% Text title            : yashovantadAsaH
% File name             : yashovantadAsaH.itx
% Category              : misc, article, pradIptakumArananda
% Location              : doc\_z\_misc\_general
% Author                : (Copyright) Pradipta Kumar Nanda, Kendrapara, Orissa pknanda65 at gmail.com
% Transliterated by     : Pradipta Kumar Nanda
% Proofread by          : Pradipta Kumar Nanda
% Acknowledge-Permission: (Copyright) Pradipta Kumar Nanda
% Latest update         : August 29, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. mahApuruSho yashovantadAsaH ..}##
\itxtitle{.. mahApuruSho yashovantadAsaH ..}##\endtitles ##
lekhakaH \- nandapradIptakumAraH

mahApuruSho yashovantaH utkalIyaH | \ldq{}pa~nchasakhA\rdq{} goShThIShu anyatamaH | asya janmasamayaviShaye yadyapi prAmANika\-nirdiShTatathyaM nAsti tathApi ayaM mahAtmA ShoDashashatAbdIya iti aitihAsikA samAmananti | jagatsi.nhapurasya \ldq{}aDha.nga\rdq{} grAme 1482 khrIShTAbde yashovanta ekasmin kShatriyakule janmo.abhUditi kechana vadanti | anye samAlochakAH asya janmasamayaH 1487 iti draDhayanti | adyApi yashovantasya samAdhipIThaH atra upalabhyate | udayakAhANI matena\-
\ldq{}tini satara pakSha pura yeve | ananta shishu janamiChi teve |
tAra sa.nge yeve bhuja mishilA | jagannAtha dAsa udaya helA ||

sehi a.nke yashovanta Ti jAta | balarAma chAri pUrve udita || \rdq{} iti | asya piturnAma jagannAthastathA mAturnAma rekhAdevI staH | sarvasAdhAraNe tasya pitA jagu mallikanAmnA parichitaH | kechana balabhadra mallaH tasya piturnAma iti kathayanti | tatpitA kuja.ngarAja\- karmachArI AsIt | yashovantadAsena svaparichayaviShaye kimapi noktam | \ldq{}mantraboli\rdq{} nAmake tadIye pustake mahAnubhAvasya yashovantaviShaye itthaM vartate | tathAhi\-
\ldq{}kShatriya kulare jAta ye mohara aDha.nga sthalare aTai ghara |
pitAra nAma balabhadra shuNa yantraboli kahe yashovanta puNa ||
muM yashovanta kShatri kule jAta belu paDhinA.nhi nohi paNDita |
prabhu Aj~nAre yantraboli kahi brahmAsha.nkara yeuM pada dhyAyI ||
yashovanta dAsa gItare gAi na dekhi dekhilA vantiA vAi || \rdq{} iti |
api cha tachChiShyena lohidAsena ShaShThimelA pustake itthaM bhaNitam\-
\ldq{}lohi kahanti shuNa go vAuli | svAmI janmasthAna dekhivA buli |
pitA mAtA.nka nAma aTe kisa | bujhAi kuha Ahe lohi dAsa ||
pitA.nka nAma balabhadra jANa | mAtA.nka nAma rekhAdevI jANa ||
kShatriya kule janama hoile | nandI grAmare nAnA khelA kale || \rdq{} iti |

AtmatattvagaveShako.ayaM mahAtmA asAdhAraNa pratibhAsa.npanna AsIt | yashovantadAsaH chaitanyadevasya samasAmayika AsIt | sa chaitanyadevena anuprANita upadiShTo veti kechana vadanti | tenoktam\-

\ldq{}evaM bhUta yeuM prabhu tA.nka pa~ncha bhUta | eva.nbhUta sakhA ye aTai yashovanta || \rdq{} iti | dvAdashavarShe yashovantaH vItaspR^ihaH san svagR^ihaM tyaktavAn | purIM gatvA tatra chaitanyadeva\-sannikarShAt tasya j~nAnodayaH sa.njAtaH | pashchAt chaitanyAt dIkShAM nItvA svagR^ihaM prasthitavAn | pashchAt aDha.ngarAj~naH raghurAmasya bhaginIM a~njanAM vivAhaM chakAra | bhakta\-yashovantasya bhagavadbhaktiM vinA anyatkimapi kAryaM nAsIt | AjIvikAhInasya dhanahInasya cha yashovantasya kR^ite raghurAmaH bhUmidAnaM kR^itavAn | vAsasthAnamapi tasmai dattavAn | yaduktaM lohidAsena\-
\ldq{}ati alasuA vantiA dAsa | dina va~nchai raghurAma pAsha ||
kevala mora harinAme Asha | bhAve bhaNile yashovanta dAsa || \rdq{} iti |

yashovantaH prakhyAtayogI tathA siddhapuruSha AsIt | vaiShNavIyadhArAM pravAhya sa janamAnasaM vimugdhaM kR^itavAn | shrIjagannAthaM prati tasya pragADhabhaktiH AsIt | ekadA purIgamana samaye eko brahmarAkShasaH tasya patharodhaM kR^itavAn | alaukIkashaktyA yashovantaH taM tatra mArge avarurodhaH | ante brahmarAkShasa prArthanayA prItaH san yashovantaH guNDichAmandiraM rakShaNAya rAj~naH pratAparudrasya sahamatyA taM guNDichAmandire avasthApitavAn | adyAvadhi \ldq{}vAvanAbhUta\rdq{} nAmnA saH tasmin kArye sa.nlagna AsIt | alaukIkashakti sa.npannaH yashovantaH sarvadA shrIkR^iShNabhaktyA jAgrataH AsIt | vaiShNavadharme dIkShito bhUtvA tena vaiShNava\-sa.npradAyasammatAH nAnA granthAH virachitAH | shivasvarodayaH tasya prakhyAto yogagrantha AsIt | yadyapyayaM j~nAnamishrAbhakteH upAsaka AsIt tathApi yogamArgaM samarthayituM yogaviShayakaH shivasvarodayo virachitaH | etadatiriktaM anyAni hetudaya bhAgavatam, premabhakti brahmagItA, rAsaH, gIta govindachandra, Agata bhaviShya mAlikA, dhAnachorI,vAghagItA, bhajanasAraH chaurAshI Aj~nAdIni pustakAni tasya maulikAni santi |

