% Text title : Pancharatnam 2 Five Shatakas - Matriratnam, Gururatnam, Dharmaratnam, Vivekaratnam, Harinamaratnam % File name : pancharatnam2.itx % Category : misc, shataka, pancharatnam % Location : doc\_z\_misc\_general % Author : Nilantha Sharma Goswami % Proofread by : Manoj Kumar Barman % Latest update : August 27, 2026 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Pancharatnam by Nilakantha Goswami ..}## \itxtitle{.. nIlakaNTha gosvAmivirachitaM pa~ncharatnam ..}##\endtitles ## pa~ncharatnAni \- mAtR^i\-ratnam | guru\-ratnam | dharma\-ratnam | viveka\-ratnam | harinAma\-ratnam | \section{ma~NgalAcharaNam} ekAtmAnau svarUpeNa vibhinnau nAmarUpataH | bhaktechChayA dvidhAbhUtau vande shrIkR^iShNasha~Nkarau || 1|| navInanIradashyAmatuShArasitavigrahau | phullamIlitanetrAbjau vande shrIkR^iShNasha~Nkarau || 2|| kishorasukumArA~NgapravINapR^ithurUpakau | shrIkhaNDabhasmaliptA~Ngau vande shrIkR^iShNasha~Nkarau || 3|| ratnAla~NkArarudrAkShavibhUShitavarA~Ngakau | vanamAlAsthimAlADhyau vande shrIkR^iShNasha~Nkarau || 4|| pItAmbaro yayoreka itarashcha digambaraH | samAvapyasamAvetau vande shrIkR^iShNasha~Nkarau || 5|| lalATavilasachChItachandanenduvibhUShitau | sukeshejaTilau nityaM vande shrIkR^iShNasha~Nkarau || 6|| kaustabhadyutisambhAtagaralA~NkitakaNThakau | pichChanAgakR^itApIDau vande shrIkR^iShNasha~Nkarau || 7|| rAdhAdhikR^itavAmArddha\-girijAdhikR^itArddhakau | yugale yugmarUpeNa vande shrIkR^iShNasha~Nkarau || 8|| vrajavArANasInityadhAmanityavirAjitau | yamunAjAhnavIkAntau vande shrIkR^iShNasha~Nkarau || 9|| lIlAdhyAnaparau nityaM nityarAgivirAgiNau | Anandaj~nAnarUpau cha vande shrIkR^iShNasha~Nkarau || 10|| yadgocharA yayorlIlA yallIlA nAnyagocharA | tAvachintyamahaishvaryau vande shrIkR^iShNasha~Nkarau || 11|| vande kR^iShNaM shivaM vande vyAsena hi pR^ithak pR^ithak | ekIkR^itya samAsena vande shrIkR^iShNasha~Nkarau || 12|| \section{mAtR^i\-ratnam} yA devI mAnavIrUpA dR^ishyate charmachakShuShA | IshvarI bhaktidR^iShTyA tu tasyai mAtre namo namaH || 1|| yA devI dashamAsyaM mAM sandadhAra | vasudhAyA adhiShThAtryai tasyai mAtre namo namaH || 2|| yA devI madbharAkrAntA klAntApyAsIt sunirvR^itA | svayaM dhR^iti\-svarUpAyai tasyai mAtre namo namaH || 3|| yA devI shayane.apyAsIdashaktA matkR^ite param | udAratA\-svarUpAyai tasyai mAtre namo namaH || 4|| yA devI chakShame doShaM kukShau chA~nchalyajaM mama | kShamAyai rUpadhAriNyai tasyai mAtre namo namaH || 5|| yA devI matkR^ite sehe duHsahAM prasavavyathAm | sahiShNutA\-svarUpAyai tasyai mAtre namo namaH || 6|| yA devI parituShTAsIn mAM prasUya shuchismitA | praphullatA\-svarUpAyai tasyai mAtre namo namaH || 7|| yA devI mAM nidhAyA~Nke stanyAmR^itamapAyayat | dayAyai rUpadhAriNyai tasyai mAtre namo namaH || 8|| yA devI me malaM mUtraM svahastAbhyAmapAkarot | mamatAyAH pratiShThAyai tasyai mAtre namo namaH || 9|| yA devI mAM sadA dadhyau vyagrApi gR^ihakarmasu | niShThAyai rUpadhAriNyai tasyai mAtre namo namaH || 10|| yA devI mAM sadArakShat paNIkR^itya svajIvanam | rUpavatyai pratij~nAyai tasyai mAtre namo namaH || 11|| yA devI svasukhaM hitvA mama shAntimavarddhayat | parArtha\-prANarUpAyai tasyai mAtre namo namaH || 12|| yA devI nijaraktaM maddehapuShTye dadau sadA | vadAnyatA\-svarUpAyai tasyai mAtre namo namaH || 13|| yA devI mama daurAtmyaM sehe mityamakAtaram | nirvikAra\-svarUpAyai tasyai mAtre namo namaH || 14|| yA tuShTe mayi santuShTA yA rugNe mayi rogiNI | yA shAnte mayi shAntAsIttasyai mAtre namo namaH || 15|| yA matpIDA\-prashAntyarthaM siSheve svayamauShadham | snAnAshane parityajya tasyai mAtre namo namaH || 16|| ashaktasyA~Nga\-cheShTAyAM manobhAva\-prakAshane | yAM vinA me gatirnAsIttasyai mAtre namo namaH || 17|| amR^itaM vachane yasyA hR^idaye cha pavitratA | karayoshchandanAlepastasyai mAtre namo namaH || 18|| yA yuktA pUjayaddevAn mama kalyANa\-vA~nChayA | sadbhaktyA bhaktirUpAye tasyai mAtre namo namaH || 19|| ahameva dhanaM yasyA ahaM prANA ahaM manaH | ahameva cha sarvasvaM tasyai mAtre namo namaH || 20|| sarveShAmeva saMsAre snehaH svArtha\-samanvitaH | niHsvArtha\-snehapUrNA yA tasyai mAtre namo namaH || 21|| yAM vinA sarvasampatti\-sarvAtmIya\-samanvitam | bhavanaM kAnanaprAyaM tasyai mAtre namo namaH || 22|| kuputrA bahavaH santi kumAtA na kadAchana | iti yasyAH shubhA khyAtistasyai mAtre namo namaH || 23|| pratyakSha\-devatA yA cha pratyakSha\-parameshvarI | aprAkR^itasvarUpAyai tasyai mAtre namo namaH || 24|| anAdR^itApi putreNa shuddhabhAvena vA~nChati | yA sadA tasya kalyANaM tasyai mAtre namo namaH || 25|| yasyAmanAdR^itAyA~ncha tapohoma\-japAdikam | sarvaM viphalatAM yAti tasyai mAtre namo namaH || 26|| yasyAM samarchchitAyAM hi sarvadevArchchanaM bhavet | sarvadeva\-svarUpAyai tasyai mAtre namo namaH || 27|| vindumAtraM yaduShNAshru bhasmIkarttumala~Nkulam | achintyashaktirUpAye tasyai mAtre namo namaH || 28|| yasyAmapUjitAyAM hi vividhairupachArakaiH | viphalA devatA\-pUjA tasyai mAtre namo namaH || 29|| yadarchchanaM vinA yAga\-vratAdyA vividhAH kriyAH | svargadA na bhavantyeva tasyai mAtre namo namaH || 30|| AshIrvAdabalAd yasyA ayatnenaiva mAnavaH | labhate sarvakalyANaM tasyai mAtre namo namaH || 31|| sarvasat\-karmakarttApi yatsevAvimukho naraH | akIrttiM labhate loke tasyai mAtre namo namaH || 32|| sarvaduShkarmakarttApi yatsevAnirato naraH | labhate vipulAM kIrttiM tasyai mAtre namo namaH || 33|| dhR^itiH kShamA damaH satyaM dayA dAkShiNyameva cha | vasanti sarvadA yasyAM tasyai mAtre namo namaH || 34|| yasyAH sunirmalaM snehaM vinA sR^iShTiparamparA | kShaNenaiva bhavedruddhA tasyai mAtre namo namaH || 35|| kaTutiktamapi dravyaM yayA dattaM sudhAyate | amR^itAdhAra\-rUpAye tasyai mAtre namo namaH || 36|| mA\-sa.nj~nA bhUtale yasyA madhurA madhurAdapi | paramAnanda\-rUpAyai tasyai mAtre namo namaH || 37|| kaThora\-kleshakAle.api yAM samAhUya mAnavaH | kShaNaM shAntimavApnoti tasyai mAtre namo namaH || 38|| yatsamo nAsti saMrAdhyo yatsamA nAsti devatA | hitechChuryatsamo nAsti tasyai mAtre namo namaH || 39|| gurushcha yatsamo nAsti nAtmIyashchApi yatsamaH | advitIya\-svarUpAye tasyai mAtre namo namaH || 40|| ga~NgAyA api yA shuddhA komalA kusumAdapi | nirmalAkAshatashchApi tasyai mAtre namo namaH || 41|| niHsvArthaM shuddhavAtsalyaM bhakte bhagavato yathA | tathaiva tanaye yasyAstasyai mAtre namo namaH || 42|| svasR^iShTi\-rakShaNArthAya pAlanIM shaktimAtmanaH | bhagavAn pradadau yasyai tasyai mAtre namo namaH || 43|| svayaM bhagavatI kiMvA yasyA hR^idayamAsthitA | karoti pAlanaM shashvattasyai mAtre namo namaH || 44|| vahiryA mAnavIrUpA mAMsAsthi\-shoNitAnvitA | antastu devatA sAkShAttasyai mAtre namo namaH || 45|| yasyAM hi vartamAnAyAM tanayasya vratAdikam | nAsti ki~nchit shubhaM kAryaM tasyai mAtre namo namaH || 46|| sa~NgR^ihya sarvasadvR^ittIrbhagavAnakhileshvaraH | nirmame hR^idayaM yasyAstasyai mAtre namo namaH || 47|| yAmanAdR^itya shakto.api svechChAtastanayAdhamaH | jIvannapi paretaH syAttasyai mAtre namo namaH || 48|| aj~nAnAdapi yatsevAmakR^itvA nirayI bhavet | avashya\-pUjanIyAyai tasyai mAtre namo namaH || 49|| apyakAryashataM kR^itvA karaNIyaM yadarchchanam | manunA spaShTamevoktaM tasyai mAtre namo namaH || 50|| bhagavadvAkyavad yasyAH sakvaduchcharitAshiShaH | vitathA na