% Text title            : Pitha Stava
% File name             : pIThastavaH.itx
% Category              : misc, buddha, stava
% Location              : doc\_z\_misc\_general
% Transliterated by     : DSBC staff
% Proofread by          : Miroj Shakya
% Acknowledge-Permission: Prof. Miroj Shakya, Text  Nagarjuna Institute of Exact Methods, Digital Sanskrit Buddhist Canon Project, University of the West https://www.dsbcproject.org/
% Latest update         : March 8, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Pitha Stava ..}##
\itxtitle{.. pIThastavaH ..}##\endtitles ##
\section{1}
brahmANI tattvarUpA vividhaghanaravA ghorachaNDI cha raudrI
kaumArI kIrtikAmA pibati madhumadaM vaiShNavI gAyamAnA |
vArAhI vAdayantI paTutarapaTahAn nR^ityamAnA tathaindrI
chAmuNDA chApi lakShmIrharagaNasahitA mAtaro vaH punantu || 1||
\section{2}
gaNapatiM cha herambaM vighnarAjaM vinAyakam |
devaputraM mahAvIryaM mahAbalaparAkramam || 2||
mahodaraM mahAkAyamekadantaM gajAnanam |
shvetavarNaM mahAdIptiM trinetraM gaNanAyakam || 3||
akShamAlA(cha) varadaM dakShiNakarasaMsthitam |
parashurmuNDapAtraM cha vAmahastavidhAraNam || 4||
nAnApuShparataM devaM nAnAgandhAvalepanam |
nAgayaj~nopavItA~NgaM nAnAvighnavinAshanam || 5||
devAsuramanuShyaishcha siddhagandharvakinnaraiH |
pUjitaM vighnahantAraM mUShakATaM namAmyaham || 6||
\section{3}
brahmANI brahmasAvitrI brahmatattvavivedinI |
chaturbhujA chaturvaktrA chaturdevaparAyaNA || 7||
chaturdeshe chiraM vyApI chaturyugopakAriNI |
haMsayuktavimAnasthA saumyarUpA pitAmahI || 8||
pustakaM puShpamAlAM cha varadAbhayadhAriNI |
pItapuShparatA devI pItA~NgA pItasannibhA || 9||
pItopahArasaMyuktA pItagandhAnulepinI |
udumbaradrumasthA cha prayAgakShetravAsinI || 10||
pUrvapIThe sthitA nityaM brahmashaktirnamo.astu te |
\section{4}
mAheshvarI mahAdevI mohamAyAnira~nja(kR^inta) nI || 11||
mahAvR^iShasamArUDhA mahAhu~NkAranAdinI |
hemamukta(ktA)nibhadehA kapAlashashishekharA || 12||
trilochanA trishulI cha akShasUtrakamaNDalU |
nAnAla~NkArasarvA~NgI dakShiNena varapradA || 13||
sR^iShTisthitivinAshAnAM sarvathApIshvareshvarI |
shvetapuShparatA devI shvetagandhAnulepinI || 14||
shvetavastraparIdhAnA mudrAbharaNabhUShitA |
vArANasyAM mahAkShetre tAra(la)vR^ikShanivAsinI || 15||
uttare saMsthitA pIThe mAheshvarI namo.astu te |
\section{5}
bAlabhAve mahAraudrI kaumArI raktalochanI || 16||
raktavarNadharA devI sindUrArUNavigrahA |
chaturbhujA shaktisUtrasiddhapAtradharA shubhA || 17||
kaumArI paramA shaktirmayUravaravAhinI |
raktavastraparIdhAnA raktamAMsAvasAyinI || 18||
kolApuramahAkShetre vaTavR^ikShanivAsinI |
