% Text title            : upadeshachaturviMshatiH
% File name             : upadeshachaturviMshatiH.itx
% Category              : misc, vedanta, advice, sachchidAnanda-shivAbhinava-nRisiMhabhAratI
% Location              : doc\_z\_misc\_general
% Author                : Sachchidananda Shivabhinava Nrisimha Bharati Swamigal
% Proofread by          : PSA Easwaran psawaswaran at gmail.com
% Latest update         : November 9, 2018
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Upadeshachaturvimshatih ..}##
\itxtitle{.. upadeshachaturviMshatiH ..}##\endtitles ##
karaNaM sarvasiddhInAM chittAnusaraNaM guroH |
iti nishchitya sarveShu kAryeShu pravishArbhaka || 1||

suteShu karuNA yadvatprasavitryAstato.api cha |
prabhUtA karuNA shiShye sadguroriti nishchinu || 2||

mAtApitarAvasmi~njanmanyevArbhakasya sukhavR^iddhim |
ichChata AgAmijanuHsaukhyaM smarato na jAtvapi hi || 3||

shiShyasya sadguruH khalu sa~nchitamukhapApasa~NgarAhityam |
ki~nchAvR^ittivihInaM brahmapadaM kA~NkShate kR^ipayA || 4||

saukhyaM cha tadapi saMshR^iNu yatpitarAvichChatastanUjasya |
bhAryAM bibhartu tanayAnprApnotu tanotu satatatadrakShAm || 5||

Arjayatu cha dhanamanishaM yayA kayAchitpraNAlyAyam |
api nau jIrNavayaskau pAtu cha modena sarvaviShayeShu || 6||

rAj~nAM vA dhanikAnAM mano.anuvR^ittiM vidhAya tanujAtaH |
abhyadhikaM tattoShaM prApnotu cha tena bahuladhanam || 7||

iti bahuladuHkhameva hi saukhyAbhAsaM tanUjasya |
pitarau loke rAtrindivameva chintayantau staH || 8||

mA sajjatu machChiShyo dhanadArAsnigdhaputrageheShu |
tadrakShaNArthamarthagrahaNe yatnaM na ka~nchidapi kuryAt || 9||

mA kurutAddashanAnAM vivR^itiM dhanikAgrataH kadAchidapi |
mA bhUpatoShaNArthaM stutimapi vitanotu dInavAksaraNim || 10||

mAMsAsR^i~NmalarAshau dehe.ahantA kadApi mA bhavatu |
nashvaratameShu jAtvapi bhogeShvAsthAlavo.api mA bhUyAt || 11||

mA sArvabhaumapadavIM vA~nChatu mA devarAjatAM kvApi |
shamadAntyuparatimukhaShaTsampadamApnotu susthirAM shIghram || 12||

nityAnityavivekaM mokShaprAsAdagamananiHshreNim |
dR^iDhataramumukShutAmapyAshrayatAtsatvaraM sukhenaiva || 13||

suvidhAya sashikhavapanaM ChitvA karmArthamAdR^itaM sUtram |
svIkR^itapAramahasyo vihara sukheneti sadgururbrUte || 14||

yadi yau kauchitpitarAvichChata Atmodbhavasya paramapadam |
tau tarhi sadgurusthalakR^itAbhiShekau vijAnIhi || 15||

pitroshcha sadgurorapyantaramevaM vimR^ishya vatsa chiram |
nityasukhechChA chettava tarasA vraja sadguruM sharaNam || 16||

sadgaruriha samprAptaM shiShyaM tattvaM yathAvadupadishya |
dayayA naisargikyA nityasukhaM prApayettarasA || 17||

iti yativachaHprabuddhaH shishurUhApohadakShamatirevam |
paprachCha muktikAmastyaktaihikapAralaukikechChaH san || 18||

shiShya uvAcha\-\-
sadgurusevanameva hi nityasukhAvAptisAdhanaM brUShe |
sadgururIdR^isha iti me yativara tallakShaNaM brUhi || 19||

gururuvAcha\-
nirhetukakaruNAjanibhUmiH santyaktaviShayechChaH |
luptasvaparatvamatiH smitalasadAsyAmbujaH satatam || 20||

shIlitanigamAntatatiH pAlitamaitrIpramukhyaguNajAlaH |
tattvopadeshanirataH satvaramevA~NghrinamralokAnAm || 21||

sakrodhAnakrodhAn rAgADhyAn rAganirmuktAn |
kurvANo viShayeShvativairasyaM bodhayaMstarasA || 22||

lokArthamAshramochitacharyAnirataH samAdhirahiteShu |
kAleShu ki~ncha kR^iShNadvaipAyanasUtrajAlabodhayitA ||

haTharAjamukhyayAgAnadhikArivibhedataH praNamrebhyaH |
pratipAdayannajasraM harShaprAgbhAratundilasvAntaH || 24||

iti shR^i~Ngeri shrIjagadguru shrIsachchidAnandashivAbhinavanR^isiMha\-
bhAratIsvAmibhiH virachitA upadeshachaturviMshatiH sampUrNA |

##
Proofread by PSA Easwaran psaeaswaran at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}