% Text title            : Sadacharasmritih
% File name             : sadAchArasmRRitiH.itx
% Category              : misc, advice, vAdirAja, aShTaka
% Location              : doc\_z\_misc\_general
% Author                : vAdirAjayati
% Proofread by          : Lata Murali, Uma Mahesh, Revathy R.
% Latest update         : June 8, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Sadachara Smritih ..}##
\itxtitle{.. sadAchArasmR^itiH ..}##\endtitles ##
buddhvA brAhme muhUrte smR^itahariratha sa~NkIrtya taM naiR^ItAshAM
gatvA tyaktvA purIShaM smR^itivihitamR^idA chIrNashauchaH prashodhya |
dantAnkAShThena kR^itvA.a.achamanamatha sakR^inmagna utthAya tithyA\-
dhyuktvA mR^itsnAM tribhAgAM dinakaramanunA.a.amantrya pUrveNa limpet || 1||
dehaM kakShALike choditamanurapareNAMsajAnusvapR^iShThaM
natvA kR^iShNaM gurUMshcha smR^itaharirakhilaM tIrthamAvAhya toye |
magnastrirdvAdashAShTAkSharaharimanubhirvAryupaspR^ishya chApyaM
sUktaM japtvA.atha limpenmR^idamuditamR^itaM cheti sUktaM japaMstriH || 2||
magnaH puMsUktamantraiH shivashikharajalenAbhiShichyAtha tIrthaM
pItvA santarpya devAdyatha dhR^itavasano vAryupaspR^ishya puNDram |
chakrAdIndhArayitvA shrutivihitapathaiH pUrvasandhyAmupAsya
smR^itvA.arkasthaM mukundaM japamatha virachayyodite.agnau juhoti || 3||
snAtvA madhyAhnakAle shrutipathavidupAsyAtha sandhyAM gurUktAn
mantrAnjaptvA pratarpyAchyutamatha vihitabrahmayaj~no.archayitvA |
kR^itvoktaM vaishvadevaM svajanaparivR^itastatprasAdAnnabhojI
vidyAgoShThIprahR^iShTaH pratidivasamupAsIta sAyaM cha sandhyAm || 4||
dhyAtvA brAhme muhUrte hR^idi nR^iharimabhiShTUya shAstroktarItyA
snAtvA chakrordhvapuNDrA~NkitatanurinabimbasthanArAyaNArdhyam |
datvA japtvA.atha hutvA svagurumanujapabrahmayaj~nAchyutArchAH
kR^itvA hutvA.atha bhuktvA kathitaharikatho.antyAmupAsIta sandhyAm || 5||
karmAdau karmamadhye tadupari cha hariM prerakaM saMsmarantaH
tasmiMstAnyarpayantaH shrutipathaviparItakriyA varjayantaH |
enaM ye vAdirAjAbhidhayatirachitaM sa~NgrahaM chintayantaH
kuryuH karmANi teShAM vitarati sakalAbhIShTamiShTo mukundaH || 6||

iti shrImadvAdirAjapUjyacharaNavirachitA sadAchArasmR^itiH sampUrNA |

bhAratIramaNamukhyaprANAntargata shrIkR^iShNArpaNamastu |

##
Proofread by Lata Murali, Uma Mahesh

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}