bhavantyeva tasyai mAtre namo namaH || 51|| maghAsvapi bhaved yAtrA yatpAdanatipUrvikA | sutasya shubhadA nityaM tasyai mAtre namo namaH || 52|| shubhA kiMvAshubhetyevamavichArya sadA sutaiH | pAlanIyA yadAj~nA vai tasyai mAtre namo namaH || 53|| vimalAnugrahAd yasyA vichitraM jagadIdR^isham | shaknoti tanayo draShTuM tasyai mAtre namo namaH || 54|| durbbale tanaye yasyAH sneho.adhikataro bhavet | balavadbhyo.api putrebhyastasyai mAtre namo namaH || 55|| shikShitebhyashcha putrebhyaH sneho.adhikataraH sadA | ashikShite sute yasyAttasyai mAtre namo namaH || 56|| dhanavadbhyo.api putrebhyaH sneho.adhikataro bhavet | nirdhane tanaye yasyAttasyai mAtre namo namaH || 57|| tanayebhyo yuvabhyo.api niHsahAye sute shishau | sneho.adhikataro yasyAttasyai mAtre namo namaH || 58|| surUpebhyashcha putrebhyaH sneho.adhikataraH sadA | kurUpe tanaye yasyAstasyai mAtre namo namaH || 59|| pravAsasthasutakleshamashrutvApi svayaM hi yA | jAnAti chittamAlinyA ttasyai mAtre namo namaH || 60|| yA pashyati sadA snehAt sutamapyAptayauvanam | sthitaM bAlye vayasyeva tasyai mAtre namo namaH || 61|| yA pashyati sadA snehAdapi vikramashAlinam | putraM balavihInaM hi tasyai mAtre namo namaH || 62|| putraM bahubhuja~nchApi snehAt pashyati yA sadA | atyalpamAtrabhoktAraM tasyai mAtre namo namaH || 63|| durdAntamapi yA putraM snehAt pashyati sarvadA | shAntaM shiShTaM nirIha~ncha tasyai mAtre namo namaH || 64|| kimbahUktena yA pashyedapi doShashatAnvitam | putraM guNAlayaM snehAttasyai mAtre namo namaH || 65|| api hastasahasrANi yAM hi sevyatamottamAm | sevituM na samarthAni tasyai mAtre namo namaH || 66|| api mastakasAhasrerna yogyA praNatirbhavet | yasyA namyatamAyAshcha tasyai mAtre namo namaH || 67|| api shravaNasAhasreH pIte yasyAH kathAmR^ite | kadApi na bhavettvaptistasyai mAtre namo namaH || 68|| yasyAH pAdayuge bhaktirasheShakleshanAshinI | saubhAgyadAyinI chaiva tasyai mAtre namo namaH || 69|| yasyAH pAdayuge.abhaktirasheShakleshadAyinI | saubhAgyanAshinI chaiva tasyai mAtre namo namaH || 70|| yasyA~ncha paritR^iptAyAM sutR^iptAH sarvadevatAH | asaMshayaM bhavantyeva tasyai mAtre namo namaH || 71|| yasyAM tR^iptimayAtAyAmatR^iptAH sarvadevatAH | asaMshayaM bhavantyeva tasyai mAtre namo namaH || 72|| triShu lokeShu yA nityamatulyAtishayA guNaiH | sarvasadguNarUpAyai tasyai mAtre namo namaH || 73|| putradArasuhR^idbhrAtR^i\-phalapuShpAdishobhinaH | yA saMsArataroH kShetraM tasyai mAtre namo namaH || 74|| mA meti madhurAhvAnaM yasyAH sukhakaraM sadA | sukhe vA yadivA duHkhe tasyai mAtre namo namaH || 75|| svayaM lakShmIsvarUpeti meti sa.nj~nA yayA dhR^itA | aprAkR^itasvarUpAye tasyai mAtre namo namaH || 76|| gR^iha\-deha\-manaH\-prANa\-vittAni sakalAni cha | putropakR^itaye yasyAstasyai mAtre namo namaH || 77|| sudhAkare kala~Nko.asti padmanAle.api kaNTakam | yasyAM na doShalesho.asti tasyai mAtre namo namaH || 78|| jalamapyagnisaMyogAduShNatvaM yAti kintu yA | na kadApi bhavedruShTA tasyai mAtre namo namaH || 79|| bhagavAnapi vishvAtmA lIlAvigrahamAshritaH | nanAma yatpadaM nityaM tasyai mAtre namo namaH || 80|| iShTadevaH sadApUjyaH sarveShAM nAsti saMshayaH | tasmAt pUjyatarA yA cha tasyai mAtre namo namaH || 81|| shikShAguruH sadApUjyaH sarverShAM nAsti saMshayaH | tasmAt pUjyatarA yA cha tasyai mAtre namo namaH || 82|| dIkShAguruH sadA pUjyaH sarveShAM nAsti saMshayaH | tasmAt pUjyatarA yAcha tasyai mAtre namo namaH || 83|| mantradAtA sadA pUjyaH sarveShAM nAsti saMshayaH | tasmAt pUjyatarA yAcha tasyai mAtre namo namaH || 84|| kimbahUktena sarveShAM pUjyAnAM pUjya IshvaraH | tasmAt pUjyatarA yAcha tasyai mAtre namo namaH || 85|| yadAj~naiva shrutirnityA yadAj~naivAmalA smR^itiH | yadAj~naiva purANoktittasyai mAtre namo namaH || 86|| yadAj~naiva mahAtantraM yadAj~naiva mahAn manuH | yadAj~naiva cha gAyattrI tasyai mAtre namo namaH || 87|| yadAj~naiva parodharmo yadAj~naiva paraM tapaH | yadAj~naiva paroyogastasyai mAtre namo namaH || 88|| yadAj~naivAkhilA vedA yadAj~naiva cha bhAratam | rAmAyaNaM yadAj~naiva tasyai mAtre namo namaH || 89|| yadAj~nApAlanAt sarvashAstrAbhyAsaphalaM bhavet | sarvadharmaphala~nchaiva tasyai mAtre namo namaH || 90|| prANadAyai namonityaM puShTidAyai cha sarvadA | dehendriyapradAyinyai tasyai mAtre namo namaH || 91|| dharmArthakAmamokShAptiryatpAdapUjanAd bhavet | sarvadAyai namastasyai tasyai mAtre namo namaH || 92|| yA devI sarvageheShu lakShmIrUpeNa saMsthitA | namastasyai namastasyai tasyai mAtre namo namaH || 93|| yA devI sarvageheShu nItirUpeNa saMsthitA | namastasyai namastasyai tasyai mAtre namo namaH || 94|| yA devI sarvageheShu rItirUpeNa saMsthitA | namastasyai namastasyai tasyai mAtre namo namaH || 95|| yA devI sarvageheShu shobhArUpeNa saMsthitA | namastasyai namastasyai tasyai mAtre namo namaH || 16|| yA devI sarvageheShu shaktirUpeNa saMsthitA | namastasyai namastasyai tasyai mAtre namo namaH || 97|| yA devI sarvageheShu bhaktirUpeNa saMsthitA | namastasyai namastasyai tasyai mAtre namo namaH || 98|| yA devI sarvageheShu sarvarUpeNa saMsthitA | namastasyai namastasyai tasyai mAtre namo namaH || 99|| na sAdhyate yadAnR^iNyaM nIlakAntashatairapi | namastasyai namastasyai tasyai mAtre namo namaH || 100|| iti mAtR^i\-ratnaM sampUrNam | \section{guru\-ratnam} yasyApArakR^ipAsindhoH kR^ipAvinduvishodhitaH | naro devatvamApnoti tasmai shrIgurave namaH || 1|| chidAnandaM vapuryasya chidAnandaM vibhUShaNam | chidAnandaM tathAvAsastasmai shrIgurave namaH || 2|| chidAnandamaye dhAmni chidAnandamayAsane | rAjate yaH sahasrAre tasmai shrIgurave namaH || 3|| prasannamukhapadmAya prasannanayanAya cha | prasannahR^itsarojAya tasmai shrIgurave namaH || 4|| mUlAdhArAdiShaTchakraM bhittvA shuddhasuShumnayA | samprApyaM yatpadaM shuddhaM tasmai shrIgurave namaH || 5|| buddhIndriya\-manaH\-prANa\-dehA yasya chitA yutAH | svasvakarmasu cheShTante tasmai shrIgurave namaH || 6|| pUrvAbhyAsabalAdjIve duShkarma karttumudyate || antarnivAryate yena tasmai shrIgurave namaH || 7|| rajastamovihInAya shuddhasattvasvarUpiNe | layavikShepashUnyAya tasmai shrIgurave namaH || 8|| upadeShTuM satAM mArgamavatIrNo mahItale | yo narAkR^itimAshritya tasmai shrIgurave namaH || 9|| karNadhAraH sadA yo.asau duShpAre bhavasAgare | agatergatirUpAya tasmai shrIgurave namaH || 10|| yo dadAvatidInAya kapayA karuNAnidhiH | harinAma mahAratnaM tasmai shrIgurave namaH || 11|| yat prasAdAdidaM tuchChaM sharIraM pA~nchabhautikam | pavitratAM samAyAti tasmai shrIgurave namaH || 12|| akR^iShTahR^idayakShetramupadeshahalena yaH | chakarSha kapayA samyak tasmai shrIgurave namaH || 13|| vavarSha prachuraM tatra premavAri punaH punaH | yatnena yaH kR^ipAsindhuttasmai shrIgurave namaH || 14|| tatr vIjaM tatashchoptaM satkShetraj~nena yena hi | saMvivichya yathAyogyaM tasmai shrIgurave namaH || 15|| paryavekShaNato yasya tatra chittamahAkShitau | j~nAnA~NkuraM tato jaj~ne tasmai shrIgurave namaH || 16|| akShayaM paramAnda\-shasyaM yasya kR^ipAbalAt | sudurllabhaM samAlabdhaM tasmai shrIgurave namaH || 17|| mAyAnidrAbhibhUtAnAM saMsArasvapnadarshinAm | chetayitA sadA yashcha tasmai shrIgurave namaH || 18|| nAsti yasya dhane lipsA na yasya yashasi spR^ihA | sevAlAbhe na yasyechChA tasmai shrIgurave namaH || 19|| vrahmaniShThAya shAntAya