% Text title            : Ratnamala Stotram
% File name             : ratnamAlAstotram.itx
% Category              : misc, buddha, stotra
% Location              : doc\_z\_misc\_general
% Transliterated by     : DSBC staff
% Proofread by          : Miroj Shakya
% Acknowledge-Permission: Prof. Miroj Shakya, Text  Nagarjuna Institute of Exact Methods, Digital Sanskrit Buddhist Canon Project, University of the West https://www.dsbcproject.org/
% Latest update         : March 8, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Ratnamala Stotram ..}##
\itxtitle{.. ratnamAlAstotram ..}##\endtitles ##
vimalashUnyakR^ipArdrachittaM mArgaj~natAprathitadeshanayArthavAcham |
sarvaj~natAdiparipUrNavishuddhadehaM j~nAnAdhikAralalitaM shirasA namAmi || 1||
vaineyabhedavashato bahudhAvabhAsaireko.api pAtragajaleShu shashIva yasmAt |
saMlakShase parahitAnugataiva tasmAd buddhistvaho paramavismayanIyarUpA || 2||
sampUrNachandravadane lalito lalATadeshAdvinirgatamaheshvaradevaputraH |
vaineyashAmbhavajanapratibodhanArthaM devAdhidevapratimAnuja Ishvarastvam || 3||
vaineyakomalabhavapratibodhanAya kiM dhAma sambhR^ita mahAshubhalakShaNaM te |
niryAta eva hi pitAmahadevapUjAM lokeshvareshvaraparaM shirasA namAmi || 4||
vaineyavaiShNavajanapratibodhanAya rAjIvapANihR^idayAt pratiniHsR^ito.asau |
nArAyaNo.api bhuvaneshvara eva tasmAt puMsAM tvameva paramottama eva nAnyaH || 5||
chandrArkasAdarabalAhitabhaktibhAjAM sandarshanArthamibhanIlasulochanAbhyAm |
yanniHsR^itau shashiravI bhuvi lochanAbhyAM dhvastAntarAlatamasaM tamahaM namAmi || 6||
sArasvatIvinayayojitabhaktibhAjAM bodhAya vai bhagavatIha sarasvatIyam |
dR^iShTAgratastava jinAtmajapaprasUtA praj~nAbhilAShiphaladaM tamahaM namAmi || 7||
vaineyavAyujanitAkSharamArgasid.hdhyai yo lokanAtha sugato.atha viniHsR^ito.asau |
devaH samIraNavaro bhuvi janmabhAjAmIryApathArthaphaladaM tamahaM namAmi || 8||
vaineyavAruNashivAyanamIpsitAnAM sambodhanArthamudarAtsugatAtmajAnAm |
yanniHsR^ito varuNadevavaro.apyakasmAdaishvaryasiddhi phaladaM tamahaM namAmi || 9||
vaineyasammataphalAdyabhilAShiNo vai saMsiddhaye pravaralakShaNapAdapadme |
yanniHsR^itA bhagavatI dharaNI prasiddhA trailokyanAthamasamaM satataM namAmi || 10||
saMsAramuktamapi susthitameva tatra kAruNyatashcha bhavachAriNi sattvavarge |
bhUyAt sthitirmama sadAsthirasA bhavantamevaM mahAshayavaraM paramaM namAmi || 11||
ekena pAdatalakena bhavatsvakena chakrAntasaMvaramanantaralokadhAtau |
kalpAntadagdhabhuvane jvalitogravahnirniHshvAsavAyubalatastava nirvR^itaH syAt || 12||
svAM tarjanIM mukhadhR^ito.ahitatarjanena
sa~nchAlitAshcha bahumerugaNA nakhasya |
koShoddhR^itaM jaladhitoyamasheShataH syAt
sAmarthyamIdR^ishamaho bhavataH kuto.anyat || 13||
kvedaM cha shaishavaparaM nanu chArurUpaM
sandarshanIyavarakomalabAlachandram |
durvAramAramathanaM cha mayaikasahyaM
vikrAntaduHsahaparaM kva cha cheShTitaM te || 14||
eShA batA~njananibhorujanAvalI sA
kauTilyachAruvikaTA svashiroruhAgre |
kleshendhane jvalitavisphuritatvavahne\-
rdhUmAvalIva vimalA nanu lakShyate te || 15||
tvatkAntileshavimalA dashadikpratAnaiH
pakShAsitakShayakR^ishA sakalA sushobhA |
paryanta iShTashashino bhavaneShu yatte
manye virAji nikhilaM tava kAntileshAt || 16||
bandhurhi ko mArgikasammataM mataM naro narI sA sa cha satpathaM patham |
parArthasampAditasaMvaraM varaM namAmi bhUmIshvararAjinaM jinam || 17||
anityanirvANapade sthitaM sthitaM prabhAsvarAdhiShThitasaMhitaM hitam |
shamIkR^itAsheShajanaM shivaM shivaM namAmi bhUmIshvararAjinaM jinam || 18||
gabhastimAlAmitasa~NkulaM kulaM tatra svapANau dhR^itapa~NkajaM kajam |
ratAnugAshobhitasaMrataM rataM namAmi bhUmIshvararAjinaM jinam || 19||
svadharmadhAtuM karuNAparaM paraM shubhAdisambhArasusambhR^itaM bhR^itam |
vikalpahInaM dhvanideshakaM shakaM namAmi bhUmIshvarAjinaM jinam || 20||
tathatAtathatAdvayashAtashataM sadasatparipUritadharmakatham |
kathanIyavirAjitasatyaparaM praName dharaNIshvararAjavaram || 21||
varavArijarUpi jagatprasaraM sarasIruhalochanachArutaram |
tarasApi rasatvavishuddhiparaM praName dharaNIshcharAjavaram || 22||
varanirmitabhogaparArtharataM ratashUnyanira~njanadharmadharam |
dharaNIndravibhUShitasiddhiparaM praName dharaNIshvararAjavaram || 23||
varasatsahajodadhichandramukhaM sukhabhAShitasattvavimuktipadam |
padabhUShaNalakShaNatAnuparaM praName dharaNIshvararAjavaram || 24||
lokeshvareyaM(mAM) tava ratnamAlAmachIkarachChrIvanaratnapAdaH |
avApi yattena shubhapraviShTaM tenaiva loko.astu samantabhadraH || 25||

iti shrImadAryAvalokiteshvarabhaTTArakasya ratnamAlAstotraM sampUrNam ||
##

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}