% Text title            : Mangala Shodasha Stuti
% File name             : mangalaShoDashastutiH.itx
% Category              : misc, buddha, mangala, ShoDasha, stuti
% Location              : doc\_z\_misc\_general
% Transliterated by     : DSBC staff
% Proofread by          : Miroj Shakya
% Acknowledge-Permission: Prof. Miroj Shakya, Text  Nagarjuna Institute of Exact Methods, Digital Sanskrit Buddhist Canon Project, University of the West https://www.dsbcproject.org/
% Latest update         : March 8, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Mangala Shodasha Stuti ..}##
\itxtitle{.. ma~NgalaShoDashastutiH ..}##\endtitles ##
OM namaH samantabhadrAya |
yena puNyATavIsthenAneke shAsanavartinaH |
divodAsAdayo bhUpAH sa no rakShatu mArajit || 1||
lokAnAM grahabaddhAnAM rakShArthaM puNyakAnane |
grahAnadamayad yo vai sa no rakShatu tadbhayAt || 2||
kAshyapAdyAn maharShIMstAn AnandAdyAMshcha brAhmaNAn |
prAvrAjayat sumuktyarthaM sa no rakShatu muktidaH || 3||
sauvarNadhAnyadAnena dInaM vipramapAlayat |
durbhikShabhayato nityaM sa no rakShatu shAkyarAT || 4||
yo maitrakanyako bhUtvA mAtR^idrohiNamatyagAt |
chakraM dUrIkR^itaM yena sa no rakShatu mAtR^ivAn || 5||
supriyo badaradvIpayAtrAptamaNivR^iShTibhiH |
kAshIyAn prAkarodADhyAn sa no rakShatu kA~nchanaiH || 6||
bhUtvA yaH sudhano nAma nidhAnaM samadarshayat |
dAridrayaduHkhato nityaM sa no rakShatu sarvavit || 7||
kuShThAdirogaharaNe rAjagR^ihamupAvishat |
tattadrogabhayAnnityaM sa no rakShatu dharmarAT || 8||
yaH kusho bhUpatirbhUtvA.aShTamImAhAtmyamuttamam |
prakAshayannije dehe sa no rakShatu dharmavit || 9||
saudAsaM satyavachasA kAshyAmasthApayannR^ipAn |
bandhanAnmochayAmAsa sa no rakShatu sarvavit || 10||
gopAn rarakSha yo devyAH prabhAvaM sa.nprakAshayan |
vahnidAhAribhayataH sa no rakShatu bhItihA || 11||
yo.andhIbhUtAM mAtaraM svAM chUDAratnaM jale vyadhAt |
divyanetrAn janAn kR^itvA sa no rakShatu netradaH || 12||
virUpaM prAkarot putraM ChAyAsInaM susundaram |
sarvalakShaNasampannaM sa no rakShatu sarvadaH || 13||
sakalAnandanAmAnaM rAjye yaH prAbhyaShechayat |
santatisthitikurvANaH sa no rakShatu sthairyakR^it || 14||
viShadaM bhrAtaraM yashchAkShamad bhikShun viShAshinaH |
rarakSha dhAraNIvij~naH sa no rakShatu nirviShaH || 15||
shrIsvayambhudarshanAya naipAlIyAn prayAsitum |
kapilAn prasthito yo.asau sa no rakShatu santatam || 16||

iti bhadrakalpAvadAnoddhR^itA shAkyasiMhasya ma~NgalaShoDashastutiH samAptA ||
##

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}