% Text title            : Purushottamakshetrayatra Phalavarnanam
% File name             : puruShottamakShetrayAtrAphalavarNanam.itx
% Category              : misc, bRRihannAradIyapurANa, tIrthakShetra
% Location              : doc\_z\_misc\_general
% Proofread by          : PSA Easwaran
% Description/comments  : bRRihannAradIyapurANa | uttarabhAga | adhyAya 61/2-23 24-103||
% Latest update         : October 22, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Purushottamakshetrayatra Phalavarnanam ..}##
\itxtitle{.. puruShottamakShetrayAtrA phalavarNanam ..}##\endtitles ##
devo UchuH |
jaya jaya lokapAla jaya padmanAbha bhUdharaNa |
jaya jaya chAdideva bahukAraNa || 2||
jaya jaya vAsudeva jaya sachcharaNa satkaraNa |
jaya jaya divyamIna jayatridashavara || 3||
jaya jaya jaladhishayana jaya jaya yogesha jaya devadhara |
jaya jaya vishvamUrte jaya chakradharA || 4||
jaya jaya bhUtanAtha jaya shrInivAsa jaya jaya yogivara |
jaya jaya sUryanetra jaya deva varAha || 5||
jaya jaya kaiTabhAre jaya jaya vedavara |
jaya jaya kUrmarUpa jaya yaj~navara || 6||
jaya jaya kamalanAbha jaya shailadhara |
jaya jaya yogesha jaya vegadhara || 7||
jaya jaya vishvamUrte jaya chakradhara |
jaya jaya bhUtanAtha jaya dharaNIdhara || 8||
jaya jaya sheShashAyi~njaya pItavAsa |
jaya somakAnta jaya yogavAsa jaya jaya || 9||
dahanachakra jaya dharmavAsa jaya jaya |
guNanidhAna jaya shrInivAsa jaya jaya || 10||
garuDAsana jaya sukhanivAsa jaya jaya |
jaya jaya dharmakAnta jaya jaya matinivAsa || 11||
jaya jaya gahanagehanivAsa |
jaya jaya yogigamya jaya makhanivAsa || 12||
jaya jaya vedavedya jaya shAntikara |
jaya jaya yogichintya jaya puShTikara || 13||
jaya jaya j~nAnamUrte jaya kamalAkara |
jaya jaya bhAvavedya jaya muktikara || 14||
jaya vimaladeha jaya jaya sattvanilaya |
jaya jaya guNasamUha jaya jaya yaj~nakara || 15||
jaya jaya guNavihIna jaya jaya mokShakara |
jaya jaya bhUhiraNya jaya jaya kAntiyuta || 16||
jaya lokasharaNya jaya jaya lakShmIpate |
jaya pa~NkajAkSha jaya jaya sR^iShTikara || 17||
jaya yogayuta jayAtasIkusumashyAmadeha |
jaya jaya samudrAviShTadeha jaya lakShmIpa~Nkajabhogadeha || 18||
jaya jaya bhaktibhAvana lokageya |
jaya lokakAnta jaya paramashAnta || 19||
jaya jaya paramasAra jaya chakradhara |
jaya bhogiyuta jaya nIlAmbara || 20||
jaya sA~Nkhyanuta jaya kaluShahara |
jaya kR^iShNa jagannAtha jaya sa~NkarShaNAnuja || 21||
jaya jaya padmapalAshAkSha jaya vA~nChitaphalaprada |
jaya mAlAvR^itoraska jaya chakragadAdhara || 22||
jaya padmAlayAkAnta jaya viShNo namo.astu te |
evaM stutvA tadA devAH shakrAdyA dR^iShTamAnasAH || 23||
siddhachAraNagandharvA ye chAnye svargavAsinaH |
dR^iShTvA stutvA namaskR^itya tadgatenAntarAtmanA || 24||
kR^iShNaM rAmaM subhadrAM cha yAnti svaM svaM niveshanam |
kapilAshatadAnena yatphalaM puShkare smR^itam || 25||
