% Text title            : Padyasangraha
% File name             : padyasangrahaH.itx
% Category              : misc, subhaashita, sahitya
% Location              : doc\_z\_misc\_general
% Author                : kavi bhaTTa
% Proofread by          : Seshadri N, PSA Easwaran
% Description/comments  : Kavyasangraha, Ed. John Haeberlin, 1847, Jibananda Vidyasagara 1888
% Latest update         : June 12, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Padyasangraha ..}##
\itxtitle{.. padyasa~NgrahaH ..}##\endtitles ##
natvA tAM parameshvarIM shivakarIM shrIbhAratIM bhAsvatIM
      ga~NgAtIranivAsinA sukavinA lokopakArArthinA |
nAnApaNDitavaktranirgatavatAM nirmIyate kenachit
      padyAnAmiha sa~Ngraho.amR^itakathAprastAvavistAriNAm || 1||
kAvye bhavyatame.api vij~nanivahairAsvAdyamAne muhu\-
      rdoShAnveShaNameva matsarayuShAM naisargiko durgrahaH |
kAsAre.api vikAshipa~Nkajachaye khelanmarAle punaH
      krau~nchashcha~nchupuTena ku~nchitavapuH sambUkamanveShate || 2||
atiramaNIye kAvye.api pishuno dUShaNamanveShayati |
atiramaNIye vapuShi vraNamiva makShikAnikaraH || 3||
kIrtiH svargatara~NgiNIbhirabhito vaikuNThamAsrAvitaM
      kShoNInAtha tava pratApatapanaiH santApitaH kShIradhiH |
ityevaM dayitAyugena hariNA tvaM yAchitaH svAshrayaM
      hR^itpadmaM haraye shriye svabhavanaM kaNThaM gire dattavAn || 4||
raveH kaveH kiM samarasya sAraM kR^iSherbhayaM kiM kimadanti bhR^i~NgAH |
sadA bhayaM brahmapada~ncha keShAM bhAgIrathItIrasamAshritAnAm || 5||
vAsaH kA~nchanapi~nchare nR^ipakarAmbhojaistanUmArjanaM
      bhakShyaM svAdurasAladADimaphalaM peyaM sudhAbhaM payaH |
pAThaH saMsadi rAmanAma satataM dhIrasya kIrasya me
      hAhA hanta tathApi janmaviTapikroDaM mano dhAvati || 6||
udayati yadi bhAnuH pashchime digvibhAge
      vikasati yadi padmaH parvatAnAM shikhAgre |
prachalati yadi meruH shItatAM yAti vahni\-
      rna chalati khalu vAkyaM sajjanAnAM kadAchit || 7||
nirvANadIpe kimu tailadAnaM chaure gate vA kimu sAvadhAnam |
vayogate kiM vanitAvilAsaH payogate kiM khalu setubandhaH || 8||
varamasidhArA tarutalavAso varamiha bhikShA varamupavAsaH |
varamapi ghore narake patanaM na cha dhanagarvitaBAndhavasharaNam || 9||
kugrAmavAsaH kujanasya sevA kubhojanaM krodhamukhI cha bhAryA |
mUrkhashcha putro vidhavA cha kanyA vinAgninA sandahate sharIram || 10||
varaM maunaM kAryaM na cha vachanamuktaM yadanR^itaM
      varaM klaibyaM puMsAM na cha parakalatrAbhigamanam |
varaM bhaikShyAshitvaM na cha paradhanAsvAdanasukhaM
      varaM prANatyAgo na cha pishunavAdeShvabhiratiH || 11||
niHsvo vaShTi shataM shatI dashashataM lakShaM sahasrAdhipaH
      lakSheshaH kShitipAlatAM kShitipatishchakreshvaratvaM punaH |
chakreshaH punarindratAM surapatirbrAhmaM padaM vA~nChati
      brahmA viShNupadaM hariH shivapadaM tvAshAvadhiM ke gatAH || 12||
khyAtaH shakro bhagA~Ngo vidhurapi malino mAdhavo gopajAto
      veshyAputro vasiShThaH sarujapadayamaH sarvabhakShyo hutAshaH |
vyAso matsyodarIyaH salavaNa udadhiH pANDavA jArajAtA
      rudraH pretAsthidhArI tribhuvanavasatAM kasya doSho na jAtaH || 13||
turagashatasahasraM gogajAnA~ncha lakShaM kanakarajatapAtraM medinIM sAgarAntAm |
vimalakulavadhUnAM koTikanyAshcha dadyAt na hi na hi samametairannadAnaM pradhAnam || 14||
kAlidAsakavitA navaM vayaH mAhiShaM dadhi sasharkaraM payaH |
aiNamAMsamabalA cha komalA sambhavantu mama janmajanmani || 15||
nAkSharANi paThatA kimapAThi pAThitopi kimu vismR^ita eva |
itthamarthijanasaMshayadolA khelanAM khalu chakAra nakAraH || 16||

lakShmaNasena uvAcha \-
shaityanAma guNastavaiva tvadanu svAbhAvikI svachChatA
      kiM brUmaH shuchitAM bhavantyashuchayaH sparshena yasyAH pare |
ki~nchAtaH paramaM tava stutipadaM tvaM jIvanaM dehinAM
      tvaM chennIchapathena gachChasi payaH kastvAM niroddhuM kShamaH || 17||

vallAla uvAcha \-
tApo nApagatastR^iShA na cha kR^ishA dhautA na dhUlI tano\-
      rna svachChandamakAri kandakavalaH kA nAma kelIkathA |
dUrotkShiptakareNa hanta kariNA spR^iShTA navA padminI
      prArabdho madhupairakAraNamaho jha~NkArakolAhalaH || 18||
tatputra uvAcha \-
parIvAdastathyo bhavati vitatho vApi mahatAM
      atathyastathyo vA harati mahimAnaM janaravaH |
tulottIrNasyApi prakaTitahatAsheShatamaso
      ravestAdR^iktejo na hi bhavati kanyAM gatavataH || 19||
rAjovAcha \-
sudhAMshorjAteyaM kathamapi kala~Nkasya kaNikA
      vidhAturdoSho.ayaM na cha guNanidhestasya kimapi |
sa kiM nAtreH putro na kimu harachUDArchanamaNi\-
      rna vA hanti dhvAntaM jagadupari kiM vA na vasati || 20||

iti shrIkavibhaTTakR^itaH padyasa~NgrahaH samAptaH ||
##
Encoded by Seshadri N
Proofread by Seshadri N, PSA Easwaran


\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}