% Text title            : vaiShNavadarshanAnAM dingmAtraparishIlanam
% File name             : vaiShNavadarshanAnAMdingmAtraparishIlanam.itx
% Category              : misc, article, pradIptakumArananda
% Location              : doc\_z\_misc\_general
% Author                : (Copyright) Pradipta Kumar Nanda, Kendrapara, Orissa pknanda65 at gmail.com
% Transliterated by     : Pradipta Kumar Nanda pknanda65 at gmail.com
% Proofread by          : Pradipta Kumar Nanda
% Acknowledge-Permission: (Copyright) Pradipta Kumar Nanda
% Latest update         : August 12, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. vaiShNavadarshanAnAM di~NmAtraparishIlanam ..}##
\itxtitle{.. vaiShNavadarshanAnAM di~NmAtraparishIlanam ..}##\endtitles ##
lekhakaH \- nandapradIptakumAraH

tatra nAradapa~ncharAtrAdi AgamoktavidhinA viShNumantragrahitAro vaiShNavAH | viShNupUjanaratAH | te cha rAmakR^iShNanArAyaNaviShNvAdishabdabrahmasamarchchayantaH  nAmarUpachintanaparAyaNA bhavanti | vaiShNavalakShaNaM tu \-
\ldq{}paramApadamApanno harShe vA samupasthite |
naikAdashIM tyajedyastu yasya dIkShAsti vaiShNavI ||\rdq{}
viShNvarpitAkhilAchAraH sa hi vaiShNava uchyate || (nirNayasindhau)iti | ShaD vidhA vaiShNavA vidyante | teShu  dvaitavAdimadhvAchAryya AdyaH | anena pUrNapraj~na bhAShyaM vihitam | dvitIyo vedAntapArijAtasaurabhakarttA nimbArkAchAryyo dvaitA.advaitasamarthakaH | tR^itIyo vishiShTAdvaitavAdI  rAmAnujAchAryyaH shrIbhAShyakarttA |  chaturtha aNubhAShyakarttA vallabhAchAryyaH shuddhAdvaitavAdI | pa~nchama aupAdhika bhedAbhedavAdI bhAskarAchAryyaH bhAskarabhAShyakarttA | ShaShThaH shrIchaitanyamahAprabhuH | achintyabhedAbhedasamarthakaH | atra baladevavidyAbhUShaNasya govindabhAShyaM prasiddham | eteShAM matAni pradarshyante kramashaH |
\section{1\. pA~ncharAtramatam}
tatrAdau pA~ncharAtre brahmaNo nArAyaNasya  saguNa\-nirguNabhedena rUpadvayaM prasiddham | j~nAna\-shakti\-aishvaryya\-bala\-bIryya\-tejA.nsi ShaDguNAH | tadguNavigrahavAn vAsudevaH | lakShmIH bhagavata AtmabhUtA shaktiH | sR^iShTyArambhe kriyAshakti\-bhUtishaktibhedAbhyAM dvidhA vibhaktA | jagadutpAdanAtmakaH sa.nkalpaH kriyAshaktiriti parichitA | jagadrUpeNa pariNatirhi bhUtishaktirityuchyate | yachchoktam\-
kriyAkhyo yo.ayamunmeShaH sa bhUtiparivartakaH |

lakShmImayaH prANarUpo viShNoH sa.nkalpa uchyate || (ahirbudhnya saMhitA 3/21) iti | lakShmyA anugraheNa vishvasR^iShTirjAyate | pA~ncharAtra matena vyUha\-vibhava\-archchAvatAra\-antaryAmI bhedena chatvAra avatArAH | vAsudevAtsa.nkarShaNaH | sa.nkarShaNAtpradyumnaH | pradyumnAt aniruddha iti chatvAro vyUhAH | bhAgavate.api vyUhA uktAH | yaduktam\-
namaste vAsudevAya namaH sa.nkarShaNAya cha |