tatphalaM kR^iShNamAlokya ma~nchasthaM sahalAyudham |
kanyAshatapradAnena yatphalaM samudAhR^itam || 26||
tatphalaM kR^iShNamAlokya ma~nchasthaM labhate naraH |
shataniShkasuvarNena bhUmidAnena yatphalam || 27||
tatphalaM chAnnadAnena sarvAtithyena yatphalam |
vR^iShotsargeNa vidhivadgrIShme toyapradAnataH || 28||
tiladhenupradAnena gajAshvarathadAnataH |
chAndrAyaNena chIrNena tathA mAsopavAsataH || 29||
yatphalaM sarvatIrtheShu vratairdAnaishcha yatphalam |
sasubhadrau rAmakR^iShNau tallabhedvIkShya ma~nchagau || 30||
tasmAnnaro.athavA nArI pashyettaM puruShottamam |
snAnasheSheNa kR^iShNasya toyena yadi mohini || 31||
vandhyA mR^itaprajA vApi durbhagA grahapIDitAH |
rAkShasAdyairgR^ihItA vA tathA rogaishcha saMhatAH || 32||
sadyastAH shuddhimAyAnti vidhinA hyabhiShechitAH |
prApnunvitIpsitAnkAmAnyAnyAnvA~nChanti suprabhe || 33||
puNyAni yAni toyAni santyanyAni dharAtale |
tAni snAtAvasheShasya kalAM nArhanti ShoDashIm || 34||
tasmAtsnAnAvasheSheNa jalena jalashAyinaH |
abhyukShetsarvagAtrANi sarvakAmapradena cha || 35||
snAtaM pashyanti ye kR^iShNaM vrajantaM dakShiNAmukham |
brahmahatyAdibhiH pApairmuchyante te na saMshayaH || 36||
shAstreShu yatkalaM proktaM triHpradakShiNayA bhuvaH |
dR^iShTvA naro labhetkR^iShNaM tatphalaM dakShiNAmukham || 37||
tIrthayAtrAphalaM yattu pR^ithivyAM samudAhR^itam |
dR^iShTvA yAntaM labhetkR^iShNaM tatphalaM dakShiNAmukham || 38||
ga~NgAdvAre cha kubjAmre kurukShetre.arkaparvaNi |
puShkarAdiShu chAnyeShu yatphalaM snAnataH smR^itam || 39||
tatphalaM dakShiNAsyaM tu kR^iShNaM yAntaM nirIkShya cha |
atha kiM bahunoktena yatphalaM puNyakarmaNaH || 40||
vedashAstrapurANeShu bhArate saMhitAdiShu |
tatphalaM vIkShya dakShAsyau subhadrau balakeshavau || 41||
guNDichAmaNDapaM yAntaM ye pashyanti rathe sthitam |
sabhadraM sabalaM kR^iShNaM te yAnti bhavanaM hareH || 42||
guNDichAyAnasamaye phAlgunyAM viShuve tathA |
sakR^idyAtrAM naraH kR^itvA viShNulokaM pragachChati || 43||
yAvatIH kurute marttyo yAtrAH shrIpuruShottame |
tAvatkalpaM viShNuloke vasediti vinishchayaH || 44||
yAtrA dvAdasha sampUrNA yadA syurvidhinandini |
tadA pratiShThAM kurvIta vidhinA pApanAshini || 45||
jyeShThamAsi site pakShe hyekAdashyAM samAhitaH |
gatvA jalAshayaM puNyamAchamya prayataH shuchiH || 46||
AvAhya sarvatIrthAni dhyAtvA nArAyaNaM tathA |
tataH snAnaM prakurvIta vidhibodhitavartmanA || 47||
snAtvA samyaktato devAnR^iShIMshchApi pitR^InsvakAn |
santarpayettathAnyAMshcha nAmagotroktipUrvakam || 48||
uttIrya vAsasI dhaute nirmale paridhAya cha |
upaspR^ishya vidhAnena tathopasthAya bhAskaram || 49||
vedamAtaramAvartya puNyAmaShTottaraM shatam |
sauramantrAMstathA chAnyAMstriH parItya namedravim || 50||
vedoktaM triShu varNeShu snAnaM japyamudAhR^itam || 51||
strIshUdrayorvarArohe vedoktavidhivarjitam |
tato vrajenmandirasthaM bhaktyA shrIpuruShottamam || 52||
