% Text title            : sannyAsanirNayaH
% File name             : sannyAsanirNayaH.itx
% Category              : misc, puShTimArgIya, vallabhaachaarya
% Location              : doc\_z\_misc\_general
% Author                : vallabhAchArya
% Proofread by          : PSA Easwaran psawaswaran at gmail.com
% Description/comments  : puShTimArgIya stotraratnAkara
% Latest update         : February 28, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. sannyAsanirNayaH ..}##
\itxtitle{.. sannyAsanirNayaH ..}##\endtitles ##

pashchAttApanivR^ittyarthaM parityAgo vichAryate |
sa mArgadvitaye prokto bhaktau j~nAne visheShataH || 1||
karmamArge na karttavyaH sutarAM kalikAlataH |
ata Adau bhaktimArge kartavyatvAdvichAraNA || 2||
shravaNAdipravR^ittyarthaM kartavyatvena neShyate |
sahAyasa~NgasAdhyatvAtsAdhanAnAM cha rakShaNAt || 3||
abhimAnAnniyogAchcha taddharmaishcha virodhataH |
gR^ihAderbAdhakatvena sAdhanArthaM tathA yadi || 4||
agre.api tAdR^ishaireva sa~Ngo bhavati nAnyathA ||
svayaM cha viShayAkrAntapAShaNDI syAttu kAlataH || 5||
viShayAkrAntadehAnAM nAveshaH sarvathA hareH |
ato.atra sAdhane bhaktau naiva tyAgaH sukhAvahaH || 6||
virahAnubhavArthaM tu parityAgaH prashasyate |
svIyabandhanivR^ittyarthaM veshaH so.atra na chAnyathA || 7||
kauNDinyo gopikAH proktA guravaH sAdhanaM cha tat |
bhAvo bhAvanayA siddhaH sAdhanaM nAnyadiShyate || 8||
vikalatvaM tathA.asvAsthyaM prakR^itiH prAkR^itaM na hi |
j~nAne guNAshcha tasyaiva vartamAnasya bAdhakAH || 9||
satyaloke sthitirj~nAnAtsannyAsena visheShitAt |
bhAvanA sAdhanaM yatra phalaM chApi tathA bhavet || 10||
tAdR^ishAH satyalokAdau sidhyantyeva na saMshayaH |
bahishchetprakaTaH svAtmA vahnivatpravishedyadi || 11||
tadaiva sakalo bandho nAshameti na chAnyathA |
guNAstu sa~NgarAhityAjjIvanArthaM bhavanti hi || 12||
bhagavAn phalarUpatvAnnAtra bAdhaka iShyate |
svAsthyavAkyaM na kartavyaM dayAlurna virudhyate || 13||
durlabho.ayaM parityAgaH premNA sid.h{}dhyati nAnyathA |
j~nAnamArge tu sanyAso dvividho.api vichAritaH || 14||
j~nAnArthamuttarA~NgaM cha siddhirjanmashataiH param |
j~nAnaM cha sAdhanApekShaM yaj~nAdi shravaNAnmatam || 15||
ataH kalau sa sannyAsaH pashchAttApAya nAnyathA |
pAShaNDittvaM bhavechchApi tasmAjj~nAne na sannyaset || 16||
sutarAM kalidoShANAM prabalatvAditi sthitiH |
bhaktimArgo.api cheddoShastadA kiM kAryamuchyate || 17||
atrArambhena nAshaH syAddR^iShTAntasyApyabhAvataH |
svAsthyahetoH parityAgAdbAdhaH kenAsya sambhavet || 18||
hariratra na shaknoti kartuM bAdhAM kuto.apare |
anyathA mAtaro bAlAnna stanyaiH pupuShuH kvachit || 19||
j~nAninAmapi vAkyena na bhaktaM mohayiShyati |
AtmapradaH priyashchApi kimarthaM mohayiShyati || 20||
tasmAduktaprakAreNa parityAgo vidhIyatAm |
anyathA bhrashyate svArthAditi me nishchitA matiH || 21||
 iti kR^iShNaprasAdena vallabhena vinishchitam |
sannyAsavaraNaM bhaktAvanyathA patito bhavet || 22||

iti shrIvallabhAchAryakR^itaH sannyAsanirNayaH samAptaH |

##
Proofread by PSA Easwaran

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}