sadAchAraratAya cha | shrotriyAyAkala~NkAya tasmai shrIgurave namaH || 20|| chaturvedapAragAya vedAntArthapradarshine | purANatantravij~nAya tasmai shrIgurave namaH || 21|| harinAmAmR^ite pIte yanmukhenduviniHsR^ite | palAyete kShudhAtR^iShNe tasmai shrIgurave namaH || 22|| yasyAnugrahamAtreNa kiM vastu kimavastu vA | vijAnAti naraH samyak tasmai shrIgurave namaH || 23|| yAnugrahamAtreNa j~nAnamaj~nAnameva cha | vijAnAti naraH samyak tasmai shrIgurave namaH || 24|| yasyAnugrahamAtreNa bandhanaM muktimeva cha | vijAnAti naraH samyak tasmai shrIgurave namaH || 25|| varjjitaM hR^idayaM yasya kAmalobhamadAdibhiH | shashvat prashAntachittAya tasmai shrIgurave namaH || 26|| gR^ihAndhakUpamagnasya hyashaktasyAtmarakShaNe | AlambanaM padaM yasya tasmai shrIgurave namaH || 27|| aha~NkAra\-mahAsarpa\-viShavIryyanivAraNe | yadvAkyaM sumahAmantrastasmai shrIgurave namaH || 28|| mAyAnAmasudushChedyavandhanasyavikarttane | yadvAkyameva tIkShNAstraM tasmai shrIgurave namaH || 29|| pishAchI mamatAnAmnI jIvabuddhivinAshinI | yatkR^ipA damikA tasyAttasmai shrIgurave namaH || 30|| nirvApaNaM sudIptasya shokAgnerdahataH sadA | upadeshAmR^itaM yasya tasmai shrIgurave namaH || 31|| vinA yachcharaNe bhaktiM narAkR^itipashurnaraH | bhavatyeva bhavatyeva tasmai shrIgurave namaH || 32|| saMsAraniviDAraNye kAmAdishvApadAkule | yaM vinAnyAshrayo nAsti tasmai shrIgurave namaH || 33|| dhanena vA sharIreNa jIvitena tathAtmanA | yasya sevA sadA kAryyA tasmai shrIgurave namaH || 34|| manomattamata~Ngasya shAsane satatakShamam | upadeshA~NkushaM yasya tasmai shrIgurave namaH || 35|| shasyaM vinA yathA kShetraM yathA vR^ikShaH phalaM vinA | yaM vinA jIvanaM tadvattasmai shrIgurave namaH || 36|| vinA chakShuryathA deho vinA vittaM gR^ihaM yathA | yaM vinA jIvanaM tadvattasmai shrIgurave namaH || 37|| vinA vastraM bhUShaNAni saMsAraH santatiM vinA | yaM vinA jIvanaM tadvattasmai shrIgurave namaH || 38|| patiM vinA yathA nArI narashcha vidyayA vinA | yaM vinA jIvanaM tadvattasmai shrIgurave namaH || 39|| gandhaM vinA yathA puShpaM vinA patraM latA yathA | yaM vinA jIvanaM tadvattasmai shrIgurave namaH || 40|| raviM vinA divA yadvadrajanI cha vidhuM vinA | yaM vinA jIvanaM tadvattasmai shrIgurave namaH || 41|| karNadhAraM vinA naukA yathA rAjyaM nR^ipaM vinA | yaM vinA jIvanaM tadvattasmai shrIgurave namaH || 42|| yaddattasumahAratnajyotiShA chittakandaram | bhavatyAlokitaM nityaM tasmai shrIgurave namaH || 43|| chaturvargaphalaprAptiH sukhAdalpadhiyAmapi | yatkR^ipAleshamAtreNa tasmai shrIgurave namaH || 44|| yasya deve parA bhaktiryathA deve tathAgurau | iti yadgauravaM shrutyAM tasmai shrIgurave namaH || 45|| AchAryyaM mAM vijanIyAdityuvAcha svayaM hariH | svayaM kR^iShNasvarUpAya tasmai shrIgurave namaH || 46|| yatpAdakamale chittaM bhR^i~Ngavannivasat sadA | divyaM madhu samApnoti tasmai shrIgurave namaH || 47|| bhrameNa bhramato nityamanantabhavavartmasu | sanmArgadarshako yo.asau tasmai shrIgurave namaH || 48|| yasya sandarshanAdeva raveH sarasijaM yathA | hR^itpadmaM phullatAmeti tasmai shrIgurave namaH || 49|| shrIkR^iShNaH svayamevAha sarvadevamayo guruH | sarvadevasvarUpAya tasmai shrIgurave namaH || 50|| yatpAdodakapAnena hR^idayasyAkhilaM malam | apayAti kShaNAdeva tasmai shrIgurave namaH || 51|| bhavakArAgR^ihe ruddho nibaddho mohashR^i~NkhalaiH | yatprasAdAd bhavenmuktastasmai shrIgurave namaH || 52|| bahavo guravaH santi shiShyavittApahArakAH | hR^ittApahArako yo.asau tasmai shrIgurave namaH || 53|| akhaNDamaNDalAkAraM vyAptaM yena charAcharam | tatpadaM darshitaM yena tasmai shrIgurave namaH || 54|| yato vAcho nivartante aprApya manasA saha | tatpadaM darshitaM yena tasmai shrIgurave namaH || 55|| vichitrAdbhutavishvasya janmAdyasya yato bhavet | tatpadaM darshitaM yena tasmai shrIgurave namaH || 56|| tattvamasyAdivAkyeryallakShyate na samuchyate | tatpadaM darshitaM yena tasmai shrIguShmave namaH || 57|| apANirapi gR^ihNAti yo.apAdo.api cha gachChati | tatpadaM darshitaM yena tasmai shrIgurave namaH || 58|| yaH pashyati sadAchakShurakarNo.api shR^iNoti yaH | tatpadaM darshitaM yena tasmai shrIgurave namaH || 59|| pashyanti sUrayaH shashvad yad viShNoH paramaM padam | tatpadaM darshitaM yena tasmai shrIgurave namaH || 60|| prAkR^itAkArahIno.api yashchidAnandarUpakaH | tatpadaM darshitaM yena tasmai shrIgurave namaH || 61|| sAdhakAnAM hitArthAya svarUpaM yena kalpyate | tatpadaM darshitaM yena tasmai shrIgurave namaH || 62|| yadbhAsA bhAti sUryo.ayaM yadbhAsA bhAti chandramAH | tatpadaM darshitaM yena tasmai shrIgurave namaH || 63|| yadbhayAt pavano vAti varShatIndrashcha yadbhayAt | tatpadaM darshitaM yena tasmai shrIgurave namaH || 64|| brahmaNo hi pratiShThA yashchAmR^itasyAvyayasya cha | tatpadaM darshitaM yena tasmai shrIgurave namaH || 65|| viShTabhya ya idaM kR^itsnamekAMshena sthito jagat | tatpadaM darshitaM yena tasmai shrIgurave namaH || 66|| saMskR^itaiH prAkR^itairvApi yaH shiShyamanurUpataH | bodhayed vAkyavinyAsaistasmai shrIgurave namaH || 67|| aj~nAnatimirAndhasya j~nAnA~njanashalAkayA | chakShurunmIlitaM yena tasmai shrIgurave namaH || 68|| yojitA kapayA yena vR^ithAshabdaratA shrutiH | shravaNe bhagavannAmnastasmai shrIgurave namaH || 69|| mR^idvikAre rataM chakShuH sarvatreshvaradarshane | preShitaM kapayA yena tasmai shrIgurave namaH || 70|| rathAlAparatA vANI yena samya~N niyojitA | bhagavanmahimAkhyAne tasmai shrIgurave namaH || 71|| asadgandhasamAkR^IShTaM ghrANaM yena niyojitam | bhagavachcharaNAmbhoje tasmai shrIgurave namaH || 72|| preShitaH kR^ipayA yena rathAkAryyakaraH karaH | bhagavatparicharyyAyAM tasmai shrIgurave namaH || 73|| yat kapAlabdhabodhena saMsAramR^igatR^iShNikA | vilIyate kShaNenaiva tasmai shrIgurave namaH || 74|| saMsAravR^ikShamArUDhAH patanto narakArNave | yena choddhAritAH sarve tasmai shrIgurave namaH || 75|| sugandhichandanabhrAntyA patanto viShayAnale | yena saMrakShitAH sarve tasmai shrIgurave namaH || 76|| pibantashcha sudhAbhrAntyA saMsAragaralaM sadA | kR^ipayA vAritA yena tasmai shrIgurave namaH || 77|| gurupUjAM vidhAyAtha sveShTadevaM prapUjayet | pUjyAgryAya namastasmai tasmai shrIgurave namaH || 78|| yasya sandarshane jAte nAstyanyadarchchanAdikam | upAsyAya namastasmai tasmai shrIgurave namaH || 79|| adeyaM dIyate yena chAdR^ishyaM satpradarshyate | vadAnyAya namastasmai tasmai shrIgurave namaH || 80|| nashvaraM dIyate sarvairyadattaM yAti na kShayam | j~nAnadAya namastasmai tasmai shrIgurave namaH || 81|| yasmiMstuShTe haristuShTo ruShTe ruShTaH svayaM hariH | ekAtmane namastasmai tasmai shrIgurave namaH || 82|| hariH svayaM gururbhUtvA tArayatyakhilaM jagat | dvirUpAya namastasmai tasmai shrIgurave namaH || 83|| gururbrahmA gururviShNugururdevo maheshvaraH | trirUpAya namastasmai tasmai shrIgurave namaH || 84|| na balaM balama~NgAnAM gurudattavabalaM balam | baladAya namastasmai tasmai shrIgurave namaH || 85|| sheShe gurukR^ipAleshaM vinA nAstyaparA gatiH | rakShakAya namastasmai tasmai shrIgurave namaH || 86|| sadasachchAkhilaM karma gururvetti na chAparaH | sAkShiNecha namastasmai tasmai shrIgurave namaH || 87|| dadAti darshana~nchAnte guruNA prerito hariH | madhyasthAya namastasmai tasmai shrIgurave namaH || 88|| antardhvAntavinAshAya j~nAnAlokapradAya cha | namastasmai namastasmai tasmai shrIgurave namaH || 89|| sushAntAya sudAntAya nirupAdhihitaiShiNe | namastasmai namastasmai tasmai shrIgurave namaH || 90|| sanmArga\-sat\-pradIpAya sadAchAraparAya cha | namastasmai namastasmai tasmai shrIgurave namaH || 91|| bhaktidAya cha bhaktAya j~nAnine j~nAnadAya cha | namastasmai namastasmai tasmai shrIgurave namaH || 92|| svayaM brahmasvarUpAya brahmAnanda pradAyine | namastasmai namastasmai tasmai shrIgurave namaH || 93|| nAnAshAstravirodheShu sAma~njasyavidhAyine | namastasmai namastasmai tasmai shrIgurave namaH || 94|| saMsArAsaktishUnyAya yogine yogadAya cha | namastasmai namastasmai tasmai shrIgurave namaH || 95|| pratikShamAdamAsteyashauchAdiguNashAline | namastasmai namastasmai tasmai shrIgurave namaH || 96|| sandR^iShTe.akhilasantApo yasmin prashamamApnuyAt | namastasmai namastasmai tasmai shrIgurave namaH || 97|| yasmin dR^iShTe parAnandapUrNaM hR^inmandiraM bhavet | namastasmai namastasmai tasmai shrIgurave namaH || 98|| yasmin dR^iShTe mukhe nityaM harinAma svayaM sphuret | namastasmai namastasmai tasmai shrIgurave namaH || 99|| na yogyA dakShiNA yasya nIlakAntashatAnyapi | namastasmai namastasmai tasmai shrIgurave namaH || 100|| iti guru\-ratnaM sampUrNam | \section{dharma\-ratnam} harirjayati sarvatra sarvadAnandarUpakaH | dharmastasyAparaM rUpaM yato dharmastato jayaH || 1|| raNe vA kAnane vApi dharmavarma\-surakShitaH | na naro nidhanaM yAti yato dharmastato jayaH | 2|| svadeharakShaNe rAjA niyojayati sainikAn | dharmohi dhArmikaM pAti yato dharmastato jayaH || 3|| piteva pAlako dharmo mAteva lAlakaH sadA | sakheva hitakArI cha yato dharmastato jayaH || 4|| yato dharmastataH sampad yato dharmastataH sukham | yato dharmastato muktiryato dharmastato jayaH || 5|| yato dharmastataH satyaM yato dharmastato dayA | yato dharmastato j~nAnaM yato dharmastato jayaH || 6|| yato dharmastato nItiryato dharmastataH kShamA | yato dharmastataH shAnti yato dharmastato jayaH || 7|| bandhurdharmavihInasya shatruvad vartate sadA | dhArmikasya jaganmitraM yato dharmastato jayaH || 8|| bhrAtApi rAvaNasyAsau vipakSho.abhud vibhIShaNaH | vAnarA rAmamitrANi yato dharmastato jayaH || 9|| na tathA sukhamApnoti vasudhAvijayI naraH | yathA dharmarato jIvo yato dharmastato jayaH || 10|| viduraH paramAnandaM kuTIrasthaH samanvabhUt | duryodhanaH sadA tApaM yato dharmastato jayaH || 11|| naro dharmaprabhAveNa samparetaM svabAndhavam | punarjjIvayituM shakto yato dharmastato jayaH || 12|| pAtivratyena dharmeNa sAvitrI samajIvayat | patiM dharmaM parAjitya yato dharmastato jayaH || 13|| ekAntadharmaniShThasya sandehAspadavastaShu | satyapradarshako dharmo yato dharmastato jayaH || 14|| nalarUpeShu deveShu damayantI suduHkhitA | nalameva patiM vavre yato dharmastato jayaH || 15|| daivAddasyugR^ihItAyAH satyA dharmaM varastriyAH | rakShatyeva sadA dharmo yato dharmastato jayaH || 16|| rAvaNo jAnakIM hR^itvA nItvApi nijamandiram | kadarthituM na shakto.abhud yato dharmastato jayaH || 17|| durjjano dhArmikAM nArIM vilajjAM karttumudyataH | na kadApi samarthaH syAda yato dharmastato jayaH || 18|| duHshAsanaH satIM kR^iShNAM vivastrAM karttumudyataH | lajjitaH svayamevAsId yato dharmastato jayaH || 19|| yashcha dharmadhano dharmaM na jahAti vipadyapi | nishchitaM shubhamApnoti yato dharmastato jayaH || 20|| satyaM dharmaM samAshritya dharmarAjo yudhiShThiraH | lebhe shatruhR^itaM rAjyaM yato dharmastato jayaH || 21|| anekeShu vinAshasya kAraNeShvapi satsu cha | na vinashyati dharmiShTho yato dharmastato jayaH || 22|| bhagavaddharmamAshritya viShavahni\-jalAdiShu | prahlAdo jIvanaM lebhe yato dharmastato jayaH || 23|| samyag dharmamanuShThAya mR^ito.api mAnavashchiram | jIvanniva pratIyeta yato dharmastato jayaH || 24|| dAnadharmaM samAshritya shiviraushInaro nR^ipaH | vartamAna ivAbhAti yato dharmastato jayaH || 25|| prathamaM shatrutAM kR^itvA dharmiNA saha mAnavaH | mitravad vartate pashchAda yato dharmastato jayaH || 26|| vanAt pratyAgato rAmaH pAlayitvA piturvachaH | kaikeyyApyAdR^itaH samyag yato dharmastato jayaH || 27|| sunIchakulajAto.api dhArmikaH sAdhubhiH samam | atyuchchaM padamApnoti yato dharmastato jayaH || 28|| vibhIShaNo rAkShaso.api rAvaNasyAnujo.api san | dharmeNAmaratAM prApa yato dharmastato jayaH || 29|| IshvaraH sarvabhUtAnAM vashe yasyAkhilaM jagat | sa dharmeNa vashaM yAti yato dharmastato jayaH || 30|| dharmArthe sakalaM hitvA balinAtibalIyasA | dvArapatve kR^ito viShNuryato dharmastato jayaH || 31|| daivAt sarvasvahIno.api tat sarvaM labhate punaH | dharmeNaiva vinA yatnaM yato dharmastato jayaH || 32|| harishchandrashcha rAjarShirhR^itaishvaryyaM mR^itaM sutam | dharmeNaiva punarlebhe yato dharmastato jayaH || 33|| sakAmaH sundaraM bhogyaM dhArmiko yadi vA~nChati | vA~nChitAdhikamApnoti yato dharmastato jayaH || 34|| pitR^isaMmAnamaprApya nagarAnnirgato dhruvaH | sarvochchaM sthAnamAlebhe yato dharmastato jayaH || 35|| yogakShemaM vahatyeva sarvadA svayamIshvaraH | dhArmikasya manuShyasya yato dharmastato jayaH || 36|| bilvama~NgalamAlokya netrahInamanAthakam | svayaM kR^iShNo dadAvannaM yato dharmastato jayaH || 37|| teShAM nityAbhiyuktAnAM yogakShemaM vahAmyaham | iti shrIbhagavad vAkyaM yato dharmastato jayaH || 38|| ekenaiva sujAtena dhArmikeNAkhilaM kulam | pavitrIkriyate samyag yato dharmastato jayaH || 39|| svapUrvapuruShAn dhIra ujjahAra bhagIrathaH | bhAgIrathIM samAnIya yato dharmastato jayaH || 40|| prahR^itya dhArmikaM matto naraH pashchAt prabodhitaH | tameva sharaNaM yAti yato dharmastato jayaH || 41|| Ahatya bhagnakumbhena nityAnandaM dvijAdhamau | tameva sharaNaM yAtau yato dharmastato jayaH || 42|| jIvA ye janmanA krUrA dharmaniShThasya sannidhau | te.api shAntA bhavantyeva yato dharmastato jayaH || 43|| R^iShINAmAshrame puNye krUrAH sarpavR^ikAdayaH | vashyatAM yAnti sarve.api yato dharmastato jayaH || 44|| dhArmikasya yadA daivAt kAchid bhrAntiH prajAyate | dharmeNaivApanItA syAd yato dharmastato jayaH || 45|| shakuntalAM jahau bhrAntyA duShmanto dharmiNAM varaH | dharmastAM smArayAmAsa yato dharmastato jayaH || 46|| dhArmikaM prati yaH krodhaM karoti madagarvitaH | vipadaM svayamApnoti yato dharmastato jayaH || 47|| ambarIShaM prati krodhaM durvAsA munipu~NgavaH | kR^itvA svayaM vipanno.abhud yato dharmastato jayaH || 48|| yAvatyaH santi satshikShAstAsAM shIrShavirAjitA | iyamevottamA shikShA yato dharmastato jayaH || 49|| vidyA bodho vivekashcha sadbhAvo vinayo nayaH | dharmasyAnucharA ete yato dharmastato jayaH || 50|| dharmasyAti balaM dR^iShTvA kAmakrodha madAdayaH | bhayena prapalAyante yato dharmastato jayaH || 51|| mAtApitR^i\-suhR^id\-bhrAtR^i\-bandhubhirgurubhistathA | idamevopadeShTavyaM yato dharmastato jayaH || 52|| dharmakApaTyamAlambya pUjyate hi narairnaraH | kimu dharmagataprANo yato dharmastato jayaH || 53|| saudhAyate parNashAlA shAkAnnamamR^itAyate | dharmAmR^itasutR^iptasya yato dharmastato jayaH || 54|| iha tasyAmalA kIrttiH paratra sukhamuttamam | yasya dharme sthirA buddhiryato dharmastato jayaH || 55|| ekaeva suhR^iddharmo nidhane.apyanuyAti yaH | iti dharmavidAM shikShA yato dharmastato jayaH || 56|| tR^iShNayAkulachittasya saMsAramaruvartinaH | dharmaH sushItalaM vAri yato dharmAntato jayaH || 57|| mohAndhatamasAchChanne