% Text title            : Svatmapuja (Ratnapanchakam 5)
% File name             : svAtmapUjA.itx
% Category              : misc, pUjA
% Location              : doc\_z\_misc\_general
% Author                : Kalyanasevaka
% Proofread by          : Brahatha Mohan
% Latest update         : May 22, 2026
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Svatmapuja Ratnapanchakam 5 ..}##
\itxtitle{.. svAtmapUjA ratnapa~nchakam 5 ..}##\endtitles ##
(ratnapa~nchake pa~nchamaM ratnam |)

sarve jAnanti pUjAM vividhavidhikalAM dhyAnamAvAhanAdIn
pAdyArdhyasnAnagandhAdikamapi cha tato dhUpadIpAdikaM cha |
stutvA tyaktvaiva devaM sakalanigamajaM, dhAtupAShANamUrtiM
saMsAre sa~ncharanti bhramaniratajanA naiva jAnanti hR^itstham || 1||
brahmeshAnapurandaraprabhR^itibhirdevairjanairvanditaM
svasminsvena sadA.anubhUtamachalaM tadvA~Nmano.agocharam |
dhyAtR^idhyeyavivarjitaM shubhatamaM dhyAnaM svamAtraM paraM
pUrNAnandamakhaNDamachyutamahaM brahmaiva sachchidghanam || 2||
pUrNAtpUrNataraM parAtparataraM pratyaksvarUpaM svayaM
brahmaivAsmi sadekachiddhanasukhaM shAntaM hyajaM kevalam |
vyAptaM svena charAcharaM tribhuvanaM kiM svasya chAvAhanaM
kartuM ko.api kadA katha~nchidapi no kutrApi shaknoti vai || 3||
nAnA nAsti padArthamAnamapi tatsachchitsukhaM kevalaM
mAyAkAraNakAryashUnyamamalaM kAlatrayAbAdhitam |
dehAtItamacha~nchalaM padamahaM didgeshabhedo na me
tasmAdatra na mahyamAsanavidhirbrahmaiva pUrNaM jagat || 4||
pAdo nAsti sharIrashUnyamachalaM kalyANavastu svayaM
chApaH santi na bhUtarUpamakhilaM ki~nchinmayi brahmaNi |
pAdyaM kutra samarpyatAM na hi jalaM sa~Nkalpako nAsti vai
nityAptaM paramaM padaM nirupamaM pUrNaM paraM dhAma me || 5||
antarbAhyavisheShabhedarahitaM svasminsvamAtraM nvahaM
hasto naiva cha dehabhAvarahitattvAdbrahma yasmAtsvayam |
arghyaM kena kathaM cha vArirahitaM sa~NkalpanIyaM mano.a\-
bhAvAdbrahma sadadvitIyaparamAnandaikasaMrADaham || 6||
ga~NgA naiva sarasvatI cha yamunA kR^iShNA na godAvarI
kAverI cha ghaTaprabhA na sarayU tu~NgA tathA narmadA |
sindhurnaiva samudra eva na mathi brahmArNave kevale
pUrNAnandamaye svarUpavimale snAnasya ko.ayaM vidhiH ! || 7||
brahmaikAvaraNasya nAmbaramaho ! nAmAmbarasyApi me
sUtraM, kevalameva vastu tatamAkAshe padArthAdike |
gandho mAyikabhedagandharahitaM tadvAsanAvarjitam
sachchinmAtramanantamavyayapadaM brahmaiva bhUmA svayam || 8||
brahmAtmaikyaraviprakAshakiraNairhR^itpadmamulhAsitaM
svAtmAnandasugandhalakShmyanubhavAddurdvaitagandhogataH |
nityaM shuddhamajaM hyupAdhirahitaM nirvANamekaM svayaM
mayyAtmanyachale cha kevalamaje puShpasya kA kalpanA ! || 9||
kAshmIrodbhavagandhavastubahulaM shrIchandanaM chAgaruM
mishrIkR^itya sugandhidhUpamamalaM kArpAsadIpaM vR^ithA |
mAyAmohamanomalAdirahite chAdvaitasUryodaye
dhUpaM dIpamasa~Ngavastuni shubhAtmanyeva tasmAtkathaM ! || 10||
bhakShyaM bhojyamanekamishritapayo lehyaM cha devAya me
naivedyaM sunivedayanti nayane dhR^itvA.athavAnAsikAm |
trailokyaM sakalaM mayA sugilitaM brahmAtmanA saMsthitaH
sachchidhdyekaraso.amR^ito.ahamamalo naivedyamasmAnnu kim || 11||
tAmbUlasya tu charvaNaM sakaladhIrbrahmAhamasmIti vai
pUrNA bhUrapi kA~nchanena kimu sA brahmAtmane dakShiNA ! |
nirvANaM paripUrNamekamachalaM kiM tatphalaM dIyate
hyAnandAmR^itavAridhau kimapi no \ldq{}brahmAsmi\rdq{} vR^ittirna hi || 12||
naishchalye nirupAdhike nirupame nirnAmni nitye nije
svAnande kimapi pradakShiNavidhirnaivAsti satyAtmani |
maunaM stotramakhaNDapUrNasahajAvasthaiva bhaktiH shubhA
kalyANI manaso hatirnanu natirme svAtmapUjAkR^ite || 13||
kiM grAhyaM cha visarjanaM kimapi na hyadvaitamAtre pare
praj~nAne parame purAtanapade sAkShAnmayi svAtmani |
pratyakpUrNarase.aparokShavimale vij~nAnavishvAdhike
shAntAnandasadojvalAmR^itaghane kalyANasatsevake || 14||
itthaM yaH svAtmapUjAM niravadhivimalAM saukhyadAtrIM karoti
dvaitAdbhItirna ki~nchijjananamaraNajA shokamohau na tasya |
kAlasthAnAdyapekShA kimapi na shuchitA svAtmashuddhistu mukhyA
kalyANArthaM svapUjA vimalanaravaraireva kAryA hR^idabje || 15||

iti shrIsamartharAmadAsa\-kalyANapadAnvita\-
kalyANasevakapraNIta ratnapa~nchake svAtmapUjAnAma pa~nchamaM ratnaM sampUrNam |
iti ratnapa~nchakam |
|| OM tatsat ||
##
Proofread by Brahatha Mohan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}