pradyumnAyAniruddhAya sAtvatAM pataye namaH || (bhAgavate 10/40/21) iti pA~ncharAtrapara.nparA dhArmikavikAsharUpeNa prastutA sati vaiShNavapurANeShu darIdR^ishyate | niShkAmakarmaNA bhagavati bhaktirjAyate | bhaktyA bhagavachCharaNAgatirUpA brahmabhAvApattirmokShaH | tadarthaM bhagavadArAdhanaM sarvashreShThamiti nishchapracham (bhaktichandrikAyAM pR^iShTha 21) | pratyapAdi bhagavatA vyAsena\-
samArAdhyaiva govindaM gatA muktiM maharShayaH |
tasmAdbhaja hR^iShIkeshaM kR^iShNaM devakInandanam || 
tadbrahma paramaM proktaM tadddhAma paramaM padam |
tad gatvA kAlaviShayAd vimuktA mokShamAshritAH || (mahAbhArate shAntiparvaH 206/14) iti |
\section{2\. madhvamatam}
madhvAchAryyo dvaitavAdasya pradhAnaH | tannaye jIveshvarayorasheShapArthakyaM svIkR^itam | jIva upAsakaH sevako bhaktashcha | brahma upAsyaM sevyaM pUjanIyaM cha | anayormadhye aikyaM nAsti | tatra dravyaguNakarmasAmAnyavisheShavishiShTA.nshishaktisAhacharyAbhAvAH dashapadArthAH svIkR^itAH | dravyANi vi.nshatisa.nkhyakAni | paramAtmA bhagavAn viShNureva | lakShmIH bhagavataH shaktiH | jIvA anucharA aj~nAnaduHkhadUShitAH  | etatsarva.n\- shrImanmadhvamate hariH parataraH satyaM jagattattvato
bhedAH jIvagaNAH hareranucharA nIchochchabhAvaM gatAH |
muktirnaijasukhAnubhUtiramalA bhaktishcha tatsAdhanaM

akShAditritayaM pramANamakhilAmnAyaikavedyo hariH || (sAmAnyadarshanam) iti vyAsatIrthena madhvamataM sa.nkIrttitam |
\section{3\. nimbArkamatam}
kadAchid dvetAdvaitavAdI nimbArkAchAryaH | tannaye brahma saguNaM nirguNaM chetyasminnarthe dvaitAdvaitavAdaH | jIvabrahmaNo bhedau abhedau vetyasminpakShe tu  dvaitAdvaitau bhedAbhedavAdau vA svIkR^itau | (sarvadarshanakaumudyAm pR^iShTha 203) AtmAnAtmakabhedena tattvaM dvividham | AtmA jIvAtmaparamAtmabhedena dvividhau | jIvo j~nAnavAn j~nAtR^itvAdidharmAdhArarUpaH | aNuH paratantraH pratisharIraM bhinno bandhamokShayukta iti vadanti | prakR^itipuruShakAlakarmaNAM niyantA para.nbrahma vAsudevaH shrIkR^iShNaH | tasya haririti nAmAntaraM vidyate | jIveshvarayora.nshAshibhAvasambadhaH sthirIkR^itaH | prakR^itistatkAryadehAdikamanAtmatattvam | taduktam\-
j~nAnasvarUpaM cha hareradhInaM sharIrasa.nyogaviyogayogyam |

