% Text title            : advaitarasamanjari
% File name             : advaitarasamanjari.itx
% Category              : major\_works, sadAshivabrahmendra
% Location              : doc\_z\_misc\_major\_works
% Author                : shriimatparamaha.nsa parivraajaka sadaashiva brahmendra
% Transliterated by     : Sunder Hattangadi
% Proofread by          : Sunder Hattangadi
% Latest update         : Dec. 3, 2009
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Advaita-rasa-manjari ..}##
\itxtitle{.. advaitarasama~njarI ..}##\endtitles ##

                          shrI gaNeshAya namaH ..
                          shrI gurubhyo namaH ..
                       .. advaitarasama~njarI ..
akhaNDasatyaj~nAnAnandAmR^itasyAtmastava\-
stavAdikaM kathaM kuryAM karaNAgocharatvataH .. \(1\)
svabhaktalokAnujidhR^ikShayaivayA
       samastalokAnugatA virAjate .
akAdirUpeNa shukAdivanditAM
       namAmi taM shrIlalitAM svadevatAm .. \(2\)
gajamukhamupariShTAnmAnavA~NgaM tvadhastA\-
       naraparaparamaikyaj~nApanAyabhyupetya .
parilasatiparastAnmohajAlAnmahoya\-
       ttadiha mama purastAdastu vastupashastam .. \(3\)
vaTatarunikaTe shrIdakShiNAmUrtirUpaM
       yadadhivasati sachchinmudrayA bhadrayArtham .
paramamamR^itamantevAsinAM sampradAtuM
       tadihavaradamekaM bhAvaye bhAvashUnyam .. \(4\)
yatIndramaNDalaM dhyAyannakhaNDarasamaNDalam .
advaitarasama~njaryAH kurvedya suvikAsinIm .. \(5\)
abaddhA.api subaddhaiShA satA baddhasudR^iShTinA .
bhavetsantoShavanto hi santassanti samekShaNAH .. \(6\)
pAdashUnyapatagAyitasya  me kheratvamatidurlabhaM khalu .
tadvido.api tadavAptumichChata\- ssAhasaM sahatu sauhR^idIjanaH .. \(7\)
advaitameva paramArthatayA vivektu\-
       ma~NgIkR^itadvipanarAkR^itisanniveshaH .
advaitagocharamasheShavidoShamanta\-
       rAviShkarotu varado mama vighnarAjaH .. 1..
aj~nAnavisphuradanekavidhAtmabheda\-
       maj~nAnamAshrivatassulabhA na muktiH .
AdarshagehamamitaH pratibimbitAnta\-
       rdvAraM gatasya na bahirgatirarbhakasya .. 2..
shAntyAdisAdhanavatA puruShottamena
       samprApyate nijapadaM varadeshikoktyA .
chorairaNyasariNIM gamitena pu.nsA
       desho nijo hi tadabhij~nagiraiva gamyaH .. 3..
bhUmA bhavAniti gurUpaniShadvachobhiH
       kartrAtmatA galati siddhyati bhUmabhAvaH .
rAjAtmajasya nijatatvanibodhanena
       vyAdhAtmatAvigalanAdiva rAjabhAvaH .. 4..
kUTasthanityasukhabodhatanoH pratIcho
        bandho vimochanamiti bhrama durvilAsaH .
vandhyAsutasya vapurAdiguNaprapa~ncha\-
       statpa~nchatA.api sutarAM parikalpanaiva .. 5..
ApAtataH pratibhayA jagadastivAdaH
       satyaM nirUpaNavidhau na hi ki~nchidasti .
bhIrorvibhAti paritastimiraM pishAcha\-
       statraiva dIpakalikA.a.anayate kimasti .. 6..
cijjyotireva jagadAtmatayA chakAsti
       vastvantaraM kimapi nAsti vichAryamANe .
rajjvau bhramAdhikaraNAdapi rajjusarpa
       tattvAntaraM bhavitumarhati kiM katha~nchit .. 7..
vishvaM samastamapi vibhramamAtrameta\-
       dAtmaiva sannayananyasukhaprakAshaH .
sphUrtyaiva vishvamapi satyamitIryate chet
       ko nAma shuktirajatena dhanInabhAvi .. 8..
nAsti pratItyavasare na purA na pashchA\-
       dAshcharyametadavabhAti tathA.api vishvam .
yadvA kimadbhutaviveha mahendrajAlaM
       mAyAvikalpitamiti pratibhAsate hi .. 9..
eko.api sannayamanekatayA vibhAti
       bhUmA svakalpitatamaH paTalAnuSha~NgAt .
indurdvitIyarahito.api cha sadvitIya\-
       bhAvena bhAti puruShasya nijAkShidoShAt .. 10..