prakShAlya hastau pAdau cha upaspR^ishya yathAvidhi |
ghR^itena snApayeddevaM kShIreNa tadanantaram || 53||
madhugandhodakenApi tIrthachandanavAriNA |
tato vastrayugaM shreShThaM bhaktyA taM paridhApayet || 54||
chandanAgurukarpUraiH ku~Nkumena vilepayet |
pUjayetparayA bhaktyA padmaishcha puraShottamam || 55||
sampUjyaivaM jagannAthaM bhuktimuktipradaM harim |
dhUpaM chAgurusaMyuktaM dehe devasya chAgrataH || 56||
guggulaM cha suniShpUtaM dahedghR^itasamanvitam |
dIpaM prajvAlayedbhaktyA yathAshakti ghR^itena vai || 57||
anyAMshcha dIpakAndadyAddvAdashaiva samAhitaH |
goghR^itena tu deveshi tilatailena vA punaH || 58||
naivedyaM pAyasApUpashaShkulIveShTakAni cha |
modakaM phANikaM chAnyatphalAni cha nivedayet || 59||
evaM pa~nchopachAreNa sampUjya puruShottamam |
OM namaH puruShottamAyeti japedaShTottaraM shatam || 60||
tataH prasAdayeddevaM daNDavatpraNipatya chata |
tato.acharyedguruM bhaktyA puShpavastrAnulepanaiH || 61||
nAnayorantaraM yasmAdvidyate vidhirnandini |
devasyopari kurvIta maNDapaM susamAhitaH || 62||
nAnApuShpaiH suvishadaM vichitraM maNDalaM puraH |
kR^itvAvadhAraNaM pashchAjjAgaraM kArayennishi || 62\-63||
kathAM cha vAsudevasya gItikAM chApi kArayet |
dhyAyanpaThanstuvandevaM praNayedrajanIM budhaH || 64||
tataH prabhAte vimale dvAdashyAM dvAdashaiva tu |
nimantrayedvratasnAtAnbrAhmaNAnvedapAragAn || 65||
itihAsapurANaj~nA~nChrotriyAnsaMyatendriyAn |
snAtvA samyagvidhAnena dhautavAsA jitendriyaH || 66||
snApayetpUrvavadbhaktyA tatrasthaM puruShottamam |
gandhaiH puShpaistUpahArairnaivedyairdIpakaistathA || 67||
upachArairbahuvidhaiH praNipAtaiH pradakShiNaiH |
jApyastutinamaskArairgItavAdyairmanoharaiH || 68||
sampUjyaivaM jagannAthaM brAhmaNAnpUjayettataH |
dvAdashaiva tu gAstebhyo dattvA kanakameva cha || 69||
ChatropAnadyugaM chArpya kAMsyapAtraM cha bhaktitaH |
tatastAnbhojayedviprAnbhojyaM pAyasapUrvakam || 70||
pakvAnnaM bhakShyabhojyaM cha saguDaM sharkarAnvitam |
tato bhuktvA susantR^iptAnbrAhmaNAnsusthamAnasAn || 71||
dvAdashaivodakumbhAMshcha grAhayettAnsamodakAn |
dakShiNAM cha yathAshakti viShNutulyaM viri~nchije || 72||
suvarNavastragodhAnyairdravyaishchAnyairvarairbudhaH |
sampUjya tAnnamaskR^itya imaM mantramudIrayet || 73||
sarvavyApI jagannAthaH sha~NkhachakragadAdharaH |
anAdinidhano devaH prIyatAM puruShottamaH || 74||
ityuchchArya tato viprAMstriH parikramya sAdaram |
praNamya shirasA bhaktyA sAchAryAMstAnvisarjayet || 75||
tatastAnbrAhmaNAnbhaktyA chAsImAntamanuvrajet |
anuvrajya tu tAnviprAnnamaskR^itya nivartya cha || 76||
bAndhavaiH svajanairyuktastato bhu~njIta vAgyataH |
evaM kR^itvA naraH samya~NnArI vA labhate phalam || 77||
ashvamedhasahasrasya rAjasUyashatasya cha |
atItaM shatamuddhR^itya puruShANAM narottamaH || 78||
bhaviShyachcha shataM devi divyarUpadharo.avyayaH |
