% Text title            : Samskrita Varsham
% File name             : saMskRRitavarSham.itx
% Category              : misc, sanskritgeet
% Location              : doc\_z\_misc\_general
% Author                : Ravindra Kumar Panda
% Transliterated by     : Manoj Kumar Barman
% Proofread by          : Manoj Kumar Barman
% Description/comments  : in Kavya Kairavam by Ravindra Kumar Panda
% Latest update         : February 13, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Samskrita Varsham ..}##
\itxtitle{.. saMskR^itavarSham ..}##\endtitles ##
varShaM suharShaM pradadAtu lokAn
saubhAgyalakShmIshcha vibhAtu vishve |
j~nAnapradIpA~njvalayan saharShaM
mohAndhakAraM haratu pragADham || 1||
sA vishvavandyA surabhAratI no
nirAshrayA tiShThati bhUtale.adya |
sA bhAratI bhAratabhUmibhAge
vibhAtu bhAsA navabhAskarANAm || 2||
sA j~nAnaga~NgA navagauravatvaM
samprApya varShe cha navaiH pravAhaiH |
punashcha bhUmiM parimArjayantI
deshasya lokAn pradadAtu modam || 3||
varShe cha sArasvatashuddhavidyA
vidyAlayeShveva lasantu nityam |
yA vaidikI vedamayI vishAlA
sA bhAratI bhArate bhAtu nityam || 4||
vishvasya vij~nA vilasantu nityaM
praj~nA cha vij~nAnamayI vibhAtu |
aj~nAH samastAH parihAya teShAM
kukarmavR^ittiM sukhino bhavantu || 5||
yA saMskR^itashrIH sakalaM dadAti
yA mAnanIyA jananIti gItiH |
yA bhAratasyaiva lalAmabhUtA
tasyAH suvarShe bhavatu prakAsham || 6||
yasyA vinAshe vayameva naShTA
hAnau cha yasyA vayameva hInAH |
yAM pUjayanti prachureNa premNA
vaideshikAH sA navarUpametu || 7||
yA paNDitAnAM mukhamaNDanashrI
ryA khaNDitAnAM bhayaduHkhahetuH |
yAM mR^itabhASheti vadanti bhaNDA
ste daNDanIyAH prabalAH prachaNDAH || 8||
yA saMskR^itiH saMskR^itamAdhyamena
prachArayantI hitamaitrIbhAvAn |
daNDAyamAnA navatAM nidhAya
tasyA hi mUlaM kila saMskR^itaM naH || 9||
yatsaMskR^itaM bhAratajIvapiNDaM
yatsaMskR^itaM bhAratabhAgyabhUmiH |
yatsaMskR^itaM bhAratabhUmigarvaM
tad gauravaM bhAratabhAskarANAm || 10||
sA devabhAShA jananI vareNyA
varShe cha vishve lasatu samodam |
asmAkinAM saMskR^itasevakAnAM
sukAmanAbIjamihaiva mAtram || 11||
vayaM na shAntA yadi saMskR^itashrI
rbhavenna pUjyA pratigehamadhye |
yAvanna daivI navabhAratI sA
samagravishve na vilAsashIlA || 12||
ye bhAratIyA navabhAratasya
saubhAgyayatneShu sadaiva lagnAH |
samunnatiM ye navabhAratasya
sa~NkAmayante satataM svachitte || 13||
jAnanti ye bhAratabhAgyarekhAM
draShTuM samarthA navadUShaNAni |
te chintayanti pramukhA vidhij~nAH
susaMskR^itAste navamuktadhArAm || 14||
ye bhAratIyAH satataM hitArthaM
deshasya vishvasya cha chintayanti |
vij~nAninaste kathayanti nityaM
asaMskR^itaM nashyatu bhArate.adya || 15||
kAle karAle karaNaM visheShaM
yenaiva sAdhyAni ha ma~NgalAni |
sarvANi saubhAgyakarANi tAni
labhyAni yenaiva sukhena nityam || 16||
na saMskR^itaM kevalameva bhAShA
na karmakANDAya nimittamAtram |
