiChandaH asti |
atra geyatA utkR^iShTA |
dhruvapadasya punarAvR^ittyA sa~NgItamAdhuryavR^iddhiH |
antyAnuprAsaH gAyanaM sulabhaM karoti |
bhaktirasasya abhivyaktau ChandaH saphalaH |

\-\- pro\. pradIptakumAranandaH (sevAnivR^ita)
shrIjagannAthasaMskR^itavishvavidyAlayaH, purI


##
Written by Dr. Pradipta Kumar Nanda, Kendrapara, Orisa pknanda65 at gmail.com
Retd.Head, Dept.of Sarvadarshan
SJSV,Puri

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}