% Text title            : Madhyamakashastra Stuti
% File name             : madhyamakashAstrastutiH.itx
% Category              : misc, buddha, stuti
% Location              : doc\_z\_misc\_general
% Transliterated by     : DSBC staff
% Proofread by          : Miroj Shakya
% Acknowledge-Permission: Prof. Miroj Shakya, Text  Nagarjuna Institute of Exact Methods, Digital Sanskrit Buddhist Canon Project, University of the West https://www.dsbcproject.org/
% Latest update         : March 8, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Madhyamakashastra Stuti ..}##
\itxtitle{.. madhyamakashAstrastutiH ..}##\endtitles ##
yadbuddhairiha shAsanaM navavidhaM sUtrAdi sa~NkIrtitaM
lokAnAM charitAnurodhanipuNaM satyadvayApAshrayam |
tasmin rAganirAkR^itau nahi kathA dveShakShaye jAyate
dveShasyApi nirAkR^itau nahi kathA rAgakShaye jAyate || 1||
mAnAderapi yat kShayAya vachanaM nAnyaM malaM hanti tat
tasmAdvayApitaraM na tatra cha punastAstA mahArthAH kathAH |
mA mohasya parikShayAya tu kathA kleshAnasheShAnasau
hanyAnmohasamAshritA hi sakalAH kleshA jinairbhAShitAH || 2||
mohasyAsya parikShayAya cha yato dR^iShTAH pratItyAdaya\-
stattvaM tat pratipachcha saiva sugataiH sa~NkIrtitA madhyamA |
kAyo dharmamayo muneH sa cha yataH sA shUnyatetyuchyate
buddhAnAM hR^idayaM sa chApi mahatI vidyeti sa~NkIrtyate || 3||
yasmAtsarvaguNAkaro.ayamudito buddhairatastatkathA
shAstre madhyamake.atha vistaratarA mukhyAtmanA varNitA |
kAruNyadrutachetasA pravachanaM bud.hdhvA yathAvasthitaM
buddhAnAM tanayena tena sudhiyA nAgArjunenAdarAt || 4||
gambhIraM jinashAsanaM na hi jano yo vetti tatsaMvide
maunIndrAd vachasaH pR^itha~NnigadituM vA~nChanti tattvaM cha ye |
anye ye.api kubuddhayaH pravachanaM vyAchakShate chAnyathA
teShAM chApi nirAkR^itau kR^itamidaM shAstraM hatAntardvayam || 5||
spaShTaM rAhulabhadrapAdasahito nAgArjuno tanmataM
devenApyanugamyamAnavachanaH kAlaM chiraM diShTavAn |
tachChAstrapravivekanishchitadhiyastIrthyAn vijityAkhilAM\-
stachChiShyA api shAsanaM munivarasyAdiShTavantashchiram || 6||
AyAtAya shiro.arthinne karuNayA protkR^itya dattvA shiraH
saMyAte tu sukhAvatIM jinasute nAgArjune tatkR^itAH |
granthAH shiShyagaNAshcha te.api bahunA kAlena nAshaM gatAH
tattvArke.astamite.adhunA na hi mataM spaShTaM tadasti kvachit || 7||
utprekShA rachitArthamAtranipuNe dura~Ngate satpathAd
unmatte.atha nipIya tarkamadirAM loke.adhunA bhUyasA |
sarvaj~noditatattvabodharahite bauddhe mate vyAkule
dhanyo.asau kShaNamapyapAsya vimatiM yaH shUnyatAM gAhate || 8||
bhItyA vastunibandhanoparachitairyaH shAstrapAshairvR^ita\-
shchittvotplutya cha yAti vastuparikhAM chaiko mR^igo.asau mahAn |
taM pratyadya na chintayA mama guNashchaikastu yo nAdhunA
taM pratyeva tadanyashAstramathanI vR^ittiH kR^iteyaM mayA || 9||
dR^iShTvA sUtrasamuchchayaM parikathAM ratnAvalIM saMstutI\-
rabhyasyAtichiraM cha shAstragaditAstAH kArikA yatnataH |
yuktyAkhyAmatha ShaShTikAM saviDalAM tAM shUnyatAsaptatiM
yA chAsAvatha vigrahasya rachitA vyAvartinI tAmapi || 10||
dR^iShTvA tachChatakAdikaM bahuvidhaM sUtraM gabhIraM tathA
vR^ittiM chApyatha buddhapAlitakR^itAM sUkShmAM cha yadbhAvinA |
pAramparyasamAgataM pravichayAchchAsAditaM yanmayA
piNDIkR^itya tadetadunnatadhiyAM tuShTau samAveditam || 11||
chintAmaNDala eSha tarkamathanaH sAkShAdihAvasthitAn
arthAn samyaganAkulAn paTudhiyAM vAgAMshubhirbhAsayan |
vR^ittiM spaShTatarAmimAM cha vidadhachchandro.adhunA kIrtimAn
lokAnAmudito nihanti vimatIH sAndrAndhakAraiH saha || 12||
kR^itvA vR^ittimimAmanAkulapadAM satprakriyAmAdarAt
shrAddhAnAM sudhiyAM na nishchayavidhau yuktyAgamApAshrayAm |
yatpuNyaM mama shUnyateva vipulaM tenaiva loko.akhila\-
styaktvA dR^iShTigaNaM prayAtu padavIM sarvaprapa~nchachChidAm || 13||
shAstAraM praNipatya gautamamahaM taddharmatAvasthitAn
sambuddhAn sakalaM jinAtmajagaNaM dharmaM cha tairbhAShitam |
chakShurbhUtamanantabuddhavachanasyAlochane dehinAM
yo.amuM madhyamakaM chakAra kR^ipayA nAgArjunastaM name || 14||

iti shrI AchARyachandrakIrtikR^itA madhyamakashAstrastutiH samAptA ||
##

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}