agnipIThasthitA nityaM kaumArI te namo namaH || 19||
\section{6}
vaiShNavI viShNumAyA cha daityadurdAntanAshinI |
haritashyAmavarNA~NgI garuDopari saMsthitA || 20||
sha~NkhachakragadAhastA chaturbAhuvibhUShitA |
raktajvAlA mahAkrIDA nAnAbharaNabhUShitA || 21||
haritapuShpagandhA cha haritavastradhAriNI |
aTTahAse mahAkShetre kadambavR^ikShavAsinI || 22 |
svarge martye cha pAtAle sthitirUpeNa saMsthitA |
tiShThantI pIThanairR^Itye nArAyaNI namo.astu te || 23||
\section{7}
vArAhI ghoraraktA~NgI raktakeshI mahodarI |
daMShTrAvAdinI gambhIrA raktanetrA trilochanI || 24||
kapAlamAlikA mAlA vichitrapuShpashobhitA |
mahAshUkasamArUDhA jvalitAgnisamaprabhA || 25||
a~NkushakartikAdaNDahADAbharaNabhUShitA |
trinetrA jvalitadehA cha duShTadarpavinAshinI || 26||
jayantIkShetrasaMsthAnA nimbavR^ikShasamAshritA |
yAmyapIThe sthitA nityaM kolarUpI namo.astu te || 27||
\section{8}
shakreshvarI sahasrAkSho ku~NkumAruNavigrahA |
sureshvarI devadevI sarvAla~NkArabhUShitA || 28||
chaturbhujA vishAlAkShI ChatraghaNTAvidhAraNI |
mahAvajradharA devI sthitA chairAvate gaje || 29||
nAnApuShparatA devI nAnAratnavibhUShiNI |
nAnAgandhaviliptA~NgI nAnAvastravirAjinI || 30||
chIra(na)kShetre mahAkShetre kara~njavR^ikShasaMsthitA |
nAgapIThasthitA nityaM shakreshvari namo.astu te || 31||
\section{9}
chAmuNDA chaNDikA chaNDI prachaNDasurasundarI |
chaNDATTahAsA chaNDAkShI prachaNDachaNDanAshinI || 32||
daMShTrAkarAlA raktA~NgI kapilakeshI mahodarI |
kR^iShA(pA)NI bhIShaNI raudrI jihvAlalanabhIShaNA || 33||
mahApretAsanArUDhA bhujAShTakasushobhinI |
asicharmayutA hastaiH DamarukhaTvA~NgadhAriNI || 34||
kartikapAlahastA cha varadAbhayabhUShitA |
hADAla~NkArasarvA~NgI aripratyasudA priyA || 35||
sahasrasUryasa~NkAshA ropakUpaM prati prati |
jvAlAmAlAkulA dehe(sUrya)koTisamaprabhA || 36||
bhUtavetAlaDAkinyaH parivArAshcha rAkShasAH |
ekamakShamahAkShetre ashvatthavR^ikShavAsinI |
pIThe marutasaMsthAne chAmuNDAyai namo.astu te || 37||
\section{10}
mahAlakShmIrmahAdevI bhogADhyA guNasundarI |
vaidUryapAdukArUDhA siMhAsanasthitA sudhIH || 38||
chaturbhujA vishAlAkShI khaDgakheTakadhAriNo |
pAtrabindudharA devI hArdhayuk(hArArdhayuga)kuNDalI || 39||
ratnakhachitasarvA~NgI chUDAmaNivibhUShitA |
vichitrapuShparatnA cha vastragandhAnulepanA || 40||
trailokyavyApinI devI sarvasthA sacharAcharA |
siddhagandharvanamitA vidyAdharasurArchitA || 41||
devIkoTamahAkShetre plakShasaMsthA varA balA |
IshAnapIThasaMsthAnA mahAlakShmIH namo.astu te || 42||
\section{11}
jananI sarbabuddhAnAM sarvasantoShakAriNI |
tvameva sarvarUpA cha tvameva vishvarUpiNI || 43||
bhairavaM bhIShaNaM raudraM ghoragambhorarUpiNam |