saMsAre.atibhayAnake | dharmanAmA vidhurbhAti yato dharmastato jayaH || 58|| shreShThatvaM sarvajIveShu narANAmeva kevalam | dharmamAtravisheSheNa yato dharmastato jayaH || 59|| dhArmikasya jaganmAtA dhArmikasya jagatpitA | dhArmikasya jagatputro yato dharmastato jayaH || 60|| sadAchArarathArUDho dharmashastradharo naraH | ihaiva jayati svargaM yato dharmastato jayaH || 61|| sadAnandamayaM rAjyaM vijetuM brahmaNaH param | dharma eva balaM viddhi yato dharmastato jayaH || 62|| adharmaM charituM vakti kAmalobhayutaM manaH | sadA vadati sadbuddhiryato dharmastato jayaH || 63|| abhAvena svabhAvena parasvaM haratIha yaH | so.api svamanasA vetti yato dharmastato jayaH || 64|| pashureva sa mantavyo hR^idi yasya manAgapi | shikSheyaM na samutpannA yato dharmastato jayaH || 65|| manuShyo.ahamiti j~nAnaM hR^idaye yasya vartate | smaraNIyaM sadA tena yato dharmastato jayaH || 66|| abhyasyatAM sadApAThaH svaHsvo bAlAH parantvidam | smaraNIyaM hR^idA shashvad yato dharmastato jayaH || 67|| dhanArjjane sadA yatno yuvAnaH kriyatAM dhruvam | idantu sarvadA chintyaM yato dharmastato jayaH || 68|| gataprAyaM vijAnIta sthavirA vata jIvanam | ato dharme matiM datta yato dharmastato jayaH || 69|| sarvadeshe sarveShu dharmashAstreShu sarvadA | punaHpunariyaM shikShA yato dharmastato jayaH || 70|| aspR^iShTvA bhogashambUkamapAre.asmin bhavAmbudhau | gR^ihyatAM dharmamANikyaM yato dharmastato jayaH || 71|| dharmeNa balavAn loko dharmeNa dhanavAn bhavet | dharmeNa j~nAnavAn vApi yato dharmastato jayaH || 72|| kShudhAtR^iShNAdayo ye cha sahajAH kleshadAyinaH | dharmeNa vashamAyAnti yato dharmastato jayaH || 73|| devatvaM lebhire devA prAjApatyaM prajApatiH | dharmeNaiva na chAnyena yato dharmastato jayaH || 74|| prakR^itIH svavashIkarttuM shaknoti nR^ipatiryathA | dharmeNa na tathAnyena yato dharmastato jayaH || 75|| adyApi nR^ipatiM rAmaM smR^itvA lokAH suduHkhitAH | vA~nChanti rAmarAjyaM hi yato dharmastato jayaH || 76|| adharmiNAM vinAshena rakShaNena cha dharmiNAm | dharma eva jagat shAsti yato dharmastato jayaH || 77|| sA vidyA sarvavidyAnAmuttamA sAdhusammatA | yayaitajjAyate j~nAnaM yato dharmastato jayaH || 78|| bhavet surapurItulyA vasudheyamasaMshayam | sarve.api yadi jAnIyuryato dharmastato jayaH || 79|| saMsAre.asmin kurukShetre dharmashastradharo naraH | vijayI bhavitA nUnaM yato dharmastato jayaH || 80|| svadeshe pUjyate rAjA prajAbhiH svAbhireva cha | dhArmikastu jagatpUjyo yato dharmastato jayaH || 81|| jaya eva jayo.akShANAM na jayaH pR^ithivIjayaH | jayanti tAni dharmiShThA yato dharmastato jayaH || 82|| vastrAla~NkArahIno.api dhUliliptA~Ngako.apivA | shobhate dhArmikaH shashvad yato dharmastato jayaH || 83|| shItagrIShmAdayo dehe svabhAvakleshadAyinaH | dhArmikaM na spR^ishantyeva yato dharmastato jayaH || 84|| nidAghAMshupateraMshuH sharachchandravibhAsamaH | dharmiShThasannidhau bhAti yato dharmastato jayaH || 85|| pitrA pUjyatamenApi pUjyate dhArmikaH sutaH | manasA sarvadA tanmAd yato dharmastato jayaH || 86|| bAlo.api dharmaniShThAtmA sampUjyaiH sthavirairapi | prapUjyate sadA samyag yato dharmastato jayaH || 87|| sevikA dhArmikA jAyA sevyena svAminA sadA | pUjyate manasA nityaM yato dharmastato jayaH || 88|| rAj~nA daNDadhareNApi pUjyate dhArmikaprajA | dharmamAtramapekShyaiva yato dharmastato jayaH || 89|| na tathA pUjyate vittaM sambandho vaya eva vA | yathA sampUjyate dharmo yato dharmastato jayaH || 90|| vijaye yadi vA~nChAsti shR^iNu me paramaM vachaH | japasiddhamimaM mantraM yato dharmastato jayaH || 91|| parasparamanaikyaM yat sarvAnarthakaraM nR^iNAm | nAshakattasya saddharmo yato dharmastato jayaH || 92|| svadharme nidhanaM shreyaH smR^itvedaM bhagavadvachaH | svaM svaM dharmaM samAtiShTha yato dharmastato jayaH || 93|| sAgarAH saritaH shailAH shashisUryAdayo grahAH | vadanti sarvadA sarve yato dharmastato jayaH || 94|| gIyatAM gIyatAM sarve gR^ihasthAnAM gR^ihe gR^ihe | miShTa miShTamidaM gAnaM yato dharmastato jayaH || 95|| likhyatAM likhyatAM dvAri jAmbUnadarasena vai | akSharAShTakametaddhi yato dharmastato jayaH || 96|| vAsaHprAnteShu ChatreShu sarvA~NgeShu pR^ithak pR^ithak | likhyatAM shashiniryAsairyato dharmastato jayaH || 97|| dravyeShu vyavahAryeShu sarveShu kaNakadravaiH | likhyatAM samprayatnena yato dharmastato jayaH || 18|| rAjamArge sabhAyA~ncha mandire haTTa\-goShThayoH | likhyatAM likhyatAM sarvairyato dharmastato jayaH || 99|| nIlakAntashatajyoti stiraskR^itya virAjate | dharmasya vimalaM jyotiryato dharmastato jayaH || 100|| iti dharma\-ratnaM sampUrNam | \section{viveka\-ratnam} vismR^itya jagatAM nAthaM sadAnandaM chidAtmakam | saMsAre ramate jIvaH kimaj~nAnamataH param || 1|| avij~nAyAtmanAtmAnaM j~nAnavAnahamityasau | abhimAnaM karotyuchchaiH kimaj~nAnamataH param || 2|| samprApya durllabhaM janma muktidvAramapAvR^itam | pashuvad vartate nityaM kimaj~nAnamataH param || 3|| ko.ahaM vA kuta AyAtaH karttavyamiha kiM mama | na jAnAti na jij~nAsuH kimaj~nAnamataH param || 4|| indrajAlaM jagat sarvaM mAyAmUlamanarthakam | pratyeti satyavannityaM kimaj~nAnamataH param || 5|| gurupAdAshrayaM hitvA chAkR^itvA bhaktimIshvare | yatate j~nAnalAbhAya kimaj~nAnamataH param || 6|| aviditvA sukhaM divyaM sadAtmasthaM sunirmalam | sukhArthaM kramate vishvaM kimaj~nAnamataH param || 7|| ratnahAraM svakaNThasthaM vismR^itya sarvato disham | vichinoti divAnaktaM kimaj~nAnamataH param || 8|| chidAnanda\-svarUpo.api svayaM dehamachetanam | AtmAnaM manyate shashvat kimaj~nAnamataH param || 9|| sarve.api sukhamichChanti cheShTante cha punaHpunaH | kiM sukhantu na jAnanti kimaj~nAnamataH param || 10|| janmamR^ityu vihIno.api manyate mohitaH sadA | jAtaM mR^itamivAtmAnaM kimaj~nAnamataH param || 11|| viShayendriya\-saMyogaH shItoShNa\-sukhaduHkhadaH | tadbhAjaM vetti chAtmAnaM kimaj~nAnamataH param || 12|| aha~NkAraM karotyuchchairdambhamAna\-madAnvitaH | ko.ahantu tanna jAnAti kimaj~nAnamataH param || 13|| mamaivaitannamaivaitat sadA jalpati mohitaH | kiM mameti na jAnAti kimaj~nAnamataH param || 14|| arthalAbhe sadonmattaH sarvataH paridhAvati | na vettyarthasvarUpantu kimaj~nAnamataH param || 15|| jaye.asti mahatI vA~nChA nAsti vA~nChA parAjaye | jayAjayau na jAnAti kimaj~nAnamataH param || 16|| sarvadA yatnavAn janturAtmaduHkhanivAraNe | upAyantu na jAnAti kimaj~nAnamataH param || 17|| nAtmIyo na parashchApi kashchidasti hi kasyachit | tathApi viShamA buddhiH kimaj~nAnamataH param || 18|| mR^ida evAparaM rUpaM maNimuktAtR^iNAdikam | tathApi viShamA buddhiH kimaj~nAnamataH param || 19|| kR^imiviD bhasmasheShAhi sudaridrAstathA nR^ipAH | tathApi viShamA buddhiH kimaj~nAnamataH param || 20|| jAyate jagadekasmAdekasmi.NllayameShyati | tathApi viShamA buddhiH kimaj~nAnamataH param || 21|| sarve samaM samAkrAntA janmamR^ityu\-jarAdikaiH | tathApi viShamA buddhiH kimaj~nAnamataH param || 22|| kaupInamapi yanmUlaM tanmUla~nchailamambaram | tathApi viShamA buddhiH kimaj~nAna mataHparam || 23|| dvihastA dvipadA bhUpA prajA api tathAvidhAH | tathApi viShamA buddhiH kimaj~nAnamataH param || 24|| prANAnte.achetano rAjA prANAnte chetanAH prajA | tathApi viShamA buddhiH kimaj~nAnamataH param || 25|| mAtR^ikukShau yathA rAjA mAtR^ikukShau tathA prajAH | tathApi viShamA buddhiH kimaj~nAnamataH