% Text title            : About Rene Descartes
% File name             : renedekArtadarshanam.itx
% Category              : misc, article, pradIptakumArananda
% Location              : doc\_z\_misc\_general
% Author                : (Copyright) Pradipta Kumar Nanda, Kendrapara, Orissa pknanda65 at gmail.com
% Transliterated by     : Pradipta Kumar Nanda
% Proofread by          : Pradipta Kumar Nanda
% Acknowledge-Permission: (Copyright) Pradipta Kumar Nanda
% Latest update         : June 27, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. About Rene Descartes ..}##
\itxtitle{.. rene dekArtadarshanam ..}##\endtitles ##
lekhakaH \- nandapradIptakumAraH
deshaH kAlaH parichayashcha\-

punarjAgaraNayugasya buddhivAdino mahato dArshanikasya dekArtamahodayasya 1596khrIShTAbde  mArchamAsasya ekatri.nshattame divase prAnsadeshasya turena nagarasya lAhai ityasmin sthAne AvirbhAvo jAtaH | tasya piturnAma jokimaDekArTa tathA mAtushcha nAma jInIbrochArDa AsIt | janmanaH kiyaddinAt paraM hi tasya mAtR^iviyogo sa.njAtaH |  svAsthyagatasamasyA tasya chirasahachara abhUt | dekArtaH svabhAvena vinayI tathA charitravAn AsIt | gaNitavidyAyAM tasya pAradarshitA AkAshachumbitA | deshabhramaNAya tasya manasi bhAvanA tIvrA jAtA | pashchAtsaH sainyavibhAge yogadAnaM kR^itavAn |
kR^itayaH\-

halANDa ityasmin sthAne nivAsamaye tena ##Discours de la Methode ## (dArshanika paddhativichAraH) ##Meditationes de prima ## (prAthamikadarshanamanthanam) evaM cha ##Principia philosophia ## (dArshanikasiddhAntaH) iti suprasiddhAH trayo  granthA vilikhitAH | pashchAtsaH ##The passion of the soul ## nAmakaM pustakaM virachya sTakahoma (##stockhome##) rAj~nyai prAdadAt | ante tatra nimoniyA (##pneumonia##) rogAkrAntaH sana pa~nchatAmavApa |

na kevalaM darshanashAstre apitu gaNitavidyAyAM jyotirvij~nAne chApi tasya mahatvapUrNA pratibhA AsIt |
dArshanikasiddhAntaH\- (j~nAnamImA.nsA)

j~nAnaM sAdhayituM buddherAvashyakatA balIyasI | etasmAt kAraNAt j~nAnamImA.nsAsu buddhivAdosnyatamo varIvarti | buddhi\-anubhavayoH kadAchit aikatvaM samAmananti vidvA.nsaH | tau j~nAnasya sAdhakatvena svIkR^itau | anubhavAtj~nAnotpattirdarshanAt | anubhavajanyaj~nAnamayathArthamiti kechit | j~nAnaprAptyarthamanupayuktatvAt | tannaye sArvabhaumikatvamanirvAryyatvamiti dvividhaM yathArthaj~nAnasya lakShaNam | sArvabhaumikatvaM yathArthaj~nAnasya eko guNaH | anirvAryyatvamaparaH | Adya na sArvakAlikaH dvitIyaH apavAdarahitaH | dvayoH mishraNena chatvAravat guNadvayasya sa.nyogena satyapratItiH, anyathA vyabhichArAsha.nkA | nanu j~nAnasya jananI buddhiH tatkathaM kadAchit mithyAj~nAnAnubhavAsha.nkA iti ched satyaM kadAchit duShTabuddhyA hi mithyAj~nAnAnubhavadarshanasambhavAt | satyAnR^itayoH mithunIkR^itya j~nAnamImA.nsAsambhavAchcha | atra yathArthaj~nAnaM nAma sA.nsArikaj~nAnAdbhinnam sArvabhaumikamanirvAryakevalam | atra j~nAnasya viShayo na sa.nsAra apitu shAshvataH satya~ncha | buddhyA yathArthaj~nAnam | buddhau bIjarUpeNa tatsat | j~nAnasiddhau buddheH kriyAshIlatA avisa.nvAdI | iyaM paddhatirnigamanAtmikA | anayA suptabIjasya a.nkurodgamo jAyate | gANitikaM j~nAnaM sarvotkR^iShTataraM paramAdarshamiti dekArtamahodayAnAM vishiShTasiddhAntaH | gANitaM nAma bauddhikam | sarvadAmavitatham | gANitikachintanapaddhatyA sarvANi antarnihitAni j~nAnAni pariprakAshitAni bhavanti anyathA niHsandigdhasarvamAnyasatyasyAsambhavAt | nishchitaj~nAnaprAptyarthaM dekArtamahodayasya buddhivAdaH punarjAgaraNayugasya ayamArambha iti na vipratipattiH |
sandehavidhiH\-

