% Text title            : prAtarnivedanakArikAH
% File name             : prAtarnivedanakArikAH.itx
% Category              : misc, upadesha
% Location              : doc\_z\_misc\_general
% Author                : Vedantacharya
% Transliterated by     : Mohan Chettoor
% Proofread by          : Mohan Chettoor, NA
% Description/comments  : Ramanuja Sampradaya.
% Latest update         : June 12, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Pratarnivedanakarikah ..}##
\itxtitle{.. prAtarnivedanakArikAH ..}##\endtitles ##
shrImate rAmAnujAya namaH || shrIgaNeshAya namaH ||
utthAya shayane tasminnAsIno niyatendriyaH |
trastanirviNNahR^idayo vyarthaM vIkShya gataM vayaH || 1||
tApatrayeNa chAkrAntastIvreNAdhyAtmikAdinA |
dAvajenAgninA lIDho bhrAmyanniva vane mR^igaH || 2||
saMsAravAgurAntastho lUnapakSha ivANDajaH |
apashyannirgamopAyamAgAmiShvapi janmasu || 3||
akaryairatibIbhatsaiH kriyamANaiH kR^itairapi |
lajjitashcha viShaNNashcha smaryamANaiH svakarmabhiH || 4||
avinItamashikShArhamasadguNagaNAkaram |
avadhArya svamAtmAnamachikitsyAshubhAshrayam || 5||
dahyamAnendhanAntastho visphuranniva kITakaH |
alabdhanirgamastiShThanmadhye maraNajanmanoH || 6||
vihvalashcha viShaNNashcha vimR^igansvAmimAM dashAm |
chintayetprathamaM chaivamAchArapriyamAtmanaH || 7||
saMsArachakramAropya balibhiH karmarajjubhiH |
kAlenAkR^iShyamANasya ja~NgamasthAvarAtmanaH || 8||
aho me mahatI yAtA niShphalA janmasantatiH |
anArAdhitagovindacharaNAmbhoruhadvayA || 9||
anAsvAditasatkarmaj~nAnabhaktisudhArasA |
adR^iShTanantasaMsArasAgarottAraNaplavA || 10||
shrutismR^ityuditAsheShasadAchAraparA~NmukhI |
tyaktavarNasamAchArA bhraShTA vaidikavartmanaH || 11||
anupAsitasadvR^iddhAsvIkR^itAsatsamAgamA |
asampAditashushrUShA gurvAchAryapitR^iShvapi || 12||
nijakarmajadevAdidehAdhyastAtmabhAvanA |
tadbhAvanAnugodbhUtasukhaduHkhavyavasthitiH || 13||
asambhUtasvayAthAtmyaj~nAnajottamanirvR^itiH |
pashuvatprAkR^itaireva guNairadhikanirvR^itA || 14||
na karmaniShThA nAtmaj~nA nApi bhaktiyutA harau |
nodyuktA bhaktihInatvAttatkriyAsvarchanAdiShu || 15||
karmabhiH puNyapApAkhyairavidyAparanAmabhiH |
dhUmairivArchiragneyaM j~nAnamAvR^itya dehinaH || 16||
bhUShayitvA svakaM dehaM shabdAdyaiH svArjitairguNaiH |
darshayitvA svasaundaryamAtmane tiShThamAnayA || 17||
nirastAtishayAhlAdasukhabhAvaikalakShaNam |
sa~nchChAdya svaguNairevaM svarUpaM paramAtmanaH || 18||
guNamayyA prakR^ityAkhyabhagavanmAyayAnayA |
svasa.NllInAnantajIvakR^itakarmAnurUpayA || 19||
guNatrayAshrayAnantavichitrapariNAmayA |
atidustarayAdevaprapattirahitAtmabhiH || 20||
pralobhyamAnA satataM tayaivAtyantanirvR^itA |
ajAnatIva svahitaM mUkasvapnAnukAriNI || 21||
niShpAnIye nirAlambe nichChAye nirupAshraye |
drAghIyasyashubhe mArge yamasya sadanaM prati || 22||
gachChato me.asahAyasya varddhayantI bhayaM mahat |
atItApi sadaivaiShA tiShThatIva puro mama || 23||
gatAyAstvIdR^ishaM rUpaM vartamAne.api janmani |
tathaiva sumahAnkAlogatakShaNa ivAlpakaH || 24||
alabdhasukhasaMsparshamakR^itAghaughaniShkR^itiH |
vinaiva haripAdArchAmahopashyata eva me || 25||
kiM kariShyAmi padayornipatiShyAmi kasya vA || 26||
ita urdhvamahaM tAvadyAvajjIvaM shriyaH shriyaH |
padayorarchanaM kartuM yatamAnaH samAhitaH || 27||
abhigachChanhariM prAptaH pashchAd dravyANi chArjayan |
archayaMshcha tato devaM tato mantrA~njapannapi || 28||
dhyAyannapi paraM devaM kAleShUkteShu pa~nchasu |
vartamAnaH sadA chaiva pA~nchakAlikavartmanA || 29||
svArjitairgandhapuShpAdyaiH shubhaiH shaktyanurUpataH |
ArAdhayanhariM bhaktyA gamayiShyAmi vAsarAn || 30||

iti vedAntachAryavirachitAH prAtarnivedanakArikAH samAptAH |

##

Encoded and proofread by Mohan Chettoor

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}