Alokyate bhuvanachakramalAtachakra\-
       matyantavibhramavijR^imbhitamasthiraM cha .
daivAt bhramasyaviratau samupasthitAyAM
       nAlokyate kila pureva punastadeva .. 11..
gandharvapattanamidaM jagadavyavasthaM
       chaitanyanAmani vihAyasi nashchakAsti .
vidyotate yadi cha vidyudivAtmavidyA
       sadyastirobhavati sarvamidaM tadaiva .. 12..
Aropitasya jagataH pravilApanena
       chittaM shivAtmakatayA parishiShyate naH .
shatrUn nihatya hatayinturadhoniprAtAt
       gandhadvipo bhavati kevalamadvitIyaH .. 13..
adyAstametu vapurAshitAramAstAM
       kastAvatApi mama chidvapuSho visheShaH .
kumbhe.api nashyati chiraM samavasthite vA
       kumbhAMbarasya nahi ko.api visheShaleshaH .. 14..
sa~NkalpamAtrasavikalpitamUrtivishvaM
       vishvaM cha satyamiti mUrchChitamandabuddhiH .
chintAprakarShajanitAM vanitAM viditvA
       shaiveti valgati yathA chiraviprayuktaH .. 15..
svasye mayi svarasasatyasukhAvabodhe
       vyAmohanAjjagaditi vyapadishyate yat .
anyatra kutrachidadR^iShTamarUparUpa\-
       masthAnachitramiti nishchinumastadetat .. 16..
AdhyAsikasphuraNabhedatirohito.api
       chiddhAturekarasatAM na jahAti jAtu .
nAnAcharAcharavichitravichitrito.api
       chitraH paTo na paTabhAvamapAsyati svam .. 17..
sachchit sukhAtmakamakhaNDitamAtmatattvaM
       manyeta kashchidahamityatinishchitArtham .
dehendriyAdakamapi vibhramavAsanAbhi
       vyApto mamAhamitiyadvadavidvadAtmA .. 18..
vishvaM mR^iShA virasamityavadhArya dhairya\-
       mAsvAdyate munibhirantarasau rasAtmA .
santApajaM marumarIchirasaM nirasya
       saMsevyate sumatibhissurasindhupUraH .. 19..
ekAntasannihitamIdR^ishamAtmatattvaM
       lokA vimUDhamatayo bata nAdriyante .
AkAshagocharamasheShajagatprakAshaM
        ghUkA na bhAskaramudIkShitumutsahante .. 20..
AnandavisphuraNarUpamapi prapa~ncha\-
       manyaM vibhAvya paritApamupaiti mugdhaH .
dIpAdiShu svavapuShaH paridR^ishyamAnAM
       ChAyAM vigAhya parimuhyati kiM na bAlaH .. 21..
mAyA svakIyaviyadAdivikArajAlai\-
       rnAtmAnamanyathayituM prabhavatyasa~Ngam .
AdhArapuShkarapalAshakamaMbudhArA
       svIyaiH kimArdrayitumarhati shIkaraughaiH .. 22..
AbhAsamAtratanavo jagatIvikalpA
       mAM na spR^ishyantyapi vimuktasamastasa~Ngam .
AropitA malinatAdivichitradharmA
       limpanti kiM nu vimalaM viyadantarAlam .. 23..
svapnassuShuptirathajAgraditi hyavasthA\-
       stisro.api shashvadudayAstamayairupetAH .
nirmokarAjaya ivoragarAjabhoge
       mayyeva sAkShiNi vibhAntyanuvartamAne .. 24..
svapnaH prajAgraditi shabdakR^ito visheSho
       mAyAmayatvamubhayorapi tulyameva .
pratyagparAgiti nAmakR^ito vikalpaH
       satyAvabodhasukhatAM tu tayossvarUpam .. 25..
sarvendriyoparamashAntajagadvikalpAH
       svAnandamAtraparisheShitachaityabodhe .
te jAgrato.apyanubhavanti suShuptyavasthAM
       krIDanti ye satatamAtmani satyabodhe .. 26..
karteti kAyikavicheShTitadarshino mAM
       gR^ihNanti chet kimu yathaiva tathA bhavAmi .
pAriplavo.ayamiti pAmaradhIgR^ihIta\-
       shchandrastathA nahi chalAMbudasannikR^iShTaH .. 27..
mithyA samullasatu nAma jagadvichitra\-
       metAvatA vimalatatvavido na hAniH .
svapne bhaya~NkaragajAdinirIkShaNe.api
       na svApnakatvamanusandhadhato.asti bhItiH .. 28..
atyantametadasadityapi chAvyavasthaM
       mayyAtmadR^iShTiranuvartata eva lokam .
nAstyatra vaktramiti nishchitavAnapi drA\-
       gAdatta eva mukuraM mukhadarshanAya .. 29..
udbodhito.api kabale kabale jananyA
       nidrAlasashshishurivAviditAnyabhAvaH .
