% Text title            : rAmakRiShNa viloma kAvyaM (kavi sUrya)
% File name             : raamakrshhna.itx
% Category              : kAvya, misc, sAhitya, raama, krishna
% Location              : doc\_z\_misc\_general
% Transliterated by     : P. P. Narayanaswami swami at math.mun.ca
% Proofread by          : P. P. Narayanaswami swami at math.mun.ca
% Latest update         : April 14, 2012
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shrirama-Krishna Viloma Kavyam (kavi sUrya) ..}##
\itxtitle{.. shrIrAmakR^iShNa viloma kAvyaM (kavi sUrya) ..}##\endtitles ##
taM bhUsutAmuktimudArahAsaM
    vande yato bhavyabhavaM dayAshrIH |
shrIyAdavaM bhavyabhatoyadevaM
    saMhAradAmuktimutAsubhUtam || 1||
chiraM viraMchirna chiraM viraMchiH
    sAkAratA satyasatArakA sA |
sAkAratA satyasatArakA sA
    chiraM viraMchirna chiraM viraMchiH || 2||
tAmasItyasati satyasImatA
    mAyayAkShamasamakShayAyamA |
mAyayAkShasamakShayAyamA
    tAmasItyasati satyasImatA || 3||
kA tApaghnI tArakAdyA vipApA
    tredhA vidyA noShNakR^ityaM nivAse |
sevA nityaM kR^iShNanodyA vidhAtre
    pApAvidyAkAratAghnI patAkA || 4||
shrIrAmato madhyamatodi yena
dhIro.anishaM vashyavatIvarAdvA
dvArAvatIvashyavashaM nirodhI
    nayedito madhyamato.amarA shrIH || 5||
kaushike tritapasi kSharavratI
    yo.adadAd.advitanayasvamAturam |
rantumAsvayana tadvidAdayo.a
    tIvrarakShasi patatrikeshikau || 6||
lambAdharoru trayalambanAse
    tvaM yAhi yAhi kSharamAgatAj~nA |
j~nAtAgamA rakSha hi yAhi yA tvaM
    senA balaM yatra rurodha bAlam || 7||
la~NkAyanA nityagamA dhavAshA
    sAkaM tayAnunnayamAnukArA |
rAkAnumA yannanu yAtakaMsA
    shAvAdhamAgatya ninAya kAlam || 8||
gAdhijAdhvaravairA ye
    te.atItA rakShasA matAH |
tAmasAkSharatAtIte
    ye rAvairadhvajAdhigAH || 9||
tAvadeva dayA deve
    yAge yAvadavAsanA |
nAsavAdavayA geyA
    vede yAdavadevatA || 10||
sabhAsvaye bhagnamanena chApaM
    kInAshatAnaddharuShA shilAshaiH |
shailAshiShAruddhanatAshanAkI
    pa~nchAnane magnabhaye svabhAsaH || 11||
na veda yAmakSharabhAmasItAM
    kA tArakA viShNujite.avivAde |
devAvite jiShNuvikAratA kA
    tAM sImabhArakShamayAdavena || 12||
tIvragoranvayatrAryo
    vaidehImanaso mataH |
tamaso na mahIdevai\-
    ryAtrAyanvaragovratI || 13||
veda yA padmasadanaM
    sAdhArAvatatAra mA |
mAratA tava rAdhA sA
    nanda sadmapa yAdave || 14||
shaivato hanane.arodhI
    yo deveShu nR^ipotsavaH |
vatsapo nR^iShu vede yo
    dhIro.anena hato.avashaiH || 15||
nAgopago.asi kShara me pinAke.a
    nAyo.ajane dharmadhanena dAnam |
nandAnane dharmadhane jayo nA
    kenApi me rakShasi gopago naH || 16||
tatAna dAma pramadA padAya
