% Text title            : Lomashamunina Shakavikrayine Kritamupadesham
% File name             : lomashamuninAshAkavikrayiNekRRitamupadesham.itx
% Category              : misc, lakShmInArAyaNIyasaMhitA, upadesha, advice
% Location              : doc\_z\_misc\_general
% Proofread by          : PSA Easwaran
% Description/comments  : lakShmInArAyaNIyasaMhitA | khaNDa 2 | adhyAya 247/83-100||
% Latest update         : February 28, 2026
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Lomashamunina Shakavikrayine Kritamupadesham ..}##
\itxtitle{.. lomashamuninA shAkavikrayiNe kR^itamupadesham ..}##\endtitles ##
sukhaHdukhe same me sto na hi me staH priyA.apriye |
evaM dharmaM pAlayadhvaM janAstvabhayadAnakam || 83||
tena muktimavApsyanti bhavanto.abhayavartanAH |
nArAyaNo hi bhagavAMstena tuShyati sarvadA || 84||
namo brAhmaNayaj~nAya namaH prajAdhvarAya cha |
namaH sevApravINebhyo janebhyashcha namo namaH || 85||
sukR^itena suhavyena devAstuShyanti sarvadA |
namaskAreNa havyena stotreNa hR^idayena cha || 86||
yaj~nAhutyA susantuShTA AdityA varShayanti hi |
tataH sasyarasAnnAni tebhyaH prajApravardhanam || 87||
prajAH kurvanti yaj~nAMshcha brahma tuShyati tatra cha |
brahmatoShakarA bhaktAstoShayantyaparAnapi || 88||
tasmAdbhaktiM prakurvantu sarvaM yadbrahmadaivatam |
brahmatR^iptau jagatsarvaM tR^iptameva na saMshayaH || 89||
yaj~ne tR^iptAH sarvadevAH syuryasya brahmatarpaNam |
tasya praj~nAnatR^iptasya nityatR^iptiH sukhodayA || 90||
dharmAdhArA dharmodayA brahmadhyAnaparAshcha ye |
bhaktivij~nAnasampannAH paraM pAraM titIrShavaH || 91||
sarvasthitaM parabrahma dR^iShTvA labdhvA vichArya cha |
puNyAtpuNyatamaM sthAnaM prApnuvantyakSharaM padam || 92||
yatra gatvA na shoko.asti na chyAvo na vyathA mR^itiH |
naitAdR^ishAnAM svargArthaM yajanaM vA yasho.arthakam || 93||
satAmAchararUpaM tadyajanaM drohavarjitam |
brahmatR^iptiparaM samidoShadhiphalamUlakaiH || 94||
svargArthaM puNyamevAsti nairguNyaM muktaye bhavet |
tadahaM hR^idaye kR^itvA nairguNyaM tvAcharAmi vai || 949||
anye yajanti yaj~neShu smR^id.hdhyarthaM kR^itanishchayAH |
tena te devayAnena yathA yAnti divaM punaH || 96||
AvR^itiM te.abhigachChanti nA.a.avartante tu nirguNAH |
svayaM yUpAnupAdAya yajante svAptadakShiNaiH || 97||
punaH svargaM punarbhUmirbhramAvarto na lIyate |
tasmAdbhavantu vai brahmayajanA nAnyayAjinaH || 98||
brahma vai daivataM kR^itvA yaj~ne mokShaM prayAntu cha |
AtmatIrthe makhaM shuklaM kurvantu divyabhAvanaiH || 99||
evaM kR^itopadeshashcha shAkavikrayako vaNik |
sarvasevAparo nityaM chAbhajat puruShottamam || 100||

iti shrIlakShmInArAyaNIyasaMhitA | khaNDa 2| adhyAya 247\-adhyAyAntargataM
lomashamuninA shAkavikrayiNe kR^itamupadeshaM sampUrNam |

lakShmInArAyaNIyasaMhitA | khaNDa 2| adhyAya 247/83\-100||
##
lakShmInArAyaNIyasaMhitA . khaNDa 2. adhyAya 247/83-100..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}