% Text title            : Purushottamaproktam Putripraptyai Karaniyam Putrivratavarnanam
% File name             : puruShottamaproktaMputrIprAptyaikaraNIyaMputrIvratavarNanam.itx
% Category              : misc, lakShmInArAyaNIyasaMhitA
% Location              : doc\_z\_misc\_general
% Proofread by          : PSA Easwaran
% Description/comments  : lakShmInArAyaNIyasaMhitA | khaNDa 3 | adhyAya 122/66-115||
% Latest update         : April 12, 2026
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Purushottamaproktam Putripraptyai Karaniyam Putrivratavarnanam ..}##
\itxtitle{.. puruShottamaproktaM putrIprAptyai karaNIyaM putrIvratavarNanam ..}##\endtitles ##
shrInArAyaNIshrIruvAcha |
kIdR^ishaM tadvrataM proktaM putrIvrataM makhAtmakam |
AdyantaM saphalaM syAdyattattathA me vidhiM vada || 66||
shrIpuruShottama uvAcha |
shR^iNu putrIvrataM mAtA kambharA yachchakAra ha |
mahAlakShmIrlalitAshrIH saputrI sA tato.abhavat || 67||
phAlgunasyA.asite chA.a.adye pakShe vai pa~nchamItithau |
putrIvrataM prakartavyaM mAtrA saubhAgyasampadA || 68||
chaturthyAstu nishAyAM vai dugdhapAnaparA bhavet |
brahmacharyaparA syAchcha bhavedbhUtalashAyinI || 69||
duShTasvapnaM yathA na syAttathA nidrAM vidhAya vai |
lalitAshrImahAlakShmIM smR^itvotthAya kShaNaM cha tAm || 70||
dhyAtvA chaturbhujAM lakShmIM svarNachampakarochanAm |
yuvatIM cha haridvarNAmbarAM svarNavibhUShitAm || 71||
AliptAM chandanAdyaishcha gandhasArasugandhitAm |
prasannavadanAM padmagarbhAbhakarapattalAm || 72||
rUpAnurUpAvayavAM chandrAbhamukhashobhitAm |
tAmbUlacharvaNaraktAdharashobhAvirAjitAm || 73||
yauvanapUrasaMshobhadvigrahAM puShTarUpiNIm |
dhyAtvA snAtvA tataH svarNamUrtau tAM pUjayet satI || 74||
sa~NkalpayenmahAlakShmi! putryarthaM pa~nchamIvratam |
karomyadya nirAhAraM nirvighnaM pUrNamastu me || 75||
tannimittaM pUjanaM te mAtaH karomi shobhanam |
AgachChA.atrA.a.asane tiShTha gR^ihNa pAdyaM shubhArghyakam || 76||
AchamanaM tataH pa~nchAmR^itasnAnaM vidhehi cha |
abhiShekaM gandhijalairgandhisArayutaiH kuru || 77||
vastrAbharaNabhUShAla~NkArashR^i~NgArakaM vaha |
saubhAgyadravyasindUrAn puShpahArAn prayu~NkShva cha || 78||
dhUpaM dIpaM cha naivedyaM dugdhasAraM cha pAyasam |
miShTAnnAni vichitrANi bhu~NkShva shAkaphalAni cha || 79||
jalapAnaM tatastAmbUlakaM svIkuru chottamam |
ArArtrikaM puShpamAlAM prArthanAM svIkuru dhruvAm || 80||
pradakShiNAM namaskArAn daNDavat svIkuru tvatha |
dehi putrIM tvatsarUpAM sarvasaubhAgyashAlinIm || 81||
sarvA~NgashobhanAM ramyAM padminIM mantharAgatim |
sevikAM toShahetuM cha divyarddhiM shAntichandrikAm || 82||
dIrghajIvAM cha nIrogAM sampadAmIshvarIM satIm |
vaMshashobhAM patiputrabhAgyavatIM cha sadguNAm || 83||
parameshvarabhaktAM te bhaktAM dehi suputrikAm |
ityabhyarthya tato bhaktiM kuryAt kIrtanarUpiNIm || 84||
japamAlAM yathAshaktyAvartayedbhaktimAnasA |
madhyAhne.api sunaivedyaM jalaM tAmbUlakaM dishet || 85||
prasvApayettatashchotthApayet phalaM samarpayet |
jalaM samarpayedrAtrAvArArtrikaM supUjanam || 86||
ku~NkumA.abIrakastUrIkarpUrakusumAdibhiH |
pAyasAdyairbhojanaM cha kArayitvA.atha nartanam || 87||
kIrtanaM gAyanaM chApi charejjAgaraNaM nishi |
vratakartrI tataH prAtaH snAtvA saMsnApya mAtaram || 88||
mahAlakShmIM pUjayitvA sambhojyA.a.arArtrikottaram |