tatra AshcharyAdeva j~nAnasiddhiritivishvavikhyAtagrIk dArshanikAH pleTopAdAH | vishvAsAdeveti madhyayugIyAH | sandehAditi dekArtasiddhAnta atra balavattaraH | sa.nshayavahnImuttIrya  shuddhasuvarNavat satyaM pratiShThitam | satyamuddhATayituM sa.nshayasyAvashyakatvAt | anyathA satyasvIkaraNamasambhavam | atra sa.nshayaH sAdhanaM na sAdhyam | tattu nishchayAtmakamiti | kasminnapi viShaye siddhAntagrahaNAtprAk tadviShaye pUrvadhAraNAyAH parihAramavashyameva kartavyam | pratyakSha\-parokShAbhyAM janyaM j~nAnaM sandigdham | trikAlabAdharahitaM niHsandigdhaM labdhuM tasmin viShaye sandeha avashyameva karaNIyaH | vaij~nAnikespi sandehaH kartavyaH | tadvat indriyeNa Agamena vA prAptaM j~nAnaM kadAchit asatyAshritameva | rUDhi pakShapAtAndhavishvAsAdibhiH samanvitatvAt | DekArtamahodayasya iyaM paddhatiH yadivA sandehAshritA tathApi sa na sandehavAdI AsIt | tannaye satyaM svataHsiddhaM nishchayAtmaka~ncha | tasya sArvabhaumatvaM sahajatvamabAdhitatvaM sarvAdau svIkAryam | sAdhyasatyaM sAdhayituM sandeharUpasya sAdhanasyAvashyakatA jAyate | ubhayormadhye upeya\-upAyabhAvastena kalpitaH | yadvA satyaM lakShyam sandehashcha lakShaNam | yadivA dekArtamahodayena sandehAtmakamindriyaj~nAna.n, sandehAtmakavaij~nAnikaj~nAnaM svIkR^itaM tathApi tena niHsandigdhaM satyamutthApayituM sandehakartturAtmanaH astitvaM spaShTatayA pratipAditam |
AtmavichAraprasa.nge tena uktaM

ahaM chintayAmi ahamasmi (##I think therefore I exist##) ityatra anayoH sa.nyogArthaM ataH shabdasya prayogo yuktiyuktaH syAt | sutarAM sandehakarturastitvamatra  abAdhitaviShaya uchyate | tannaye AtmA chintanashIlo mananashIlashcha | mananameva Atmano dharmaH | yadi AtmA nAsti tarhi kena sandehaH kriyate | dekArtamahodayasya siddhAntaH pAshchAtyadarshaneShu svakIyaM sthAnaM bhajate ityatra nAsti visa.nvAdaH | alamativistareNa |

                    \-\-\- lekhakaH \- nandapradIptakumAraH
                              shrIjagannAtha sa.nskR^itavishvavidyAlayaH purI

##
Written by Dr. Pradipta Kumar Nanda, Kendrapara, Orisa pknanda65 at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}