% Text title            : Upadeshatmakam Patram 1
% File name             : upadeshAtmakaMpatram1.itx
% Category              : misc, shrIdharasvAmI, advice
% Location              : doc\_z\_misc\_general
% Author                : Shridharasvami
% Proofread by          : Manish Gavkar
% Description/comments  : shrIdharasvAmI stotraratnamAlikA
% Latest update         : February 11, 2023
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Upadeshatmakam Patram ..}##
\itxtitle{.. upadeshAtmakaM patram ..}##\endtitles ##
            (anuShTupChandaH)
yatsattayA jagatsatyaM yachchaitanyena chetanam |
yatsukhAtsukharUpaM cha tajj~neyaM brahma shAshvatam || 1||
bhavAbdhitaraNI naukA yA bhaktiH paramAtmani |
labdhavyAsA prayatnena bhava duHkhanivR^ittaye || 2||
anyAbhAvAdadvayo yaH shrIdharaH khalu shAshvataH |
akhaNDAnanda evAsau dvaivid.hdhyaM tasya durghaTam || 3||
dvitIyAdvai bhayaM brUte shrutiranyaM niShedhya cha |
eka eva hyasau j~neyaH shrIdharaH shrutisammataH || 4||
ekasminnaparasyeyaM bhrAntiH sA na sukhAvahA |
eka eva hi bhUtAtmA shrutirvakti bhayApahA || 5||
tattvamasyAdivAkyaishcha brahmaikyaM yatsphuTIkR^itam |
satyaM satyaM trivAraM tat nAtra kAryA vichAraNA || 6||
svasminneva jagatsarvamanyavatsampratiShThitam |
svAj~nAnato na satyaM tajj~neyaM shreyo.abhilipsubhiH || 7||
aj~nAnAt svAtmamAtrasya vyavahAro vibhAsate |
shiShyAchAryAdibhAvaishcha grAhyagrAhakato.api vA || 8||
advitIyaM brahmatattvaM na jAnanti yadA tadA |
bhrAntA evAkhilAH sarve shrutirvakti vivekataH || 9||
sarvaM vibhAti svasmAddhi svayaM tasyAdyanantaram |
svarUpaM cha svataH siddhaM madhyAdyantavivarjitam || 10||
yasya bhAsA sarvamidaM svayaM tatsvArchimatsukham |
bhrAntyetthaM na vijAnAti loko.ayaM kiM vadAmi bhoH || 11||
aj~nAtvA cha svapUrNatvaM sukharUpaM cha shAshvatam |
loko.ayaM bhrAnta eveha nAnAkarmasuduHkhitaH || 12||

iti shrImat paramahaMsaparivrAjakAchArya sadguru bhagavAn
shrIdharasvAmImahArAjavirachitaM upadeshAtmakaM patraM sampUrNam |

##
Proofread by Manish Gavkar

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}