sarvalakShaNasampannaH sarvAla~NkArabhUShitaH || 79||
sarvakAmasamR^iddhAtmA guNarUpavayo.anvitaH |
stUyamAno.atha gandharvairapsarobhiH samantataH || 80||
vimAnenArkavarNena kAmagena sthireNa cha |
patAkAdhvajayuktena shatasUryaprabheNa cha || 81||
uddyotayandishaH sarvA AkAshe vigataklamaH |
yuvA mahAbalo dhImAnviShNulokaM sa gachChati || 82||
tatra kalpashataM yAvadbhu~Nkte bhogAnyathepsitAn |
stuto munivarairdevi tiShTheshcha vigatajvaraH || 83||
yathA devo jagannAthaH sha~NkhachakragadAdharaH |
tathA.asau mudito devi dhR^itvA rUpaM chaturbhujam || 84||
bhuktvA tatra varAnbhogAnkrIDitvA suchiraM sati |
tadante brahmasadanamAyAtyakhilakAmadam || 85||
siddhavidyAdharaishchApi shobhitaM surakinnaraiH |
kAlaM navatikalpaM tu tatra bhuktvA sukhaM naraH || 86||
rudralokaM samAyAti sukhadaM sevitaM suraiH |
siddhavidyAdharairyakShairbhUShitaM daityadAnavaiH || 87||
ashItikalpakAlaM tu tatra bhuktvA sukhaM naraH |
tadante yAti golokaM sarvabhogasamanvitam || 88||
surasiddhApsarobhishcha shobhitaM sumanoharam |
tatra saptatikalpaM tu bhuktvA bhogAnabhIpsitAn || 89||
pashchAdAyAti vai lokaM prAjApatyamanuttamam |
ShaShTikalpaM sukhaM tatra bhuktvA nAnAvidhaM mudA || 90||
tadante shakrabhavanaM nAnAshcharyaM samAvrajet |
Agatya tatra pa~nchAshatkalpaM bhuktvA sukhaM naraH || 91||
prapadyate.amaragR^ihAnvimAnaiH samala~NkR^itAn |
chatvAriMshatkatlpakAlaM bhogAnbhuktvA sudurlabhAn || 92||
nAkShatraM lokamAyAti nAnAsaukhyasamanvitam |
tatra bhuktvA varAnbhogAMstriMshatkalpaM yathepsitAn || 93||
tasmAdgachChati taM lokaM shashA~Nkasya viri~nchije |
yatra tiShThati somo.asau sarvadevairala~NkR^itaH || 94||
tatra viMshatikalpaM tu bhuktvA bhogaM sudurlabham |
Adityasya tato lokamAyAti surapUjitam || 95||
tatra bhuktvA shubhAnbhogandashakalpaM sunirvR^itaH |
tasmAdAyAti bhavanaM gandharvANAM sudurlabham || 96||
tatra bhogAnsamastAMshcha kalpamekaM yathAsukham |
bhuktvA chAyAti medinyAM rAjA bhavati dhArmikaH || 97||
chakravartI mahAvIryo guNaiH sarvairala~NkR^itaH |
kR^itvA rAjyaM tu dharmeNa yaj~nairiShTvA sadakShiNaiH || 98||
tadante yoginAM lokaM gatvA mokShapradaM shivam |
tatra bhuktvA varAnbhogAnyAvadAbhUtasamplavam || 99||
tasmAtpunarihAyAto jAyate yoginAM kule || 100||
pravare vaiShNave bhadre durlabhe sAdhusammate |
chaturvedI vipravaro brahmayaj~naparaH sati || 101||
vaiShNavaM yogamAsAdya kaivalyaM mokShamApnuyAt |
evaM yAtrAphalaM tubhyaM proktaM shrIpuruShottame || 102||
bhuktimuktipradaM nR^INAM kimanyachChrotumichChasi || 103||

iti shrIbR^ihannAradIyapurANottarabhAge mohinIvasusaMvAde
puruShottamakShetramAhAtmye puruShottamakShetrayAtrA
phalavarNanaM nAmaikaShaShTitamo.adhyAyaH || 61||

bR^ihannAradIyapurANa | uttarabhAga | adhyAya 61/2\-23 24\-103||
##
bRRihannAradIyapurANa . uttarabhAga . adhyAya 61/2-23 24-103..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}