% Text title            : Yashodayai Radhakritam Upadeshavarnanam
% File name             : yashodAyairAdhAkRRitaMupadeshavarNanam.itx
% Category              : misc, brahmavaivartapurANa, upadesha, advice
% Location              : doc\_z\_misc\_general
% Proofread by          : PSA Easwaran
% Description/comments  : brahmavaivartapurANa | shrIkRRiShNajanma, uttarabhAga | adhyAya 111/16-48||
% Latest update         : March 29, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Yashodayai Radhakritam Upadeshavarnanam ..}##
\itxtitle{.. yashodAyai rAdhAkR^itaM upadeshavarNanam ..}##\endtitles ##
yashode cha prayatnena svAtmanaH putramIshvaram |
rAma nArAyaNAnanta mukunda madhusUdana || 16||
kR^iShNa keshava kaMsAre hare vaikuNTha vAmana |
ityekAdasha nAmAni paThedvA pAThayediti || 17||
janmakoTisahasrANAM pAtakAdeva muchyate |
rAshabdo vishvavachano mashchApIshvaravAchakaH || 18||
vishvAnAmIshvaro yo hi tena rAmaH prakIrtitaH |
ramate ramayA sArdhaM tena rAmaM vidurbudhAH || 19||
ramAyA ramaNasthAnaM rAmaM rAmavido viduH |
rAshcheti lakShmIvachano mashchApIshvaravAchakaH || 20||
lakShmIpatiM gatiM rAmaM pravadanti manIShiNaH |
nAmnAM sahasraM divyAnAM smaraNe yatphalaM labhet || 21||
tatphalaM labhate nUnaM rAmochchAraNamAtrataH |
sArUpyamuktivachano sAreti cha vidurbudhAH || 22||
yo devo.apyayanaM tasya sa cha nArAyaNaH smR^itaH |
nArAshcha kR^itapApAshchApyayanaM gamanaM smR^itam || 23||
yato hi gamanaM teShAM so.ayaM nArAyaNaH smR^itaH |
sakR^innArAyaNetyuktvA pumAnkalpashatatrayam || 24||
ga~NgAdisarvatIrtheShu snAto bhavati nishchitam |
nAraM cha mokShaNaM puNyamayanaM j~nAnamIpsitam || 25||
tayorj~nAnaM bhavedyasmAtso.ayaM nArAyaNaH prabhuH |
nAstyanto yasya vedeShu purANeShu chaturShu cha || 26||
shAstreShvanyeShu yogeShu tenAnantaM vidurbudhAH |
mukumadhyayamAnaM cha nirvANaM mokShavAchakam || 27||
taddadAti cha yo devo mR^ikundastena kIrtitaH |
mukuM bhaktirasapremavachanaM vedasammatam || 28||
yastaM dadAti bhaktebhyo mukandastena kIrtitaH |
sUdanaM madhudaityasya yasmAtsa madhusUdanaH || 29||
iti santo vadantIshaM vede bhinnArthamIpsitam |
madhu klIbaM cha mAdhvIke kR^itakarmashubhAshubhe || 30||
bhaktAnAM karmaNAM chaiva sUdanaM madhusUdanaH |
pariNAmAshubhaM karmaM bhrAntAnAM madhuraM madhu || 31||
karoti sUdanaM yo hi sa eva madhusUdanaH |
kR^iShirutkR^iShTavachano Nashcha sadbhaktivAchakaH || 32||
ashchApi dAtR^ivachanaH kR^iShNaM tena vidurbudhAH |
kR^iShishcha paramAnande Nashcha taddAsyakarmaNi || 33||
tayordAtA cha yo devastena kR^iShNaH prakIrtitaH |
koTijanmArjite pApe kR^iShiHkleshe cha vartate || 34||
bhaktAnAM Nashcha nirvANe tena kR^iShNaH prakIrtitaH |
nAmnAM sahasraM divyAnAM trirAvR^ittyA chayatphalam || 35||
ekAvR^ittyA tu kR^iShNasya tatphalaM labhate naraH |
kR^iShNanAmnaH paraM nAma na bhUtaM na bhaviShyati || 36||
sarvebhyashcha paraM nAma kR^iShNeti vaidikA viduH |
kR^iShNa kR^iShNoti he gopi yastaM smarati nityashaH || 37||
jalaM bhittvA yathA padmaM narakAduddharechcha saH |
kR^iShNeti ma~NgalaM nAma yasya vAchi pravartate || 38||
bhasmIbhavanti sadyastu mahApAtakakoTayaH |
ashvamedhasahasrebhyaH phalaM kR^iShNajapasya cha || 39||
varaM tebhyaH punarjanma nAto bhaktapunarbhavaH |
sarveShAmapi yaj~nAnAM lakShANi cha vratAni cha || 40||
tIrthasnAnAni sarvANi tapAMsyanashanAni cha |
vedapAThasahasrANi prAdakShiNyaM bhuvaH shatam || 41||
kR^iShNanAmajapasyAsya kalAM nArhanti ShoDashIm |
teShAM lobhAdbhavetsvargaphalaM cha suchiraM nR^iNAm || 42||
svargAdavashyaM puMsashcha japakarturhareH padam |
ke jale sarvadehe.api shayanaM yasya chA.a.atmanaH || 43||
vadanti vaidikAH sarve taM devaM keshavaM param |
kaMsashcha pAtake vighne roge shoke cha dAnave || 44||
teShAmarirnihantA cha sa kaMsAriH prakIrtitaH |
rudrarUpeNa saMhartA vishvAnAmapi nityashaH || 45||
bhaktAnAM pAtakAnAM cha haristena prakIrtitaH |
mA cha brahmasvarUpA yA mUlaprakR^itirIshvarI || 46||
nArAyaNIti vikhyAtA viShNumAyA sanAtanI |
mahAlakShmIsvarUpA cha vedamAtA sarasvatI
rAdhA vasundharA ga~NgA tAsAM svAmI cha mAdhavaH || 47||
brahmeshasheShAdibhavaishcha vandyaM dhyAnairna ki~nchitsanakAdibhishcha |
vedaiH purANairna nirUpitaM cha bhajasva bhaktyA navanItachoram || 48||
kva chApi dugdhaM kva dadhirghR^itaM vA navoddhR^itaM vA kva cha takramIpsitam |
teShAM kva choro bhavati kva chApi kva bandhanaM te bhavamUlamadhye || 49||
na yogibhiH siddhagaNairmunIndrairna bhaktasa~NghairbhavapadmasheShaiH |
yogairna baddho na hi rakShituM kShamaiH kathaM sa vaddhastava mUlamadhyataH || 50||
premNA nu bhaktyA stavanena pUjayA bhajasva putraM tarasA cha bhArate |
hR^itpadmamadhye sthitamIshvaraM paraM dhyAnena yatnena cha santataM sati || 51||

iti shrIbrahmavaivartapurANe shrIkR^iShNajanmakhaNDe uttare
ekAdashAdhikashAtatamAdhyAyAntargataM yashodAyai rAdhAkR^itaM
upadeshavarNanaM samAptam |

brahmavaivartapurANa | shrIkR^iShNajanma, uttarabhAga | adhyAya 111/16\-48||
##
brahmavaivartapurANa . shrIkRRiShNajanma, uttarabhAga . adhyAya 111/16-48..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}