param || 26|| avyaktAdIni bhUtAni chAvyaktanidhanAni hi | tathApi viShamA buddhiH kimaj~nAnamataH param || 27|| karoti kasyachit kashchidiShTAniShTe kadApi na | tathApi viShamA buddhiH kimaj~nAnamataH param || 28|| Atmaiva hAtmano bandhurAtmaiva ripurAtmanaH | tathApi viShamA buddhiH kimaj~nAnamataH param || 29|| uchchairgAyati vedAnto neha nAnAsti ki~nchana | tathApi viShamA buddhiH kimaj~nAnamataH param || 30|| ekamevAdvitIya~ncha siddhAntaM gAyati shrutiH | tathApi viShamA buddhiH kimaj~nAnamataH param || 31|| ekaeva parohyAtmA sarvajIveShu shAshvataH | tathApi viShamA buddhiH kimaj~nAnamataH param || 32|| sarveShvapi sharIreShu samAnAH saptadhAtavaH | tathApi viShamA buddhiH kimaj~nAnamataH param || 33|| smR^itishcha sarvadA vakti sarvaM viShNumayaM jagat | tathApi viShamA buddhiH kimaj~nAnamataH param || 34|| jAtasya hi dhruvo mR^ityurdhruvaM janma mR^itasya cha | tathApi kurute shokaM kimaj~nAnamataH param || 35|| adya yanmama vastvasti parAhe tat parasyahi | tathApi mamatA ghorA kimaj~nAnamataH param || 36|| vastravaddehamAdatte jahAti vastravat punaH | ahaM buddhiH sadA tatra kimaj~nAnamataH param || 37|| ya evAsIt sa evAsti sa eva cha bhaviShyati | tathApi kurute shokaM kimaj~nAnamataH param || 38|| charmaNAchChAdito deho mAMsAsthirudhirAshayaH | ahaM buddhiH sadA tatra kimaj~nAnamataH param || 39|| chitsvarUpaM svamAtmAnaM vismR^ityAchetanaM jaDam | AtmAnaM manyate shashvat kimaj~nAnamataH param || 40|| AnandamayamAtmAnaM vismR^itya yantraNAlayam | AtmAnaM manyate dehaM kimaj~nAnamataH param || 41|| nityamAtmAnamaj~nAnaM nashvaraM kShaNabha~Nguram | AtmAnaM manyate dehaM kimaj~nAnamataH param || 42|| adyaikasya gR^ihaM yatshvo bhaviShyatyaparasyahi | mameti tadgR^ihe buddhiH kimaj~nAnamataH param || 43|| svakarma bhoktumAyAtAH sarve dArasutAdayaH | uchchakairmamatA teShu kimaj~nAnamataH param || 44|| anichChantamapi tyaktvA punaryAsyanti ye dhruvam | uchchakairmamatA teShu kimaj~nAnamataH param || 45|| AsaktiH sarvaduHkhAnAmAkaro nAsti saMshayaH | tathApi sudR^iDhAsaktiH kimaj~nAnamataH param || 46|| anitye nityavad buddhishchidbuddhishcha jaDe sadA | duHkhe cha sukhavadbuddhiH kimaj~nAnamataH param || 47|| udaraM vanajAtena shAkenApi prapUryyate | tadarthaM kurute pApaM kimaj~nAnamataH param || 48|| guhaivAsti nagendrasya gR^ihamIshvaranirmitamam | tadarthaM kurute pApaM kimaj~nAnamataH param || 49|| dharaNyA dattamevAsti shayyArthaM vakSha AtmanaH | tadarthaM kurute pApaM kimaj~nAnamataH param || 50|| vAkye madhu mukhe hAsyaM viShaM chitte dadhAti yA | pratyeti kAminImetAM kimaj~nAnamataH param || 51|| shvabhakShye kAminIkAye rakta\-mUtra\-malAshaye | sajyate sundarIbud.hdhyA kimaj~nAnamataH param || 52|| saMsAranigaDasyeyaM kAminI mUlabandhanI | tathApi svIkarotyetAM kimaj~nAnamataH param || 53|| dadhAti pAdayoH svasya shR^i~NkhalaM svayamevahi | saMsArAkhyaM sudushChedyaM kimaj~nAnamataH param || 54|| vihAya vipulaM vittameko yAtyaparastathA | karoti viShaye lobhaM kimaj~nAnamataH param || 55|| adya yo bhUpatirdR^iptaH parAhe pathikaH sa hi | tathApi kurute dambhaM kimaj~nAnamataH param || 56|| garveNa yo balonmattaH parAhe jarayA jitaH | tathApi kurute dambhaM kimaj~nAnamataH param || 57|| padAdya kampayan pR^ithvIM parAhe yAti pa~NgutAm | tathApi kurute dambhaM kimaj~nAnamataH param || 58|| chakShuShmAnadya yAti shvaH sharaNaM karadhAriNam | tathApi kurute dambhaM kimaj~nAnamataH param || 59|| adya shrutidharo yo.asau parAhe vadhiraH punaH | tathApi kurute dambhaM kimaj~nAnamataH param || 60|| sapta\-putra\-pitA yo.adya parAhe so.asahAyakaH | tathApi kurute dambhaM kimaj~nAnamataH param || 61|| harSheNa yo hasatyadya roditi shvaH sa uchchakaiH | tathApi kurute dambhaM kimaj~nAnamataH param || 62|| adya dAtA yaevAsau parAhe cha parAnnabhuk | tathApi karute dambhaM kimaj~nAnamataH param || 63|| adya susthasharIro yaH parAhe pIDayAkulaH | tathApi kurute dambhaM kimaj~nAnamataH param || 64|| viShayI viShayashchaiva kAlena layameShyataH | tathApi viShaye lobhaH kimaj~nAnamataH param || 65|| gato rakShaHpatirdR^ipto gatA la~NkA hiraNmayI | tathApi viShaye lobhaH kimaj~nAnamataH param || 66|| gato rAmaH prajArAmaH sAyodhyA nagarI gatA | tathApi viShaye lobhaH kimaj~nAnamataH param || 67|| gato yudhiShThiraH sApi hastinAnagarI gatA | tathApi viShaye lobhaH kimaj~nAnamataH param | 68|| gataH kaMsaH sudurddAnto mathurAnagarI gatA | tathApi viShaye lobhaH kimaj~nAna mataHparam || 69|| gato nalaH sudharmiShTho vidarbhanagaraM gatam | tathApi viShaye lobhaH kimaj~nAnamataH param || 70|| AshA hi paramaM duHkhaM nairAshyaM paramaM sukham | tathApi balavatyAshA kimaj~nAnamataH param || 71|| duShpUrA viShayairAshA shUnyaM shabdairyathA tathA | tathApi pUraNe vA~nChA kimaj~nAnamataH param || 72|| sukhamaindriyakaM yattachChUkare mAnave samam | tadarthaM yatate.abhIkShNaM kimaj~nAnamataH param || 73|| saMsAra\-sukhametaddhi sarvadA duHkhamishritam | tadarthaM yatate nityaM kimaj~nAnamataH param || 74|| ayatnenaiva saMlabhyaM duHkhavadaihikaM sukham | tadarthaM sumahAn yatnaH kimaj~nAnamataH param || 75|| bhogena vardhate kAmo na shAntimupagachChati | tathApi vAsanA bhoge kimaj~nAnamataH param || 76|| bhagavAnuddhavaM prAha sukhaM duHkha\-sukhAtyayaH | tadarthaM yatate naiva kimaj~nAnamataH param || 77|| kShudrAnande sadonmattaH sapharIvAlpavAriNi | AyuHkShayaM na jAnAti kimaj~nAnamataH param || 78|| idaM labdhamidaM lapsya iti chintAkulaH sadA | AyuHkShayaM na jAnAti kimaj~nAnamataH param || 79|| Ayurharati vai puMsAM kR^itAnta\-janakaH sadA | jAnannapi na jAnAti kimaj~nAnamataH param || 80|| kAlo yAti samAyAti sarvadeti prajalpati | yAtyAyuriti no vetti kimaj~nAnamataH param || 81|| yadarthaM mAnuShaM janma labdhvAyAto mahItale | tatra nAsti manAg dR^iShTiH kimaj~nAnamataH param || 82|| durllabhaM jIvanaM dattvA mUlyarUpeNa sarvadA | krINAti narakAnandaM kimaj~nAnamataH param || 83|| pata~NgavajjuhotyadhvA svAtmAnaM viShayAnale | ApAta\-sundare shashvat kimaj~nAnamataH param || 84|| kala\-bhAShaNamAshrutya mohitaH sutadArayoH | mR^igavanna smaret kAlaM kimaj~nAnamataH param || 85|| rasanA\-vashagaH shashvan mInavad bhakShyalobhitaH | atti chAntarviShaM vastu kimaj~nAnamataH pa~ncham || 86|| gajavad bandhanaM yAti kAminIsparshalAlasaH | kAlakaushalamaj~nAtvA kimaj~nAnamataH param || 87|| saMsAramadhugandhena mohitaH ShaTpado yathA | paramApadamApnoti kimaj~nAnamataH param || 88|| viShamattya mR^itaM hitvA jalaM hitvA marIchikAm | samabhyeti sadA bhrAntyA kimaj~nAnamataH param || 89|| sukhamAtyantikaM yattad buddhigrAhyamatIndriyam | tallAbhe nahi yatno.asti kimaj~nAnamataH param || 90|| yaM labdhvA chAparaM lAbhaM manyate nAdhikaM tataH | tallAbhe nahi yatno.asti kimaj~nAnamataH param || 91|| mAtR^ikukShau bhR^ishaM duHkhaM samprApya yat pratishrutam | vismR^itya nIyate kAlaH kimaj~nAnamataH param || 92|| yaddattachakShuShA sarvaM jagachchitraM prapashyati | nAbhivA~nChati taM draShTuM kimaj~nAnamataH param | 93|| vasan vArinidhestIre jalAbhAvena yAtanA | ataHparaM kimaj~nAnaM kimaj~nAnamataH param || 94|| sukhAbdhisannidhau sthitvA yantraNAmeti sarvadA | ataHparaM kimaj~nAnaM kimaj~nAnamataH param || 95|| manyate.ahaM karomIti prakR^iterguNakarmaNi | ataHparaM kimaj~nAnaM kimaj~nAnamataH param || 