yashovantaH svakIyamR^ityu\-divasaviShaye pUrvaj~nAta AsIt | pUrvakathita mArgashira\-shukla\-ShaShThItithau tasya mahAprayANo.abhUt | ekasmin kadambavR^ikShamUle saH samAdhistho babhUva | tatra prANAn tatyAja yogamArgeNa | yaduktaM lohidAsena ShaShThImelAyAm\-
\ldq{}nibhiyiba jyoti jaluChi prabhu nikara dine |
mArgashira mAsa nidAna yivi uttarAyaNe ||
vArakalA ravivArare ravivAra divasa |
piNDaru prANa ChADi yiva muM ye hevi haraSha ||
shrIpuruShottama kShetraku patha ye.nu ghaTaNA |
khiti pAhArI jagithive muM je nohivi vaNA || \rdq{} api cha tatra\-
\ldq{}hanu yeuM nAma dhariNa hele jiNilA la.nkA |
sepAdu mo mana na Talu kimbA yamaku dakA ||
Cha Chande prabhu.nku japi muM pAi mukati vATa |
pAmara vantiA kahai phiTu mAyA kavATa || \rdq{} iti |

jagannAthasya vigrahe tasya AtmA vilIna abhavat | adyAvadhi tasya mahAprayANa divasaH tadIyabhaktaiH sADambaraM paripAlyate | pavitrA oDhaNa ShaShThI tasya shrAddhadivasarUpeNa sthirIkR^itA |

gItagovinda chandraH asya mahAn granthaH | ayamAdhyAtmika chetanAyAH prakR^iShTo mArgaH | nAthadharmasya vArttA asmin suShThu pratiphalitA | iyaM rachanA janapriyA, utkalasya pratimukhe AdhyAtmikI vArtArUpeNa pravartamAnA dR^ishyate | gItagovinda chandrasya viShayavastumupajIvya pashchAt TIkAgovinda chandraH yogendra daivaj~nena virachitaH | atra bhaktirasa\-karuNarasayoH varNanaM milati |

rAsaH yashovantasya kShudro granthaH | jIvAtmani paramAtmadarshanaM asya viShayavastuH | dvaitasiddhAnto.atra vivakShitaH |

shivasvarodayo yogaparakaH | 21 adhyAya vishiShTe.asmin granthe nAnA viShayAH shiva\-pArvatI sa.nmbAdena vivakShitAH |

premabhakti brahmagItA AdhyAtmika tattvasa.nmbalitA | atra j~nAnamishrA bhakteH parAkAShThA pradarshitA | brahmaj~nAnamasya mUlatattvam | tathAhi\-
\ldq{}se vindu yogamAyA pare | rahile arddhamAtrA shire ||
sheShe o.nkAra bolAile | vedare praNava hoile ||
yAhAku aNAkShara kahi | se vindu brahma aChi vahi ||
tahuM janmilA ekAkShara | ananta sarpara AkAra ||
tAhAku suShumunA kahi | se shishuveda ghara sehi || \rdq{} iti |

bhaviShyamAlikA asya mahatI kR^itiH, yA Agata\-bhaviShyaviShaye samala.nkR^itA | yachchoktam\-
\ldq{}ghora ye andhAra heva chauvisha prahara |
ghoShuthive bhakata mo ekAi akShara ||
nishchaye kalakI rUpa heva avatAra |
nAshive sakala duHkha avanIra bhAra || \rdq{} iti |

mahAmAnavo yashovantaH utkalasya mahAn tapasvI AsIt | tasya bahu granthA adyAvadhi aprakAshitAH vartante | utkalabhAShAM prati tasya avadAnamavismaraNIyaM mahattvapUrNamiti na sandehasyAvakAshaH | alamati vistareNa | jaya jagannAtha |
sahAyaka\-granthAH
1\- shiva svarodaya \- adhyApakaH Arttavallabha mahAntiH
2\- oDiA sAhityara itihAsa\- DaH va.nshIdhara mahAntiH
3\- pa~nchasakhA oDiA sAhitya\- adhyApakaH devendra mahAntiH
4\- oDiA sAhityara Adiparva\- surendra mahAntiH

5\- pa~nchasakhA para.nparA parIkShA (pravandha) sachchidAnanda mishraH, jha.nkAra patrikA\- mArcha 1960

6\- pa~nchasakhA prava~nchanA nu.nhe\- DaH kR^iShNachandra sAhu(pravandha)diganta,Disembara 1967
7\- oDiA sAhityara itihAsa\- paM sUryanArAyaNa dAsaH
8\- oDiA sAhityara sA.nskR^itika vichAradhArA\- chittara.njana dAsaH
9\- yashovanta dAsa\-DaH lAvaNya nAyakaH
10\- premabhakti brahmagItA\- yashovanta dAsaH
11\- oDisAra dharmadhArAre pa~nchasakhA parikalpanA\- DaH naTavara sAmanta rAyaH
12\- mahApuruSha parichaya o bANI\- nimA.ni charaNa dAsaH

                                       \-\-\- lekhakaH \- nandapradIptakumAraH
##
Written by Dr. Pradipta Kumar Nanda, Kendrapara, Orisa pknanda65 at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}