% Text title            : Panchalikritam Krishnaya Kauravanam Durvyavaharam Nivedanam
% File name             : pAnchAlikRRitaMkRRiShNAyakauravANAMdurvyavahAraMnivedanam.itx
% Category              : misc, mahAbhArata
% Location              : doc\_z\_misc\_general
% Proofread by          : PSA Easwaran
% Description/comments  : mahAbhArata | AraNyakaparva | adhyAya 13/43-52||
% Latest update         : October 18, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Panchalikritam Krishnaya Kauravanam Durvyavaharam Nivedanam ..}##
\itxtitle{.. pA~nchAlikR^itaM kR^iShNAya kauravANAM durvyavahAraM nivedanam ..}##\endtitles ##
pA~nchAlI puNDarIkAkShamAsInaM yAdavaiH saha
abhigamyAbravItkR^iShNA sharaNyaM sharaNaiShiNI || 42||
pUrve prajAnisarge tvAmAhurekaM prajApatim |
sraShTAraM sarvabhUtAnAmasito devalo.abravIt || 43||
viShNustvamasi durdharSha tvaM yaj~no madhusUdana |
yaShTA tvamasi yaShTavyo jAmadagnyo yathAbravIt || 44||
R^iShayastvAM kShamAmAhuH satyaM cha puruShottama |
satyAdyaj~no.asi sambhUtaH kashyapastvAM yathAbravIt || 45||
sAdhyAnAmapi devAnAM vasUnAmIshvareshvaraH |
lokabhAvana lokesha yathA tvAM nArado.abravIt || 46||
divaM te shirasA vyAptaM padbhyAM cha pR^ithivI vibho |
jaTharaM te ime lokAH puruSho.asi sanAtanaH || 47||
vidyAtapo.abhitaptAnAM tapasA bhAvitAtmanAm |
AtmadarshanasiddhAnAmR^iShINAmR^iShisattama || 48||
rAjarShINAM puNyakR^itAmAhaveShvanivartinAm |
sarvadharmopapannAnAM tvaM gatiH puruShottama || 49||
tvaM prabhustvaM vibhustvaM bhUrAtmabhUstvaM sanAtanaH
lokapAlAshcha lokAshcha nakShatrANi disho dasha
nabhashchandrashcha sUryashcha tvayi sarvaM pratiShThitam || 50||
martyatA chaiva bhUtAnAmamaratvaM divaukasAm |
tvayi sarvaM mahAbAho lokakAryaM pratiShThitam || 51||
sA te.ahaM duHkhamAkhyAsye praNayAnmadhusUdana |
IshastvaM sarvabhUtAnAM ye divyA ye cha mAnuShAH || 52||
kathaM nu bhAryA pArthAnAM tava kR^iShNa sakhI vibho |
dhR^iShTadyumnasya bhaginI sabhAM kR^iShyeta mAdR^ishI || 53||
strIdharmiNI vepamAnA rudhireNa samukShitA |
ekavastrA vikR^iShTAsmi duHkhitA kurusaMsadi || 54||
rAjamadhye sabhAyAM tu rajasAbhisamIritAm |
dR^iShTvA cha mAM dhArtarAShTrAH prAhasanpApachetasaH || 55||
dAsIbhAvena bhoktuM mAmIShuste madhusUdana |
jIvatsu pANDuputreShu pA~nchAleShvatha vR^iShNiShu || 56||
nanvahaM kR^iShNa bhIShmasya dhR^itarAShTrasya chobhayoH |
snuShA bhavAmi dharmeNa sAhaM dAsIkR^itA balAt || 57||
garhaye pANDavAMstveva yudhi shreShThAnmahAbalAn |
ye klishyamAnAM prekShante dharmapatnIM yashasvinIm || 58||
dhigbalaM bhImasenasya dhikpArthasya dhanuShmatAm |
yau mAM viprakR^itAM kShudrairmarShayetAM janArdana || 59||
shAshvato.ayaM dharmapathaH sadbhirAcharitaH sadA |
yadbhAryAM parirakShanti bhartAro.alpabalA api || 60||
bhAryAyAM rakShyamANAyAM prajA bhavati rakShitA |
prajAyAM rakShyamANAyAmAtmA bhavati rakShitaH || 61||
AtmA hi jAyate tasyAM tasmAjjAyA bhavatyuta |
bhartA cha bhAryayA rakShyaH kathaM jAyAnmamodare || 62||
nanvime sharaNaM prAptAnna tyajanti kadAchana |
te mAM sharaNamApannAM nAnvapadyanta pANDavAH || 63||
pa~ncheme pa~nchabhirjAtAH kumArAshchAmitaujasaH |
eteShAmapyavekShArthaM trAtavyAsmi janArdana || 64||
prativindhyo yudhiShThirAtsutasomo vR^ikodarAt |
arjunAchChrutakIrtistu shatAnIkastu nAkuliH || 65||
kaniShThAchChrutakarmA tu sarve satyaparAkramAH |
pradyumno yAdR^ishaH kR^iShNa tAdR^ishAste mahArathAH || 66||
nanvime dhanuShi shreShThA ajeyA yudhi shAtravaiH |
kimarthaM dhArtarAShTrANAM sahante durbalIyasAm || 67||
adharmeNa hR^itaM rAjyaM sarve dAsAH kR^itAstathA |
sabhAyAM parikR^iShTAhamekavastrA rajasvalA || 68||
nAdhijyamapi yachChakyaM kartumanyena gANDivam |
anyatrArjunabhImAbhyAM tvayA vA madhusUdana || 69||
dhigbhImasenasya balaM dhikpArthasya cha gANDivam |
yatra duryodhanaH kR^iShNa muhUrtamapi jIvati || 70||
ya etAnAkShipadrAShTrAtsaha mAtrAvihiMsakAn |
adhIyAnAnpurA bAlAnvratasthAnmadhusUdana || 71||
bhojane bhImasenasya pApaH prAkShepayadviSham |
kAlakUTaM navaM tIkShNaM sambhR^itaM lomaharShaNam || 72||
tajjIrNamavikAreNa sahAnnena janArdana |
sasheShatvAnmahAbAho bhImasya puruShottama || 73||

iti mahAbhArate AraNyaparvaNi 13 adhyAyAntargataM
pA~nchAlikR^itaM kR^iShNAya kauravANAM durvyavahAraM prati nivedanaM sampUrNam |

mahAbhArata | AraNyakaparva | adhyAya 13/43\-52||
##
mahAbhArata . AraNyakaparva . adhyAya 13/43-52..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}