% Text title            : Parivartanam - Transformation - Story
% File name             : parivartanamkathA.itx
% Category              : misc, kathA
% Location              : doc\_z\_misc\_general
% Transliterated by     : Swaroop Bhagwat
% Proofread by          : Swaroop Bhagwat
% Description/comments  : From Loka Sanskritam magazine May 1991
% Latest update         : March 19, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Parivartanam ..}##
\itxtitle{.. parivartanam ..}##\endtitles ##
guNAnurAgI rAjA bhojaH mAlavAdeshe rAjyaM karoti sma | tasya rAjyavyavasthA tathA AsIt yathA ko.api tatra chauryaM kartu na utsahate sma |
tasmin rAjye AsIt kashchit narAdhama. durmukhaH nAma | ujjayinInagare sa chauryaM kartu bahu ayatata kintu sarvadA asaphalaH abhavat | ante khinnaH saH rAjyaM tyaktvA vanaM gataH | vane kashchit AshramaH AsIt | tatra sa sAdhumahArAjaM vAsasthAnaM ayAchata | sAdhuH tasmai na kevalaM vAsasthAnaM adadAt, tasya Atithyamapi akarot | atichakitaH choraH tatraiva rAtriM ayApayat | paradine saH sAdhu svakIyaguruM kartuM ichChan tasya sakAshaM gatvA shikShAM prAptuM ichChAM prAkaTayat |
sAdhuH avadat \- varaM ! upadeshaM dadAmi kintu tvayA mama vachanadvayaM svIkaraNIyaM AcharaNIyaM cha | prathamam, kadApi asatyaM na vada | dvitIyam, yasmin gR^ihe khAdasi tatra chauryaM mA kuru | anyAn durguNAn tyajeH na vA kintu etat vachanadvayaM tvayA AcharaNIyam |
saH guroH vachanaM svyakarot | parantu svabhAvaH duratikramaH |
ekadA durmukhaH sAmantasya veshaM dhArayitvA bhojarAjasya prAsAde chauryaM kartuM gataH | dvArapAlaH taM apR^ichChat kastvaM ? ahaM choraH iti durmukhaH udatarat |
dvArapAlaH chakitaH | ko.api choraH AtmAnaM choraM na ghoShayati | eSha kadApi choraH bhavituM na
shaknoti | nishchitaM eSha sAmantaH eva | evaM vichArya dvArapAla tasmai nirvighnaM praveshaM dattavAn |
durmukhaH manasi guroH pratApaM prashaMsan abhyantaraM gatvA kasmiMshchit koNe guptaM atiShThat | ki~nchitkAlAt paraM rAjA bahirnirgataH | choraH avasaraM prApya maNimuktAdInAM poTalIM kR^itvA yadA prasthAtuM udyataH tadA tasya dR^iShTiH chatuHShaShTimiShTAnnaiH sajjitAyAM bhojanasthAlyAM apatat | parantu yadA saH khAdituM agachChat tadA tasya manasi guroH dvitIyashikShAyAH smR^itiH jAgaritA \ldq{}yasmin gR^ihe khAdasi tatra chauryaM mA kuru\rdq{} iti | sthAlIM tyaktvA poTalIM cha vihAya guptamArgeNa saH prAsAdAt bahirnirgataH |
rAjA pratyAgatya adbhutaM chorakAryaM dR^iShTvA chakitaH | paradine saH dvArapAlaM chorasya anveShaNAya preShitavAn | bahukAlaM anveShaNAt paraM saH durmukhaH rAj~naH samakShaM AnItaH |
durmukhaH rAjAnaM yathAyathaM satyaM avadat | rAjA tasmai vipulaM dhanaM dattvA taM amochayat |
choraH achintayat \- \ldq{}mama guruH atIva pratApI | dhanyo.adhunAham | puraskAradhanamidaM gurucharaNe nivedya Ashrame nivastuM nivedayiShyAmi | guroH vachanasya AcharaNena mayA samAje sammAnaH prAptaH, rAjamAnaM dhanaM cha labdham | \rdq{}
shanaiH shanaiH durmukhasya sarve durguNAH dUrIbhUtAH | saH durmukhatAM parityajya sumukhaH nAma mahAtmA abhavat | \- sumedhAH

##

Encoded and proofread by Swaroop Bhagwat

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}