96|| hR^idi sthitaM sadAnandaM labdhuM saMyatate vahiH | ataHparaM kimaj~nAnaM kimaj~nAnamataH param || 97|| tattvamasi mahAvAkyaM vismR^itya yAti yantraNAm | kimaj~nAnaM kimaj~nAnaM kimaj~nAnamataH param || 98|| bhagavantaM sadA sevyaM hitvopAste jaDaM sadA | kimaj~nAnaM kimaj~nAnaM kimaj~nAnamataH param || 99|| mR^itpiNDo nIlakAntashcha samau tayorghR^iNAdarau | kimaj~nAnaM kimaj~nAnaM kimaj~nAnamataH param || 100|| iti viveka\-ratnaM sampUrNam | \section{harinAma\-ratnam} vedAmara\-tarUdbhUtamapUrvAmR^ita\-sambhR^itam | phalamAnandachidrUpaM harernAmaiva kevalam || 1|| vIjaM yat sarvavedAnAM trivR^it praNava uchyate | tasyApi vIjabhUtaM hi harernAmaiva kevalam || 2|| gAyatryA gIyate yattad yo bharga iti shabdataH | tAtparyyeNa tadevaitaddharernAmaiva kevalam || 3|| purANe chAgame tantre mantre cha bhArate tathA | sarvatra sarvadA gItaM harernAmaiva kevalam || 4|| sarvadevAbhidhAH shashvat saritaH sAgaraM yathA | tathA tadabhidhAvanti harernAmaiva kevalam || 5|| asAre bhavasaMsAre sArabhUtaM sanAtanam | sarvakAmapradaM puNyaM harernAmaiva kevalam || 6|| ra~njanaM sarvachittAnAM bha~njanaM pApabhUbhR^itAm | ga~njanaM chitrabhogAnAM harernAmaiva kevalam || 7|| shAkta\-vaiShNava\-gANesha\-saura\-shaivAshcha sAdhakAH | nAma\-bhedena gAyanti harernAmaiva kevalam || 8|| dArApatya\-suhR^it\-prANa\-deha\-geha\-samanvitam | vishvaM vinAshi satyaM hi harernAmaiva kevalam || 9|| yoga\-yAga\-tapoj~nAna\-snAnadAna\-sukarmaNAm | sarveShAmabhilakShyaM hi harernAmaiva kevalam || 10|| madhuraM madhurebhyo.api ma~Ngalebhyo.api ma~Ngalam | pAvanaM pAvanebhyo.api harernAmaiva kevalam || 11|| bhavabandha\-vimukto.api nArado munisattamaH | gAyannaTati harSheNa harernAmaiva kevalam || 12|| yuktamuktaM sudhIvR^indaiH sAramAhR^itya sarvataH | harernAma harernAma harernAmaiva kevalam || 13|| prabalaM balavadbhyo.api durvalAnAM paraM balam | sambalaM bhavapAnthAnAM harernAmaiva kevalam || 14|| ko vA kasya bhaved bandhuH sarvaH svArthaM samIhate | nirupAdhi suhR^innityaM harernAmaiva kevalam || 15|| sampatsu svajanAH sarve vipatsu vimukhAH sadA | sampadApatsu mitraM hi harernAmaiva kevalam || 16|| yadi nityasukhe vA~nChA yadi vA~nChA bhavakShaye | sAnurAgaM tadA geyaM harernAmaiva kevalam || 17|| bodhakaM sarvatattvAnAM rodhakaM sakalainasAm | shodhakaM sarvachittAnAM harernAmaiva kevalam || 18|| sa eva mAnavo loke sa eva cha supaNDitaH | rasanAyAM sadA yasya harernAmaiva kevalam || 19|| na paNDitaH paNDito.api mAnavo.api na mAnavaH | rasanAyAM na yasyAsti harernAmaiva kevalam || 20|| aj~nAna\-tamasAchChanne ripu\-chaurAvR^ite bhave | ratna\-dIpAyate nityaM harernAmaiva kevalam || 21|| vibhIShaNaM bhayasyApi kAmasyApi vimohanam | lobhasya lobhanaM chitraM harernAmaiva kevalam || 22|| phalaM yad.hdhyAnato labhyaM yaj~nArchchAbhyA~ncha yatphalam | tatsarvaM pradadAtyeva harernAmaiva kevalam || 23|| deshakAlAdyapekShAsti sarvasatkarma\-sAdhane | nirapekShamidaM viddhi harernAmaiva kevalam || 24|| yasyAM tasyAmavasthAyAM yatra tatra yadA tadA | prajaptuM shakyate sarvai harernAmaiva kevalam || 25|| shravaNIyamidaM shashvat kIrttanIyamidaM sadA | smaraNIyamidaM nityaM harernAmaiva kevalam || 26|| ekaikaviShayo bhauma ekaikendriyatarpaNaH | sarvAkSha\-tarpaNantvekaM harernAmaiva kevalam || 27|| nAsti tathAvidho rogo nAsti shokastathAvidhaH | yaM na nAshayati hyekaM harernAmaiva kevalam || 28|| devatAnAmidaM havyaM pitR^INAM kavyamuttamam | martyAnAmamR^ita~nchAnnaM harernAmaiva kevalam || 29|| apAre bhavakAttAre ripushArddUla\-sa~Nkule | sharaNaM bhayashUnyaM hi harernAmaiva kevalam || 30|| prAkR^itaM nAmamAtraM hi dvirAvR^ittyA purAtanam | shatAvR^ittyA navaM bhAti harernAmaiva kevalam || 31|| nAmaiva paramo yaj~no nAmaiva paramaM tapaH | j~nAnaM yatparamaM loke harernAmaiva kevalam || 32|| nAmaiva tAntrikI sandhyA nAmaiva vaidikI tathA | yadanyat karaNIya~ncha harernAmaiva kevalam || 33|| dharmadaM dharmakAmasya kAmakAmasya kAmadam | arthada~nchArthakAmasya harernAmaiva kevalam || 34|| muktidaM muktikAmasya niShkAmasya sadAtmadam | tad vadAnyatamaM loke harernAmaiva kevalam || 35|| varNAshrama\-vibhAgena ye ye dharmA nirUpitAH | tatsarverShAM shiroratnaM harernAmaiva kevalam || 36|| jIvanaM saphalaM tarhi dharmo.api saphalastadA | rasanAyAM yadA nR^ityeddharernAmaiva kevalam || 37|| j~nAnadaNDena sammathya sudhIbhirbhavasAgaram | navanItaM vahirnItaM harernAmaiva kevalam || 38|| Abrahmastamba\-paryantaM sarvaM mAyAmayaM jagat | satyaM satyaM punaH satyaM harernAmaiva kevalam || 39|| sudhiyaH sarvakAryANi kurvanto vahirindriyaiH | japanti manasA nityaM harernAmaiva kevalam || 40|| saMsArasarpadaShTasya janasya jagatItale | bhaiShajyaM yadi vA ki~nchiddharernAmaiva kevalam | 41|| viShNurAto divaMyAto hitvAnityakalevaram | shrutvA shukamukhAchChuddhaM harernAmaiva kevalam || 42|| viShaM vishamitaM tena prahlAdena mahAtmanA | shraddhayA parayA smR^itvA harernAmaiva kevalam || 43|| kIrttayitvA kR^itArtho.abhUd bhagavAn vAdarAyaNaH | vimale jAhnavI\-kUle harernAmaiva kevalam || 44|| nirupAdhi suhR^innityamakShayaM paramaM dhanam | kAlAnadhikR^itaM dhAma harernAmaiva kevalam || 45|| yantraNAparipUrNo.api narakastridivAyate | yadi syAt satataM tatra harernAmaiva kevalam || 46|| sarvasampat\-sambaddho.api tridivo narakAyate | yadi nasyAt sadA tatra harernAmaiva kevalam || 47|| prANAnte nAnugachChanti sarve dhana\-janAdayaH | jIvane maraNe sa~Ngi harernAmaiva kevalam || 48|| pAlane pitR^ivannityaM lAlane jananIsamam | ramaNe rAmayA tulyaM harernAmaiva kevalam || 49|| sa guruH sa pitA chApi sA mAtA bAndhavo.api saH | shikShayechchet sadA smarttuM harernAmaiva kevalam || 50|| na gururna pitA chApi na mAtA bAndhavo.api na | na shikShayed yadi smarttuM harernAmaiva kevalam || 51|| kShudhArtte paramAnnaM hi tR^iShNArtte shItalaM jalam | santapte komalo vAyurharernAmaiva kevalam || 52|| pAvano yavano.api syAd buddhvA sarvamasad yadi | kIrttayet satataM bhaktyA harernAmaiva kevalam | 53|| kAla\-gupta\-charA ete sarve dAra\-sutAdayaH | tadva~nchanamahAmantro harernAmaiva kevalam || 54|| lAbhAnAM paramo lAbhaH sadgatInAM parA gatiH | sarvAsAmAshiShAM sheSho harernAmaiva kevalam || 55|| shrUyante bahavaH shabdA jIvabhedaiH samIritAH | sAdhubhiH shrUyate kintu harernAmaiva kevalam || 56|| tR^iNIkR^itya jagat sarvaM rAjate sakalopari | chidAnandamayaM shuddhaM harernAmaiva kevalam || 57|| siddhAnAM siddhidA devAH shatashaH santi sarvataH | asiddha\-siddhidaM viddhi harernAmaiva kevalam || 58|| sa yAti sakalaM hitvA nirmalaM shrIhareH padam | yastyajet kIrttayan prANAn harernAmaiva kevalam || 59|| ataH sukR^itino nityamAvAlyAdati yatnataH | punaH punaH pragAyanti harernAmaiva kevalam || 60|| yAvaddehe sthitAH prANA yAvajjihvA vashe sthitA | tAvadeva sadA geyaM harernAmaiva kevalam || 61|| nishvAse nahi vishvAsaH kadA ruddho bhaviShyati | kIrttanIyamato bAlyAddharernAmaiva kevalam || 62|| kShaNaM nApekShate mR^ityurnAnurodhaM shR^iNoti cha | prAgeva nIyatAM tasmAddharernAmaiva kevalam || 63|| kaliku~njara\-kumbhasya dAraNaM bhavatAraNam | mAraNaM maraNasyApi harernAmaiva kevalam || 64|| gachChadbhiruta tiShThadbhirashadbhirapi yatnataH | smaraNIyaM sadA pumbhirharernAmaiva kevalam || 65|| nAsti nAsti kalau nAsti harinAma vinA gatiH | tasmAd yatnena