% Text title            : Suprabhata Stotram
% File name             : suprabhAtastotram.itx
% Category              : misc, buddha, suprabhAta, stotra
% Location              : doc\_z\_misc\_general
% Transliterated by     : DSBC staff
% Proofread by          : Miroj Shakya
% Acknowledge-Permission: Prof. Miroj Shakya, Text  Nagarjuna Institute of Exact Methods, Digital Sanskrit Buddhist Canon Project, University of the West https://www.dsbcproject.org/
% Latest update         : March 8, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Suprabhata Stotram ..}##
\itxtitle{.. suprabhAtastotram ..}##\endtitles ##
stutamapi surasa~NghaiH siddhagandharvayakShair
divi bhuvi suvichitraiH stotravAgbhiryatIshaiH |
ahamapi kR^itashaktirnaumi sambuddhamAryaM
nabhasi garuDayAte kiM na yAnti dvirephAH || 1||
kShapitaduritapakShaH kShINaniHsheShadoSho
dravitakanakavarNaH phullapadmAyatAkShaH |
suruchirapariveShaH suprabhAmaNDalashrIH
dashabala tava nityaM suprabhAtaM prabhAtam || 2||
madanabalavijetuH kApathochChedakartus
tribhuvanahitakartuH strIlatAjAlahartuH |
samasukhaphaladAturbhetturaj~nAnashailaM
dashabala tava nityaM suprabhAtaM prabhAtam || 3||
asurasuranarANAM yo.agrajanmAgradevaH
sakalabhuvanadhAtau lokasR^iShTyaikashabdaH |
svapiti manujadhAtA abjayoniH svayambhUr
dashabala tava nityaM suprabhAtaM prabhAtam || 4||
udayagiritaTastho vidrumachChedatAmras
timiranikarahantA chakShurekaM prajAnAm |
ravirapi madalolaH sarvathA so.api supto
dashabala tava nityaM suprabhAtaM prabhAtam || 5||
dviradadashanapANDuH shItarashmiH shashA~Nkas
tilaka iva rajanyAH sarvachUDAmaNiryaH |
avigatamadarAgaH sarvathA so.api supto
dashabala tava nityaM suprabhAtaM prabhAtam || 6||
prabalabhujachatuShkaH ShoDashArdhArdhavaktro
japaniyamavidhij~naH sAmavedapravaktA |
amalakamalayoniH so.api brahmA prasupto
dashabala tava nityaM suprabhAtaM prabhAtam || 7||
himagirishikharasthaH sarpayaj~nopavItI
tripuradahanadakSho vyAghracharmottarIyaH |
saha girivaraputryA so.api suptastrishUlI
dashabala tava nityaM suprabhAtaM prabhAtam || 8||
jvalitakulishapANirdurjayo dAnavAnAM
surapatirapi shachyA vibhrame mUDhachetAH |
anishinishiprasuptaH kAmapa~Nke nimagno
dashabala tava nityaM suprabhAtaM prabhAtam || 9||
kuvalayadalanIlaH puNDarIkAyatAkShaH
suraripubalahantA vishvakR^idvishvarUpI |
harirapi chirasupto garbhavAsairamukto
dashabala tava nityaM suprabhAtaM prabhAtam || 10||
kapilajaTakalApo raktatAmrAruNAkShaH
pashupatiratikAle sa~Ngabha~NgaikadakShaH |
smarasharadalitA~NgaH so.api supto hutAsho
dashabala tava nityaM suprabhAtaM prabhAtam || 11||
humashashikumudAbho madyapAnAruNAkSho
dR^iDhakaThinabhujA~Ngo lA~NgalI shaktihastaH |
bala iha shayito.asau revatIkaNThalagno
dashabala tava nityaM suprabhAtaM prabhAtam || 12||
gajamukhadashanaikaH sarvato vighnahantA
vigalitamadavAriH ShaTpadAkIrNagaNDaH |
gaNapatirapi supto vAruNIpAnamatto
dashabala tava nityaM suprabhAtaM prabhAtam || 13||
atasikusumanIlo yasya shaktiH karAgre
navakamalavapuShmAn ShaNmukhaH krau~nchahantA |
trinayanatanayo.asau nityasuptaH kumAro
dashabala tava nityaM suprabhAtaM prabhAtam || 14||
ashanavasanahInA bhAvyamAnA virUpA
alamakhilavighAtaiH pretavaddagdhadehAH |
ubhayagativihInAste.api nagnAH prasuptA
dashabala tava nityaM suprabhAtaM prabhAtam || 15||
R^iShaya iha mahAnto vatsabhR^igva~NgirAdyAH
kratupulahavasiShThA vyAsavAlmIkigargAH |
parayuvativilAsairmohitAste.api suptAH
dashabala tava nityaM suprabhAtaM prabhAtam || 16||
yamavaruNakuberA yakShadaityoragendrAH
divi bhuvi gagane vA lokapAlAstathAnye |
yuvatimadakaTAkShairvI~NkShitAste.api suptA
dashabala tava nityaM suprabhAtaM prabhAtam || 17||
bhavajalanidhimagnA mohajAlAvR^itA~NgA
manukapilakaNAdA bhrAmitA mUDhachittAH |
samasukhaparihInA vAlishAste.api suptA
dashabala tava nityaM suprabhAtaM prabhAtam || 18||
aj~nAnanidrarajanItamasi prasuptA
tR^iShNAvishAlashayane viShayopadhAne |
kAle shubhAshubhaphalaM parikIryamANe
jAgarti yaH satatameva namo.astu tasmai || 19||
tIrtheShu gokulashatAni pibanti toyaM
tR^iptiM vrajanti na cha tatkShayamabhyupaiti |
tadvanmune kavishatairapi saMstutasya
na kShIyate guNanidhirguNasAgarasya || 20||
suprabhAtaM tavaikasya j~nAnonmIlitachakShuShaH |
aj~nAnatimirAndhAnAM nityamastamito raviH || 21||
punaH prabhAtaM punarutthito raviH
punaH shashA~NkaH punareva sharvarI |
mR^ityurjarA janma tathaiva he mune
gatAgataM mUDhajano na bud.hdhyate || 22||
suprabhAtaM sunakShatraM shriyA pratyabhinanditam |
buddhaM dharmaM cha sa~NghaM va praNamAmi dine dine || 23||
stutvA lokaguruM mahAmunivaraM saddharmapuNyodgamaM
nirdvandvaM hatarAgadveShatimiraM shAntendriyaM nispR^iham |
yatpuNyaM samupArjitaM khalu mayA tenaiva loko.akhilaM
pratyUShastutiharShito dashabale shraddhAM parAM vindatAm || 24||

iti shrIharShadevabhUpativirachitaM dashabalasya suprabhAtastotraM sampUrNam ||
##

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}