na jyotiShINAM dhanasAdhanAya
AvashyakIyaM bhuvi devabhAShA || 17||
na saMskR^itaM kAtarabhIrubhAShA
neyaM sulabhyA sarale.api mArge |
kAThinyameva pramukhaM hi tasyA
na dUShaNaM bhUShaNameva nityam || 18||
na brAhmaNAnAM na cha shAsakAnAm |
na paNDitAnAM na cha yAj~nikAnAm |
iyaM subhAShA kila lokabhAShA
loke cha labhyA shubhama~NgalAya || 19||
yA bhAratI bhAratadeshamadhye
na sImitA sundarashubhradehA |
vishvasya shreShThAH puruShA mahAnto
yAM lokabhAShAM parimaNDayanti || 20||
sammAnayanti pramukhAH suvij~nA
yat saMskR^itaM sAdarameva vishve |
parIkShya sarvAM suguNAvalIM te
na doShaleshaM paridarshayanti || 21||
yA saMskR^iteH sundarasnigdhasindhu
ryA saMskR^itiM dhArayate svachitte |
anAdikAlAt kaThinaiH prayatnaiH
saMskR^itiga~NgA vahatIha loke || 22||
yA sundarI sundarashabdabandhai
rvimohinI yA navabhAvanAbhiH |
yaH shabdasindhuH viralashcha vishve
mAdhuryamUrtiriva yA vibhAti || 23||
vedasya vidyAM parivarNayantI
vedA~NgatattvaM paripoShayantI |
paurANika yA parimaNDayantI
sA rAjate vij~navichArarAjye || 24||
varShe.atra harShaM pR^ithivIM punAtu
kAryakramAste sakale chalantu |
bhavantu mAnyA vibudhA vareNyAH
susaMskR^isAravikAsachittAH || 25||
saMsthA vishiShTA vividhaiH prayatnai
ryAH saMskR^itaM sevitumeva magnAH |
kurvanti kAryANi yathochitAni
tAstAH samastA vikasantu nityam || 26||
paThanti nityaM satataM janA ye
sampAThayante sasukhaM sadA cha |
vadanti ye saMskR^itameva vishve
sadaiva sarve sukhino bhavantu || 27||
prachArakArye yuvakAH pravINA
vidyAvilAse satataM nimamnAH |
ye bhagnachittA na kadA bhavanti
vittairvihInAH sukhino bhavantu || 28||
ye tAntrikAH saMskR^itamantravidyAM
sambodhayanti prathayanti chAdya |
AdhyAtmavidyAM kathayanti lokA
jayantu te saMskR^itavIraputrAH || 29||
ye bhAvukAH saMskR^itabhAvanAyAM
sAhityasevAvratayoganiShThAH |
sR^ijanti sAhityasudhAsamudraM
nirmAnti kAvyAni cha nUtanAni || 30||
garjanti tarjanti kadA na bhUmau
yathA meghA no jaladAnadakShAH |
te vIraputrA navabhAskarAshcha
sR^ijantu sAhityanidhiM samodam || 31||
gaveShakA ye parishodhayanti
vij~nAnaratnAni vichAramArge |
jIrNAsu shIrNAsu cha mAtukAsu
sArasvatAste sukhino bhavantu || 32||
sampAdakAH saMskR^itapatrikANAM
kurvanti ye saMskR^itarakShaNAya |
kaShTena yatnaM sukhino bhavantu
te sAdhakAH saMskR^itashiShTaputrAH || 33||
prashAsakAH saMskR^itadattachittAH
samprerayantIha janAn sadA ye |
te vIraputrAH sukhino bhavantu
varShe saharShaM vilasantu loke || 34||
varSha~ncha saMskR^itamayaM hi jAtaM
harSha~ncha saMskR^itamayaM cha bhUtam |
tathApi chittaM na hi shAntamatra
na saMskR^itA kintu tathApi bhUmiH || 35||

iti ravIndrakumArapaNDAkavinA virachitaM \ldq{}saMskR^itavarSham\rdq{} kAvyaM samAptam |

\ldq{}saMskR^itA.amR^itaM\rdq{}, patrikAyAM prakAshitam |
##

Encoded and proofread by Manoj Kumar Barman

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}