% Text title            : Navaratnam
% File name             : navaratnam.itx
% Category              : misc, subhaashita, nava
% Location              : doc\_z\_misc\_general
% Transliterated by     : Aaditya Kalyanaraman
% Proofread by          : Aaditya Kalyanaraman
% Description/comments  : Kavyasangraha, Ed. John Haeberlin, 1847, Jibananda Vidyasagara 1888
% Latest update         : August 28, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Nava Ratnam ..}##
\itxtitle{.. navaratnam ..}##\endtitles ##
mitramarthI tathA nItirdharmakArpaNyamUrkhakAH |
strINAM vidvAn tathotkhAtAn navaratnamidaM kramAta ||
mitraM svachChatayA ripuM nayabalairlubdhaM dhanairIshvaraM
     kAryyeNa dvijamAdareNayuvatIM premnA samairbAndhavAn |
atyugraM stutibhirguruM praNatibhirmUrkhaM kathAbhirbudhaM
     vidyAbhIrasikaM rasena sakalaM shIlena  kuryyAdvasham || 1||
arthI lAghavamuchChrito nipatanaM kAmAturo lA~nChanaM
     lubdho.akIrtimasa~NgaraH paribhavaM duShTo.anyadoShe ratim |
niHsvo va~nchanamunmanA vikalatAM shokAkulaH saMshayaM
     durvAgapriyatAM durodaravashaH prApnoti kaShTaM muhuH || 2||
nItirbhUmibhujAM natirguNavatAM  hrIra~NganAnAM dhR^iti
     rdampatyoH shishavo gR^ihasya kavitA buddheH prasAdo girAm |
lAvanyaM vapuShaH smR^itiH sumanasAM shAntirdvijasya kShamA
     saktasya draviNaM gR^ihAshramavatAM svAsthyaM satAM maNDanam || 3||
dharmaH prAgevachintyaH sachivamatigatirbhAvanIyA sadaiva
     j~neyaM lokAnuvR^ittaM varacharanayanairmaNDalaM vIkShaNIyam |
prachChAdyau rAgaroShau mR^iduparuShaguNau yojanIyau cha kAle
     AtmA yatnena rakShyo raNashirasipunaHso.api nApekShaNIyaH || 4||
kArpaNyena yashaH krudhA guNachayo dambhena satyaM kShudhA
     maryAdA vyasanairdhanAni vipadA sthairyaM pramAdairdijaH |
paishunyena kulaM madena vinayo dushcheShTayA pauruShaM
     dAridryeNa janAdaro mamatayA chAtmaprakAsho hataH || 5||
mUrkho.ashAntastapasvI kShitipatiralaso matsaro dharmashIlo
     duHstho mAnI gR^ihasthaH prabhuratikR^ipaNaH shAstraviddharmahInaH |
Aj~nAhIno narendraH shuchirapi satataM yaH parAnnopabhogI
     vR^iddho rogI daridraH sa cha yuvatipatirdhigviDambaprakAram || 6||
strINAM yauvanamarthinAmanugamo rAj~nAM pratApaH satAM
     satyaM svalpadhanasya sa~nchitirasadR^ittasya vAgDambaraH |
sAchArasya manodamaH pariNatervidyA kulasyaikatA
     sevAyA dhanamunnaterguNachayaH shAnterviveko balam || 7||
vidvAn saMsadi pAkShikaH paravashomAnI daridro gR^ihI
     vittAdyaH kR^ipaNaH sukhI paravasho vo na tIrthAshritaH |
rAjA duHsachivapriyaH kulabhavo mUrkhaH pumAM strIjito
     vedAntI hatasakriyaH kimaparaM hAsyAspadaM bhUtale || 8||
utkhAtAn pratiropayan kusumitAMshchinvan shishUnvarddhayan
     prottu~NgAn namayannatAnsamudayan vishleShayan saMhatAn |
tIvAn kaNTakino bahirniyamayan glAnAnmuhuHsechayan
     mAlAkAra iva prayoganipuNo rAjA chiraM nandatu || 9||

iti navaratnaM samAptam |

##
Encoded and proofread by Aaditya Kalyanaraman

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}