aNuM hi jIvaM pratidehabhinnaM j~nAtR^itvavantaM yadanantamAhuH || (dashashlokI 1) iti | muktau shrIkR^iShNapadasevanaM vinA anyat sAdhanaM nAsti | \ldq{}tasmAt kR^iShNa paro devaH taM dhyAyet | taM raset taM bhajet taM yajet OM tatsaditi |\rdq{} (dashashlokITIkA pR^iShTha 36) rAdhA shrIkR^iShNasyAhlAdinI shaktiH sarveshvarI | rAdhAkR^iShNayormadhye vimbaprativimbabhAvaH svIkR^itaH | tathA hi bhAgavate\-
reme ramesho vrajasundaribhiryathArbhakaH svapratibimbavibhramaH | (bhAgavatam 10/33/17) iti | api chAtra\-
kR^itvA tAvantamAtmAnaM yAvatIrgopayoShitaH |
reme sa bhagavA.nstAbhirAtmArAmo.api lIlayA || (bhAgavatam 10/33/20) iti |
\section{4\. rAmAnujamatam}
vishiShTAdvaitavAdI rAmAnujAchAryyaH | vishiShTaM cha vishiShTaM cha vishiShTe vishiShTayoH sthUlachidachidvishiShTabrahmaNaH sUkShmachidvishiShTabrahmaNshchAdvaitaM bhedabhAva aikyamiti vishiShTAdvaitam | atra trayaH padArthA vivechitAH chidachidIshvarabhedAt | chidatra jIvAtmAno bahavaH | achittujaDarUpaM jagat | sakalakalyANakaraH karuNAvaruNAlayaH sarvaj~naH sarvashaktimAn  svaya.nprakAshaH jagatprabhuH shrImannArAyaNo.advitIyo sAdhyaH | chaturdashabrahmANDA anantajIvAshcha tachCharIram | sAdhyasiddhyarthaM na j~nAnaM nApi j~nAnakarmasamuchchayaH kintu bhaktireva mAnyA |
\section{5\. vallabhamatam}
puShTimArgapravarttako vallabha aNubhAShyakarttA shuddhAdvaitavAdI | tanmatAnusAra.n\-\rdq{} vedAH shrIkR^iShNavAkyAni vyAsasUtrANi chaiva hi | samAdhibhAShA vyAsasya pramANaM tat chatuShTayam ||\rdq{} (vaiShNavasa.npradAya siddhAnta pR^iShTha 115) iti kartR^itva bhoktR^itvatvAt bhagavAn shrIkR^iShNaH eva paramAtmA brahma | jIva aNuH | brahmaNo.n.ashaH | jIvasya bhagavaddharmANAM tirobhAva eva jIvabhAvaH | sAdhanaM j~nAnabhaktirUpamuktam | shravaNamananopAsanAdibhiH pApakShaye sati bhagavatpremotpattistato muktirityuchyate |
\section{6\. chaitanyamatam}
asau chaitanyamahAprabhuH bhagavata avatArabhUta iti jIvagosvAminA bhAgavatasandarbhe uktam | tadyathA\-
antaH kR^iShNaM bahirgauraM darshitA.ngAdivaibhavam |

kalau sa.nkIrtanAdaiH smaH kR^iShNachaitanyamAshritAH || (bhAgavatasandarbhaH 12/32) iti | svarUpAdyabhinnatvena chintayitumashakyatvAd bhedaH,bhinnatvena chintayitumashakyatvAd abhedashcha pratIyate | anena shaktishaktimato bhedAbhedau a.ngIkR^itau | tau cha achintyau | ((bhAgavatasandarbhaH) chaitanyamahAprabhuNA na ko.api granthaH likhitaH | kevalaM \ldq{}shikShAShTaka.n\rdq{} rachitavAnIti kechidvadanti | yadyapi chaitanyasa.npradAyaH mAdhvamatasya shAkhAvisheShastathApi mAdhvamata\-chaitanyamatayoH mahAn bhedaH svIkriyate | chaitanyamatasya pradhAnAchAryaH baladevavidyAbhUShaNaH | tena brahmasUtropari achintyabhedAbhedamatIyaM govindabhAShyaM vilikhitam | tannaye Ishvara\-jIva\-prakR^iti\-kAla\-karmANi pa~nchatattvAni shrUyante | Isvaro vibhuchaitanyam nityaj~nAnAdiguNakaM shrIkR^iShNa eva paramottamaM vastu | jIvAtmA aNuchaitanyam | Ishvaravannityaj~nAnAdiguNavishiShTo.asmachChabdavAchyaH | vishvaM satyam | jIvamAtro harerdAsaH | shrIkR^iShNasya charaNalAbha eva muktiH | bhaktireva muktiprAptaye charamasAdhanam | yachchoktam\-
ArAdhyo bhagavAn vrajeshatanayastaddhAmavR^indAvanaM
ramyA kAchidupAsanA vrajavadhUvargeNa yA kalpitA |
shAtraM bhAgavataM pramANamamalaM premA pumartho mahAn
shrIchaitanyamahAprabhormatamidaM tatrAdaro naH paraH || (vaiShNavasa.npradAya siddhAnta pR^iShTha 443) iti |
                                       \-\-\- lekhakaH \- nandapradIptakumAraH
                                                   DA.c pradIpta kumAra nandaH
                                     shrIjagannAthasa.nskR^itavishvavidyAlayaH
                                                              shrIvihAraH,purI
##
Written by Dr. Pradipta Kumar Nanda, Kendrapara, Orisa pknanda65 at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}