% Text title            : Mahapratisara Stotram
% File name             : mahApratisarAstotram.itx
% Category              : misc, buddha, stotra
% Location              : doc\_z\_misc\_general
% Transliterated by     : DSBC staff
% Proofread by          : Miroj Shakya
% Acknowledge-Permission: Prof. Miroj Shakya, Text  Nagarjuna Institute of Exact Methods, Digital Sanskrit Buddhist Canon Project, University of the West https://www.dsbcproject.org/
% Latest update         : March 8, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Mahapratisara Stotram ..}##
\itxtitle{.. mahApratisarAstotram ..}##\endtitles ##
OM namaH shrImahApratisarAyai |
yasyAH smaraNamAtreNa sarve pApAH kShayaM gatAH |
yayA yukto vajrakAyo namastasyai namo namaH || 1||
yAM smaran rAkShasaH krUro mATharaM kukShisaMsthitam |
prAkShipad goviShaM nadyAM namastasyai namo namaH || 2||
yA.arakShat vaNijaH putraM krUrasarpAd vadhodyatAt |
viShadAhamumUrShuM cha namastasyai namo namaH || 3||
brahmadatto mahArAjo yayA rakShitamastakaH |
ripuM jitvA virAjo.abhUnnamastasyai namo namaH || 4||
bhikShurduHshIlako rogI yayA kaNThe prabandhitaH |
prANAnmuktvA yayau svargaM namastasyai namo namaH || 5||
samudre potasa.nkShubdhe vaNijAM prANarakShakaH |
yAM smaran sArthavAho.abhUnnamastasyai namo namaH || 6||
yasyAM cha pratibaddhAyAM bhAryAyAM sutamAptavAn |
prasAritabhujo rAjA namastasyai namo namaH || 7||
daridro yAM prati smR^itvA dInArAn pradadau jine |
rAjA.abhIShTapradAtA.abhUnnamastasyai namo namaH || 8||
yAM prabad.hdhvA.asurairyuddhaM shakrashchUDAmaNau prabhuH |
labdhavAn vijayaM vajrI namastasyai namo namaH || 9||
yasyA mantrabalenaiva pUrya pAramitAshcha ShaT |
mArA jitA jinairbuddhairnamastasyai namo namaH || 10||
apadhIro vadhArho.api prakShiptaH sarvasa~NkaTe |
yAM smR^itvA parimukto.abhUnnamastasyai namo namaH || 11||
yayA bandhitakaNThashcha mukto.abhUt pApasa~NkaTAt |
nagare nAyako.abhUchcha namastasyai namo namaH || 12||
yA chA.aparAjitA vidyA sarvabuddhaishcha dhAritA |
mudritA bhAShitA nityaM paThitA parideshitA || 13||
likhitA moditA sattvahitAya pUjitA sadA |
smR^itA kAyagatA kR^itvA namastasyai namo namaH || 14||
yasyAH smaraNamAtrAnna durlabhaM bhuvanatraye |
pAThasvAdhyAyanAdvApi namastasyai namo namaH || 15||
yA vidyA durlabhA buddhairvyAkR^itA suptashaMsitA |
mahatI dhAraNI khyAtA sarvapApakShaya~NkarI || 16||
mahAbalA mahAvIryA mahAtejA mahatprabhA |
mahAguNavatI vidyA sarvabhAravidAraNI || 17||
pApasandhisamudghAtI mArabandhapramochanI |
jananI bodhisattvAnAM sarvaduShTavinAshinI || 18||
rakShaNI poShaNI dhAtrI paramantravighAtinI |
kArkhodaviShayogAnAM vidhvaMsanakarI shivA || 19||
mahAdhyAnaratAnAM cha gR^ihNatAM likhatAM sadA |
pAThAdhyayanakR^itAM nityaM dadhatAM shR^iNvatAM tathA || 20||
parebhyo deshitA chaiva nityaM manasi bhAvitA |
sA pustakagatAM kR^itvA pUjyamAnA namaskR^itA || 21||
sarvapApaharI bhadrA bodhisambhArapUriNI |
namastasyai namastasyai namastasyai namo namaH || 22||
yasyA mantraprabhAveNa sarvabhayAnyupadravAH |
duShTAH suramanuShyAshcha daityagandharvarAkShasAH || 23||
grahAH skandA apasmArAH pishAchA yakShakinnarAH |
DAkinyaH shAkinIsa~NghA nAgA kArkhodavyAdhayaH || 24||
jvarAshcha vividhA rogAH parakarmakR^itAstathA |
viShAgnishastramantrANi vidyutaH kAlavAyavaH || 25||
ativR^iShTiranAvR^iShTiH sarvashatrubhayAni cha |
tathAnye pApasargA vA vinashyanti na saMshayaH || 26||
sarvakAryANi sid.hdhyanti namastasyai namo namaH |
yashchaitAM dhArayedvidyAM kaNThe bAhau cha mastake || 27||
nityaM rakShanti devAstaM daityA nAgAshcha mAnuShAH |
gandharvAH kinnarA yakShA bhUtapretapishAchakAH || 28||
DAkinyo rAkShasA dUtyaH kUShmANDAH kaThapUtanAH |
trisandhyaM yaH paThennityaM buddhA rakShanti taM sadA || 29||
pratyekAH shrAvakAshchaiva bodhisattvA mahardhikAH |
yoginaH siddhamantrAshcha mahAvIryA maharShayaH || 30||
vajrapANishcha yakShendraH shakrashcha tridashaiH saha |
chatvArashcha mahArAjA brahmaviShNumaheshvarAH || 31||
nandikR^iShNo mahAkAlaH kArtikeyo gaNeshvaraH |
bhairavA mAtR^ikA durgAstathA.anye mArakAyikAH || 32||
vidyAdevyo mahAvIryA mahAbalaparAkramAH |
mAmakI bhR^ikuTI tArA chA~NkushI vajrashR^i~NkhalA || 33||
mahAshvetA mahAkAlI vajradUtI supAshikA |
vajramAlA mahAvidyA suvIryA.amR^itakuNDalI || 34||
vajrA.aparAjitA chaNDI kAlakarNI mahAbalA |
tathA dhanyA mahAbhAgA padmakuNDalireva cha || 35||
maNichUDA puShpadantI svarNakeshI cha pi~NgalA |
ekajaTA mahAdevI dhanyA vidyunmAlinI || 36||
kapAlinI cha la~NkeshI brahmakShitikanAyikA |
hArItI pA~nchikAshchaiva sha~NkhinI kUTadantinI || 37||
shrIH sarasvatI lakShmIH siddheshvarI sadAnugA |
tamevA.anye.api rakShanti yasya vidyA kare sthitA || 38||
sa bhavet sarvasattvAnAM mokShArthaM cha samudyataH |
namastasyai namastasyai namastasyai namo namaH || 39||

iti shrImahApratisarAstotraM sampUrNam ||
##

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}