dehi putrIM vrataM pUrNaM kR^itaM kShamAM kuru vrate || 89||
apUrNaM pUrNatAM yAtu tvatpratApAt pareshvari |
ityabhyarthya namaskR^itvA visarjayettataH param || 90||
patiM svaM bhojayitvA tatpAdA~NguShThajalAmR^itam |
lakShmIprasAdasahitaM pItvA bhojanamAcharet || 91||
dadyAddAnAni vidhinA yathAshakti yathAdhanam |
kanyAyogyAmbarabhUShAshR^i~NgArAdi samastakam || 92||
kanyakAM bhojayedaShTA.avarAM dadyAtsudakShiNAm |
evaM kuryAdvrataM lakShmi putrIprAptipradAyakam || 93||
kR^iShNe yathA tathA shukle chaturviMshatipa~nchamIH |
kuryAnniruktarUpeNa vratinI putrIdAyinIH || 94||
svapne tvAgatya sA brUyAnmahAlakShmIH sukanyakA |
putrI te bhAvinI sAdhvi varShavratottaraM tataH || 95||
udyApanaM prakuryAchcha shayyAdAnasamanvitam |
mahAlakShmIprapUjAM cha kArayet sarvabhadrake || 96||
mahotsavaM kArayechcha dhenuM dadyAt savatsikAm |
kanyAdAnaM dApayechcha yathAshakti yathAdhanam || 97||
namo lakShmyai namo dhiShNyai namaH putryai namaH shriyai |
ramAyai lalitAyai cha mahAlakShmyai namo.astu te || 98||
yathartupuShpamAlAdyairyathartuphalasadrasaiH |
prIyatAM me mahAlakShmi putrIdAtrI cha me bhava || 99||
evamArAdhayeddevIM kambharAshrIM sadA vrate |
vittashAThyaM na vai kuryAt kanyA shaThA na jAyate || 100||
garbhiNI sUtikA vApi rogiNI shuddhivarjitA |
ApadgatA striyA.anyathA kArayet prayatA svayam || 101||
atidurbhAgyayuktAyA varShatrayavratairdhruvam |
putrIprAptibhavedeva lalitAshrIkR^ipAkaNAt || 102||
putrIprasavamAlokya vrataM devyai samarpayet |
vrataM putrIphalAntaM vai kartavyaM chirameva hi || 103||
ArambhaH phAlgune kR^iShNe samAptiH putrikA.arjane |
kambharAshrImahAlakShmyA kR^itamAsIt tvidaM vratam || 104||
santoShAkhyA vAsudevI lakShmIstena sutA.abhavat |
ityetatkathitaM lakShmi vrataM paramapAvanam || 105||
putrIvrataM naro nArI kR^itvA putrImavApnuyAt |
samudraH kR^itavAnetallakShmIM putrImavApa saH || 106||
sadAshivaH kR^itavA.Nshcha jayAM putrImavApa saH |
brahmA vrataM kR^itavA.Nshcha lalitAM prApa vai sutAm || 107||
disho vrataM kR^itavatyashchApuH padmAvatIM sutAm |
sUryo vrataM kR^itavA.Nshcha prabhAM putrImavApa ha || 108||
kalpadrumA vrataM kR^itvA shrIM putrImApureva te |
divyA vibhUtirevaitat kR^itvA.a.apa mANikIM sutAm || 109||
vairAjI cha vrataM kR^itvA kamalAmApa putrikAm |
khyAtishchaitadvrataM kR^itvA prApa shrIbhArgavIM sutAm || 110||
dharaNistadvrataM kR^itvA prApa padmAvatIM sutAm |
evametannAnyathA.asti saphalaM tadgataM dhruvam || 111||
kanyArthI nijapatnIM sa~NgachChedvai pa~nchame.athavA |
saptame navame chaikAdashe trayodashe cha vA || 112||
pa~nchadashe shubhe kAle dinasa~NkhyAgate nishi |
bIjadAne kanyakA sA jAyate garbhasambhavA || 113||
bIjadAne vAyudevo vAmapArshve gatipradaH |
tadA kanyA bhavedeva dakShapArshve kumAradaH || 114||
evametanna sandehastato j~nAtvA vrajedR^itum |
paThanAchChravaNAdasya vaMshadaM satphalaM bhavet || 115||

iti shrIlakShmInArAyaNIyasaMhitAyAH dvAparayugasantAnAtmakasya tR^itIyakhaNDe
    122\-adhyAyAntargataM puruShottamaproktaM putrIprAptyai
    karaNIyaM putrIvratavarNanaM sampUrNam |

lakShmInArAyaNIyasaMhitA | khaNDa 3| adhyAya 122/66\-115||
##
lakShmInArAyaNIyasaMhitA . khaNDa 3. adhyAya 122/66-115..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}