% Text title            : yamaka kAvyaM (ghaTakarpara)
% File name             : yamaka.itx
% Category              : kAvya, misc, sahitya
% Location              : doc\_z\_misc\_general
% Transliterated by     : P. P. Narayanaswami swami at math.mun.ca
% Proofread by          : P. P. Narayanaswami swami at math.mun.ca
% Latest update         : November 1, 2010
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. yamaka kAvyaM (ghaTakarpara)   ..}##
\itxtitle{.. yamaka kAvyaM (ghaTakarpara) ..}##\endtitles ##

          ghaTakarpara yamaka  kAvyam.h
nichitaM khamupetya nIradAiH
priyahInAhR^idayAvanIradaiH .
salilairvihataM rajaH kShitau
ravichandrAvapi nopalakShitau .. 1..
haMsA nadanmeghabhayAd dravanti
nishAmukhAnyadya na chandravanti .
navAmbumattAH shikhino nadanti
meghAgame kundasamAnadanti .. 2..
meghAvR^itaM nishi na bhAti nabho vitAraM
nidrA.abhyupaiti cha hariM sukhasevitAram .
sendrAyudhashcha jalado.adya rasannibhAnAM
saMrambhamAvahati bhUdharasannibhAnAm .. 3..
sataDijjaladArpitaM nageShu
svanadambhodharabhItapannageShu .
paridhIraravaM jalaM darIShu
prapatatyadbhutarUpasundarIShu .. 4..
kShipraM prasAdayati samprati ko.api tAni
kAntAmukhAni rativigrahakopitAni .
utkaNThayanti pathikA~njaladAH svanantaH
shokaH samud.hbhavati tad.hvanitAsvanantaH .. 5..
ChAdite dinakarasya bhAvane
khAjjale patati shokabhAvane .
manmathe cha hR^idi hantumudyate
proShitapramadayedamudyate .. 6..
sarvakAlamatila~Nghya toyadA
AgatAH stha dayito gato yadA .
nirghR^iNena paradeshasevanA
mArayiShyatha na tena mA vinA .. 7..
brUta taM pathikapAMshulaM ghanA
yUyameva pathishIghrala~NghanAH .
anyadesharatiradya muchyatAM
sA.athavA tava vadhU kimuchyatam .. 8..
haMsaH pa~Nktirapi nAtha samprati
prasthitA viyati mAnasamprati .
chAtako.api tR^iShitombu yAchate
duHkhitA pathika sA priyA cha te .. 9..
nIlashaShpamatibhAti komalaM
vAri vindati cha chAtako.amalam .
ambudaiH shikhigaNo vinAdyate
kA ratiH priya mayA vinA.adyate .. 10..
meghashabdamuditAH kalApinaH
proShitAhR^idayashokalApinaH .
toyadAgamakR^ishA cha sA.adyate
durdhareNa madanena sAdyate .. 11..
kiM kR^ipApi tava nAsti kAntayA
pANDugaNapatitAlakAntayA .
shokasAgarajale.adya pAtitAM
tvad.hguNasmaraNameva pAti tAm .. 12..
kusumitakuTajeShu kAnaneShu
priyarahiteShu samutsukAnaneShu .
dravati cha kaluShe jale nadInAM
kimiti cha mAM samavekShase na dInAm .. 13..
mArgeShu meghasalilena vinAshiteShu
kAmo dhanuH spR^ishati tena vinA shiteShu .
gambhIramegharasitavyathitA kadAhaM
jahyAM sakhipriyaviyogajashokadAham .. 14..
susugandhitayA vane.ajitAnAM
svanadambhodharavAtavIjitAnAm .
madanasya kR^ite niketakAnAM
pratibhAntIha vanAni ketakAnAm .. 15..
tat.hsAdhu yattvAM sutarAM sasarja
prajApatiH kAmanivAsa sarja .
tvaM ma~njarIbhiH pravaro vanAnAM
netrAtsavashchAsi sayauvanAnAm .. 16..
navakadamba shiro.avanatAsmi te
vasati te madanaH kusumasmite .
kuTaja kiM kusumairupahasyate
praNipatAmi cha duShprasahasyate .. 17..
taruvara vinatAsmi te sadA.ahaM
hR^idayaM me prakaroShi kiM sadAham .
tava kusuma nirIksaNe.apde.ahaM
visR^ijeyaM sahasaiva nIpa deham .. 18..
kusumairupashobhitAM sitai##-##
rghanamuktAmbulavaprahAsitaiH .
madhunaH samavekShya kAlatAM
bhramarashchumbati yUthikAlatAm .. 19..
tAsAmR^ituH saphala eva hi yA dineShu
sendrAyudhAmbudharagarjitadurdineShu .
ratyutsavaM priyatamaiH saha mAnayanti
meghAgame priyasakhIshcha samAnayanti .. 20..
kokilabhramarakokakUjite
manmathena sakale jane jite .
nirgato.asi shaTha mAsi mAdhave
nopayAsi shayio.api mAdhave .. 21..
etannishamyavirahAnalapIDitAyA##-##
stasyA vachaH khalu dayAlurapIDitAyA .
sa svAraveNa kathitaM jaladhairamoghaiH
pratyAyayau sadanamUnadinairamoghaiH .. 22..
bhAvAnuraktavanitAsurataiH shapeya##-##
mAlambya chAmbu tR^ishitaH karakoshapeyam .
joyeya yena kavinA yamakaiH pareNa
tasmai vaheyamudakaM ghaTakarpareNa .. 23..
.. samAptamidaM ghaTakarpara yamaka kAvyam ..
##
Encoded and proofread by to P . P . Narayanaswami at  swami at math.mun.ca

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}