% Text title            : amRtalaharI
% File name             : amRtalaharI.itx
% Category              : laharI, major\_works, jagannAthapaNDita
% Location              : doc\_z\_misc\_major\_works
% Author                : Jagannathapandita
% Transliterated by     : Dhaval Patel drdhaval2785 at gmail.com
% Proofread by          : Dhaval Patel drdhaval2785 at gmail.com
% Description-comments  : In praise of River Yamuna by Panditaraj Jagannatha.
% Latest update         : September 15, 2014
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Amritalahari in praise of River Yamuna by Jagannathapandita ..}##
\itxtitle{.. amR^italaharI ..}##\endtitles ##

mAtaH pAtakapAtakAriNi tava prAtaH prayAtastaTaM
yaH kAlindi mahendranIlapaTalasnigdhAM tanuM vIkShate |
tasyArohati kiM na dhanyajanuShaH svAntaM nitAntollasa\-
nnIlAmbhodharavR^indavanditaruchirdevo ramAvallabhaH || 1
nityaM pAtakabha~Ngama~NgalajuShAM shrIkaNThakaNThatviShAM
toyAnAM yamune tava stavavidhau ko yAti vAchAlatAm |
yeShu drAgvinimajjya sajjatitarAM rambhAkarAmbhoruha\-
sphUrjachchAmaravIjitAmarapadaM jetuM varAko naraH || 2
dAnAndhIkR^itagandhasindhuraghaTAgaNDapraNAlImila\-
dbhR^i~NgAlImukharIkR^itAya nR^ipatidvArAya baddho.a~njaliH |
tvatkUle phalamUlashAlini mama shlAghyAmurIkurvato
vR^ittiM hanta muneH prayAntu yamune vItajvarA vAsarAH || 3
antarmauktikapu~njama~njima bahiH snigdhendranIlaprabhaM
mAtarme mudamAtanotu karuNAvatyA bhavatyAH payaH |
yadrUpadvayadhAraNAdiva nR^iNAmA chUDamAmajjatAM
tatkAlaM tanutetarAM hariharAkArAmudArAM tanum || 4
tAvatpApakadambaDambaramidaM tAvatkR^itAntAdbhayaM
tAvanmAnasapadmasadmani bhavabhrAntermahAnutsavaH |
yAvallochanayoH prayAti na manAgambhojinIbandhuje
nR^ityattu~Ngatara~Ngabha~Ngiruchiro vArAM pravAhastava || 5
kAlindIti kadApi kautukavashAttvannAmavarNAnimA\-
nvyastAnAlapatAM nR^iNAM yadi kare khelanti saMsiddhayaH |
antardhvAntakulAntakAriNi tava kShiptAbhR^ite vAriNi
snAtAnAM punaranvahaM sa mahimA kenAdhunA varNyate || 6
svarNasteyaparAnapeyarasikAnpAnthaHkaNAste yadi
brahmaghnAngurutalpagAnapi paritrAtuM gR^ihItavratAH |
prAyashchittakulairalaM tadadhunA mAtaH paretAdhipa\-
prauDhAhaMkR^itihArihuMkR^itimuchAmagre tava srotasAm || 7
pAyaM pAyamapAyahAri jAnni svAdu tvadIyaM payo
nAyaM nAyamanAyanImakR^itinAM mUrtiM dR^ishoH kaishavIm |
smAraM smAramapArapuNyavibhavaM kR^iShNeti varNadvayaM
chAraM chAramitastatastava taTe mukto bhaveyaM kadA || 8
mAtarvAriNi pApahAriNi tava prANaprayANotsavaM
samprAptena kR^itAM nareNa sahate.avaj~nAM kR^itAnto.api yat |
yadvA maNDalabhedanAdudayinIshchaNDadyutirvedanA\-
shchitraM tatra kimaprameyamahimA premA yadautpattikaH || 9
saMj~nAkAntasute kR^itAntabhagini shrIkR^iShNanityapriye
pAponmUlini puNyadhAtri yamune kAlindi tubhyaM namaH |
evaM snAnavidhau paThanti khalu ye nityaM gR^ihItavratA\-
stAnAmantritasaMkhyajanmajanitaM pApaM kShaNAdujjhati || 10
ayaM paNDitarAjena shrIjagannAthasharmaNA |
stavaH kalindanandinyA nirmalo niramIyata || 11

|| iti paNDitarAjashrIjagannathakR^itAmR^italahariH samAptA ||
##

In praise of River Yamuna by Panditaraj Jagannatha.

Encoded and proofread by Dhaval Patel drdhaval2785 at gmail.com

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}