japtavyaM harernAmaiva kevalam || 66|| naro.api surapUjyaH sa dharA tasyAmarA purI | a~Nge hR^idi mukhe yasya harernAmaiva kevalam || 67|| pashuyonau varaM janma pakShiyonau varaM tathA | yadi smaren mano nityaM harernAmaiva kevalam || 68|| svasvAdhikAramAshritya kriyatAM karma kR^itsnashaH | dhriyatAM dhriyatAM chitte harernAmaiva kevalam || 69|| jitaM tena ripUn yena nirasya bhavasaMyuge | saMlabdhaM tanmahAratnaM harernAmaiva kevalam || 70|| gatameva vijAnIhi paramAyuranishchitam | kIrttyatAM kIrttyatAM shIghraM harernAmaiva kevalam || 71|| adya shva iti saMyAtA bahavo divasA vR^ithA | idAnImapi japtavyaM harernAmaiva kevalam || 72|| nAhaM charmAdi\-sa~NghAto naite mama gR^ihAdayaH | ahaM jIvo mamAvehi harernAmaiva kevalam || 73|| pibanti kevalaM vAri chAtakA megha\-niHsR^itam | tathA bhaktAH pragAyanti harernAmaiva kevalam || 74|| yAshA nahi nivarteta labdhvApi surapAlatAm | sAsvAdya sannivarteta harernAmaiva kevalam || 75|| nAma dhAma svarUpa~ncha trayamekaM na saMshayaH | ataH pumbhiH sadA svAdyaM harernAmaiva kevalam || 76|| hariH sadA vasettatra yatra bhAgavatA janAH | gAyanti bhaktibhAvena harernAmaiva kevalam || 77|| taddhi vR^indAvanaM dhAma premAshrupulakAchitaiH | yatra sa~NgIyate bhaktairharernAmaiva kevalam || 78|| tatra tIrthAnyasheShANi kShetrANi sakalAni cha | premNA pragIyate yatra harernAmaiva kevalam || 79|| nR^ityanti devatAstatra mudA martyairalakShitAH | sa~NkIrttyate janairyatra harernAmaiva kevalam || 80|| modante pitaraH sarve shrutvA shruti\-manoharam | svavaMshyAnAM mukhebhyohi harernAmaiva kevalam || 81|| varamAyuH kShaNArddhaM hi yadi tatra hR^idA smaret | sArAtsArataraM shuddhaM harernAmaiva kevalam || 82|| bhogena sampradAnena kShayaM yAtyakhilaM dhanam | sa~NgR^ihANAkShayaM ratnaM harernAmaiva kevalam || 83|| ye vidanti nijaM lAbhamalAbhaM vA vidanti cha | krINanti te sharIreNa harernAmaiva kevalam || 84|| abhyastamadhunA chetsyAdrasanAyAmayatnataH | AvirbhAvi svayaM sheShe harernAmaiva kevalam || 85|| hAhA kurvan kimApnoShi bhavitavyaM bhaviShyati | tasmAt sa~njapa yatnena harernAmaiva kevalam || 86|| kadA vR^indAvanaM gatvA dhR^itvA mAdhukaraM vratam | anukShaNaM vadiShyAmi harernAmaiva kevalam || 87|| AtmanA va~nchito hyAtmA tena puMsA durAtmanA | na nItaM helayA yena harernAmaiva kevalam || 88|| aho duHkhamahoduHkhaM duHkhAdduHkhataraM yataH | kAchArthaM vismR^itaM ratnaM harernAmaiva kevalam || 89|| hariH svayaM haro bhUtvA hitvA sarvaM digambaraH | shmashAne sa~njapatyetaddharernAmaiva kevalam || 90|| shrIchaitanyaH kR^ipAsindhurbhagavAn bhakta\-rUpakaH | kR^ipayA dattavAnetaddharernAmaiva kevalam || 91|| \ldq{}tR^iNAdapi sunIchena tarorapi sahiShNunA | amAninA\rdq{} sadA geyaM harernAmaiva kevalam || 92|| yatna\-puShTaH svadeho.api bhasmasheSho bhaviShyati | sa~nchIyatA mato nityaM harernAmaiva kevalam || 93|| yadi vA~nChasi samprAptuM tadviShNoH paramaM padam | smara smara\-harArAdhyaM harernAmaiva kevalam || 94|| varNAshrama\-vayo\-dIkShA\-shikShAdi\-niyamo nahi | sAdhAraNa\-dhanaM viddhi harernAmaiva kevalam || 95|| garalI\-kR^ita\-pIyUShaM kaparddI\-kR^ita\-kaustubham | virAjate svaprakAshaM harernAmaiva kevalam || 96|| hari\-smaraNamAchAryyaiH sarvArtti\-shamanaM matam | smaraNIyamato martyairharernAmaiva kevalam || 97|| bhavAndha\-kUpa\-magnAnAM krandatA~ncha punaH punaH | utthAnAlambanaM hyekaM harernAmaiva kevalam || 98|| dIyatAM dIyatAM karNo nIyatAM nIyatAM vachaH | gIyatAM gIyatAM nityaM harernAmaiva kevalam || 99|| apUrva\-bhUShaNaM kaNThe nIla\-kAnta\-tamonudam | dhriyatAM dhriyatAM sarvairharernAmaiva kevalam || 100|| iti harinAma\-ratnaM sampUrNam | iti pa~ncharatnagranthaM sampUrNam | \section{upasaMhAraH} mAtA gurustathA dharmo viveko harinAma cha | sevyA pUjyastathApAlyashchintyaH kIrttya~ncha sarvadA || gosvAmi\-shrInIlakAnta sharmA | parama pUjyatama svargIya lalitamohana shIla pitR^ipAdasarojeShu \- vAvA, AnandadhAmera ala~Nghya AhvAne Apani akAlei divya prabhAya.NkAshIdhAmastha nija bhajana\-kuTIra Alokita kariyA, tatratya sAdhakavargake stambhita kariyA, janasAdhAraNye mR^ityura praNAlI shikShA diyA, evaM ei hatabhAgya putrAdhamake shoka\-sAgare bhAsAiyA, anantakAlera janya tirohita hailena | Ami prANa bhariyA ApanAra sevA karivAra avasara pAilAma nA | manera AkShepa manei rahila | ApanAra supavitra nAma marttyaloke akShuNNa rAkhivAra janya bhavadIya o madIya bhavakarNadhAra bhAgavatAchAryya shrIyukta nIlakAnta gosvAmI mahAprabhupAdera Adeshe tA.NhArai kR^ipAdatta ei amUlya pa~ncharatna prakAsha karilAma | AshA kari AnandadhAme thAkiyAo Apani ihA kaNThe dhAraNa pUrvaka paramAnanda pAivena evaM Amio tAhAtei katha~nchit prItilAbha kariva | iti\- puttrAdhama shrIshaurIndramohana shIla dAsa 6i kArttika somavAra sana 1262 sAla | vayasa\-581010 dina | sana 1321 sAla | \section{pUrvapIThikA} shrIshrIgaurashataka~ncha | bhAgavatAchArya\-shrIyukta\-nIlakAnta\-gosvAmi\- mahAprabhupAdena hR^idayAkarAdAviShkR^itaM kalikAtAyAM 43\.1 sa~Nkhyaka\-mANikatalA\-vartmani shIlopAdhikena shrIshaurIndramohana\-dAsena pitR^ismR^ityarthaM yatnataH prakAshitam | sarvAdhikAro granthakArasyaiva | nAhaM kaviyashaHprArthI na me chArthAgame spR^ihA | AtmasaMshodhanArthAya mamAyaM paramodyamaH | ghUNAkSharamivaitena yadi kasyApi vA bhavet | upakAro mamaivAsau saubhAgyodaya uttamaH || mayA virachitaM pUrvaM kaivalyashatakAbhidham | pustakaM mudritaM tachcha vitIrNaM janamaNDale | nAmAntarAnvitaM kR^itvA tadevAtra nivadhyacha | prakalpya pa~nchamaM ratnaM pa~ncharatnaM prapUritam || ratneShu yadi mAlinyaM ratnaj~nairdR^ishyate kvachit | tanmArjjanena mando.ahamanugrAhyo mahAtmabhiH | gosvAmi\- shrInIlakAnta\-sharmA | punarvij~nApanam | punaH prakAshitaM pa~ncha\-ratnaM sajjana\-saMsadi | sunirbandhena bhaktAnAM satyadharmadhR^itAtmanAm || shaurIndrashIladAsasya machChiShyasya visheShataH | svapitR^ipriyaputrasya nirbandhAtishayena cha || pitApi tasya machChiShyo vaiShNavo bhAgyavadvaraH | haradhAmni hariM dhyAyan vArANasyAM jahAvasUn || etAvadbhAbhAgyashIlasya rakShitavyA pituH smR^itiH | itIdamAgraheNaiva suputreNa prakAshitam | piturAdarshaputraM tamAshiShA varddhayAmyaham | sarve cha bhagavadbhaktA AshiShA varddhayantu tam || pUrvasaMskaraNe yA yA varNato.ashuddhayaH sthitAH | atra saMskaraNe tAstA yatnataH parishodhitAH || parivartanametasmin ki~nchit ki~nchit kvachit kvachit | shabdato vAkyatashchApi prayojanavashAt kR^itam || ma~NgalAcharaNantvekamadhikaM sanniveshitam | granthasyAdau mayA kR^iShNasha~NkarasmR^itilakShaNam || shrIgaurashatakaM nAma kShudramanyachcha pustakam | mayA virachitaM sheShe sannibaddhaM punaH pR^ithak | bhAgavatakumAreNa shrIyuktena hi shAstriNA | machChiShyamukhapAtreNa yatnenaitat parIkShitam || kalyANIyavarasyemaM prayatnAtishayaM vinA | abhaviShyat suduHsAdhyaM karmaitanmama jIryyataH || nityAshIrvAdakasyApi yadAshIrvachanaM punaH | shrImantaM prati tatsarvaM bAhulyameva kevalam || aprApya pa~ncharatnaM ye pUrvaM kShobhamupAgatAH | te tR^ipyantu vidhAryyedaM kaNThe dharmaparAyaNAH | gosvAmi\-shrInIlakAntasharmA | utsargaH | yatkR^ipAleshamAtreNa pa~ncharatnamidaM mayA | sudInenApi saMlabdhaM tasmAeva niveditam || gosvAmi\-shrInIlakAntasharmA | ## Proofread by Manoj Kumar Barman \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}