% Text title            : Lokatita Stava
% File name             : lokAtItastavaH.itx
% Category              : misc, buddha, stava
% Location              : doc\_z\_misc\_general
% Transliterated by     : DSBC staff
% Proofread by          : Miroj Shakya
% Acknowledge-Permission: Prof. Miroj Shakya, Text  Nagarjuna Institute of Exact Methods, Digital Sanskrit Buddhist Canon Project, University of the West https://www.dsbcproject.org/
% Latest update         : March 8, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Lokatita Stava ..}##
\itxtitle{.. lokAtItastavaH ..}##\endtitles ##
lokAtIta namastubhyaM viviktaj~nAnavedine |
yastvaM jagaddhitAyaiva khinnaH karuNayA chiram || 1||
skandhamAtravinirmukto na sattvo.astIti tena tam |
sattvArthaM cha parikhedamagamastvaM mahAmune || 2||
te.api skandhAstvayA dhIman dhImadbhayaH sa.nprakAshitAH |
mAyAmarIchigandharvanagarasvapnasannibhAH || 3||
hetutaH sambhavo yeShAM tadabhAvAnna santi ye |
kathaM nAma na tatspaShTaM pratibimbasamAgatAH || 4||
bhUtAnyachakShurgrAhyANi tanmayaM chAkShuShaM katham |
rUpaM tvayaivaM bruvatA rUpagrAho nivAritaH || 5||
vedanIyaM vinA nAsti vedanA.ato nirAtmikA |
tachcha vedyaM svabhAvena nAstItyabhimataM tava || 6||
sa.nj~nArthayorananyatve mukhaM dahyeta vahninA |
anyatve.adhigamAbhAvastvayokto bhUtavAdinA || 7||
kartA svatantraH karmA.api tvayoktaM vyavahArataH |
parasparApekShikI tu siddhiste.abhimatA.anayoH || 8||
na kartA.asti na bhoktA.asti puNyApuNyaM pratItyajam |
yatpratItya na tajjAtaM proktaM vAchaspate tvayA || 9||
aj~nApyamAnaM na j~neyaM vij~nAnaM tadvinA na cha |
tasmAt svabhAvato na sto j~nAnaj~neye tvamUchivAn || 10||
lakShyAllakShaNamanyachchet syAttallakShyamalakShaNam |
tayorabhAvo.ananyatve vispaShTaM kathitaM tvayA || 11||
lakShyalakShaNanirmuktaM vAgudAhAravarjitam |
shAntaM jagadidaM dR^iShTaM bhavatA j~nAnachakShuShA || 12||
na sannutpadyate bhAvo nApyasan sadasanna cha |
na svato nApi parato na dvAbhyAM jAyate katham || 13||
na sataH sthitiyuktasya vinAsha upapadyate |
nAsato.ashvaviShANena samasya samatA katham || 14||
bhAvAnnArthAntaraM nAsho nApyanarthAntaraM matam |
arthAntare bhavennityo nApyanarthAntare bhavet || 15||
ekatve nahi bhAvasya vinAsha upapadyate |
pR^ithaktvena hi bhAvasya vinAsha upapadyate || 16||
vinaShTAt kAraNAttAvat kAryotpattirna yujyate |
na vA.avinaShTAt svapnena tulyotpattirmatA tava || 17||
niruddhAdvA.aniruddhAdvA bIjAda~NkurasambhavaH |
mAyotpAdavadutpAdaH sarva eva tvayochyate || 18||
atastvayA jagadidaM parikalpasamudbhavam |
parij~nAtamasadbhUtamanutpannaM na nashyati || 19||
nityasya saMsR^itirnAsti naivAnityasya saMsR^itiH |
svapnavat saMsR^itiH proktA tvayA tattvavidAMvara || 20||
svayaM kR^itaM parakR^itaM dvAbhyAM kR^itamahetukam |
tArkikairiShyate duHkhaM tvayAtUktaM pratItyajam || 21||
yaH pratItyasamutpAdaH shUnyatA saiva te matA |
bhAvaH svatantro nAstIti siMhanAdastavAtulaH || 22||
sarvasa~NkalpahAnAya shUnyatAmR^itadeshanA |
yasya tasyAmapi grAhastvayA.asAvavasAditaH || 23||
nirIhAvashikAH shUnyA mAyAvat pratyayodbhavAH |
sarvadharmAstvayA nAtha niHsvabhAvAH prakAshitAH || 24||
na tvayotpAditaM ki~nchinna ki~nchichcha nirodhitam |
yathA pUrvaM tathA pashchAt tathatAM buddhavAnasi || 25||
AryairniShevitAmetAmanAgamya hi bhAvanAm |
animittasya vij~nAnaM bhavatIha katha~nchana || 26||
animittamanAgamya mokSho nAsti tvamuktavAn |
atastvayA mahAyAne tat sAkalyena darshitam || 27||
yadavAptaM mayA puNyaM stutvA tvAM stutibhAjanam |
nimittabandhanApetaM bhUyAt tenAkhilaM jagat || 28||

iti shrIlokAtItastavaH samAptaH ||
##

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}