% Text title            : Nitisaram
% File name             : nItisAram.itx
% Category              : misc, subhaashita, sahitya
% Location              : doc\_z\_misc\_general
% Author                : mahAkavi ghaTakarpara
% Proofread by          : Seshadri N, PSA Easwaran
% Description/comments  : Kavyasangraha, Ed. John Haeberlin, 1847, Jibananda Vidyasagara 1888
% Latest update         : June 12, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Nitisaram ..}##
\itxtitle{.. nItisAram ..}##\endtitles ##
girau kalApI gagaNe payodA lakShAntare.arkashcha jaleShu padmAH |
indurdvilakShaM kumudasya vandhuryo yasya mitraM na hi tasya dUram || 1||
mAtA nindati nAbhinandati pitA bhrAtA na sambhAShate
      bhR^ityaH kupyati nAnugachChati sutaH kAntA cha nAli~Ngate |
arthaprArthanasha~NkayA na kurute.apyAlApamAtraM suhR^it
      tasmAdarthamupArjayasva cha sakhe svArthasya sarvevashAH || 2||
dhanairniShkulInAH kulInA bhavanti
      dhanairApadaM mAnavA nistaranti |
dhanebhyaH paro vAndhavo nAsti loke
      dhanAnyarjayadhvaM dhanAnyarjayadhvam || 3||
arthasya puruSho dAso dAsastvartho na kasyachit |
iti satyaM mahArAja baddho.asmarthena kauravaiH || 4||
trivikramo.abhUdapi vAmano.asau
      sa sUkarashcheti sa vai nR^isiMhaH |
nIchairanIchairatinIchanIchaiH
      sarvairupAyaiH phalameva sAdhyam || 5||
chalachchittaM chaladvittaM chalajjIvanayauvanam |
chalAchalamidaM sarvaM kIrtiryasya sa jIvati || 6||
sa jIvati yasho yasya kIrtiryasya sa jIvati |
ayasho.akIrtisaMyukto jIvannapi mR^itopamaH || 7||
vR^iddhasya vachanaM grAhyamApatkAle hyupasthite |
sarvatraivaM vichAreNa nAhAre na cha maithune || 8||
kvachidruShTaH kvachittuShTo ruShTastuShTaH kShaNe kShaNe |
avyavasthitachittasya prasAdo.api bhaya~NkaraH || 9||
nimittamuddishya hi yaH prakupyati
      dhruvaM sa tasyApagame prasIdati |
akAraNadveShi manastu yasya
      kathaM janastaM paritoShayiShyati || 10||
dasha vyAghrA jitAH pUrvaM saptasiMhAstrayo gajAH |
pashyantu devatAH sarvA adya yuddhaM tvayA mayA || 11||
siMha uvAcha \-
gachCha sUkara bhadrante brUhi siMho mayA jitaH |
paNDitA eva jAnanti siMhasUkarayorbalam || 12||
udyoginaM purUShasiMhamupaiti lakShmI\-
      rdaivena deyamiti kApuruShA vadanti |
daivaM nihatya kuru pauruShamAtmashaktyA
      yatne kR^ite yadi na sid.hdhyati ko.atra doShaH || 13||
ekA bhAryA prakR^itimukharA cha~nchalA cha dvitIyA
      pUrustveko bhuvanavijayI manmatho durnivAraH |
sheShaH shayyA shayanamudadhau vAhanaM pannagAriH
      smAraM smAraM svagR^ihacharitaM dArubhUto murAriH || 14||
atidUrapathashrAntAshChAyAM yAnti cha shItalAm |
shItalAshcha punaryAnti kA kasya paridevanA || 15||
apamAnaM puraShkR^itya mAnaM kR^itvA cha pR^iShThake |
svakAryamuddharet prAj~naH kAryadhvaMso hi mUrkhatA || 16||
eko hi doSho guNasannipAte nimajjatIndoriti yo.avabhAShe |
nUnaM na dR^iShTaM kavinApi tena dAridryadoSho guNarAshinAshI || 17||
kR^itasya karaNaM nAsti mR^itasya maraNaM tathA |
gatasya shochanA nAsti hyetadvedavidAmmatam || 18||
nAkAle mriyate janturviddhaH sharashatairapi |
kushakaNTakavivi~Nvo.api prAptakAlo na jIvati || 19||
nimagnasya payorAshau parvatAt patitasya cha |
takShakenApi daShTasya AyurmarmANi rakShati || 20||
karotu nAma nItij~no vyavasAyamitastataH |
phalaM punastadeva syAdyadvidhermanasi sthitam || 21||

iti shrImahAkavi ghaTakarpara virachitaM nItisAraM samAptam ||
##
Encoded by Seshadri N
Proofread by Seshadri N, PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}