% Text title            : Virashaiva Vivaha Mangala Ashtakam
% File name             : vivAhamangalAShTakam.itx
% Category              : misc, mangala, aShTaka, vIrashaiva
% Location              : doc\_z\_misc\_general
% Transliterated by     : Manish Gavkar
% Proofread by          : Manish Gavkar
% Latest update         : September 18, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Mangala Ashtakam ..}##
\itxtitle{.. ma~NgalAShTakam ..}##\endtitles ##
kalyANaikanidAnabhUtamiti yatkAlAgnirudrAdibhiH
     prakhyAtopaniShadbhiradhyavasitaM vishvastapApavrajam |
bhasmeti smR^itimAtrato bhuvi nR^iNAM maunIndrabhogapradaM
     rudrANIramaNapriyaM tadamitaM kuryAt sadA ma~Ngalam || 1||
loke shrIshishirakShamAdharasutAkAntAkShipa~Nkeruha\-
     syandikShIrakaNoditaM hi yaditi khyAtaM purANe shrutau |
shreyaHsAdhanatAndadhAnamanishaM shaivapramodAvahaM
     rudrAkShaM shritarakShakaM tadamitaM kuryAt sadA ma~Ngalam || 2||
svAntargarbhitasarvamantrakalanAlabdhavyanAnAphalaM
     smAraM smAramiha smarArisadanaM pa~nchAkShara pAvanam |
yachChaivAH prataranti dustaramahAsaMsAravArAnnidhiM
     bhUyastadvaramantraratnamamitaM kuryAt sadA ma~Ngalam || 3||
aj~nAnAtishayAdhikAndhatamasAtyandhasya puMsaH sadA
     suj~nAnA~njanasAdhanena mahatA chakShuHsamunmIlitam |
yena svachChamatuchChabhUtikaruNAkallolinIvallabha\-
     shrImAn sadgururatra saiSha bhagavAn kuryAt sadA ma~Ngalam || 4||
sambandhAtishayaM sadA virachayatyAgA~NgayogA~Ngasa\-
     dbhogA~NgapratibhedabhinnatanuShu shrutyantasa~Nghastutam |
li~NgA~NgadvayasAmarasya vilasachchetaHsvarUpapradaM
     ligaM shrIkaramuttamaM tadamitaM kuryAt sadA ma~Ngalam || 5||
jAnAtIha muhuH kShitAvatishayaM vishvaprakAshaM prabhuM
     vedAntaiH pratipAditaM parashivaM svIyasvarUpeNa yaH |
nAnAghoratarAghapUgatimirapradhvaMsanadyomaNiH
     so.ayaM shrIvaraja~NgamaH samadhikaM kuryAt sadA ma~Ngalam || 6||
pItvA yatparamaM pavitramamalaM kailAsashailollasa\-
     chCharvodagravarapradeshapadavIsopAnabhUtaM sadA |
bhaktyA bhUmitale samIhitatatiM samprApnuvantyAdarAt
     tatpAdodakamiShTadaM samadhikaM kuryAt sadA ma~Ngalam || 7||
juShTvA yaM shrutishaMsitaM puraharapremaprakarShAspadaM
     shastaM dhvastasamastaduShkR^itagaNaM svashreyasaH shrIpadam |
sAndrAnandabharA bhavanti puruShAH sarve.api chorvItale
     hR^idyaH sa trividhaH prasAdanichayaH kuryAt sadA ma~Ngalam || 8||
spaShTAShTAvaraNaprachArachaturaHshrIvIrashaivAgraNIH
     pa~nchAchAravichArachAruchaturaH svachChAntara~NgaH sadA |
sa~NkhyAvajjanagIyamAnavilasanmAhAtmyasambhAvito
     bhaktAnugrahakR^it purAtanagaNaH kuryAt sadA ma~Ngalam || 9||
loke shAmbhavama~NgalAShTakamidaM sarveShTasiddhipradaM
     bhaktyA yaH paThati prahR^iShTahR^idayaH shlAghyaM sudhIbhirmuhuH |
shrInirvANamudAptaye virachitaM yo vA shR^iNotyAdarAt
     puMsastasya sadAshivaH samadhikaM kuryAt sadA ma~Ngalam || 10||

           sumuhUrte sAvadhAnaM sulagne sAvadhAnam |

iti vIrashaivamahAsa~Nkalpe vIrashaivavivAhapaddhatyAnusAraM
ma~NgalAShTakaM sampUrNam |
##

Encoded and proofread by Manish Gavkar

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}