% Text title            : Shakyasimha Stotram
% File name             : shAkyasiMhastotram5.itx
% Category              : misc, buddha, stotra
% Location              : doc\_z\_misc\_general
% Transliterated by     : DSBC staff
% Proofread by          : Miroj Shakya
% Acknowledge-Permission: Prof. Miroj Shakya, Text  Nagarjuna Institute of Exact Methods, Digital Sanskrit Buddhist Canon Project, University of the West https://www.dsbcproject.org/
% Latest update         : March 8, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shakyasimha Stotram ..}##
\itxtitle{.. shAkyasiMhastotram 5 ..}##\endtitles ##
namAmi saugataM jinaM lasadvitAnabhAsuraM
sahasrasUryarochiShaM shashA~NkakoTinirmalam |
saromakUpamaNDalAd galatsusUkShmatejasaM
sahasranemichakritA~NaghripadmapANishobhitam || 1||
bhajAmi lokanAyakaM sashokaroganAshakaM
jarAvipadbhayAntakaM bhavArNavapratArakam |
prabuddhapa~NkajAsanaM vibuddhabodhikAnanaM
trilokalokabhAvanaM jagattrayaikapAvanam || 2||
namo.astu pAlabhuM jagachchakAra janma mAnavaM
vishuddhashAkyasAgare payonidhau shashI yathA |
kathAsudhAmayo.adhunA vinodayiShyate bhavAn
trijAlamohatAmasaM vinAshayiShyase jvalan || 3||
sthitAya bodhimaNDape hitAya lokasa~nchayaM
jitAya mArasainyakaM shritAya sattR^iNAsanam |
sujAtashAkyabhUpateryutAya pAramArthakai\-
rvR^itAya bodhisaMvarairnamo.astu dharmarAja te || 4||
bhajAmi bhavyabhAvukaM bhavasya bhAvabhedakaM
subodhivaibhavodbhavaM subhAdrikaM shubhAMshikam |
bhavaughabhArabhedituM babhAra bodhibhArakaM
subhadrabhAnubhAsvaraM subhAvitaM shubhAvaham || 5||
jinendramUlamaNDape lasadvitAnavistR^ite
sahasrakalpapAdape prapUrNavatprashobhite |
hiraNyaratnavedikAkushAsanasthitaM vibhuM
namAmi shAkyasaugataM tathAgataM varaM sadA || 6||
paThanti ye jinAgrato vinirmitaM hareNa tat
supa~nchapa~nchachAmaraM trikAlameva ma~Ngalam |
sukIrtidharmasaMyutaM lasanti sapta vR^iddhayo
vrajanti te sukhAvatIM sukhena satsukhAvatIm || 7||

iti sha~NkarakR^itaM shrIshAkyasiMhastotraM sampUrNam ||
##

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}