% Text title            : Niraupamya Stava
% File name             : niraupamyastavaH.itx
% Category              : misc, buddha, stava
% Location              : doc\_z\_misc\_general
% Transliterated by     : DSBC staff
% Proofread by          : Miroj Shakya
% Acknowledge-Permission: Prof. Miroj Shakya, Text  Nagarjuna Institute of Exact Methods, Digital Sanskrit Buddhist Canon Project, University of the West https://www.dsbcproject.org/
% Latest update         : March 8, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Niraupamya Stava ..}##
\itxtitle{.. niraupamyastavaH ..}##\endtitles ##
niraupamya namastubhyaM niHsvabhAvArthavAdine |
yastvaM dR^iShTivipannasya lokasyaiva hitodyataH || 1||
na cha nAma tvayA ki~nchid dR^iShTaM bauddhena chakShuShA |
anuttarA cha te nAtha dR^iShTistattvArthadarshinI || 2||
na boddhA na cha boddhavyamastIha paramArthataH |
aho paramadurbodhAM dharmatAM buddhavAnasi || 3||
na tvayotpAditaH kashchid dharmo nApi nirodhitaH |
samatAdarshanenaiva prAptaM padamanuttamam || 4||
na saMsArAtprakarSheNa tvayA nirvANamIpsitam |
shAntiste.adhigatA nAtha saMsArAnaparAdhitaH || 5||
tvaM vivedaikarasatAM sa~NkleshavyavadAnayoH |
dharmadhAtvavinirbhedAd vishuddhashchAsi sarvataH || 6||
nodAhR^itaM tvayA ki~nchidekamapyakSharaM vibho |
kR^itsnashcha vaineyajano dharmavarSheNa tarpitaH || 7||
na te.asti saktiH skandheShu na dhAtvAyataneShu cha |
AkAshasamachittastvaM sarvadharmeShu nishritaH || 8||
sattvasa.nj~nA cha te nAtha sarvathA na pravartate |
duHkhArteShu cha sattveShu tvamatIva kR^ipAtmakaH || 9||
sukhaduHkhAtmanairAtmyanityAnityAdiShu prabho |
iti nAnAvikalpeShu buddhistava na sajjate || 10||
na gatirnAgatiH kAchiddharmANAmiti te mati |
na kvachidrAshitaH prokto dharmArthaparamArthavit || 11||
sarvatrAnugatashchAsi na cha yAto.asi kutrachit |
janmadharmasharIrAbhyAmachintyastvaM mahAmune || 12||
ekatvAnyatvarahitaM pratishrutkopamaM jagat |
sa~NkrAntinAshAya gataM buddhavAn tvamanindita || 13||
shAshvatochChedarahitaM lakShyalakShaNavarjitam |
saMsAramavabuddhastvaM svapnamAyAdivat prabho || 14||
vAsanAmUlaparyantakleshanadyo vinirjitAH |
kleshaprakR^ititashchaiva tvayAmR^itamupArjitam || 15||
alakShaNaM tvayA dhIraM dR^iShTaM rUpamarUpavat |
lakShaNojjvalagAtrashcha dR^ishyase rUpagochare || 16||
na cha rUpeNa dR^iShTena dR^iShTa ityabhidhIyase |
dharmadR^iShTyA sudR^iShTo.asi dharmatA na cha dR^ishyate || 17||
shauShIryo nAsti te kAyo mAMsAsthirudhiro na cha |
indrAyudhamiva kAyaM vinA darshitavAnasi || 18||
nAmayo nAshuchiH kAye kShuttR^iShNAsambhavo na cha |
tvayA lokAnuvR^ittyarthaM darshitA laukikI kriyA || 19||
karmAvaraNadoShashcha sarvathA.anagha nAsti te |
tvayA lokAnukampAyai karmaplotiH pradarshitA || 20||
dharmadhAtorasambhedAd yAnabhedo.asti na prabho |
yAnatritayamAkhyAtaM tvayA sattvAvatArataH || 21||
nityo dhruvaH shivaH kAyastava dharmamayo jina |
vineyajanahetoshcha darshitA nirvR^itistvayA || 22||
lokadhAtuShvasa~NkhyeShu tvadbhaktaiH punarIkShase |
chyutijanmAbhisambodhichakranirvR^itilAlasaiH || 23||
na te.asti manyanA nAtha na vikalpo na che~njanA |
anAbhogena te loke buddhakR^ityaM pravartate || 24||
iti sugatamachintyamaprameyaM guNakusumairavakIrya mayA prAptam |
kushalamiha bhavantu tena sattvAH paramagabhIramunIndradharmabhAjanAH || 25||

iti niraupamyastavaH samAptaH ||
##

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}