% Text title            : Sattvaradhanagatha
% File name             : sattvArAdhanagAthA.itx
% Category              : misc, buddha
% Location              : doc\_z\_misc\_general
% Transliterated by     : DSBC staff
% Proofread by          : Miroj Shakya
% Acknowledge-Permission: Prof. Miroj Shakya, Text  Nagarjuna Institute of Exact Methods, Digital Sanskrit Buddhist Canon Project, University of the West https://www.dsbcproject.org/
% Latest update         : March 8, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Sattvaradhanagatha ..}##
\itxtitle{.. sattvArAdhanagAthA ..}##\endtitles ##
Arya nAgArjunakR^itA
sattvArthameva mayi tiShThati sattvashraddhA
nAnyatra sA, hyahamaho.adhigR^ihItasattvaH |
charyA.adhamA karuNayA rahitA bhaved yA
sambhAvyate karuNayaiva prahANamasyAH || 1||
sattveShu yasya nitarAM karuNApravR^itti\-
rArAdhakaH sa mama shAsanamarmavettA |
shIlaM shrutishcha karuNA cha sudhoshcha yasya
nityaM sa eva sugatArchanakR^innigadyate || 2||
kalyANakAramadhikR^itya gato.asmi siddhiM
sattvArthameva tanumeSha samudvahAmi |
naivaM kriyeta yadi sattvahitaM mayA ched
vyarthaM karomi tanupoShaNamannapAnaiH || 3||
sattvAn hinasti manasApi hi yaH sa kasmA\-
nmAmeva saMshrayati yo mayi nirvyapekShaH |
pUjA tu sA bhavati sattvahitekShaNApi
pUjyasya yA manasi tuShTimupAdadAti || 4||
hiMsAtmikA paraviheThanasambhavA vA
pUjA na pUjyamanugachChati saMskR^itApi |
dArAH sutAshcha vibhavashcha mahattva(chcha) rAjyaM
mAMsaM cha shoNitavase nayate sharIram || 5||
yeShAM priyatvamadhikR^itya mayojjhitaM yat
yastAn viheThayati tena viheThito.aham |
sattvopakAraparamA hi mamAgrapUjA
sattvApakAraparayA cha parAbhavaH syAt || 6||
sattvAn prApya mayA kR^itAni kushalAnyArAdhitAstAyinaH
prAptAH pAramitAshcha sattvasamiterevArthamAtiShThatA |
sattvArthena samudyatena manasA mArasya bhagnaM balaM
sattvaireva tathA tathA virachitaM yenAsmi buddhaH kR^itaH || 7||
kasmin vastuni sid.hdhyatAmiha kR^ipA maitrI cha kvAlambatAM
kvopekShAmuditAdivastuviShayaH kasmin vimokShAdayaH |
kasyArthe karuNApareNa manasaH kShAntishchiraM bhAvitA
na syurjanmani janma(ni) priyavidhau mitraM yadi prANinaH || 8||
sattvA eva gajAdibhAvagatayo dattA mayA.anekashaH
sattvA eva cha pAtratAmupagataM deyaM mayA grAhitAH |
sattvaireva vichitrabhAvagamanAdasmatkR^ipA vardhitA
sattvAneva na pAlayAmi yadi chet kasyArthamarthaH kR^itaH || 9||
saMsAre vyasanAbhighAtabahule na syuryadi prANino
janmAvartaviDambanena yamalokaM prApya sAtmIkR^itAH |
saMsArAttaraNaM cha saugatamidaM mahAtmyamatyadbhutaM
kasyArthena samIhitaM yadi na me sattvA bhaveyuH priyAH || 10||
yAvachchedaM jvalati jagataH shAsanaM shAsanaM me
tAvat stheyaM parahitaparairAtmavadbhirbhavadbhiH |
shrutvA shrutvA mama virachitaM sattvahetorakhinnaiH
khedaH kAryo na cha tanumimaM muktasAraM bhavadbhiH || 11||

iti samyaksambuddhabhAShitA sattvArAdhanagAthA samAptA ||
##

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}