nira~njananibhaM dehaM sarvakAmamahotsavam || 44||
nAnAbhujasamAkIrNA nAnAvastradharA shubhA |
babhrurardhashirorUhA dAvAgnisamatejasA || 45||
trilochanA mahAtejA agnisUryasamaprabhA |
trishUlaM muNDaM khaTvA~NgaM DamaruM tarjanIM dhvajam || 46||
\section{12}
praj~nAM tatpustakaM chaiva khaDgacharmadharA shubhA |
pAshA~NkushadharaM devaM vajrasUchImahAdharam || 47||
kapAlakartikaM chakraM gajacharmAvaguNThitam |
daMShTrAkarAlavadanaM vyAghracharmakaTIvR^itam || 48||
sAla~NkAreNa sarvA~NgaM narAsthipuShpashobhitam |
shIrShamAlAdharA devI kApAlikoTaraM shubham || 49||
chUDAmaNiM mahAtejaM kapAlaM chandrabhUShitam |
mahApretAsanaM nityaM nIyamAnA sadA priyA || 50||
\section{13}
sahasrasUryasa~NkAshA ChatrabindusamanvitA |
chatuShpIThasthitA nityamaShTakShetranivAsinI || 51||
aShTamUrtisthitA devI aShTakayoginIpriyA |
bhadrapIThe sthitA nityaM bhadrakAlIsamAvR^itA || 52||
\section{14}
bhadrakAraNakartA tvaM vIrabhadra namo.astu te |
asitA~Ngo rurushchaiva chaNDo.atha krodhabhairavaH || 53||
unmattabhairavashchaiva kapAlI bhIShaNastathA |
saMhArabhairava~nchAShTabhairavAya namo.astu te || 54||
\section{15}
svasthAnA svAdhikArA cha svasvarUpA svavIrakA |
svasvachChavR^ikShatAnaM na divyAkShaM chaiva bhUmigAH || 55||
dashadikkShetrapAlaM cha kShetrANi cha chaturdasha |
pa~nchAshakShetrapAlaM cha kShetrapAla namo.astu te || 56||
\section{16}
nAthanAtha mahAnAtha AdinAtha mahAmate |
shrInAtha siddhanAtha mInanAtha namo.astu te || 57||
kShetranAtha pIThanAtha dvIpanAtha mahAtmane |
pretanAtha bhUtanAtha baDhanAtha namo.astu te || 58||
trinAthaM navanAthaM cha ShoDashanAthamuttamam |
saptaviMshatipa~nchAshachaturashIti namo.astu te || 59||
sarveShAM nAthasiddhAnAM mataM chakShustvamavyayam |
potasadma tathA vIrastataH sarva namo.astu te || 60||
\section{17}
ekavAraM dvivAraM cha trivAraM yaH paThennaraH |
shatamAvartayed yena prApnoti phalamuttamam || 61||
nAshayechChokachintAdi nAshayed vighnamaNDalam |
nAsheyed rogakalahAn nAshayed duHkhaduShkaram || 62||
nAshayed bhayadAridrayaM nAshayed ripujaM bhayam |
nAshayedagnichaurAdi nAshayed rAjakopajam || 63||
nAshayed vigrahaM ghoraM parakR^itAbhichArakam |
nAshayed dveSharAgAdi nAshayet sarvapAtakam || 64||
AyurArogyamaishvaryadhanadhAnyapravardhanam |
dharmArthakAmamokShANAM yashaHsaubhAgyavardhanam || 65||
R^iddhiM siddhiM shriyaM lakShmIM vidyAM j~nAnaM sutAdi cha |
buddhiM prajAM sumitrANi vardhayechcha dine dine || 66||
nAkAle maraNaM chaiva utpAtaM nAshayet sadA |
sarve rogAH prashAmyanti dIrghamAyuravApyate || 67||

iti shrIpIThastavastotraM sampUrNam ||
##

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}