    neme ruchAmasvanasundarAkShI |
kShIrAdasuM na svamachAru mene
    yadApa dAma pramadA natAtaH || 17||
tAmito mattasUtrAmA
    shApAdeSha vigAnatAm |
tAM nagAviShade.apAshA
    mAtrAsUttamato mitA || 18||
nAsAvadyApatrapAj~nAvinodI
    dhIro.anutyA sasmito.adyAvigItyA |
tyAgI vidyAto.asmi sattyAnurodhI
    dIno.avij~nA pAtrapadyAvasAnA || 19||
saMbhAvitaM bhikShuragAdagAraM
    yAtAdhirApa svanaghAjavaMshaH |
shavaM jaghAna svaparAdhitAyA
    ra~NgAdagArakShubhitaM vibhAsam || 20||
tayAtitArasvanayAgataM mA
    lokApavAdadvitayaM pinAke |
kenApi yaM tadvidavApa kAlo
    mAtaMgayAnasvaratAtiyAtaH || 21||
shave.avidA chitrakura~NgamAlA
    pa~nchAvaTInarma na rochate vA |
vAte.acharo narmanaTIva chApaM
    lAmAgaraM kutrachidAvivesha || 22||
neha vA kShipasi pakShikaMdharA
    mAlinI svamatamatta dUyate |
te yadUttamatama svanIlamA\-
    rAdhakaM kShipasi pakShivAhane || 23||
vanAntayAnasvaNuvedanAsu
    yoShAmR^ite.araNyagatAvirodhI |
dhIro.avitAgaNyarate mR^iShA yo
    sunAdaveNusvanayAtanAM vaH || 24||
kiM nu toyarasA pampA
    na sevA niyatena vai |
vainateyanivAsena
    pApaM sArayato nu kim || 25||
sa natAtapahA tena
    svaM shenAvihitAgasam |
saMgatAhivinAshe svaM
    netehApa tatAna saH || 26||
kapitAlavibhAgena
    yoShAdo.anunayena  saH |
sa naye nanu doShAyo
    nage bhAvilatApikaH || 27||
te sabhA prakapivarNamAlikA
    nAlpakaprasaramabhrakalpitA |
tAlpikabhramarasaprakalpanA
    kAlimarNava pika prabhAsate || 28||
rAvaNe.akShipatanatrapAnate
    nAlpakabhramaNamakramAturam |
rantumAkramaNamabhrakalpanA
    tena pAtranatapakShiNe varA || 29||
daive yoge sevAdAnaM
    sha~NkA nAye la~NkAyAne |
neyAkAlaM yenAkAshaM
    nandAvAse geyo vedaiH || 30||
sha~NkAvaj~nAnutvanuj~nAvakAshaM
    yAne nadyAmugramudyAnaneyA |
yAne nadyAmugramudyAnaneyA
    shaMkAvaj~nAnutvanuj~nAvakAsham || 31||
vA didesha dvisItAyAM
    yaM pAthoyanasetave |
vaitasena yathopAyaM
    yantAsId.avishade divA || 32||
vAyujo.anumato neme
    saMgrAme.aravito.ahni vaH |
vahnito virame grAsaM
    mene.ato.amanujo yuvA || 33||
kShatAya mA yatra raghoritAyu\-
    ra~NkAnugAnanyavayo.ayanAni |
ninAya yo vanyanagAnukAraM
    yutArighoratrayamAyatAkShaH || 34||
tArake ripurApa shrI\-
    ruchA dAsasutAnvitaH |
tanvitAsu sadAchAru
    shrIpurA puri ke ratA || 35||
la~NkA ra~NkAMgarAdhyAsaM
    yAne meyA kArAvyAse |
sevyA rAkA yAme neyA
    saMdhyArAgAkAraM kAlam || 36||

|| iti shrIdaivaj~napaNDita sUryakavi virachitaM
vilomAkShararAmakR^iShNakAvyaM samAptam ||
##
          
Encoded and proofread by P. P. Narayanaswami at  swami at math.mun.ca

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}