Alokayannapi bahirjagadindrajAla\-
       mantaH kayApi kalayA na parichyuto.asmi .. 30..
dR^ishye sphuTIbhavati nekShyata eva bhUmA
       bhUmni sphuTIbhavati nekShyata eva dR^ishyam .
dvIpAntare sphurati bhUmiriyaM na dR^ishyA
       bhUmaNDale sphurati tachcha tathA na dR^ishyam .. 31..
bodhe shanairupachayaM pratipadyamAne
       vichChidyate hR^idi tadA vimalaM bhramo.api .
chandre kalAbhiranuvAsaramedhamAne
       mandIbhavatyapi yathaiva mahAndhakAraH ..32..
brahmAnubhUtirasanirbharite munIndre
       karmAnubandhavidhayo vimukhIbhavanti .
siddhopadarshitarasAyanapAnatR^ipte
       kinnu vyapAkaviShayA vidhayaH kramante .. 33..
sarvAtmatAmupagato.api munissamAdhiM
      pUrvAnuvR^ittamayate samayApanutyai .
paryAptasarvavibhavaH kShitipo.api kAla\-
       niryApaNAya juShate chatura~NgalIlAm .. 34..
Atmaj~namastamitasarvavidhipravR^itti\-
       mAnandayanti nigamAbhimatA niShedhAH .
vyApAramAtravimukhasya mahAlasasya
       mAshabdakavyavahR^itAni manoharANi .. 35..
tattvAnuchintanaparo munisArvabhaumaH
       svachChandato vyavaharannapi nAnuyojyaH .
sAmrAjyametya hi yathAruchi vartamAno
       rAjA prajAbhiranuyoktumashakya eva .. 36..
prArabdhajAmadhikasampadamApadaM vA
       bhu~njAna eva puruShaH parishuddhiyeti .
kiM vA.a.ahituNDikagR^ihItatanurbhuja~Nga\-
       statklR^iptadaNDanavidhiM parihartumIShTe .. 37..
pUrvottarArjitashubhAshubhakarmabhissva\-
       sampadvipashcha na bhavet paramArthadR^iShTeH .
jAtyoSharasya dhanavarShajalAbhiShekai\-
       ratyoShmaNA cha nahi sasyavivR^iddhihAnI .. 38..
prArabdhakarmaparipAkavashaMvado na
       klishnAti nishchitaparAvadhirAtmavedI .
grAmAntamArgaparimANavidadhvanIno
       madhyepathaM na hi viShIdati duHkhito.api .. 39..
antarbahishcha paramArthatayAnupashyan
       na klishyati vyasanamutkaTamapyupetaH .
dhIraH kilAhamukhe vijayaikadR^iShTiH
       pratyarthibhiH pramathito.api na viklavassyAt .. 40..
prApa~nchikastu vibhavaH paramAdbhuto.api
       dhIraM na ra~njayati dR^iShTatadIyatatvam .
strIveShabhUShitatanuH puruSho vilAsai\-
       staj~naM yuvAnamapi mohayituM hi nAlam .. 41..
antarnirantaranigUDhanijAtmatatvo
       na prAgiva vyasanitAM viShayeShu dhatte .
bhAgyAt kutashchidapi labdhanidhirmanasvI
      kiM pUrvavat kR^ipaNatAmurarIkaroti .. 42..
adhyAsthitasvamahimAnamalakriyA va\-
       dAdhyAtmikAshshubhaguNAssvayamAvishanti .
svAdhInite suhR^idi rAjani tasya bhR^ityA
       ete.api cha svayamupetya tamAshrayante .. 43..
aj~nAnameva na kuto jagataH prasa~Ngo
       jIveshadeshikavikalpakathA.api dUre .
ekAntanirmalachidekarasasvarUpaM
       brahmaiva kevalamahaM paripUrNamasmi .. 44..
iti shrImatparamaha.nsa parivrAjaka sadAshiva brahmendra viracitA
advaitarasama~njarI sampUrNA ..
##

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}